ଲୁହାପଥର

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କେନ୍ଦୁଝର, ନଭେମ୍ବର ୧୯(ଓଡ଼ିଶା ଡ଼ଟ୍ କମ୍) କେନ୍ଦୁଝର ଜିଲ୍ଲା ବଡ଼ବିଲ ନିକଟସ୍ଥ ସଂରକ୍ଷିତ ଜଙ୍ଗଲରୁ ଲୁହାପଥର ଚୋରି ଉଦ୍ୟମ କରୁଥିବା ବେଳେ ଶନିବାର ପୋଲିସ ସାତ ଜଣଙ୍କୁ ଗିରଫ କରିଛି ।

ସେମାନଙ୍କ ଠାରୁ ଚାରୋଟି ଡ଼ମ୍ପର ଏବଂ ୨୦ ଟନ୍ ଲୁହାପଥର ଜବତ କରାଯାଇଥିବା ଜଣେ ଅଧିକାରୀ କହିଛନ୍ତି । ଜବତ ଡ଼ମ୍ପର ଗୁଡ଼ିକର ମାଲିକଙ୍କୁ ଚିହ୍ନଟ କରି ସେମାନଙ୍କୁ ଗିରଫ କରାଯିବ ବୋଲି ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ନଭେମ୍ବର ୧୬(ଓଡ଼ିଶା ଡ଼ଟ୍ କମ୍) ଦେଶର ସ୍ୱାର୍ଥ ଦୃଷ୍ଟିରୁ ତୁରନ୍ତ ଲୁହାପଥର ରପ୍ତାନୀ ବନ୍ଦ କରିବା ସହିତ ଖଣି ମାଲିକମାନେ ପାଉଥିବା ଲାଭ ଉପରେ ପଚାଶ ପ୍ରତିଶତ ଟିକସ ଲାଗୁ କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁଣିଥରେ ପ୍ରଧାନମନ୍ତ୍ରୀଙ୍କ ନିକଟରେ ଦ।ବି କରିଛନ୍ତି ।

ବର୍ତମାନର ଆର୍ଥିକ ତଥା ନିୟନ୍ତ୍ରଣ ବ୍ୟବସ୍ଥା ଯୋଗୁଁ ମୁଷ୍ଟିମେୟ ଖଣି ମାଲିକମାନେ ବିପୁଳ ପରିମାଣରେ ଲାଭ ପାଉଥିବା ବେଳେ ଖଣି ଅଂଚଳରେ ରହୁଥିବା ଲୋକଙ୍କର କୌଣସି ଲାଭ ହେଉନାହିଁ ବୋଲି ମୁଖ୍ୟମନ୍ତ୍ରୀ ପତ୍ରରେ ଦର୍ଶାଇଛନ୍ତି ।

ତେଣୁ ଖଣି ମାଲିକଙ୍କ ଉପରେ ପଚାଶ ପ୍ରତିଶତ ଟିକସ ଲାଗୁ କରିବା ପାଇଁ ମୁଖ୍ୟମନ୍ତ୍ରୀ ଗତ ଅଗଷ୍ଟ ମାସରେ ପ୍ରଧାନମନ୍ତ୍ରୀଙ୍କୁ ପତ୍ର ଲେଖିଥିଲେ ।

ଏହା ଉପରେ ପ୍ରଧାନମନ୍ତ୍ରୀଙ୍କ ଅର୍ଥନୈତିକ ଉପଦେଷ୍ଟା ପରିଷଦ ତାର ମତାମତ ଦେଇସାରିଥିବ ବୋଲି ଆଶା ବ୍ୟକ୍ତକରି ଏହା ଉପରେ ଯଦି ଅଧିକ ତଥ୍ୟ ଆବଶ୍ୟକ ତାହା ତୁରନ୍ତ ଯୋଗାଇ ଦେବାକୁ ରାଜ୍ୟ ସରକାର ପ୍ରସ୍ତୁତ ବୋଲି ସେ ପତ୍ରରେ ଉଲ୍ଲେଖ କରିଛନ୍ତି ।

ଜନସାଧାରଣଙ୍କ ସ୍ୱାର୍ଥ ଦୃଷ୍ଟିରୁ ଏ ସଂପର୍କିତ ନିଷ୍ପତି ଉପରେ ଆଉ ବିଳମ୍ବ ନକରିବା ପାଇଁ ସେ ଦ।ବି କରିଛନ୍ତି ।

ସେହିପରି ଗତ ମାସରେ ଜାତୀୟ ଉନ୍ନୟନ ପରିଷ ବୈଠକରେ ଲୁହାପଥର ରପ୍ତାନୀ ବନ୍ଦ କରିବା ପାଇଁ ହୋଇଥିବା ଦ।ବି ସଂପକରେ ମୁଖ୍ୟମନ୍ତ୍ରୀ ଏହି ପତ୍ରରେ ଜଣାଇଛନ୍ତି ।

ଲୁହାପଥର ଦରରେ ଅହେତୁକ ବୃଦ୍ଧି ଯୋଗୁଁ ଅନିୟନ୍ତ୍ରିତ ଭାବରେ ଖଣି କାର୍ଯ୍ୟ ଚାଲିଛି । ତେଣୁ ରପ୍ତାନୀ ଉପରେ ନିଷେଧଦାଶେ ଦ୍ୱାରାଘରୋଇ ବଜାରରେ ଲୁହାପଥର ମୂଲ୍ୟ ହ୍ରାସ ପାଇବ ବୋଲି ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ଜାନୁୟାରୀ ୧୧(ଓଡ଼ିଶା ଡ଼ଟ୍ କମ୍) ରାଜ୍ୟରେ ଘରୋଇ ମାଲିକାନାରେ ଥିବା ଖଣି ଗୁଡ଼ିକରୁ ଉତ୍ପାଦିତ ଲୁହାପଥର ଓ କ୍ରୋମ ପଥର ବିଶେକୁ ଚାଲାଣ ଉପରେ ଅଂକୁଶ ଲଗାଇବାକୁ ସରକାର ନିଷ୍ପତ୍ତି ଗ୍ରହଣ କରିଛନ୍ତି ।

ନିଷ୍ପତ୍ତି ଅନୁଯାୟୀ ଘରୋଇ ଖଣିରୁ ଉତ୍ପାଦିତ ଖଣିଜ ପଦାର୍ଥର ୬୦ ପ୍ରତିଶତ କେବଳ ଓଡ଼ିଶାରେ ବିନିଯୋଗ ହେବ ।

ସଂପୃକ୍ତ ଖଣି ମାଲିକଙ୍କ ଶିଳ୍ପରେ ବ୍ୟବହୃତ ହେବ । ପ୍ରକ୍ରିୟାକରଣ କିମ୍ବା ଶିଳ୍ପ ନଥିଲେ ସେମାନେ ରାଜ୍ୟରେ ଥିବା ଅନ୍ୟ ଖଣିଜ  ପଦାର୍ଥ  ବିନିଯୋଗକାରୀ ସଂସ୍ଥାକୁ ବିକିବାକୁ ସେମାନେ ବାଧ୍ୟ ହେବେ ।

ବାକି ୪୦ ପ୍ରତିଶତ ଉତ୍ପାଦିତ ଖଣିଜ ପଦାର୍ଥକୁ ସେମାନେ ଦେଶ ମଧ୍ୟରେ ଥିବା ଶିଳ୍ପ ସଂସ୍ଥାକୁ ବିକ୍ରୟ କରିପାରିବେ । ସେଥିପାଇଁ ମାଲିକମାନେ ସରକାରଙ୍କୁ ଲିଖିତ ଭାବରେ ଅବଗତ କରାଇବା ପାଇଁ ବାଧ୍ୟ ହେବେ ବୋଲି ଇସ୍ପାତ ଓ ଖଣି ମନ୍ତ୍ରୀ ରଘୁନାଥ ମହାନ୍ତି ସାମ୍ବାଦିକ ମାନଙ୍କୁ କହିଛନ୍ତି ।

ଇସ୍ପାତ ଓ ଖଣି ବିଭାଗ ପକ୍ଷରୁ ମଙ୍ଗଳବାର ନିଆଯାଇଥିବା ନିଷ୍ପତ୍ତି ଅନୁଯାୟୀ ଖଣିଜ ପଦାର୍ଥ ଚାଲାଣ କରୁଥିବା ଟ୍ରକ ସଂଖ୍ୟା ମଧ୍ୟ ସୀମିତ ରହିବ ।

ଯେଉଁ ଖଣି ମାଲିକ ମାନଙ୍କର ପରବର୍ତ୍ତି ପ୍ରକ୍ରିୟାକରଣ ବ୍ୟବସ୍ଥା ନାହିଁ କିମ୍ବା ଖଣିଜ ଶିଳ୍ପ ଭିତ୍ତିକ ଶିଳ୍ପ ନାହିଁ ସେମାନେ ହିଁ ଅଧିକ ପରିମାଣରେ ଖଣିଜ ପଦାର୍ଥ ଚୋରା ଚାଲାଣ କରୁଛନ୍ତି ।

ଏପରିକି ସେମାନେ ସିଧାସଳଖ ବିଶେକୁ ଉତ୍ପାଦିତ ଖଣିଜ ପଥର ପଠାଇ ଦେଉଛନ୍ତି । ଯାହା ଫଳରେ ରାଜ୍ୟ ପାଇଁ ବହୁ ପରିମାଣର ରାଜସ୍ୱ ହାନୀ ହେଉଥିବା ବେଳେ ବେକାରୀ ସମସ୍ୟା ମଧ୍ୟ ବୃଦ୍ଧି ହୋଇଚାଲୁଥିଲା । ବହୁ ବିଳମ୍ବରେ ହେଲେ ମଧ୍ୟ ସରକାର ତାହାକୁ ଉପଲବ୍ଧ କରି ଏହି ପକ୍ଷେପ ଗ୍ରହଣ କରିଛନ୍ତି, ସେ କହିଛନ୍ତି ।

ଏଭଳି ନିଷ୍ପତ୍ତି ସଂକ୍ରାନ୍ତୀୟ ଚିଠା ଇସ୍ପାତ ଓ ଖଣି ବିଭାଗ ପକ୍ଷରୁ ପ୍ରସ୍ତୁତ କରାଯାଇଥିବା ବେଳେ ତାହାକୁ ମୁଖ୍ୟମନ୍ତ୍ରୀଙ୍କ ଅବଗତ ଏବଂ ଅନୁମୋନ ନିମନ୍ତେ ପଠାଯିବ । ଅନୁମୋଡନ ପରେ ତାହାକୁ କେନ୍ଦ୍ର ସରକାରଙ୍କ କାର୍ଯ୍ୟାନୁଷ୍ଠାନ ପାଇଁ ପଠାଯିବ ବୋଲି ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍