ଶ୍ରୀମନ୍ଦିର

ଓଡିଶା ଡଟ କମ ସଂବାଦ ଦାତା

ପୁରୀ, ମଇ ୨୪ (ଓଡିଶା ଡଟ କମ) ଶ୍ରୀମନ୍ଦିର ରୀତିନୀତି ଓ ପରିଚାଳନାରେ ବାରମ୍ବାର ଅଯଥା ହସ୍ତକ୍ଷେପ କରୁଥିବା ଅଭିଯୋଗ କରି ପୁରୀ ଶଙ୍କରାଚାର୍ଯ୍ୟ ନିଶ୍ଚିଳାନନ୍ଦ ସରସ୍ଵତୀ ଶନିବାର ସରକାରଙ୍କୁ ବ୍ୟାପକ ସମାଲୋଚନା କରିଛନ୍ତି।

ଏଭଳି ହସ୍ତକ୍ଷେପକୁ ନାପସନ୍ଦ କରି ସରକାର ତୁରନ୍ତ ଏହି ଜଘନ୍ୟ ଅପରାଧରୁ ଦୁରେଇ ରହନ୍ତୁ ଓ ଦଶ ଭିତରେ ସୁଧୁରି ଯାଆନ୍ତୁ ବୋଲି ସେ ପରାମର୍ଶ ଦେଇଛନ୍ତି।

ଆଧ୍ୟାତ୍ମିକ, ସାଂସ୍କୃତିକ ଧାର୍ମିକ ଏବଂ ମୋକ୍ଷର ସଂସ୍ଥାନ ହେଉଛି ଶ୍ରୀମନ୍ଦିର । ଅମଲାତନ୍ତ୍ରର ହସ୍ତକ୍ଷେପ ଫଳରେ ମହାପ୍ରଭୁଙ୍କ ସେବା ଓ ପୂଜାରେ ବାରମ୍ବାର ବ୍ୟାଘାତ ସ୍ତୃଷ୍ଟି ହେଉଥିବା ଗୋବର୍ଦ୍ଧନ ମଠରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସେ କହିଛନ୍ତି।

ଶ୍ରୀମନ୍ଦିର ପରିଚାଳନା ହାତକୁ ନେଇ ସରକାର ସୃଷ୍ଟି କରିଥିବା ମୁଖ୍ୟ ପ୍ରଶାସକ ପଦ ବେଆଇନ ଦର୍ଶାଇ ସେ କହିଛନ୍ତି ଉକ୍ତ ପଦବୀରେ ରହୁଥିବା ବ୍ୟକ୍ତି ବିଶେଷ ନିଜ ସୀମାରେଖା ତଳେ ସୀମାବଦ୍ଧ ନ ରହି ଅଯଥା ଧାର୍ମିକ ବ୍ୟବସ୍ଥାରେ ହସ୍ତକ୍ଷେପ କରୁଛନ୍ତି ।

ଠିକ ସେହି ପରି ଶ୍ରୀମନ୍ଦିର ପରିଚାଳନାରେ ଆମୂଳ ଚୁଳ ପରିବର୍ତ୍ତନ ଆବଶ୍ୟକ ବୋଲି ସେ କହିଛନ୍ତି। ଶଙ୍କରାଚାର୍ଯ୍ୟ ଜଣେ ବ୍ୟକ୍ତି ନୁହନ୍ତି । ସେ ଏକ ଅନୁଷ୍ଠାନ । ସେ ସନାତନ ତଥା ହିନ୍ଦୁ ଧର୍ମର ମୁଖ୍ୟ । ଶଙ୍କରାଚାର୍ଯ୍ୟଙ୍କ ପ୍ରତି ସରକାର ଜଣେ ବ୍ୟକ୍ତିଙ୍କ ଭଳି ଆଚରଣ କରୁଥିବାରୁ ସେ କ୍ଷୋଭ ପ୍ରକାଶ କରିଛନ୍ତି ।

ଶଙ୍କରାଚାର୍ଯ୍ୟଙ୍କୁ ଉପଦେଷ୍ଟା ଆଖ୍ୟା ଦେଇ ତାଙ୍କର ଅଧିକାରରେ ହସ୍ତକ୍ଷେପ କରିବାକୁ ରାଜ୍ୟ ସରକାର କିଏ ବୋଲି ସେ ପ୍ରଶ୍ନ କରିଛନ୍ତି । ଶଙ୍କରାଚାର୍ଯ୍ୟ ହେଉଛନ୍ତି ମାର୍ଗ ଦର୍ଶକ । ମାର୍ଗ ଦର୍ଶକ ଓ ଉପଦେଷ୍ଟା ସମାନ ନୁହେଁ ବୋଲି ସେ କହିଛନ୍ତି । ଠିକ ସେହିପରି ନବକଳେବର ସମ୍ପର୍କରେ ସରକାର ତାଙ୍କ ସହ ପରାମର୍ଶ କରୁନଥିବାରୁ ସେ କ୍ଷୋଭ ପ୍ରକାଶ କରିଛନ୍ତି ।

ଓଡିଶା ଡଟ କମ

ଓଡିଶା ଡଟ କମ ସଂବାଦ ଦାତା

ପୁରୀ, ମଇ ୨୦ (ଓଡିଶା ଡଟ କମ) ଶ୍ରୀମନ୍ଦିରରେ ଠାକୁରଙ୍କ ସାହାଣ ମେଳା ଦର୍ଶନ ବେଳେ ମଙ୍ଗଳବାର ଜଣେ ଭକ୍ତଙ୍କୁ ମାଡ ମାରିବା ଅଭିଯୋଗରେ ଜଣେ ସେବାୟତଙ୍କୁ ଗିରଫ କରିଥିବା ପୁଲିସ କହିଛି ।

ଭଦ୍ରକ ଜିଲ୍ଲାର ସନାତନ ନାୟକ ଓ ତାଙ୍କ ବନ୍ଧୁ ପରିବାର ସହ ସୋମବାର ସନ୍ଧ୍ୟାରେ ଠାକୁରଙ୍କୁ ଦର୍ଶନ କରିବା ପାଇଁ ପୁରୀରେ ପହଞ୍ଚି ଥିଲେ।

ମଙ୍ଗଳବାର ସକାଳେ ଶ୍ରୀମନ୍ଦିରଙ୍କୁ ଯାଇ ଠାକୁରଙ୍କୁ ଦର୍ଶନ କରି ଫେରୁଥିବା ବେଳେ ଜଣେ ସେବାୟତ ତାଙ୍କୁ ଆକ୍ରମଣ କରି ମାଡ ମାରିଥିବା ସେ ଅଭିଯୋଗ କରିବା ପରେ, ସମ୍ପୃକ୍ତ ସେବାୟତଙ୍କୁ ଗିରଫ କରାଯାଇଥିବା ଜିଲ୍ଲା ପୁଲିସ ମୁଖ୍ୟ ଆଶିଷ କୁମାର ସିଂହ ଓଡିଶା ଡଟ କମକୁ କହିଛନ୍ତି।

ଗିରଫ ହୋଇଥିବା ସେବାୟତଙ୍କ ନାମ ଚନ୍ଦନ ଖୁଣ୍ଟିଆ ।

ଓଡିଶା ଡଟ କମ

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡିସେମ୍ବର ୯(ଓଡିଶା ଡଟ୍ କମ୍)-୨୦୧୩ ନୂଆବର୍ଷ ପାଳନ ଅବସରରେ ଡିସେମ୍ବର ୩୧ ଏବଂ ଜାନୁଆରି ୧ ତାରିଖରେ ଶ୍ରୀମନ୍ଦିରରେ ଭକ୍ତଙ୍କ ଭିଡ ବୃଦ୍ଧି ପାଉଥିବାରୁ ଏହି ଦଦୁଇ ଦିନ ମହାପ୍ରଭୁଙ୍କ ବଲ୍ଲଭଭୋଗ ପରେ ହେଉଥିବା ଭିତରକାଠ ପରିମାଣିକ ଟିକଟ ଦର୍ଶନକୁ ବନ୍ଦ ରଖାଯିବ ବୋଲି ନୀତି ସବ୍ କମିଟି ଏବଂ ଛତିଶା ନିଯୋଗ ବୈଠକରେ ନିଷ୍ପତି ନିଆଯାଇଛି ।

ସେହିଭଳି ଡିସେମ୍ବର ୩୧ ତାରିଖ ରାତିରେ ଭକ୍ତଙ୍କ ନବବର୍ଷ ଦର୍ଶନ ଭିଡ ଲାଗି ରହିବ ତେଣୁ ଏହି ରାତିରେ ମହାପ୍ରଭୁଙ୍କ ନିତ୍ୟ ରାତି ପହୁଡ ନୀତି ବନ୍ଦ ରଖାଯିବାକୁ ବୈଠକରେ ନିସ୍ପତି ହୋଇଛି ।

ଡିସେମ୍ବର ୧୫ରୁ ଆରମ୍ଭ ହେବ ଶ୍ରୀମନ୍ଦିରରେ ପହିଲି ଭୋଗ ନୀତି । ଏହି ନୀତି ଜାନୁଆରି ୧୩ ପର୍ଯ୍ୟନ୍ତ ବଳବତର ରହିବ । ଏହି ନୀତି ସଂପର୍କରେ ବୈଠକରେ ସବିଶେଷ ଆଲୋଚନା ହେବାପରେ ଛିତିଶାନିଯୋଗର ଅନୁମୋଦନ ମିଳିଥିଲା ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ପୁରୀ,ନଭେମ୍ବର ୧୩(ଓଡ଼ିଶା ଡ଼ଟ୍ କମ୍)-ପବିତ୍ର ଦ୍ୱୀପାବଳୀରେ ପ୍ରୟାଶ୍ରାଦ୍ଧ ଦେବାପାଇଁ ଶ୍ରୀକ୍ଷେତ୍ରରେ ପ୍ରବଳ ଜନସମାଙ୍ଗମ । ପିତୃ ପୁରୁଷଙ୍କୁ ଶ୍ରାଦ୍ଧଦେବାପାଇଁ ଶ୍ରୀମନ୍ଦିର ବାଇଶୀ ପାହଚରେ ଶ୍ରଦ୍ଧାଳୁଙ୍କ ପ୍ରବଳ ଭିଡ ହୋଇଥିଲା ।

ବଡବଡୁଆ ଅନ୍ଦାରରେ ଆସି ଆଲୁଅରେ ଯାଅ, ଶ୍ରୀମନ୍ଦିରରେ ମହାପ୍ରସାଦ ଖାଇ ବାଇଶୀ ପାହଚେ ଗଡଗଡଉଥାଅ । ଏମିତି କିଛି ଆଧ୍ୟାତ୍ମକକୁ ନେଇ ଆଜି ସିଂହ ଦ୍ୱାରରେ ଭକ୍ତମାନେ ବଡବଡୁଆଙ୍କୁ ଡାକିଥିଲେ । ଭୋଗ କରିବା ସହ ଦୀପ ଜାଳିଥିଲେ ।

ବିଶ୍ୱାସ କରାଯାଏ ବାଇଶୀ ପାହଚରେ ପିତୃପୁରୁଷଙ୍କୁ ଶ୍ରାଦ୍ଧ ଅର୍ପଣ ଏବଂ କାଉଁରିଆ ଧରି ବଡବଡୁଆଙ୍କୁ ଡାକିଲେ ପରିବାରରେ ସୁଖ ସମୃଦ୍ଧି ବଢେ । ବାଇଶୀ ପାହଚରେ ଶ୍ରାଦ୍ଧ ଦେବାପରେ ଭକ୍ତମାନେ ସିଂହଦ୍ୱାର ସମ୍ମୁଖରେ କାଉଁରିଆ କାଠିଧରି ତାଦେହରେ ନିଆଁ ଲଗାଇ ବଡବଡୁଆକୁ ଡାକିଥିଲେ ।

ଲୋକଙ୍କ ସମାଗମ ଦେଖି ପୋଲିସ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । କାକୁଡିଖାଇ ଛକ, ଗାଣ୍ଡୁଆ ଚଉରା ଛକ ଏବଂ ଦୋଳଗୋବିନ୍ଦ ସାହି ଛକରୁ ୱାନୱେ ଟ୍ରାଫିକ ବ୍ୟବସ୍ଥା କରାଯାଇଛି । ଯାନ ବାହାନ ଗୁଡିକୁ ମନ୍ଦିର ନିକଟକୁ ଛଡା ଯାଉନାହିଁ । ମାର୍କେଟ ଛକ ଠାରୁ ସହର ଭିତରୁକ ଯାନବାହନ ଚଳାଚଳ ବନ୍ଦ ରହିଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍:ଜୁପିଟର ଦାସ

ପୁରୀ,ଅକ୍ଟୋବର ୭(ଓଡ଼ିଶା ଡ଼ଟ୍ କମ୍)-ପୁରୀ ଶ୍ରୀମନ୍ଦିର ପରିସରରେ ଏକ ଚୂନପଥର ଖସିପଡ଼ିବାରୁ ଜଣେ ସେବାୟତ ରବିବାର ଆହତ ହୋଇଛନ୍ତି ।

ପ୍ରାୟ ଏକ କିଲୋଗ୍ରାମ ଓଜନର ଏହି ଚୂନପଥର କେଉଁ ସ୍ଥାନରୁ ଖସିଛି ତାହା ଏ ପର୍ଯ୍ୟନ୍ତ ଜଣାପଡ଼ିନଥିବା ମନ୍ଦିରର ସୂଚନା ଅଧିକାରୀ ଲକ୍ଷ୍ମୀଧର ପୂଜାପଣ୍ଡା ଓଡ଼ିଶା ଡ଼ଟ୍ କମ୍ କୁ କହିଛନ୍ତି । ତେବେ ମୂଖ୍ୟ ମନ୍ଦିରରୁ ଏହା ପଡ଼ିନାହିଁ ବୋଲି ସେ କହିଛନ୍ତି ।

ଦେବୀ ପ୍ରସାଦ ପଣ୍ଡା ନାମକ ସେବାୟତ ଏହି ଚୂନପଥର ଦ୍ୱାରାଆହତ ହୋଇ ମେଡିକାଲରେ ଭର୍ତି ହୋଇଛନ୍ତି ।

ଓଡ଼ିଶା ଡ଼ଟ୍ କମ୍