ଶିକ୍ଷକ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବାରିପା ,ଅଗଷ୍ଟ ୨୮ (ଓଡ଼ିଶା ଡ଼ଟ୍ କମ୍),ମୟୂରଭଞ୍ଜ ଜିଲାପାଳ ରାଜେଶ ପ୍ରଭାକର ପାଟିଲଙ୍କ ନିର୍ଦ୍ଦେଶରେ ପ୍ରଥମଥର ପାଇଁ ପ୍ରଶାସନିକ ଅଧିକାରୀଙ୍କ ପ୍ରତ୍ୟକ୍ଷ ତତ୍ଵାବଧାନରେ ସ୍କୁଲରେ ବିଳମ୍ବରେ ପହଞ୍ଚୁଥିବା ଶିକ୍ଷକ, ଶିକ୍ଷୟିତ୍ରୀଙ୍କୁ ଠାବକରା ଯାଇଛି ।

ଜିଲାର ଚାରିଟି ଉପଖଣ୍ଡ ସଦର ମହକୁମାରେ ୧୮୭ଜଣ ଶିକ୍ଷକ, ଶିକ୍ଷୟିତ୍ରୀ ଧରାପଡିଥିବା ଜଣାଯାଇଛି । ସେମାନଙ୍କ ମଧ୍ୟରୁ ୭୩ଜଣ ଶିକ୍ଷକ ଓ ୧୧୪ଜଣ ଶିକ୍ଷୟିତ୍ରୀ ଥିବାବେଳେ ସେମାନଙ୍କ ମଧ୍ୟରେ ୧୭୪ ଜଣ ପ୍ରାଇମେରୀ ଓ ୧୩ଜଣ ହାଇସ୍କୁଲର ଅଛନ୍ତି ।

ଏହିମାନଙ୍କୁ ଧରିବା ପାଇଁ ୨୪ଟି ସ୍ୱତନ୍ତ୍ର ସ୍କ୍ୱାଡ ଗଠନ କରା ଯାଇଥିଲା । ଧରାପଡିଥିବା ସମସ୍ତ ଶିକ୍ଷକ, ଶିକ୍ଷୟିତ୍ରୀଙ୍କ ସହ ବିଦ୍ୟାଳୟର ଠିକଣା ତାଲିକାଭୁକ୍ତ କରାଯାଇ ଆବଶ୍ୟକ କାର୍ଯ୍ୟାନୁଷ୍ଠାନ ପାଇଁ ଜିଲାପାଳଙ୍କଠାରେ ଉପସ୍ଥାପନ କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଡ଼ିସେମ୍ବର ୨୦(ଓଡ଼ିଶା ଡ଼ଟ୍ କମ୍) ରାଜ୍ୟରେ ବ୍ଲକଗ୍ରାଂଟ ଶିକ୍ଷକ ମାନଙ୍କୁ ଷଷ୍ଠ ବେତନ କମିଶନ ଅନୁଯାୟୀ ଦରମା ପ୍ରଦାନ କରାଯିବ ବୋଲି ସରକାର ମଙ୍ଗଳବାର ଘୋଷଣା କରିଛନ୍ତି ।

ରାଜ୍ୟରେ ଥିବା ୧୯୮୨ଟି ବ୍ଲକଗ୍ରାଂଟ ସ୍କୁଲ ମଧ୍ୟରୁ ଉତମ କ୍ଷମତା ପ୍ରତିପାଦନ କରୁଥିବା ୧୫୮୭ଟି ସ୍କୁଲକୁ ଷଷ୍ଠ ବେତନ କମିଶନ ଅନୁଯାୟୀ ୬୦ ପତିଶତ ଦ୍ରରମା ଓ ୧୧ ପ୍ରତିଶତ ମହଙ୍ଗାଭତା ଦିଆଯିବ ବୋଲି ଗଣଶିକ୍ଷା ମନ୍ତ୍ରୀ ପ୍ରତାପ ଜେନା ବିଧାନସଭାରେ କହିଛନ୍ତି ।

ଆସନ୍ତା ଅପ୍ରେଲ ପହିଲାରୁ ଏହା ଲାଗୁ କରାଯିବ । ପୂର୍ବରୁ ଏହି ଶିକ୍ଷକମାନେ ପଂଚମ ବେତନ କମିଶନ ଅନୁଯାୟୀ ଦରମା ପାଉଥିଲେ ।

ସେହିପରି ୯୧୬ଟି ଏମ୍ଇ ସ୍କୁଲର ଶିକ୍ଷକଙ୍କୁ ପଂଚମ ବେତନ କମିଶନ ଅନୁଯାୟୀ ୬୦ ପ୍ରତିଶତ ଦରମା ଓ ୧୧ ପ୍ରତିଶତ ମହଙ୍ଗାଭତା ପ୍ରଦାନ କରାଯିବ, ସେ କହିଛନ୍ତି ।

ତେବେ ରାଜ୍ୟର ୨୨୪ଟି ପଂଚାୟତର ଏକମାତ୍ର ବେସରକାରୀ ତଥା କୌଣସି ସରକାରୀ ସହାୟତା ପାଉନଥିବା ହାଇସ୍କୁଲକୁ ବ୍ଲକଗ୍ରାଂଟ ସହ ୬୦ ପ୍ରତିଶତ ଅନୁଦାନ ଦିଆଯିବ ବୋଲି ସେ କହିଛନ୍ତି ।

ଷଷ୍ଠ ବେତନ କମିଶନ ଲାଗୁ କରିବା ଦ।ବିରେ ବହୁଦିନ ହେଲା ବ୍ଲକଗ୍ରାଂଟ ଶିକ୍ଷକ ତଥା କର୍ମଚାରୀମାନେ ଆନ୍ଦୋଳନ ଚଳାଇଆସୁଥିଲେ । ଏହାଦ୍ୱାରାପ୍ରାୟ ୨୦ ହଜାର ଶିକ୍ଷକ, ଶିକ୍ଷୟିତ୍ରୀ ଓ କର୍ମଚାରୀ ଉପକୃତ ହେବେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଶାନ୍ତନୁ ବିଶ୍ୱାଳ

ବରଗଡ଼, ଫେବୃୟାରୀ ୧୬(ଓଡ଼ିଶା ଡ଼ଟ୍ କମ୍) ବରଗଡ଼ ଜିଲ୍ଲାରେ ସର୍ବଶିକ୍ଷା ଅଭିଯାନ ଦ୍ୱାରା ପ୍ରଦାନ କରାଯାଇଥିବା ଅର୍ଥର ପରିଚାଳନାଗତ ତୃଟି ପାଇଁ ଦୁଇ ଜଣ ଶିକ୍ଷକଙ୍କୁ ନିଲମ୍ବିତ କରାଯାଇଛି ।

ଭେଡ଼େନ ବ୍ଲକ ଅନ୍ତର୍ଗତ ଖଡ଼ଗପୁର ସ୍କୁଲର ଶିକ୍ଷକ ସାଗର ବନ୍ଛୋର ଓ ବ୍କଟୀ ସ୍କୁଲର ରାମ ବାରିକଙ୍କୁ ସର୍ବଶିକ୍ଷା ଅଭିଯାନ ଜିଲ୍ଲା ପ୍ରକଳ୍ପ ଅଧିକାରୀ ସୁବୋଧ ପଣ୍ଡା ନିଲମ୍ବିତ କରିଛନ୍ତି ।

ସେହିପରି ଜନଗଣନା କାର୍ଯ୍ୟରେ ଅସହଯୋଗ ଯୋଗୁଁ ଶିକ୍ଷକ ପ୍ରଶାନ୍ତ ମହାପାତ୍ରଙ୍କୁ ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ନିଲମ୍ବିତ କରାଯାଇଛି ।

ଓଡ଼ି ଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ଜାନୁୟାରୀ ୧(ଓଡ଼ିଶା ଡ଼ଟ୍ କମ୍) ଆସନ୍ତା ଜାନୁୟାରୀ ମାସରେ ୩୦ ହଜାର ଶିକ୍ଷକଙ୍କୁ ନିଯୁକ୍ତି ଦିଆଯିବ ବୋଲି ସ୍କୁଲ ଓ ଗଣଶିକ୍ଷା ମନ୍ତ୍ରୀ ପ୍ରତାପ ଜେନା ଶୁକ୍ରବାର କହିଛନ୍ତି ।

ଏହା ଦ୍ଵାରା ପ୍ରାଥମିକ ଓ ମାଧ୍ୟମିକ ସ୍କୁଲ ଗୁଡ଼ିକର ଶିକ୍ଷକ ଅଭାବକୁ ଦୂର କରାଯାଇ ପାରିବ । ଯେଉଁ ୩୦ ହଜାର ଶିକ୍ଷକଙ୍କୁ ନିଯୁକ୍ତି ଦିଆଯିବାର ବ୍ୟବସ୍ଥା କରାଯାଉଛି ସେଥିମଧ୍ୟରୁ ୨୫ ହଜାର ଶିକ୍ଷା ସହାୟକ ଅନ୍ତର୍ଭୁକ୍ତ । ସେମାନେ ସମସ୍ତେ ପ୍ରାଥମିକ ସ୍କୁଲ ଗୁଡ଼ିକରେ ନିଯୁକ୍ତି ପାଇବେ ।

ଦୁଇ ହଜାର ବିଇଡ଼ି ତାଲିମ ପ୍ରାପ୍ତ ଯୁବକ ଯୁବତୀଙ୍କୁ ହାଇସ୍କୁଲ ଗୁଡ଼ିକରେ ନିଯୁକ୍ତି ଦିଆଯିବ । ଏକ ହଜାର ଯୁବକ ଯୁବତୀଙ୍କୁ ସିଟି ସ୍କୁଲ ଏବଂ ବିଇଡ଼ି କଲେଜ ମାନଙ୍କରେ ଖାଲି ପଡ଼ିଥିବା ପଦବୀରେ ନିଯୁକ୍ତି ଦିଆଯିବ । ଏହାବ୍ୟତୀତ ଡ଼ିପିଇପି ଏବଂ ଇପା ସ୍କିମରେ ପାରାଟିଚର ମାନଙ୍କୁ ନିଯୁକ୍ତି ଦିଆଯିବ, ସେ କହିଛନ୍ତି ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ଡ଼ିସେମ୍ବର ୪(ଓଡ଼ିଶା ଡ଼ଟ୍ କମ୍) ଯୋଗ୍ୟ ବିବେଚିତ ଅଧ୍ୟାପକ ଅଧ୍ୟାପିକା ମାନଙ୍କୁ ୟୁଜିସି ହାରରେ ଦରମା ଦେବା ପାଇଁ ରାଜ୍ୟ ସରକାର ଆଗ୍ରହୀ କିନ୍ତୁ କେନ୍ଦ୍ର ସରକାରଙ୍କୁ ମଗା ଯାଇଥିବା ସହାୟତା ମିଳିବା ପରେ ଏହି ହାରରେ ଦରମା ଆଯିବ ବୋଲି ଉଚ୍ଚଶିକ୍ଷାମନ୍ତ୍ରୀ ଶନିବାର ବିଧାନସଭାରେ କହିଛନ୍ତି ।

ଏହି ବାବଦରେ କେନ୍ଦ୍ର ସରକାରଙ୍କୁ ୩୦୦ କୋଟି ଟଙ୍କା ମଗାଯାଇଛି । ଷଷ୍ଠ ବେତନ କମିଶନଙ୍କ ସୁପାରିଶକୁ ଆଧାର କରି ମାନବ ସମ୍ବଳ ବିକାଶ ମନ୍ତ୍ରାଳୟଙ୍କ ଦ୍ଵାରା ବିଶ୍ୱବିଦ୍ୟାଳୟ ଅନୁଦାନ ଆୟୋଗଙ୍କୁ ଗତ ୨୦୦୮ ଡ଼ିସେମ୍ବର ୩୧ରେ ଏସଂପର୍କରେ ଜଣାଇ ଦିଆଯାଇଛି ।

ନିଦ୍ଦେଶାବଳୀ ଅନୁସାରେ ରାଜ୍ୟରେ ଅବସ୍ଥିତ ସମସ୍ତ ବିଶ୍ୱବିଦ୍ୟାଳୟ ସରକାରୀ ମହାବିଦ୍ୟାଳୟ ଓ ଅନୁଦାନ ପ୍ରାପ୍ତ ବେସରକାରୀ ମହାବିଦ୍ୟାଳୟ ମାନଙ୍କରେ କାର୍ଯ୍ୟରତ ଥିବା ୟୁଜିସି ବେତନଧାରୀ ଶିକ୍ଷକ ମାନଙ୍କୁ ସଂଶୋଧିତ ହାରରେ ବେତନ ପ୍ରଦାନ କରିବା ନିମନ୍ତେ ସରକାର ରିଜୋଲ୍ୟୁସନ କରିଥିଲେ, ସେ କହିଛନ୍ତି ।

ସୂଚନାଯୋଗ୍ୟ ଯେ ଫିଟ୍ମେଣ୍ଟ କମିଟି ରାଜ୍ୟର କେତେକ ଶିକ୍ଷକ ସଂଘ ସହ ଆଲୋଚନା କରି ଏହି ବେତନ ଦେବା
ନିମନ୍ତେ ସରକାରଙ୍କୁ ସୁପାରିଶ କରିଥିଲେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ଡ଼ିସେମ୍ବର ୪(ଓଡ଼ିଶା ଡ଼ଟ୍ କମ୍) ଶିକ୍ଷକ ଅଭାବ, ବହିପତ୍ର ନମିଳିବା ତଥା ପରୀକ୍ଷା କରାଯାଉନଥିବା ଯୋଗୁଁ ଉତ୍ତ୍ୟକ୍ତ ଗ୍ରାମବାସୀମାନେ ତିର୍ତ୍ତୋଳ ଓ ଜଗତସିଂହପୁର ଶିକ୍ଷା ଜିଲ୍ଲାର ପ୍ରାୟ ଛଅଟି ସ୍କୁଲରେ ତାଲା ପକାଇ ଦେଇଛନ୍ତି ।

ଫଳରେ ସର୍ବଶିକ୍ଷା ଅଭିଯାନ ଦ୍ଵାରା ଶିକ୍ଷାର ମାନ ବୃଦ୍ଧି ପାଇଁ ଖର୍ଚ୍ଚ କରାଯାଉଥିବା କୋଟିକୋଟି ଟଙ୍କାର କୌଣସି ସୁଫଳ ମିଳିପାରୁ ନାହିଁ ।

ବର୍ତ୍ତମାନ ସ୍କୁଲ କର୍ମଚାରୀମାନେ ଡ଼୍ରେସକୋଡ଼, କର୍ମଶାଳା, ତାଲିମ ଓ ନିର୍ମାଣ କାର୍ଯ୍ୟରେ ନିୟୋଜିତ ହେଉଥିବାରୁ ଶିକ୍ଷ।ନୁଷ୍ଠାନରେ ବ୍ୟାପକ ଅସୁବିଧା ଖୋେଇଛି । ଏଥିଯୋଗୁଁ ବିଭିନ୍ନ ଗ୍ରାମର ଉତ୍ତ୍ୟକ୍ତ ଗ୍ରାମବାସୀମାନେ ଏହି ସ୍କୁଲ ଗୁଡ଼ିକରେ ତାଲା ପକାଇ ଦେଇଛନ୍ତି ।

ଶିକ୍ଷକ ଅଭାବ, ଗାଁ ଶିକ୍ଷା କମିଟି ଗଠନ ନକରିବା ତଥା ପାଠ୍ୟ ପୁସ୍ତକ ଉପଲବ୍ଧ ; ନହେବାରୁ ଗତ ସାତ ଦିନ ହେଲା ଗ୍ରାମବାସୀମାନେ ଏର୍ସମା ବ୍ଲକ ଅନ୍ତର୍ଗତ ଖଟି ଖୋଲା ପ୍ରାଥମିକ ସ୍କୁଲରେ ତାଲା ପକାଇଛନ୍ତି ।

ଉକ୍ତ ସ୍କୁଲରେ ପାଞ୍ଚଟି ଶ୍ରେଣୀରେ ମୋଟ୍ ୧୨୫ ଜଣ ଛାତ୍ରଛାତ୍ରୀ ଥିବା ବେଳେ ଏମାନଙ୍କୁ ଶିକ୍ଷ।ନୁଷ୍ଠାନ କରିବା ପାଇଁ ମାତ୍ର ଜଣେ ଶିକ୍ଷା ସହାୟକଙ୍କୁ ନିଯୁକ୍ତ କରାଯାଇଛି । ନିକଟରେ ଗ୍ରାମବାସୀଙ୍କ ଦାବି ପରେ ଜଣେ ଗଣ ଶିକ୍ଷକଙ୍କୁ ଏହି ସ୍କୁଲରେ ନିଯୁକ୍ତି ଦିଆଯାଇଥିଲା ମାତ୍ର ଗୋଟିଏ ସପ୍ତାହ ପରେ ସେ ପୁଣି ଚାଲିଯାଇଥିଲେ ।

ସେହିପରି ଜଣେ ଶିକ୍ଷକ ସ୍କୁଲ ଛାତ୍ରୀଙ୍କୁ ଦୁର୍ବ୍ୟବହାର ପ୍ରଦର୍ଶନ କରିଥିବା ଅଭିଯୋଗ ପରେ ଗ୍ରାମବାସୀମାନେ ଗୋଟିଏ ସ୍କୁଲକୁ ବନ୍ଦ କରିଦେଇ ଥିଲେ ପରେ ପ୍ରଶାସନର ହସ୍ତକ୍ଷେପ ଯୋଗୁଁ ତାହା ପୁଣି ଚାଲୁ ହୋଇଥିଲା । ଜାତିଆଣ ଭେଦଭାବକୁ ନେଇ ମଧ୍ୟ ଜିଲ୍ଲାରେ ଲୋକମାନେ ସ୍କୁଲ ବନ୍ଦ କରିଦେଇଥିଲେ । ସେହିପରି ବାଲିକୁଦା, ନୂଆଗାଁ ବ୍ଲକର ଅନ୍ୟ ତିନୋଟି ସ୍କୁଲକୁ ମଧ୍ୟ ଲୋକମାନେ ବନ୍ଦ କରିଦେଇଛନ୍ତି ।

“”ତିର୍ତ୍ତୋଳ ଶିକ୍ଷା ଜିଲ୍ଲାରେ ୩୬୦ଟି ସ୍ଥାୟୀ ସ୍କୁଲ ସମେତ ମୋଟ୍ ୮୪୩ଟି ସ୍କୁଲରେ ଶିକ୍ଷକ ଅଭାବ ଥିବା ବେଳେ ୧୧୩ଟି ସ୍କୁଲ ଗୋଟିଏ ଶିକ୍ଷକରେ ଚାଲିଛି । ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରି ପୁଣି ସ୍କୁଲ ଖେଲିବାକୁ ଉଦ୍ୟମ କରାଯାଉଛି” ସ୍କୁଲ ଡ଼ିଆଇ ଦେବେନ୍ଦ୍ର ଦ।ସ କହିଛନ୍ତି ।

ଓଡ଼ିଶା ଡ଼ଟ୍ କମ୍