ସମ୍ବଲପୁର ଜିଲ୍ଲା

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ସମ୍ବଲପୁର, ଅପ୍ରେଲ ୧୭(ଓଡ଼ିଶା ଡ଼ଟ୍ କମ୍) ସମ୍ବଲପୁର ଜିଲ୍ଲାରେ ଏକ ଜିପ୍ ଓ ଟ୍ରକ୍ ମଧ୍ୟରେ ମୁହାଁ ମୁହିଁ ଧକ୍କା ହେବାରୁ ନଅ ଜଣଙ୍କ ମୃତ୍ୟୁ ହୋଇଥିବା ପୋଲିସ ମଙ୍ଗଳବାର କହିଛି ।

ସୋମବାର ବିଳମ୍ବିତ ରାତିରେ ସମ୍ବଲପୁର ରାଉରକେଲା ରାଜ୍ୟ ରାଜପଥର ଗୁରୁପାଲିଠାରେ ଏହି
ମର୍ମନ୍ତୁନ୍ତ ଦୁର୍ଘଟଣା ଘଟିଛି ।

ବେଲପାହାଡ଼ ବାବାପଡ଼ା ଓ ସୁନ୍ଦରଗଡ଼ ଜିଲ୍ଲା ହେମଗିରି କନିକାର ୧୮ ଜଣ ଏକ ବୋଲୋରୋ
ଗାଡ଼ିରେ ହୀରାକୁ ବୁଲିବାକୁ ଆସି ଫେରୁଥିବା ବେଳେ ଗାଡ଼ିଟି ବିପରୀତ ଦିଗରୁ ଆସୁଥିବା ଟ୍ରକ୍ ସହ ମୁହାଁମୁହିଁ ଧକ୍କା ହୋଇଥିଲା ।

ଫଳରେ ଘଟଣାସ୍ଥଳରେ ଦୁଇ ଜଣ ଶିଶୁ ଏବଂ ଡ଼ାକ୍ତରଖାନା ନେବା ରାସ୍ତାରେ ଦୁଇ ମହିଳାଙ୍କ ସମେତ
ଅନ୍ୟ ସାତ ଜଣଙ୍କ ମୃତ୍ୟୁ ହୋଇଥିଲା ।

ଅନ୍ୟ ଆହତ ମାନଙ୍କୁ ରେଙ୍ଗାଲି ଡ଼ାକ୍ତରଖାନାରେ ଭର୍ତି କରାଯାଇଛି । ଏମାନଙ୍କ ମଧ୍ୟରେ ଛଅ ଶିଶୁ, ଦୁଇ ଜଣ ମହିଳା ଏବଂ ଜଣେ ପୁରୁଷ ଅଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ସମ୍ବଲପୁର, ଡ଼ିସେମ୍ବର ୧୩(ଓଡ଼ିଶା ଡ଼ଟ୍ କମ୍) ସମ୍ବଲପୁର ଜିଲ୍ଲାର ଏକ ସ୍ଥାନରୁ ଜଣେ ମାଓବାଦୀ
ସମେତ ଚାରି ଜଣଙ୍କୁ ଗିରଫ କରିଥିବା ପୋଲିସ ମଙ୍ଗଳବାର କହିଛି ।

ମାଓବାଦୀ ଜଣକ ଝାଡ଼ଖଣ୍ଡ କ୍ୟାଡ଼ରର ହୋଇଥିବା ବେଳେ ଅନ୍ୟ ତିନି ଜଣ ତା’ର ସହଯୋଗୀ ଏବଂ
ସେମାନେ ଯୁଯୁମରା ଅଂଚଳର ବୋଲି ପୋଲିସ କହିଛି ।

ଏହି ମାଓବାଦୀର ନାଁ ରାମବୀର ସଂସାର ଓ ସେ ନିକଟରେ ଜିଲ୍ଲାରେ ହୋଇଥିବା ଏକ କମ୍ପାନୀର ଗାଡ଼ି
ପୋଡ଼ାଜଳା ଘଟଣାରେ ସଂପୃକ୍ତ ବୋଲି ଜଣେ ଅଧିକାରୀ କହିଛନ୍ତି ।

ସହଯୋଗୀମାନେ ହେଲେ ବସନ୍ତ ହେରେଂଜା, ଦୁର୍ଗା ଟପ୍ପୋ ଓ ମଙ୍ଗଲୁ ଓରାମ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ସମ୍ବଲପୁର, ଅକ୍ଟୋବର ୩୧(ଓଡ଼ିଶା ଡ଼ଟ୍ କମ୍) ଗତ ତିନି ମାସ ତଳେ ଗିରଫ ହୋଇ ବିଚାରଧିନ ବନ୍ଦୀ ଭାବେ ନାରୀବନ୍ଦୀ ନିକେତନରେ ଥିବା ଜଣେ ମହିଳା ମାଓବାଦୀ ଡ଼ାକ୍ତରଖାନାରେ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି ।

କ୍ୟାଡ଼ର ମାଓବାଦୀ ରାମବତୀ ଉଦେଷୀ ରବିବାର ସମ୍ବଲପୁର ଜିଲ୍ଲା ସଦର ଡ଼ାକ୍ତରଖାନାରେ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି । ସୁରକ୍ଷା ଦୃଷ୍ଟିରୁ ଉଭୟ ମା ଓ ଛୁଆକୁ ସୁରକ୍ଷା ମଧ୍ୟରେ ରଖାଯାଇଛି ।

ନୂଆପଡ଼ା ଜିଲ୍ଲାରେ ସକ୍ରୀୟ ମାଓବାଦୀ ସଂଗଠନର ଶ୍ୟାମାବତୀ ଓ ତାଙ୍କର ସହଯୋଗୀମାନଙ୍କୁ ବରଗଡ଼ ପୋଲିସ ଗତ ଜୁଲାଇ ୨୪ରେ ଗିରଫ କରିଥିଲା ।

ପରେ ଡ଼ାକ୍ତରୀ ପରୀକ୍ଷା ପରେ ସେ ଗର୍ଭବତୀ ଥିବା ଜଣାପଡ଼ିଥିଲା ଓ ସମ୍ବଲପୁର ସ୍ଥିତ ନାରୀ ନିକେତନରେ ତାଙ୍କୁ ରଖାଯାଇଥିଲା ।

ଓଡ଼ିଶା ଡ଼ଟ୍ କମ୍