ରାଷ୍ଟ୍ରୀୟ ସ୍ୱୟଂସେବକ ସଂଘ

ଗୋଲଖ ଚନ୍ଦ୍ର ଦାସ

ଭୁବନେଶ୍ୱର ରେଳଷ୍ଟେସନ । ସମୟ ୧୭ ଅଗଷ୍ଟ ୨୦୧୨ ଶୁକ୍ରବାର ରାତ୍ରୀ ୧.୪୦ । ଠିକ୍ ଏହି ସମୟରେ ବେଙ୍ଗାଲୁରୁରୁ ଏକ ସ୍ୱତନ୍ତ୍ର ଟ୍ରେନ ଆସି ଅଟକିଲା ଭୁବନେଶ୍ୱର ରେଳଷ୍ଟେସନରେ ।

ମାଟିଆ ହାପ୍ପ ସାର୍ଟ ଓ ହାଫ ପ୍ୟାଣ୍ଟ, ଧଳାସାଟ୍ ଓ କଳାଟୋପି ପରିହିତ ଅନେକ ଯୁବକ, ବୃଦ୍ଧ ଓ ବାଳକ ସେହି ଟ୍ରେନର ପତ୍ୟେକ ଦ୍ଵାରମୁହଁ ନିକଟରେ ଠିଆ ହୋଇଗଲେ । ହାତରେ ଥିଲା ତାଙ୍କର ଖାଦ୍ୟ ପୁଡିଆ ଓ ପାଣି ପାଉଚ ।

ସଙ୍ଗେସଙ୍ଗେ ଟ୍ରେନ ଭିତରେ ଥିବା ଯାତ୍ରୀମାନେ ସେମାନଙ୍କ ହାତରୁ ସେହି ଖାଦ୍ୟ ପୁଡିଆ ଓ ପାଣି ପାଉଚ ଗୁଡିକୁ ନେଇ ଯାଉଥିଲେ । ଏହିଦ୍ରବ୍ୟ ବିତରଣ କରିବା ସମୟରେ ଭିଡ ଜମି ଯାଇଥିଲା । ଘଟଣା କ’ଣ ଯାଣିବା ସର୍ମ୍ପକରେ ଆମେ ଯାଇ ସେଠାରେ ପହଞ୍ଚିଲୁ ।

ଯାଣିବାକୁ ପାଇଲୁ ଯେ ଆକ୍ରମଣର ଗୁଜବପରେ ବେଙ୍ଗାଲୁରରୁ ସ୍ୱତନ୍ତ୍ର ଟ୍ରେନରେ ଆସୁଥିବା ଉତତର-ପୂର୍ବାଂଚଳ ଜନସାଧାରଣଙ୍କୁ ରାଷ୍ଟ୍ରୀୟ ସ୍ୱୟଂସେବକ ସଂଘ ତରଫରୁ ଭୁବନେଶ୍ୱର ରେଳଷ୍ଟେଶନରେ ବିଭିନ୍ନ ପ୍ରକାର ଖାଦ୍ୟପଦାର୍ଥ, ଔଷଧ ଓ ବିଭିନ୍ନ ପ୍ରକାର ଆବଶ୍ୟକୀୟ ଜିନିଷ ପ୍ରଦାନ ବଣ୍ଟନ କରାଯାଉଛି ।

ଘଟଣା ସର୍ମ୍ପକରେ ଜଣେ ସ୍ୱଚ୍ଛାସେବକକୁ ଆମେ ପଚାରିଲୁ ଭାଇ ଏ ବିତରଣ କାହିଁକି ? ଜଣେ ସ୍ୱୟଂସେବକ କହିଲେ ଏସଏମଏସ ଓ ଏମଏମଏସ ଜରିଆରେ ଦେଶର ବିଭିନ୍ନ ପ୍ରାନ୍ତରେ ଥିବା ଉତ୍ତର-ପୂର୍ବାଂଚଳ ଲୋକଙ୍କ ଉପରେ ଆକ୍ରମଣ ହେଉଥିବା ଗୁଜବ ଯୋଗୁଁ ଦେଶର ବିଭିନ୍ନ ଅଞ୍ଚଳରେ ଚାକିରୀ, ଅଧ୍ୟୟନ ଓ ବ୍ୟବସାୟ ବାଣିଜ୍ୟ କରି ରହୁୁଥିବା ଉତ୍ତର-ପୂର୍ବାଞ୍ଚଳର ଲୋକଙ୍କ ଜୀବନ ପ୍ରତି ବିପଦ ସୃଷ୍ଟି ହୋଇଛି ।

ସେମାନଙ୍କ ଉପରେ ଆକ୍ରମଣ କରାଯିବା ନେଇ ଯେଭଳି ଗୁଜବ ସୃଷ୍ଟି ହୋଇଛି ତାହାକୁ ତୁରନ୍ତ ବନ୍ଦ କରାଯିବା ଦରକାର । ଏଭଳି ଗୁଜବ ସୃଷ୍ଟିକାରୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଜରୁରୀ ।

ଏଭଳି ଗୁଜବ ଯୋଗୁଁ କର୍ଣ୍ଣାଟକର ବେଙ୍ଗାଲୁରୁ, ଆନ୍ଧ୍ରପ୍ରଶେର ହାଇଦରାବାଦ ଓ ମହାରାଷ୍ଟ୍ରର ମୁମ୍ବଇ ଭଳି ସହରରୁ ହଜାର ହଜାର ଉତ୍ତର-ପୂର୍ବାଂଚଳ ରାଜ୍ୟର ଯୁବକ ଯୁବତୀ, ଶ୍ରମିକ, କର୍ମଜୀବୀ, ଚାକିରିଆ ଓ ବ୍ୟବସାୟ ବାଣିଜ୍ୟ କରୁଥିବା ଲୋକେ ଡରି ସ୍ୱରାଜ୍ୟ ଫେରୁଥିବା ଦେଖାଯାଇଛି ।

ହିନ୍ଦି ଦୈନିକ ଖବର କାଗଜ ଦୈନିକ ଜାଗରଣ ଖବର ଅନୁସାରେ ବେଙ୍ଗାଲୁରୁରୁ ସ୍ୱତନ୍ତ୍ର ଟ୍ରେନ ଯୋଗେ ୧୬ ହଜାର ଉତ୍ତର-ପୂର୍ବାଂଚଳ ଲୋକେ ଘରକୁ ଫେରିଗଲେଣି । ଅତି ଦୟନୀୟ ଅବସ୍ଥାରେ ଆସାମ ଫେରି ଯାଉଥିବା ଲୋକଙ୍କୁ ଦେଖିଲେ ଅତି ଦୁଃଖ ଅନୁଭବ ହେଉଛି ।

ପ୍ରାଣୀଙ୍କ ଆରତ ଦୁଃଖ ଅପ୍ରମିତ, ଦେଖୁ ଦେଖୁ କେବା ସହୁ, ମୋ ଜୀବନ ପଛେ ନର୍କେ ପଡିଥାଉ ଜଗତ ଉଦ୍ଧାର ହେଉ-ଅନ୍ଧକବି ଭିମଭୋଇ ।  ଆମେ ସେହି କବିଙ୍କ ବଂଶଧର ହୋଇ ଏ ସମୟରେ କିପରି ନିରବି ବସିପାରିବା ।

ଓଡିଶା ବାସୀ ସେହି ଘରକୁ ଫେରନ୍ତା ଲୋକଙ୍କ ଦୁଃଖକୁ ହୃୟଙ୍ଗମ କରିଛନ୍ତି । ଭୋକ ଉପବାସରେ ଛୁଆ, ପିଲା ଓ ମାଆ ଭଉଣୀମାନଙ୍କୁ ଧରି ଟ୍ରେନରେ ଗଲାବେଳେ ଜଗତରନାଥ ଜଗନ୍ନାଥଙ୍କ ଦେଶର ଅଧିବାସୀଙ୍କ ହୃୟକୁ ଆଘାତ ଦେଇଛି ।

ସେହି ଭୟାତୁର ଲୋକମାନେ ଯେପରି ନିର୍ଭୟରେ ଯାଆନ୍ତୁ, ଖାଲିପେଟରେ ନଯାନ୍ତୁ ସେଥିପାଇଁ ସ୍ୱତନ୍ତ୍ର ବ୍ୟବସ୍ଥାମାନ କରାଯାଇଛି ଓଡିଶାର ଜନସାଧାରଣଙ୍କ ପକ୍ଷରୁ ।

ଓଡିଶାର ଜନସାଧାରଣ ରାଷ୍ଟ୍ରୀୟ ସ୍ୱୟଂସେବକ ସଂଘର ସ୍ୱୟଂସେବକମାନଙ୍କ ମାଧ୍ୟମରେ ଏହି ସେବାକାମ କରୁଛନ୍ତି । କର୍ଣ୍ଣାଟକର ବେଙ୍ଗାଲୁରୁ, ଆନ୍ଧ୍ରପ୍ରଶେର ହାଇଦରାବାଦରୁ ଯେଉଁ ଲୋକମାନେ ବ୍ରହ୍ମପୁର, ଖୋର୍ଦ୍ଧା, କଟକ, ଯାଜପୁର, ବାଲେଶ୍ୱର ହୋଇ ଯାଉଛନ୍ତି ସେମାନଙ୍କୁ ସ୍ୱତନ୍ତ୍ର ଖାଦ୍ୟ ପୁଡିଆମାନ ସଂଘର ସ୍ୱୟଂସେବକମାନେ ବିତରଣ କରୁଛନ୍ତି ।

ଆଗ୍ରହ ସହକାରେ ଟ୍ରେନରେ ଯାଉଥିବା ଯାତ୍ରୀମାନେ ସେହି ଖାଦ୍ୟ ପୁଡିଆ ଗ୍ରହଣ କରୁଛନ୍ତି । ଓଡିଶାବାସୀଙ୍କର ଏହି କାର୍ଯ୍ୟକୁ ପ୍ରଶଂସା କରୁଛନ୍ତି । ଶୁକ୍ରବାରଦିନ ତିନୋଟି ଟ୍ରେନରେ ଯାଉଥିବା ଯାତ୍ରୀକୁ ୮୦୦୦ ଖାଦ୍ୟ ପୁଡିଆ ଓ ବିଭିନ୍ନ ଉପକରଣ ଦିଆଯାଇଥିବା ବେଳେ ଶନିବାର ଦିନ ୧୦,୦୦୦ ଖାଦ୍ୟ ପୁଡିଆ ଓ ବିଭିନ୍ନ ଉପକରଣ ମାନ ଦିଆହୋଇଛି ।

ଓଡିଶାର ଜନସାଧରଣ ଉତ୍ତର-ପୂର୍ବାଂଚଳ ଲୋକଙ୍କ ଅସୁବିଧାରେ ସମସ୍ତ ପ୍ରକାର ସହଯୋଗ କରିବା ପାଇଁ ସମ୍ପୂଣ୍ଣ ଅଣ୍ଟା ଭିଡିଛନ୍ତି । ସେଥିପାଇଁ ଅଗଷ୍ଟ ୧୯ ତାରିଖଦିନ ଭୁବନେଶ୍ୱରର ଲୋୟର ପିଏମ୍ଜି ଠାରେ ରାଷ୍ଟ୍ରୀୟ ସୁରକ୍ଷା ମଞ୍ଚ, ଓଡିଶା ବ୍ୟାନରରେ ଏକ ଗଣ ଧାରଣା ଅନୁଷ୍ଠିତ ହୋଇ ଯାଇଛି । ରାଜ୍ୟର ଅନେକ ସ୍ଥାନରେ ମଧ୍ୟ ଏହିପରି ଗଣ ଧାରଣ ଅନୁଷ୍ଠିତ ହୋଇ ଯାଇଛି ।

ଆସାମରେ ଯେଉଁ ହିଂସାକାଣ୍ଡ ଘଟୁଛି ତାହା ସମଗ୍ର ଦେଶପାଇଁ ଚିନ୍ତା ଜନକ ଅଟେ । ଆସମର ବୋଡୋ ଲ୍ୟାଣ୍ଡ ଓ ଧ୍ରୁବୀ ଅଞ୍ଚଳରେ ଯେଉଁ ହିଂସାକାଣ୍ଡ ଘଟିଗଲା ସେଥିରେ ଅନେକ ଲୋକଙ୍କର ପ୍ରାଣହାନୀ ଘଟିଛି ।

ଅନେକ ଲୋକଙ୍କ ଘରକୁ ଜାଳି ଦିଆ ଯାଇଛି ଓ ସେଠାରେ ବ୍ୟାପକ ଲୁଟ ତରାଜ ଚାଲିଛି । ଏହି ସବୁ ଘଟଣାକୁ ନେଇ ରାଷ୍ଟ୍ରୀୟ ସୁରକ୍ଷା ମଞ୍ଚ ଓଡିଶା ନିଜର ଚିନ୍ତାବ୍ୟକ୍ତ କରିଛି ।

ଏହା ଅତ୍ୟନ୍ତ ଦୁଃଖଦାୟକ ଯେ ଆମର ଲୋକମାନେ ବିଦେଶୀ ଅନୁପ୍ରବେଶକାରୀଙ୍କ ଆକ୍ରମଣ ଯୋଗୁଁ ନିଜ ଦେଶରେ ଶରଣାର୍ଥୀ ଭାବେ ରହିବାକୁ ବାଧ୍ୟ ହେଉଛନ୍ତି । ଏହା ଅତ୍ୟନ୍ତ ଯନ୍ତ୍ରଣାାୟକ ଯେ,ଆସାମ ଓ ଉତ୍ତର-ପୂର୍ବର ଛାତ୍ର ଓ ଯୁବକମାନେ ଯେଉଁମାନେ କି ଦେଶର ବିଭିନ୍ନ ସ୍ଥାନରେ ରହି ପଢାପଢି ଓ ଚାକିରୀ କରୁଛନ୍ତି ସେମାନଙ୍କ ମନରେ ଏପରି ଭୟ ସୃଷ୍ଟି କରାଯାଉଛି ଯେ, ସେମାନେ ବହୁ ସଂଖ୍ୟାରେ ନିଜ ରାଜ୍ୟକୁ ଫେରି ଯାଉଛନ୍ତି ।

ଆସାମରେ ଗତ ଜୁଲାଇ ୨୦ ତାରିଖରେ ଯେଉଁ ହିଂସାକାଣ୍ଡ ଘଟିଲା ତାହା ପ୍ରଥମ ଘଟଣା ନୁହେଁ । ପୂର୍ବରୁ ଅନେକବାର ଏହିଭଳି ହିଂସାକାଣ୍ଡ ଘଟିଛି । ସେହି ରାଜ୍ୟମାନଙ୍କରେ ବେଆଇନ ବାଂଲାଦେଶୀ ମୁସଲମାନ ଅନୁପ୍ରବେଶକାରୀଙ୍କ ଉପସ୍ଥିତି ଯୋଗୁଁ ଏହି ଭଳି ଘଟଣା ଘଟିଛି ।

ସେମାନଙ୍କ ଉପସ୍ଥିତି କାରଣରୁ କେବଳ ଯେ ଶାନ୍ତିଭଙ୍ଗ ହୋଇଛି ତାହା ନୁହେଁ ବରଂ ଅନେକ ସାମାଜିକ ଅର୍ଥନୈତିକ ଓ ରାଜନୈତିକ ସମସ୍ୟା ସୃଷ୍ଟି ହୋଇଛି । ଆସାମ ଓ ଉତ୍ତର ପୂର୍ବ ରାଜ୍ୟବାସୀମାନେ ଏକଥା ବହୁ ପୂର୍ବରୁ ଅନୁଭବ କରିଛନ୍ତି ଏବଂ ଅନେକ ସଂଗଠନ ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କୁ ଏ ବିଷୟ ଜଣାଇଛନ୍ତି ।

ଏସବୁ ସତ୍ତ୍ୱେ ଏ ସମସ୍ୟାର କୌଣସି ଉପଯୁକ୍ତ ସମାଧାନ କରାଯାଇ ନାହିଁ । ଯାହା ଫଳରେ କି ସେଠାରେ ଥିବା ଭାରତୀୟ ନାଗରୀକ ଓ ବାଂଲାଦେଶୀ ମୁସଲମାନ ଅନୁପ୍ରବେଶକାରୀଙ୍କ ମଧ୍ୟରେ ହିଂସାତ୍ମକ ସଂଘର୍ଷ ଲାଗି ରହୁଛି ।

ଏବେ ମୁମ୍ବାଇରେ ଯେଉଁ ହିଂସାକାଣ୍ଡ ଘଟିଲା ତାହା ସମଗ୍ର ଦେଶପାଇଁ ଏକ ସତର୍କ ଘଣ୍ଟି । ମୁମ୍ବାଇ ଘଟଣା ଓ ପୁନାରେ ଛାତ୍ରମାନଙ୍କ ଉପରେ ଆକ୍ରମଣ ଏହା ସର୍ବଥା ନିନ୍ଦନୀୟ ଅଟେ । ଏହି ଭଳି ହିଂସା ମଧ୍ୟ ରାଞ୍ଚିରେ ହେବାର ଖବର ମିଳିଛି ।

ବେଙ୍ଗାଲୁରରୁ ଅନେକ ଛାତ୍ର ଓ ଯୁବକ ଭୟଭିତ ହୋଇ ନିଜ ରାଜ୍ୟ ଆସାମ ଓ ଉତ୍ତରପୂର୍ବ ରାଜ୍ୟମାନଙ୍କୁ ଫେରି ଯାଉଛନ୍ତି । ଆମ ସମଗ୍ର ଦେଶବାସୀଙ୍କର ଏହା ଏକ କର୍ତ୍ତବ୍ୟ ଯେପରି ଏଭଳି ଘଟଣା ଆଉ ନଘଟୁ ଏବଂ ଦେଶ ବିରୋଧରେ ଚାଲୁଥିବା ଷଡଯନ୍ତ୍ର ତୁରନ୍ତ ବନ୍ଦ ହେଉ ।

ଏପରି ଏକ ଅଭିଯୋଗ ଆସିଛି ଯେ ଆସମର ଯେଉଁ ଶରଣାର୍ଥୀ ଶିବିରରେ ମୁସଲମାନମାନେ ରହୁଛନ୍ତି ସେମାନଙ୍କ ଭିତରୁ ଅନେକ ଦଙ୍ଗା ପ୍ରଭାବିତ ଗ୍ରାମରୁ ଆସି ନାହାଁନ୍ତି । ଏହି ଅଭିଯୋଗର ମଧ୍ୟ ତଦନ୍ତ ହେବା ଦରକାର ।

ରାଷ୍ଟ୍ରୀୟ ସ୍ୱୟଂସେବକ ସଂଘ ଓ ଅନେକ ସ୍ୱଚ୍ଛାସେବୀ ଅନୁଷ୍ଠାନ ହିଂସା ପ୍ରଭାବିତ ଅଞ୍ଚଳରେ ରହି ୬୦ଟି ଶିବିର ଚଳାଉଛନ୍ତି । ଯେଉଁଠିକି ଖାଦ୍ୟ, ବସ୍ତ୍ର, ଔଷଧ, ଲୁଗାପଟା ଏବଂ ବାସନକୁସନ ବଣ୍ଟା ଯାଉଅଛି ।

ସେମାନେ ମଧ୍ୟ ପୁନା, ମୁମ୍ବାଇ, ବେଙ୍ଗାଲୁର, କେରଳ, ହାଇଦ୍ରାବାଦ ଓ ଦିଲ୍ଲୀରେ ପଢୁଥିବା ଆସାମ ଓ ଉତ୍ତରପୂର୍ବାଞ୍ଚଳର ଛାତ୍ରମାନଙ୍କୁ ଭେଟି ସେମାନଙ୍କୁ ସମସ୍ତ ପ୍ରକାର ସୁରକ୍ଷା ଦେବାର ପ୍ରତିଶ୍ରୁତି ମଧ୍ୟ ଦେଉଛନ୍ତି ।

ଯେଉଁମାନେ ଟ୍ରେନରେ ଆସାମକୁ ଯାତ୍ରା କରୁଛନ୍ତି ସେମାନଙ୍କୁ ମଧ୍ୟ ସବୁ ପ୍ରକାର ସୁରକ୍ଷା ଦେବାର ପ୍ରତିଶ୍ରୁତି ଦେଇଛନ୍ତି । ଆଜି ଆସାମ ଓ ଉତ୍ତର ପୂର୍ବାଞ୍ଚଳରେ ଯେଉଁ ସମସ୍ୟା ଦେଖାଦେଇଛି ତାର କାରଣ ହେଉଛି ସେଠାରେ ବସବାସ କରୁଥିବା ପ୍ରକୃତ ଭାରତୀୟ ନାଗରୀକ ଓ ବାଂଲାଦେଶୀ ମୁସଲମାନ ଅନୁପ୍ରବେଶକାରୀଙ୍କ ମଧ୍ୟରେ ହୋଇଥିବା ସଂଘର୍ଷ କାରଣରୁ ସୃଷ୍ଟି ହୋଇଛି ।

ତେଣୁ ଆମେ ସରକାରଙ୍କ ଠାରେ ଦାବି କରୁଛୁ ଯେ ଏହି ବେଆଇନ ଅନୁପ୍ରେବଶକାରୀଙ୍କୁ ଚିହ୍ନଟ କରାଯାଉ, ଭୋଟର ତାଲିକାରୁ ସେମାନଙ୍କ ନାମ ବାଦ ଦିଆଯାଉ ଏବଂ ସେମାନଙ୍କୁ ନିଜ ଦେଶକୁ ଫେରାଇ ଦିଆଯାଉ ।

ଏଥିପାଇଁ ଏକ ଜାତୀୟ ନାଗରୀକ ରେଜିଷ୍ଟର ତିଆରି କରାଯାଉ । ଯେଉଁଥିରେ କି ପ୍ରକୃତ ନାଗରୀକମାନଙ୍କ ନାମ ପଞ୍ଜିକରଣ ହେବ ଏବଂ ଅଣନାଗରୀକମାନଙ୍କୁ ସେଥିରୁ ଅଲଗା ରଖାଯାଉ ।

ଆମେ ଆସାମ ,ଉତରପୂର୍ବ ଅଞ୍ଚଳ ଏବଂ ସମଗ୍ର ଦେଶର ଜନସାଧାରଣଙ୍କୁ ଅନୁରୋଧ କରୁଛୁ ଯେ ଦେଶରେ ସେମାନେ ଶାନ୍ତି ଓ ସ୍ଥିରତା ବଜାୟ ରଖନ୍ତୁ ଏବଂ ସେମାନେ ହୁସିଆର ରୁହନ୍ତୁ ଯେପରିକି ଏହି ପରିସ୍ଥିତିରୁ କେହି ଫାଇଦା ଉଠାଇ ଗଣ୍ଡଗୋଳ କରିପାରିବେ ନାହିଁ ।

ଆମେମଧ୍ୟ ଓଡିଶାରେ ଏବଂ ଦେଶର ବିଭିନ୍ନ ସ୍ଥାନରେ ପଢୁଥିବା ଆସାମ ଓ ଉତ୍ତର-ପୂର୍ବାଂଚଳର ଛାତ୍ରମାନଙ୍କୁ ଅନୁରୋଧ କରୁଛୁକି ସେମାନେ ଆଦୌ ଭୟଭିତ ହୁଅନ୍ତୁ ନାହିଁ କିମ୍ବା କୌଣସି ଗୁଜବରେ ବିଶ୍ୱାସ କରନ୍ତୁ ନାହିଁ ,କାରଣ ଆମ୍ଭମାନେ ସେମାନଙ୍କୁ ସବୁ ପ୍ରକାର ନିରାପତ୍ତା ଯୋଗାଇ ଦେବୁ ଏବଂ ସେମାନଙ୍କର ଏହି ଦୁଃଖଦିନରେ ସମଗ୍ରଦେଶ ତାଙ୍କ ପଛରେ ଠିଆ ହୋଇଛି ।

ଭାରତର ଯେ କୌଣସି ସ୍ଥାନରେ ଜଣେ ନାଗରିକ ବସବାସ କରିବା, ପାଠ ପଢିବା, ଚାକିରି କରିବାର ଅଧିକାର ତଥା ସ୍ୱାଧୀନତା ରହିଛି ।

ଆସାମର କୋକ୍ରାଝର ଏକ ଛୋଟିଆ ହିଂସା ଘଟିବା ପରେ ଦେଶବ୍ୟାପୀ ଉତ୍ତର-ପୂର୍ବାଂଚଳ ଲୋକଙ୍କ ଉପରେ ଆକ୍ରମଣ କରାଯିବା ନେଇ ଗୁଜବ ପ୍ରଚାରିତ ହେବା ଦୁର୍ଭାଗ୍ୟଜନକ । ଆସାମ ହିଂସା ନୁଆ ନୁହେଁ ।

ଆସାମକୁ ମୁସଲିମ ବହୁଳ କରିବାର ଷଡଯନ୍ତ୍ର ଅଭିଭାଜିତ ଭାରତରେ ୧୯୪୧ ମସିହାରେ ମୁସଲିମ୍ଲିଗ କରିଥିଲା । ଆସାମର ତତ୍କାଳୀନ ମୁଖ୍ୟମନ୍ତ୍ରୀ ମିଆଁ ସାୁଲ୍ଲା ଖାଁ ଘୋଷଣା କରିଥିଲେ ଯେ,ଆସାମରେ ଜମି ପଡିଆ ପଡିଛି, ବଙ୍ଗଳାର ଯେଉଁ ମୁସଲମାନ ଏଠାକୁ ଆସିବେ ତାଙ୍କୁ ମାଗଣାରେ ଜମି ଯୋଗାଇ ଦିଆଯିବ ।

ମୁଖ୍ୟମନ୍ତ୍ରୀଙ୍କର ଏହି ଘୋଷଣା ଆସାମକୁ ମୁସଲମାନ ବହୁଳ କରିବାପାଇଁ ଷଡଯନ୍ତ୍ରଥିଲା । ଅନ୍ୟପକ୍ଷରେ ହିନ୍ଦୁ ବୋଡୋ ଜନଜାତୀଙ୍କର ସରଳତାର ସୁଯୋଗନେଇ ଇଂରେଜ ସରକାର ସେମାନଙ୍କୁ ଖ୍ରୀଷ୍ଟିଆନ କରିଲେ ।

ପରେ ମୁସଲିମ୍ଲିଗ୍ ତାଙ୍କୁ ମୁସଲମାନ କରିବା ପାଇଁ କୁଟିଳ ଯୋଜନା ତିଆରି କରିଥିଲେ । ୧୯୪୪ ମସିହାରେ କଂଗ୍ରେସ ନେତା ଗୋପିନାଥ ବାରୋଲୋଇଙ୍କ ନେତୃତ୍ୱରେ ଏକ ପ୍ରତିନିଧି ମଣ୍ଡଳ ପଞ୍ଚଗନ ଯାଇ ଗାନ୍ଧିଜୀଙ୍କୁ ସୂଚନା ଦେଇଥିଲେ ଯେ, ଆସାମକୁ ମୁସଲିମ ବହୁଳ କରିବାପାଇଁ ମୁସଲିମଲିଗ୍ ପ୍ରବଳ ଚେଷ୍ଟା ଚଳାଇଛି ।

ଏହି ସମୟରେ ହରିଜନ ସେବକରେ ପ୍ରକାଶିତ ଲେଖାରେ ଗାନ୍ଧୀ ଏହି ଷଡଯନ୍ତ୍ର ଉପରେ ଚିନ୍ତା ପ୍ରକଟ କରିଥିଲେ । ମୁସଲିମ୍ଲିଗ୍ ଭାରତ ବିଭାଜନ ସମୟରେ ଆସାମ ଓ ବଙ୍ଗଳାକୁ ମୁସଲମାନ ବହୁଳ ଅଞ୍ଚଳ କହି ପାକିସ୍ତାନରେ ସାମିଲ କରିବାକୁ ଦାବି କରିଥିଲେ ।

ଡ.ଶ୍ୟାମା ପ୍ରସାଦ ମୁଖାର୍ଜୀ ଏହାକୁ ବିରୋଧକରି କହିଲେ -ଆସାମ ହିନ୍ଦୁ ବହୁଳ ଅଞ୍ଚଳ ଅଟେ ତଥା ବଙ୍ଗଳାର ଅଧିକାଂଶ ଭାଗ ମଧ୍ୟ ହିନ୍ଦୁ ବହୁଳ ଅଟେ ।

ଭାରତ ବିଭାଜନ ସମୟରେ ସିଲହଟ ଜିଲ୍ଲାକୁ ମୁସଲମାନ ବହୁଳ କହି ପାକିସ୍ତାନରେ ମିଶାଇ ଦିଆ ଯାଇଥିଲା । କିନ୍ତୁ ଶେଷରେ ଆସାମ ହିନ୍ଦୁ ବହୁଳ ହୋଇଥିବା କାରଣରୁ ଭାରତରେ ରହିଥିଲା । ମହମ୍ମଦ ଅଲ୍ଲୀ ଜିନ୍ନା ଏହି ସମୟରେ ନିଜ ଲେଖାରେ ଲେଖିଥିଲେ ଯଦି ମୁସଲିମଲିଗର ନେତାମାନେ ଆଉ କିଛି ବର୍ଷ ପୂର୍ବରୁ ଚେଷ୍ଟା କରିଥାନ୍ତେ ତେବେ ସର୍ମ୍ପୂଣ୍ଣ ଆସାମ ମୁସଲମାନ ବହୁଳ ହୋଇ ଯାଇଥାନ୍ତା ।

ଜେ.ଅଲ୍ଲି ଭୁଟ୍ଟ ମିଥ୍ ଅଫ ଇଣ୍ଟିପେଣ୍ଡେସ ପୁସ୍ତକରେ ଲେଖିଛନ୍ତି ପାକିସ୍ତାନ ପାଇଁ କେବଳ କାଶ୍ମୀର ନୁହେଁ ଆସାମ ମଧ୍ୟ ମହତ୍ୱପୂର୍ଣ୍ଣ । ଯେପର୍ଯ୍ୟନ୍ତ ଆସାମ ଆମକୁ ନମିଳିଛି ସେ ପର୍ଯ୍ୟନ୍ତ ଆମେ ଚୁପ ବସି ପାରିବୁ ନାହିଁ ।

ଏଥିରୁ ସ୍ପଷ୍ଟ ପ୍ରତ୍ୟୟମାନ ହେଉଛି ଯେ ଆସାମକୁ ମୁସଲମାନ ବହୁଳ ଅଞ୍ଚଳ କରିବା ପାଇଁ ଷଡଯନ୍ତ୍ରପରେ ଷଡଯନ୍ତ୍ର ଚାଲିଛି । ସେଥିପାଇଁ ବିଗତ ୬୦ବର୍ଷରେ ବୋଡ଼ୋ ଓ ବାଂଲାଦେଶୀ ମୁସଲମାନମାନଙ୍କ ମଧ୍ୟରେ ବହୁବାର ଭୟଙ୍କର ସଂଘର୍ଷ ସଂଗଠିତ ହୋଇଛି ।

ଅକ୍ଟୋବର ୧୯୯୩, ମେ ୧୯୯୬, ସେପ୍ଟେମ୍ବର ୧୯୯୮, ସେପ୍ଟେମ୍ବର ୨୦୦୫, ଅଗଷ୍ଟ ୨୦୦୮, ମାର୍ଚ୍ଚ ୨୦୦୯, ଜାନୁୟାରୀ ୨୦୧୧ ହିଂସାକାଣ୍ଡ ସୃଷ୍ଟି ହୋଇଥିଲା । ସେଥିରେ ହିନ୍ଦୁ ଜନଜାତି ବୋଡ଼ୋ ଓ ବାଂଲାଦେଶୀ ମୁସଲମାନ ଅନୁପ୍ରବେଶକାରୀମାନଙ୍କ ମଧ୍ୟରେ ସଂଘର୍ଷ ଘଟି ହଜାର ହଜାର ଲୋକ ମୃତାହତ ହୋଇଛନ୍ତି ଏବଂ ଲକ୍ଷଲକ୍ଷ ଲୋକ ଗୃହଶୂନ୍ୟ ହୋଇଛନ୍ତି ।

ବର୍ତ୍ତମାନ ଆସାମର ମୋଟ ୨୭ଟି ଜିଲା ମଧ୍ୟରୁ ୧୧ଟି ଜିଲାରେ ମୁସଲମାନମାନେ ସଂଖ୍ୟାଗରିଷ୍ଠ ଅଛନ୍ତି । ଜଗତରନାଥ ଜଗନ୍ନାଥଙ୍କର ସେବକ ଓଡିଶାବାସୀ କେବେ ହିଂସାରେ ବିଶ୍ୱାସ କରନ୍ତି ନାହିଁ । ସଦା ସର୍ବଦା ଶାନ୍ତି ଚାହିଁନ୍ତି । ଯୁଦ୍ଧରେ ବିଶ୍ୱାସ କରନ୍ତି ନାହଁ ।

ଚଣ୍ଡାଶୋକ ଅଶୋକ ଦିନେ ଏହି ଭୂମିରେ ପାଦଦେଇ ଧର୍ମ ଶୋକରେ ପରିଣତ ହୋଇଥିଲେ । ଠିକ୍ ସେହିପରି ଓଡିଶା ଚାହେଁ ଅଖଣ୍ଡ ଭାରତ । ଯେଉଁ ଭାରତ ଦିନେ ବିଶ୍ୱଗୁରୁ ପରେ ଅଧିଷ୍ଠିତ ହୋଇଥିଲା ।

ପାକିସ୍ତାନ, ବଙ୍ଗଲାଦେଶ, ନେପାଳ, ମିଆଁମାର ଆଦି ଯେତେ ଦେଶ ଭାରତବର୍ଷରୁ ଅଲଗା ହୋଇ ଯାଇଛନ୍ତି ସେମାନେ ପୁଣିଥରେ ଏକାଠି ହୋଇ ଅଖଣ୍ଡ ଭାରତ ଗଠନ କରିବେ । ସେଥିପାଇଁ ଦରକାର ଏକ ମହାନ ସାଂସ୍କୃତିକ ଆନ୍ଦୋଳନ । ଏହି ବିପ୍ଲବ ଦିନେ ଓଡିଶାରୁ ଆରମ୍ଭ ନହେବ ବୋଲି କିଏ କହିବ ?

ଘିଗିଡିଆ,ବାରୁଅ,କେନ୍ଦ୍ରାପଡା