ରାଜ୍ୟ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡ଼ିସେମ୍ବର ୨(ଓଡ଼ିଶା ଡ଼ଟ୍ କମ୍)ଚଳିତ ବର୍ଷ ବନ୍ୟାରେ ରାଜ୍ୟର ମୋଟ ୩୦ଟି ଜିଲ୍ଲା ମଧ୍ୟରୁ ୨୧ଟି ଜିଲ୍ଲା ରେ ବନ୍ୟା ବିତ୍ପାତ ଦେଖା ଦେଇଥିଲା । ଏ ନେଇ ୩୨୬୫.୩୮କୋଟି ଟଙ୍କା ସହାୟତା ରାଶି ଦେବା ପାଇଁ ରାଜ୍ୟ ସରକାର ଦୁଇ ଥର କେନ୍ଦ୍ର ସରକାରଙ୍କୁ ଜଣାଇଛନ୍ତି ।

ଏହା ପରେ କେନ୍ଦ୍ର ସରକାର ଏକ କେନ୍ଦ୍ରୀୟ ପ୍ରତିନିଧି ଦଳଙ୍କୁ ବନ୍ୟା କ୍ଷୟକ୍ଷତି ଆକଳନ କରିବା ପାଇଁ
ଓଡ଼ିଶାକୁ ପଠାଇଥିଲେ । ଉକ୍ତ ଦଳ ଯଦିଓ ଗତ ସେପ୍ଟେମ୍ବର ୩୦ତାରିଖରେ ପ୍ରଭାବିତ ଅଞ୍ଚଳଗୁଡ଼ିକୁ
ବୁଲି ଦେଖିଥିଲେ । ହେଲେ ଅନ୍ୟ ଏକ ଉଚ୍ଚ ସ୍ତରୀୟ କମିଟି ପୁର୍ନବାର ଏହାକୁ ତର୍ଜମା କରିବା କଥା ।

ତେଣୁ ଉକ୍ତ କମିଟି ଯଥାଶିଘ୍ର ଉଚିତ୍ ପଦକ୍ଷେପ ଗ୍ରହଣ କରି ଏହି ସହାୟତା ରାଶି ପ୍ରଦାନ କରିବା
ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁକ୍ରବାର ଏକ ପତ୍ର ମାଧ୍ୟମରେ କେନ୍ଦ୍ର ଅର୍ଥ ମନ୍ତ୍ରୀ ପ୍ରଣବ
ମୁଖାର୍ଜୀଙ୍କୁ ଜଣାଇଛନ୍ତି ।

ଓଡ଼ିଶା ଡ଼ଟ୍ କମ୍

ଭୁବନେଶ୍ୱର, ନଭେମ୍ବର ୧୧(ଓଡ଼ିଶା ଡ଼ଟ୍ କମ୍) ରାଜ୍ୟର ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ପିପୁଲ କଲ୍ଚରାଲ ସେଂଟର(ପିକକ୍) ପକ୍ଷରୁ ଚଳିତ ବର୍ଷ ୨୨ ତମ ଶିଶୁମେଳା ଆୟୋଜିତ ହେବ ।

ଏକାମ୍ର ହାଟରେ ଆସନ୍ତା ୧୪ରୁ ୨୦ ତାରିଖ ପର୍ଯ୍ୟନ୍ତ ହେବାକୁ ଥିବା ଏହି ମେଳାରେ ପ୍ରତ୍ୟେକଦିନ ସଂଧ୍ୟାରେ ଶିଶୁ ମାନଙ୍କ ପାଇଁ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଛି ।

୨୦ ତାରିଖ ସଂଧ୍ୟା ୫.୩୦ରେ ମେଳାର ଉ୍ୟାପନ ଉତ୍ସବ ସହ ପିକକ୍ ବାର୍ଷିକ ପୁରସ୍କାର ବିତରଣ ଓ
ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମମାନ କରାଯିବ ।

୧୪ ବର୍ଷରୁ କମ୍ ପିଲାମାନଙ୍କ ସାହାସିକତା ପାଇଁ “”ବାଜି ରାଉତ ସମ୍ମାନ” ସମାଜସେବା ପାଇଁ “”ପ୍ରାଣନାଥ ପଟ୍ଟନାୟକ ସ୍ମାରକୀ ସମ୍ମାନ” ଏବଂ ବିଭିନ୍ନ କ୍ଷେତ୍ରରେ ପାରର୍ଶିତା ପାଇଁ “” ଡ଼ଃ ପିସି ଦାସ୍ ଶିଶୁ ପ୍ରତିଭା ସମ୍ମାନ ପାଇଁ ନଭେମ୍ବର ୧୫ ମଧ୍ୟରେ ମନୋନୟନ ପତ୍ର ପଠାଇବାକୁ ଅନୁରୋଧ କରାଯାଇଛି ।

ଏହାସହିତ ଭୁବନେଶ୍ୱର ସର୍କଲରେ ବୃତ୍ତି ପରୀକ୍ଷାରେ ସର୍ବୋଚ୍ଚ ନମ୍ବର ରଖିଥିବା ଦୁଇ ଜଣ ଛାତ୍ରଛାତ୍ରୀଙ୍କୁ “”କେତକୀ ପଟ୍ଟନାୟକ ସ୍ମାରକୀ ସମ୍ମାନ” ପ୍ରଦାନ କରାଯିବ ।

ବିଭିନ୍ନ ପ୍ରତିଯୋଗିତାରେ ଅଂଶ ଗ୍ରହଣ କରିବା ପାଇଁ କିମ୍ବା ଦଳଗତ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ନିମନ୍ତେ ଇଚ୍ଛୁକ ଛାତ୍ରଛାତ୍ରୀମାନେ ଅଧିକ ଜାଣିବା ପାଇଁ ପିକକ୍ କାର୍ଯ୍ୟାଳୟ ସହ ଯୋଗାଯୋଗ କରିବାକୁ ଅନୁରୋଧ କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଅକ୍ଟୋବର ୧୪(ଓଡ଼ିଶା ଡ଼ଟ୍ କମ୍) ରାଜ୍ୟରେଦୁଇଟି ପର୍ଯ୍ୟାୟରେ ହୋଇଥିବା ବନ୍ୟାର ପ୍ରକୃତ କାରଣ ଖୋଜି ବାହାର କରିବା ପାଇଁ ଏକ ସ୍ୱାଧୀନ ବିଶେଷଜ୍ଞ କମିଟି ଦ୍ୱାରାତଦନ୍ତ ହେବା ଆବଶ୍ୟକ ବୋଲି ରାଜ୍ୟପାଳ ମୂରଲୀଧର ଚନ୍ଦ୍ରକାନ୍ତ ଭଣ୍ଡାରେ ଶୁକ୍ରବାର କହିଛନ୍ତି ।

ବନ୍ୟାର କାରଣ ଜଣାପଡ଼ିଲେ ଏହା ଭବିଷ୍ୟତ ପାଇଁ ସତର୍କ ରହିବାରେ ସହାୟକ ହେବ ବୋଲି ସେ କହିଛନ୍ତି ।  ଏହାସହ ଇନ୍ଦିରା ଆବାସ ଅନୁଦାନ ପରିମାଣ ୩୫ ହଜାର ଟଙ୍କାରୁ ୪୦ ହଜାର ଟଙ୍କାକୁ ବୃଦ୍ଧି କରାଯିବା  ଆବଶ୍ୟକ ବୋଲି ସେ କହିଛନ୍ତି ।

ହୀରାକୁର ଜଳ ପରିଚାଳନାରେ ତ୍ରୁଟି ଯୋଗୁଁ ରାଜ୍ୟରେ ବନ୍ୟା ପରିସ୍ଥିତି ସୃଷ୍ଟି ହୋଇଛି ବୋଲି ବିରୋଧି ଦଳ  ଗୁଡ଼ିକ ପକ୍ଷରୁ ଅଭିଯୋଗ କରାଯାଇ ଏ ସଂପର୍କରେ ତଦନ୍ତ କରାଇବାକୁ ରାଜ୍ୟପାଳଙ୍କୁ ଅନୁରୋଧ  କରାଯାଇଥିଲା ।

ରାଜ୍ୟପାଳ ଏହି ଅଭିଯୋଗ ଉପରେ ରାଜ୍ୟ ସରକାରଙ୍କ ଠାରୁ ରିପୋର୍ଟ ମାଗିଥିଲେ ଏବଂ ସିଡବ୍ଳୁସିର  ଜଣେ ସଭ୍ୟଙ୍କ ନେତୃତ୍ୱରେ ଏକ କମିଟି ଗଠନ କରି ଏହା ଉପରେ ତଦନ୍ତ କରିବାକୁ ପ୍ରସ୍ତାବ ଦେଇଥିଲେ ।

ତେବେ ହୀରାକୁ ଜଳଭଣ୍ଡାରର ଜଳ ପରିଚାଳନାରେ କୌଣସି ତ୍ରୁଟି ହୋଇନାହିଁ ଏବଂ ଛତିଶଗଡରେ ପ୍ରବଳ ବର୍ଷା ଯୋଗୁଁ ରାଜ୍ୟରେ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା ବୋଲି ଜଳସଂପଦ ବିଭାଗ ପକ୍ଷରୁ ବୁଧବାର  ରାଜ୍ୟପାଳଙ୍କୁ ରିପୋର୍ଟ ପ୍ରଦାନ କରାଯାଇଥିଲା ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଅପ୍ରେଲ ୨୯(ଓଡ଼ିଶା ଡ଼ଟ୍ କମ୍) ରାଜ୍ୟ ସରକାର ଶୁକ୍ରବାର ବିଭିନ୍ନ ବିଭାଗର ସଚିବ ଓ ଜିଲ୍ଲାପାଳ ସ୍ତରରେ ବ୍ୟାପକ ଅଦଳବଦଳ କରିଛନ୍ତି ।

ସାଧାରଣ ପ୍ରଶାସନ ବିଭାଗ ପକ୍ଷରୁ ପ୍ରକାଶିତ ବିଜ୍ଞପ୍ତି ଅନୁସାରେ ୧୯୭୮ ବ୍ୟାଚ୍ର ପି.ଆର୍.ଶାହାଙ୍କୁ ଅବକାରୀ ବିଭାଗର ପ୍ରମୁଖ ସଚିବ ଭାବେ ଅବସ୍ଥାପତି କରାଯାଇଥିବା ବେଳେ ୧୯୮୧ ବ୍ୟାଚ୍ର ରଙ୍ଗଲାଲ ଜାମୁଡ଼ାଙ୍କୁ କୃଷି ବିଭାଗର ପ୍ରମୁଖ ସଚିବ ଭାବେ ଅବସ୍ଥାପିତ କରାଯାଇଛି ।

ସେହିପରି ୧୯୮୫ ବ୍ୟାଚ୍ର ସୁରେନ୍ଦ୍ର ନାଥ ତ୍ରିପାଠୀଙ୍କୁ ଗ୍ରାମ୍ୟ ଉନ୍ନୟନ ବିଭାଗର ପ୍ରମୁଖ ସଚିବ, ୧୯୮୯ ବ୍ୟାଚ୍ର ପ୍ରୀପ କୁମାର ଜେନାଙ୍କୁ ପଞ୍ଚାୟତିରାଜ ଏବଂ ସୂଚନା ପ୍ରଯୁକ୍ତି ବିଦ୍ୟା ବିଭାଗର ସଚିବ, ୧୯୮୯ ବ୍ୟାଚ୍ର ସିଟିଏମ୍ ସୁଗୁଣାଙ୍କୁ ଶ୍ରମ ଓ ନିୟୋଜନ ବିଭାଗର ସଚିବ ଭାବେ ଅବସ୍ଥାପିତ କରାଯାଇଛି ।

୧୯୯୧ ବ୍ୟାଚ୍ର ସତ୍ୟବ୍ରତ ସାହୁଙ୍କୁ ଓମ୍ଫେଡ଼୍ ଅଧ୍ୟକ୍ଷ ଓ ପରିଚାଳନା ନିର୍ଦ୍ଦେଶକ ତଥା ମତ୍ସ୍ୟ ପଶୁସଂପ ବିଭାଗର ସଚିବ, ୧୯୯୪ ବ୍ୟାଚ୍ର ଜି.ମାଥିଭାଥନ୍ଙ୍କୁ ଶକ୍ତି ବିଭାଗ ସଚିବ, ୧୯୮୯ ବ୍ୟାଚ୍ର ଆଇଏଫ୍ଏସ୍ ଅଫିସର ସଂଜୀବ ଚଢାଙ୍କୁ ଉ୍ୟାନ ବିଭାଗ ନିର୍ଦ୍ଦେଶକ ଭାବେ ବଦଳି କରାଯାଇଛି ।

ମାଲକାନଗିରି ଜିଲ୍ଲାପାଳ ଆର୍.ଭୀନିଲ କ୍କ୍ରିଷ୍ଣାବଳମ ଅନୁସୂଚିତ ଜାତି ଜନଜାତି ବିଭାଗ ନିର୍ଦ୍ଦେଶକ, ବଲୱନ୍ତ ସିଂ ମାଲକାନଗିରି ଜିଲ୍ଲାପାଳ, ରବୀନ୍ଦ୍ର ପ୍ରସାଦ ସିଂ ଗଜପତି ଜିଲ୍ଲାପାଳ ।

ରାଜେଶ ପ୍ରଭାକର ପାଟିଲ କନ୍ଧମାଳ ଜିଲ୍ଲାପାଳ, ଶିବ ପ୍ରସାଦ ମିଶ୍ର ଅନୁଗୁଳ ଜିଲ୍ଲାପାଳ, ଅରବିନ୍ଦ ଅଗ୍ରୱାଲ ସମ୍ବଲପୁର ଜିଲ୍ଲାପାଳ ଓ ଯାଦବ ସଚିନ ରାମଚନ୍ଦ୍ରଙ୍କୁ କୋରାପୁଟ ଜିଲ୍ଲାପାଳ ଭାବେ ଅବସ୍ଥାପିତ କରାଯାଇଛି ।

କନ୍ଧମାଳ ଜିଲ୍ଲାପାଳ କିଷନ କୁମାର ଗଞ୍ଜାମ ଜିଲ୍ଲାପାଳ, ବେଯାନୀ ଚକ୍ରବର୍ତ୍ତୀଙ୍କୁ ଜଳସଂପଦ ବିଭାଗ ଅତିରିକ୍ତ ସଚିବ, ଡ଼ି.ଭି. ସ୍ୱାମୀ କେନ୍ଦୁଝର ଜିଲ୍ଲାପାଳ ଓ ଭି.କାର୍ତ୍ତିକେୟନ ପାଣ୍ଡିଆନଙ୍କୁ ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭାବେ ବଦଳି କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଅପ୍ରେଲ ୧୯(ଓଡ଼ିଶା ଡ଼ଟ୍ କମ୍) ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଯୁକ୍ତି ମିଶନ(ଏମ୍ଜିଏନ୍ଆର୍ଇଜିଏ) ରେ ରାଜ୍ୟରେ ହୋଇଥିବା ଦୁର୍ନୀତିର ସିବିଆଇ ତଦନ୍ତକୁ ପ୍ରଭାବମୁକ୍ତ କରିବା ପାଇଁ ମଙ୍ଗଳବାର ରାଜ୍ୟ କଂଗ୍ରେସ ପକ୍ଷରୁ ମୁଖ୍ୟମନ୍ତ୍ରୀଙ୍କ ସମେତ ଅନ୍ୟ ତିନି ଜଣ ମନ୍ତ୍ରୀଙ୍କ ଇସ୍ତଫା ଦାବି କରାଯାଇଛି ।

ଦୁର୍ନୀତି ଅଭିଯୋଗର ସିବିଆଇ ତଦନ୍ତ ଘୋଷଣା ସ୍ୱାଗତଯୋଗ୍ୟ ତେଣୁ ଏହାର ସଠିକ୍ ତଦନ୍ତ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ବର୍ତ୍ତମାନର ପଞ୍ଚାୟତିରାଜ ମନ୍ତ୍ରୀ ପ୍ରଫୁଲ୍ଲ ସାମଲ, ପୂର୍ବରୁ ବିଭାଗ ଦାୟିତ୍ୱରେ ଥିବା ରଘୁନାଥ ମହାନ୍ତି ଓ ସଞ୍ଜୀବ ସାହୁ ତୁରନ୍ତ ଇସ୍ତଫା ଦିଅନ୍ତୁ ବୋଲି ଏକ ସାମ୍ବାଦିକ ସମିଳନୀରେ କୁହାଯାଇଛି ।

ଏହି ଯୋଜନାକୁ କାର୍ଯ୍ୟକାରୀ କରିବା ନିମନ୍ତେ କେନ୍ଦ୍ର ଗ୍ରାମ୍ୟ ଉନ୍ନୟନ ମନ୍ତ୍ରାଳୟର କୌଣସି ଦପ୍ତର ନଥିବାରୁ ମନ୍ତ୍ରାଳୟ ରାଜ୍ୟ ସରକାରଙ୍କ ଉପରେ ନିର୍ଭରଶୀଳ ।

ମୁଖ୍ୟମନ୍ତ୍ରୀ ରାଜ୍ୟସ୍ତରୀୟ ମନିଟରିଂ କମିଟିର ମୁଖ୍ୟ ଥିବା ବେଳେ ଏହି ଯୋଜନାର କାର୍ଯ୍ୟକାରୀ କରିବା ପାଇଁ ସେ ଯେତିକି ତତ୍ପରତା ପ୍ରକାଶ କରିବା କଥା କରିନାହାନ୍ତି ବୋଲି ଉପସ୍ଥିତ ନେତାମାନେ କହିଛନ୍ତି ।

ଏହି ଦୁର୍ନୀତିର ପର୍ଦ୍ଦାଫାଶ ପାଇଁ ସିବିଆଇ ତଦନ୍ତ ଘୋଷଣା କରାଯାଇଛି ତେଣୁ ଆଠଟି ଜିଲ୍ଲା ପରିବର୍ତ୍ତେ ସମସ୍ତ ୩୦ଟି ଜିଲ୍ଲାକୁ ଏହାର ପରିସରଭୁକ୍ତ କରିବା ନିମନ୍ତେ ସେମାନେ ଦାବି କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ଫେବୃୟାରୀ ୧୫(ଓଡ଼ିଶା ଡ଼ଟ୍ କମ୍) ରାଜ୍ୟରେ ୨୦୦୦ରୁ ୨୦୦୮ ଶେଷ ପର୍ଯ୍ୟନ୍ତ ମୋଟ୍ ନଅ ବର୍ଷରେ ୨୫୭୫ ଜଣ ଚାଷୀ ଆତ୍ମହତ୍ୟା କରିଥିବା କୃଷିମନ୍ତ୍ରୀ ମଙ୍ଗଳବାର ବିଧାନସଭାରେ କହିଛନ୍ତି ।

ଉକ୍ତ ନଅ ବର୍ଷ ମଧ୍ୟରେ ଏହି ଚାଷୀମାନେ ଆତ୍ମହତ୍ୟା କରିଥିବା ରାଜ୍ୟ ଅପରାଧ ଅଭିଲେଖା ସଂସ୍ଥା ପକ୍ଷରୁ ତଥ୍ୟ ପ୍ରଦାନ କରାଯାଇଛି ବୋଲି ସେ କହିଛନ୍ତି ।

ବିଶେଷ କରି ୨୦୦୦ରେ ୧୯୯ ଜଣ, ୨୦୦୧ରେ ୨୫୬ ଜଣ, ୨୦୦୨ରେ ୩୪୫ ଜଣ, ୨୦୦୩ରେ ୩୬୫ ଜଣ,
୨୦୦୪ରେ ୩୭୮ ଜଣ, ୨୦୦୫ରେ ୨୫୪ ଜଣ, ୨୦୦୬ରେ ୨୮୩ ଜଣ, ୨୦୦୭ରେ ୨୩୫ ଜଣ ଏବଂ ୨୦୦୮ରେ ୨୬୦ ଜଣ ଚାଷୀ ଆତ୍ମହତ୍ୟା କରିଛନ୍ତି ।

୨୦୧୦-୧୧ ଫେବୃୟାରୀ ଦଶ ସୁଦ୍ଧା ୬୪ ଜଣ ଚାଷୀ ଆତ୍ମହତ୍ୟା କରିଥିବା ବିଭିନ୍ନ ସମ୍ବାଦ ପତ୍ରରେ ପ୍ରକାଶ ପାଇଛି, ତେବେ ଅଦ୍ୟବାଧି କୌଣସି ଚାଷୀ ଆତ୍ମହତ୍ୟା ଅଭିଯୋଗ କୃଷି ଜନିତ କାରଣରୁ ହୋଇଥିବା ପ୍ରମାଣିତ ହୋଇ ନାହିଁ ।

ସେହିପରି ୨୦୦୮-୦୯ରେ ୩୪୪ କୋଟି ୫୮ ଲକ୍ଷ ଟଙ୍କାର ବ୍ୟୟ ବରାଦ ହୋଇଥିବା ବେଳେ ୨୦୦୯-୧୦ରେ ୪୨୨
କୋଟି ୧୪ ଲକ୍ଷ ଟଙ୍କା ଓ ୨୦୧୦-୧୧ରେ ୭୪୭ କୋଟି ୭୨ ଲକ୍ଷ ଟଙ୍କାର ବ୍ୟୟ ବରାଦ କରାଯାଇଥିବା ସେ କହିଛନ୍ତି ।

ଓଡିଶା ଡଟ୍ କମ୍