• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
    • ଓଡିଆ ଶିକ୍ଷା
  • କପି ରାଇଟ
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ଲିଙ୍ଗରାଜ ମନ୍ଦିର

କାର୍ତିକ ପୂର୍ଣ୍ଣିମା ଅବସରେ ନଦୀ, ପୁଷ୍କରଣୀରେ ଡଙ୍ଗା ଭସାଇଲେ ଶ୍ରଦ୍ଧାଳୁ

November 28, 2012 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ନଭେମ୍ବର ୨୮(ଓଡିଶା ଡଟ୍ କମ୍)-କାର୍ତିକ ପୂର୍ଣ୍ଣିମା ଧର୍ମମାସର ଶେଷ ଦିନ । ଏହି ପରିପ୍ରେକ୍ଷୀରେ ଓଡିଶାର ବିଭିନ୍ନ ପୁଷ୍କରିଣୀରେ ଶ୍ରଦ୍ଧାଳୁମାନେ ଡଙ୍ଗା ଭସାଇବା ସହ ବିଭିନ୍ନ ଦେବାଦେବୀଙ୍କୁ ମନ୍ଦିରରେ ଦର୍ଶନ କରି ପୂଜାର୍ଚ୍ଚନା କରିଛନ୍ତି । ପୁରୀ ସମୁଦ୍ରରେ ବୁଡ ପକାଇଛନ୍ତି ଲକ୍ଷାଧିକ ଭକ୍ତ ।

ଭୁବନେଶ୍ୱରରେ ହଜାର ହଜାର ଭକ୍ତମାନେ ବୁଧବାର ଦିନ ପ୍ରତ୍ୟୁଷରୁ ବିନ୍ଦୁସାଗର, ଗୌରୀକୁଣ୍ଡ, ଗଙ୍ଗାଯମୁନା, ପାପାନାଶିନୀ, ମୁକ୍ତେଶ୍ୱର ଆଦି ପୁଷ୍କରିଣୀ ସହ ଦୟା ଓ ଗଙ୍ଗୁଆରେ ଡଙ୍ଗା ଭସାଇ ବୁଡ ପକାଇଥିଲେ । ଲିଙ୍ଗରାଜ ସମେତ ଅନେକ ମନ୍ଦିରରେ ରାତ୍ରି ସାଢେ ତିନିଟାରୁ ଖୋଲିଥିଲା ।

ଶ୍ରଦ୍ଧାଳୁମାନେ ବିଭିନ୍ନ ଦେବାଦେବୀ ମନ୍ଦିର ଯଥା ଲିଙ୍ଗରାଜ ମନ୍ଦିର, କେଦାରଗୌରୀ, ବାସୁଦେବ, କପିଳନାଥ ଆଦି ମନ୍ଦିର ଦର୍ଶନ କରିଥିଲେ । ଏହି ଅବସରରେ ଭୁବନେଶ୍ୱର ସାଂସ୍କୃତିକ ପରିଷଦ,ସ୍ନେହୀ ସମାଜ ଆଦି ୫ଟି ଅନୁଷ୍ଠାନ ପକ୍ଷରୁ ବୋଇତ ବନ୍ଧାଣ ଉତ୍ସବ ଅନୁଷ୍ଠିତ ହୋଇଯାଇଛି ।

ସେହିପରି ଶେଷ ସୋମବାର ଓ ବଡ଼ଓଷା ଯୋଗୁଁ ଧବଳେଶ୍ୱର ଜନଗହଳି ହୋଇଥିଲା । ପ୍ରଭୁ ଧବଳେଶ୍ୱରଙ୍କ ବଡ଼ସିଂହାର ବେଶ ଦେଖିବା ପାଇଁ ପ୍ରାୟ ଲକ୍ଷଲକ୍ଷ ଭକ୍ତଙ୍କ ସମାଗମ ହୋଇଥିଲା । ଭିଡ ଏଭଳି ହୋଇଛି ଯେ ଶ୍ରଦ୍ଧାଳୁମାନେ ଝୁଲାପୋଲଠାରୁ ଦୁଇ କିଲୋମିଟର ପର୍ଯ୍ୟନ୍ତ ଲମ୍ବାଧାଡିରେ ଛିଡ଼ାହୋଇଥିଲେ ।

ପ୍ରଭୁଙ୍କ ବଡଓଷାରେ ବଡସିଂହାର ବେଶ କରାଯାଇଅଛି । ରାତି ୨ଟାରୁ ମନ୍ଦିର ଖୋଲାଯାଇ ପ୍ରଭୁଙ୍କ ନୀତି ଯଥା ସଙ୍କୁଡିଭୋଗ, ଆଳତି, ଖେଚୁଡ଼ିଭୋଗ ପ୍ରଭୃତି ସମାପନ ପରେ ମନ୍ଦିର ପହଡ ପଡ଼ିଥିଲା । ଭୋର ୩ଟାରୁ ମନ୍ଦିର ଖୋଲାଯାଇ ପ୍ରଭୁଙ୍କ ବଡସିଂହାର ବେଶ ଦର୍ଶନ ନିମନ୍ତେ ଶ୍ରଦ୍ଧାଳୁମାନଙ୍କ ପାଇଁ ମନ୍ଦିର ଖୋଲାଯାଇଥିଲା ।

ଶ୍ରଦ୍ଧାଳୁମାନେ ପ୍ରଭୁଙ୍କ ବଡ଼ସିଂହାର ବେଶ ଦେଖିବା ପାଇଁ ଝୁଲାପୋଲ ପାର୍ଶ୍ଵ ଲିଙ୍ଗାପଦା ଏବଂ ପାଇକରାପୁର ପାଶ୍ୱର୍ରୁ ତାପଣ୍ଡା ପୋଲ ପର୍ଯ୍ୟନ୍ତ ଶ୍ରଦ୍ଧାଳୁଙ୍କ ଲମ୍ବା ଧାଡ଼ି ଲାଗିଥିବା ବେଳେ ଏହି ସଂଖ୍ୟା ଆହୁରି ବଢିବାରେ ଯାଇଥିଲା ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର, ମୁଖ୍ୟ ଖବର Tagged With: କାର୍ତିକ ପୂର୍ଣ୍ଣିମା, ଝୁଲାପୋଲ, ବଡ଼ଓଷା, ଲିଙ୍ଗରାଜ ମନ୍ଦିର

ଶ୍ରାବଣର ପ୍ରଥମ ସୋମବାରରେ ଶୈବପୀଠରେ କାଉଡିଆଙ୍କ ଭିଡ

July 9, 2012 by admin

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜୁଲାଇ ୯ (ଓଡିଶା ଡଟ୍ କମ୍) ଶ୍ରାବଣ ମାସର ପ୍ରଥମ ସୋମବାର ଅବସରରେ ଜଳାଭିଷେକ ପାଇଁ ରାଜ୍ୟର ବିଭିନ୍ନ ଶୈବପୀଠ ଗୁଡିକରେ କାଉଡିଆଙ୍କ ଭିଡ ଲାଗିଛି ।

ମାନସିକ ପୂରଣ ଓ ଭକ୍ତିର ଅର୍ଘ୍ୟ ନିବେନ ଲାଗି ବିଭିନ୍ନ ଦେବପୀଠରୁ ରବିବାର ରାତିରୁ ଜଳଧରି ବୋଲ୍ବମ୍ ଭକ୍ତମାନେ ବହୁ ଦୁରଦୁରାନ୍ତରେ ଥିବା ଶୈବପୀଠ ଅଭିମୁଖେ ଯାଉଥିବା ପରିଲକ୍ଷିତ ହୋଇଛି ।

କଟକ ଭୁବନେଶ୍ୱର ଜାତୀୟ ରାଜପଥରେ ବୋଲବମ୍ ଭକ୍ତଙ୍କ ଲମ୍ବାଲାଇନ୍ ଦେଖିବାକୁ ମିଳିଛି । ସମସ୍ତଙ୍କ କାନ୍ଧରେ ରହିଛି ବାଉଁଙ୍ଗୀ ସହ କଳସୀ ଭରା ଜଳ, ହେରେ ଗେରୁଆ ବସ୍ତ୍ର ମୁହଁରେ ଶିବଙ୍କ ଭଜନ ।

କିଏ କଟକର ଗଡଗଡିଆ ଘାଟରୁ ଜଳ ନେଇ ଲିଙ୍ଗରାଜ ମନ୍ଦିରକୁ ଆସୁଥିବାବେଳେ ଆଉ କିଏ ପୁରୀର ଲୋକନାଥ ମନ୍ଦିରକୁ ଯାଉଛି । ପ୍ରଭୁ ଲିଙ୍ଗରାଜ ମନ୍ଦିରରେ ଭକ୍ତଙ୍କ ଭିଡକୁ ଦୃଷ୍ଟିରେ ରଖି ବ୍ୟାରିକେଡ୍ କରାଯାଇ ଭକ୍ତମାନଙ୍କୁ ମନ୍ଦିର ଭିତରକୁ ଛଡାଯାଉଛି ।

ସେହିପରି ପୁରୀର ଲୋକନାଥ, ଭଦ୍ରକର ଆରଡୀ, କଟକର ଧବଳେଶ୍ୱର,ବଲାଙ୍ଗୀରର ହରିଶଙ୍କର ଆଦି ପ୍ରସିଦ୍ଧ ଶୈବପୀଠ ଗୁଡିକରେ ଜଳାଭିଷେକ ପାଇଁ ଭକ୍ତମାନେ ଭିଡ ଜମାଇଛନ୍ତି ।

ଶ୍ରାବଣ ମାସରେ ମହାଦେବଙ୍କ ଜଳାଭିଷେକ କଲେ ମାନସିକ ପୂରଣ ହେବା ସହିତ ପୂଣ୍ୟ ଅର୍ଜ୍ଜନ ହୁଏ ବୋଲି ବିଶ୍ୱାସ
ରହିଛି । ବୋଲବମ୍ ଯାତ୍ରା ପରେ ମନରେ ଏକ ଅଦ୍ଭୁତ ଶାନ୍ତି ଆସେ ବୋଲି ଭକ୍ତମାନେ କୁହନ୍ତି । ବହୁତ ଦୁର ଚାଲିଲେ ବି ସେମାନଙ୍କ ମନରେ କ୍ଳାନ୍ତି ଆସେନାହିଁ ।

ପୂର୍ବରୁ କେବଳ ପୁରୁଷ ଭକ୍ତମାନେ ବୋଲବମ୍ ଯାତ୍ରା କରୁଥିବା ବେଳେ ଗତକିଛି ବର୍ଷ ଧରି ମହିଳା ଓ ଶିଶୁମାନେ ମଧ୍ୟ ଏଥିରେ ସାମିଲ ହୋଇଛନ୍ତି ।

ସେହିପରି ଭୁବନେଶ୍ୱର ସ୍ଥିତ ଲିଙ୍ଗରାଜ ମନ୍ଦିରରେ ଜଳ ଲାଗି ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଭକ୍ତମାନେ ଶାନ୍ତି ଶୃଙ୍ଖଳାର ସହ ଜଳ ଲାଗି କରିବା ନିମନ୍ତେ ବ୍ୟାରିକେଡ଼ କରାଯାଇଛି ।

ସେହିପରି ଭୁବନେଶ୍ୱର ସ୍ଥିତ ଲିଙ୍ଗରାଜ ମନ୍ଦିରରେ ଜଳାଭିଷେକ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଭକ୍ତମାନେ ଶାନ୍ତି ଶୃଙ୍ଖଳାର ସହ ଜଳ ଲାଗି କରିବା ନିମନ୍ତେ ବ୍ୟାରିକେଡ଼ କରାଯାଇଛି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ଲିଙ୍ଗରାଜ ମନ୍ଦିର, ଶୈବପୀଠ

ଲିଙ୍ଗରାଜ ମନ୍ଦିରରେ ବିଦେଶୀ ପ୍ରବେଶ, ନୀତିରେ ବିଳମ୍ବ

January 24, 2012 by admin Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୨୪(ଓଡ଼ିଶା ଡ଼ଟ୍ କମ୍) ଭୁବନେଶ୍ୱର ସ୍ଥିତ ଲିଙ୍ଗରାଜ ମନ୍ଦିରରେ ମଙ୍ଗଳବାର ଜଣେ ବିଦେଶୀ ପ୍ରବେଶ କରିବା ନେଇ ମହାପ୍ରଭୁଙ୍କ ନୀତିରେ ବିଳମ୍ବ ହୋଇଛି ।

ସୁରକ୍ଷା ବଳୟ ଭେଦ କରି ଉଜବେକିସ୍ତାନର ଏହି ବ୍ୟକ୍ତି ମନ୍ଦିର ଭିତର କାଠ ନିକଟରେ ପହଂଚିଥିଲେ । ପରେ ସେବାୟତମାନେ ତାଙ୍କୁ ଦେଖି ଏକତ୍ରିତ ହୋଇଯାଇଥିଲେ ଏବଂ ସେଠାରେ କିଛି ସମୟ ଧରି ଉତ୍ତେଜନା ପ୍ରକାଶ ପାଇଥିଲେ । ପରେ ପୋଲିସ ସଂପୃକ୍ତ ବ୍ୟକ୍ତିଙ୍କୁ ଅଟକ ରଖିଥିଲା ।

ମନ୍ଦିରର ନିୟମ ଅନୁଯାୟୀ ପ୍ରଭୁଙ୍କ ମହାସ୍ନାନ କରାଯିବା ସହ ଠାକୁର ଘରକୁ ଧୋଇ ଦିଆଯାଇଛି ।

ତିନି ନିଯୋଗ ଓ ପ୍ରଶାସକଙ୍କ ମଧ୍ୟରେ ବୈଠକ ହେବାପରେ ସମସ୍ତ କାର୍ଯ୍ୟକ୍ରମ କରାଯାଇଥିଲେ ମଧ୍ୟ ନୀତିରେ ତିନି ଘଂଟାରୁ ଊଦ୍ଧ୍ୱର୍ ସମୟ ବିଳମ୍ବ ଘଟିଥିଲା ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ବିଦେଶୀ, ଲିଙ୍ଗରାଜ ମନ୍ଦିର

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ