• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ସମ୍ବାଦପତ୍ର

ପ୍ରଥମ ଓଡିଆ ସମ୍ବାଦପତ୍ର ଉତ୍କଳ ଦୀପିକା; ଦଶଟି ପ୍ରମୁଖ କଥା

July 12, 2016 by ଓଡିଶା ଡଟ କମ Leave a Comment

5 - Copy

କେଦାର ମିଶ୍ର

ସମ୍ବାଦପତ୍ର ଓ ଗଣମାଧ୍ୟମ ଶିଳ୍ପର ଚରମ ପ୍ରଗତି ସମୟରେ ଏହାର ଇତିହାସ ଯଦି ପଢାଯାଏ, ଆମକୁ ଚକିତ ହେବାକୁ ପଡିବ । ବିକାଶର କୌଣସି ସମ୍ଭାବନା ନଥିବା ସମୟରେ ନୁଆ ଇତିହାସ ତିଆରି କରିବାର ସାହସ ମଣିଷ ଜାତି ସଂଚୟ କରିଥାଏ, ସେଥିଲାଗି ସବୁ ବଡ ସଫଳତା ର ଆରମ୍ଭ ସବୁଠୁ ଭୟଂକର ବିଫଳତା ରୁ ଇ ଆରମ୍ଭ ହୋଇଥାଏ ।

4ଯେଉଁ ସମୟରେ ଓଡିଶାର ରାଜନୈତିକ ଅସ୍ତିତ୍ଵ ନାହିଁ, ଭାଷା ଓ ସଂସ୍କୃତିର ସ୍ଵୀକୃତି ନାହିଁ ଓ ଅର୍ଥନୈତିକ ମେରୁଦଣ୍ଡ ଏକପ୍ରକାର ଶକ୍ତିହୀନ, ସେତେବେଳେ ଓଡିଆ ମାନେ ପ୍ରଥମ କରି ଗୋଟେ ସମ୍ବାଦପତ୍ର ପ୍ରତିଷ୍ଠା କରିବାର ସ୍ଵପ୍ନ ଦେଖୁଛନ୍ତି ଓ ସଫଳ ହେଉଛନ୍ତି।

୧୮୬୬ ମସିହାର କରାଳ ନ’ ଅଂକ ଦୁର୍ଭିକ୍ଷ ର ହାହାକାର ଭିତରୁ ଓଡିଶାର ପ୍ରଥମ ସମ୍ବାଦ ଓ ସମ୍ବାଦପତ୍ର ଜନ୍ମ ନେଉଛି।ଯଦିଓ ୧୮୫୬ ମସିହାରେ ଖ୍ରୀଷ୍ଟିଆନ ପାଦ୍ରୀ ଉଇଲିୟମ୍ ଲେସୀ ସାହେବଂକ ସମ୍ପାଦନା ରେ ପ୍ରଥମ ଓଡିଆ ସମାଚାର ପତ୍ର “ପ୍ରବୋଧ ଚନ୍ଦ୍ରିକା” ପ୍ରକାଶିତ ହୋଇଛି , ତଥାପି ତାକୁ ପୂର୍ନାଂଗ ଓଡିଆ ସମ୍ବାଦପତ୍ର ବୋଲି କୁହାଯାଇ ପାରିବ ନାହିଁ ।

ପ୍ରଥମ ପୂର୍ନାଂଗ ଓଡିଆ ସମ୍ବାଦପତ୍ର ରୂପେ ୧୧, ଅଗଷ୍ଟ ୧୮୬୬ ଦିନ ପ୍ରଥମ ସାପ୍ତାହିକ ଓଡିଆ ସମ୍ବାଦପତ୍ର “ଉତ୍କଳ ଦୀପିକା” ପ୍ରକାଶ ପାଇଥିଲା ।ଓଡିଶାର ପରିଚୟ ଓ ଓଡିଆ ଜାତିର ଅସ୍ତିତ୍ଵରେ ଦୀପିକା ନୁଆ ପ୍ରାଣ ସଂଚାର କରିଥିଲା ।୧୮୬୬ ରୁ ୨୦୧୬, ଦେଢ ଶହ ବର୍ଷ ଭିତରେ ଦୀପିକା ଆଜି କେବଳ ସ୍ମୃତି।

ଓଡିଆ ଗଣମାଧ୍ୟମର ପ୍ରଥମ ସମ୍ପତ୍ତିକୁ ଆମେ ସାଇତି ରଖିଲୁ ନାହିଁ କି ତାକୁ ବଞ୍ଚେଇ ରଖିବାର ସାହସ ଆମର ଆସିଲା ନାହିଁ ।ଓଡିଶାର ଏହି ଐତିହାସିକ ଖବରକାଗଜ ସମ୍ପର୍କରେ ଦଶଟି ପ୍ରମୁଖ ତଥ୍ୟ –

୧. “କଟକସ୍ଥ ସାହାଯ୍ୟ କୁମେଟୀ” ଶୀର୍ଷକରେ ୧୧, ଅଗଷ୍ଟ ,୧୮୬୬ ତାରିଖ ଦିନ “ଉତ୍କଳ ଦୀପକା” ନାମକ ଖବର କାଗଜର ପ୍ରଥମ ପୃଷ୍ଠାର ପ୍ରଥମ ସମ୍ବାଦ ପ୍ରକାଶ ପାଇଲା । ଛାପା ଅକ୍ଷରରେ ଓଡିଆ ସମ୍ବାଦ ପଢିବାର ସେ ଥିଲା ଐତିହାସିକ ଦିନ ।

6ଖବର ଟି ଥିଲା ଏମିତି- ‘ ସହର ମଝିରେ ଯେତେ ଅରକ୍ଷିତ ପିଲା ସରକାରୀ ସଡକ ଉପରେ ବୁଲୁଥିବାର ଦେଖାଯିବେ ସେମାନଂକୁ ସାହାଯ୍ୟ ମହକୁମାରୁ ନିଯୁକ୍ତ ଥିବା ଓଭରସିୟର ଆପଣା ଜିମା ନେଇ ତାହାଙ୍କର ଭରଣପୋଷଣ ଆଦି କରିବ।……….”

୨. ଦୁର୍ଭିକ୍ଷ, ଅନ୍ନ ର ଅଭାବ ଓ ଏ ପ୍ରକାର ମାନବୀୟ ସଂକଟକୁ ମୁକାବିଲା କରିବାରେ ସରକାର ତଥା ଧନୀ ଓଡିଆ ମାନେ ବିଫଳ ହେଉଥିବାର ସ୍ପଷ୍ଟ ଚିତ୍ର ଦୀପିକାରେ ପ୍ରକାଶ ପାଇଛି। ଦୀପିକାର ପ୍ରଥମ ପ୍ରକାଶକ ଓ ସମ୍ପାଦକ ଗୌରୀଶଙ୍କର ରାୟ ବୃତ୍ତିରେ ବ୍ରିଟିଶ୍ ସରକାରର କର୍ମଚାରୀ ହୋଇଥିଲେ ମଧ୍ୟ ସରକାରକୁ କଟୁ ସମାଲୋଚନା କରାଯାଇଛି ।

1୩. ନୁଆ କରି ଓଡିଶାରେ ଗଢି ଉଠୁଥିବା ମୁଦ୍ରଣ ଶିଳ୍ପ ର ବିକାଶ ପାଇଁ ୧୮୬୪ ମସିହାରେ କଟକର ଦରଘା ବଜାରରେ କଟକ ପ୍ରିନଟିଂଗ୍ କମ୍ପାନୀ ନାମକ ଏକ କମ୍ପାନୀ ଗଠିତ ହୋଇଛି ।

ଏହାର ନିର୍ଦ୍ଦେଶକ ଭାବରେ ବିଚିତ୍ରାନନ୍ଦ ଦାସ,ଲକ୍ଷ୍ମୀ ନାରାୟଣ ଚୌଧୁରୀ, ମଧୁସୁଦନ ଦାସ,ବିହାରିଲାଲ ପଣ୍ଡିତ,ଗୋପିମୋହନ ସେନ,ବନମାଳୀ ସିଂ ପ୍ରମୁଖ ରହିଥିବା ବେଳେ ଏହାର ସମ୍ପାଦକ ଭାବରେ ଗୌରୀଶଙ୍କର ଶଂକର ରାୟ ଦାୟିତ୍ଵ ନିର୍ବାହ କରିଛନ୍ତି ।

୪. ଗୌରୀଶଙ୍କର ରାୟ (୧୩,୦୭, ୧୮୩୮-୦୭,୦୩, ୧୯୧୭ ), ଉତ୍କଳ ଦୀପିକା ର ପ୍ରତିଷ୍ଠାତା ସମ୍ପାଦକ ।ତାଂକ ନେତୃତ୍ଵରେ ଦୀପିକା ନିରନ୍ତର ପ୍ରକାଶ ପାଇଛି । ୧୮୬୬ ରୁ ୧୯୧୫ , ଦୀର୍ଘ ୪୯ ବର୍ଷ ଧରି ଦୀପିକାର ପରିଚାଳନା ଓ ସମ୍ପାଦନା ଦାୟିତ୍ଵ ସେ ତୁଲାଇଥିଲେ।

୫. ମୃତ୍ୟୁ ର ଦୁଇ ବର୍ଷ ଆଗରୁ ଗୌରୀଶଙ୍କର ତାଂକର ଉତ୍ତରାଧିକାରୀ ଭାବରେ ସୁଦାମ ଚରଣ ନାୟକଂକୁ ସମ୍ପାଦକ ଦାୟିତ୍ଵ ସମର୍ପି ଦେଇଥିଲେ। ଗୌରୀଶଙ୍କର ଜୀବିତ ଥିବାବେଳେ ଦୀପିକା ବନ୍ଦ ହୋଇନାହିଁ , ବରଂ ଏହା ଓଡିଆ ଭାଷା, ସଂସ୍କୃତି, ରାଜନୀତି, ଅର୍ଥନୀତି ଓ ସାମାଜିକ ଜୀବନକୁ ଗଭୀର ଭାବରେ ପ୍ରଭାବିତ କରୁଛି ।

୬. ଗୌରୀଶଙ୍କର ମୃତ୍ୟୁବରଣ କରିବାର ମାତ୍ର ୧୭ ବର୍ଷ ପରେ କଟକ ପ୍ରିଂଟିଂଗ କମ୍ପାନୀ ଭାଂଗି ଗଲା ଓ ସବୁଦିନ ପାଇଁ ଓଡିଶାର ଗୌରବମୟ ଇତିହାସ ନିର୍ମାଣ କରିଥିବା ସମ୍ବାଦପତ୍ର ଦୀପିକା ସବୁଦିନ ଲାଗି ବନ୍ଦ ହୋଇଗଲା ।ସ୍ବତନ୍ତ୍ର ଓଡିଶା ଗଠନରେ ଅଗ୍ରଣୀ ଭୂମିକା ନେଇଥିବା ଦୀପିକା ରେ ସ୍ଵତନ୍ତ୍ର ଓଡିଶା ଗଠନର ଖବର ପ୍ରକାଶ ପାଇ ପାରିଲା ନାହିଁ ।

5୭. ଦୀପିକା ର ସମ୍ପାଦକୀୟ ମାନଦଣ୍ଡ ଓଡିଶାର ଗଣମାଧ୍ୟମର ଇତିହାସରେ ବିରଳ । ସବୁ ପ୍ରକାର ପକ୍ଷ ରଖିବାର ସୁଯୋଗ ଓ ସବୁ ମତକୁ ସମାନ ଭାବରେ ସମ୍ମାନ ଦେବାର ନୀତି ଦୀପିକାର ରହିଥିଲା ।

ଏହାର ସମ୍ପାଦକ ଭାବରେ ଗୌରୀଶଙ୍କର ଥିଲେ ଯୋଗଜନ୍ମା।ତାଂକ ପରେ ସୁଦାମ ଚରଣ ନାୟକ, ଭିକାରୀ ପଟନାୟକ ଓ ନୀଳମଣି ବିଦ୍ୟାରତ୍ନ ପ୍ରମୁଖ ସମ୍ପାଦକ ଭାବରେ ନିଜ ସିଦ୍ଧିର ସ୍ଵାକ୍ଷର ଛାଡି ଯାଇଛନ୍ତି।

୮. ଦୀପିକା ର ସମ୍ବାଦ ପରିବେଷଣ ଶୈଳୀ ରେ ବ୍ୟାପକ ପରିବର୍ତନ ଆସିଛି ।୧୮୬୬ ବେଳର ଦୀପିକାର ଭାଷାରେ ଯେଉଁ ସାଧୁ ଓ ଜଟିଳ ଭାଷାର ବ୍ୟବହାର ଥିଲା ତାହା ସମୟକ୍ରମେ ଯୁକ୍ତିନିଷ୍ଠ ଓ ପ୍ରାସଂଗିକ ହୋଇଛି ।

ତେବେ ତେରଛା ସମାଲୋଚନା କରିବାର ଏକ ସୁନ୍ଦର ଶୈଳୀ ଦୀପିକାରେ ରହିଥିଲା, ଯାହାକି ଆଜିର ସମ୍ବାଦପତ୍ର ଗୁଡିକରେ ଏକ ପ୍ରକାର ଦେଖିବାକୁ ମିଳିନାହିଁ ।

୯. ସମାଜ ସଂସ୍କାର ଓ ଲୋକ ବିକାଶ ର କଥା ଦୀପିକାରେ ପ୍ରମୁଖ ସ୍ଥାନ ପାଉଥିଲା। ସ୍ଵାଧିନତା ଆନ୍ଦୋଳନ ପ୍ରତି ଦୀପିକାର ଆଗ୍ରହ ବିଶେଷ ନଥିବା ଏହାର ଏକ ବଡ ଦୁର୍ବଳତା ।

ଓଡିଆ ଜାତୀୟତା ଉପରେ ସର୍ବାଧିକ ଗୁରୁତ୍ଵ ଦେଉଥିବା ଦୀପିକା ସ୍ଵାଧିନତା ଆନ୍ଦୋଳନ ପ୍ରତି ପ୍ରାୟ ଉଦାସୀନ ରହି ଆସିଥିଲା ।

୧୦. ଦୀପିକାର ବିଜ୍ଞାପନ ନୀତି ଥିଲା ବେଶ୍ ରୋଚକ । ବଭିନ୍ନ ଆୟୁର୍ବେଦିକ ଔଷଧ ର ବିଜ୍ଞାପନ ସହିତ ନୁଆ ବହିର ବିଜ୍ଞାପନ ଓ ସୂଚନା ଏଥିରେ ନିୟମିତ ପ୍ରକାଶ ପାଉଥିଲା। ୬ ଜାନୁଆରୀ ୧୯୦୬ ରେ ପ୍ରକାଶିତ Major & Co ର Electro Salsa ଏକ ଅଧ ପୃଷ୍ଠା ର ବିଜ୍ଞାପନ ବାହାରିଥିଲା ଯାହାକୁ ଦେବଗଡ, ରେଢାଖୋଲ ଓ ଖଲିକୋଟ୍ ରାଜା ପ୍ରୋତ୍ସାହିତ କରିଥିଲେ ।

ଆମ ସମ୍ବାଦପତ୍ର ଇତିହାସର ଏହି ସର୍ବଶ୍ରେଷ୍ଠ ଐତିହ୍ୟ କୁ ଆମେ ବଂଚାଇ ରଖିପାରିଲେ ନାହିଁ, ତାହା ଆମର ଦୁର୍ଭାଗ୍ୟ ।

 

ଓଡିଶା ଡଟ କମ

ଓଡିଶା ଡଟ କମ
ଓଡିଶା ଡଟ କମ

Filed Under: ଜଣା ଅଜଣା Tagged With: ଇତିହାସ, ଉତ୍କଳ ଦୀପିକା, ଓଡିଆ, ଗଣମାଧ୍ୟମ, ପ୍ରଥମ, ଭାଷା, ଶିଳ୍ପ, ସମ୍ବାଦପତ୍ର, ସଂସ୍କୃତି

 ସାମ୍ବାଦିକତା ପାଇଁ ବିଜୁଙ୍କ ଅବଦାନ(ଜୟନ୍ତୀ ଉପଲକ୍ଷେ)

March 11, 2011 by ଓଡିଶା ଡଟ କମ Leave a Comment

ପ୍ରଶାନ୍ତ ପଟ୍ଟନାୟକ

ବିଜୁ ପଟ୍ଟନାୟକଙ୍କ ବ୍ୟକ୍ତିତ୍ୱର ବହୁ ଦିଗ ସଂପର୍କରେ ବିଭିନ୍ନ ଗଣ ମାଧ୍ୟମରେ ବିସୃତ ଭାବରେ ଆଲୋଚିତ ହୋଇଥିଲେ ମଧ୍ୟ, ସାମ୍ବାଦିକତା କ୍ଷେତ୍ରରେ ବିଜୁଙ୍କ ଅବଦାନ ବିଶେଷ ଆଲୋଚିତ ହୋଇନାହିଁ ।

ସମାଜବାଦୀ ଚିନ୍ତାଧାରାରେ ବିଶ୍ୱାସ କରୁଥିବା ବିଜୁବାବୁ, ପଣ୍ଡିତ ଜବାହାରଲାଲ୍ ନେହେରୁଙ୍କର ଯେ ଏକାନ୍ତ ପ୍ରିୟଥିଲେ ତାହା ନୁହେଁ, ସେ ଭି.କେ. ମେନନଙ୍କର ମଧ୍ୟ ଯଥେଷ୍ଟ ଅନ୍ତରଙ୍ଗ ଥିଲେ ।

ସେତେବେଳେ ଅଧିକାଂଶ ଜାତୀୟ ସମ୍ବାଦପତ୍ର ଓ ପତ୍ରପତ୍ରିକା ପ୍ରତିକ୍ରୀୟାଶୀଳ ଶିଳ୍ପପତି ମାନଙ୍କ ନିୟନ୍ତ୍ରଣରେ ରହିଥିବାରୁ, ଏକ ପ୍ରଗତିଶୀଳ ସାପ୍ତାହିକ ପତ୍ରିକା ଓ ପରେ ଏକ ଦୈନିକ ସମ୍ବାପତ୍ର ପ୍ରକାଶ କରିବା ଲାଗି ବିଶିଷ୍ଟ ସମାଜବାଦୀ ନେତ୍ରୀ ଅରୁଣା ଆସଫ୍ ଅଲ୍ଲୀ, ଭି.କେ. ମେନନ୍, ପ୍ରମୁଖ ପଣ୍ଡିତ ନେହେରୁଙ୍କ ପରାମର୍ଶ କ୍ରମେ ଦେଶର ପ୍ରଥମ ସମ୍ବାଦ ସାପ୍ତାହିକ ଲିଙ୍କ ପ୍ରକାଶ କରିବା ଲାଗି ଯୋଜନା କରିଥିଲେ ।

ଏଥିପାଇଁ ଆବଶ୍ୟକୀୟ ପାଣ୍ଠି ସଂଗ୍ରହ କରିବା ଦ।ୟିତ୍ୱ ନେଇଥିଲେ ବମ୍ବେର ପ୍ରଖ୍ୟାତ ହୃଦରୋଗ ବିଶେଷଜ୍ଞ ଡଃ   ଏ.ଭି.ବାଲିଗା ଓ ବିଜୁ ପଟ୍ଟନାୟକ, ଏହିପତ୍ରିକା ପ୍ରକାଶ ପାଇଁ ଦିଲ୍ଲୀରେ ୟୁନାଇଟେଡ୍ ଇଣ୍ଡିଆ ପିରିୟଡିକାଲସ୍ ପ୍ରା. ଲିଃ ନାମକ ଏକ ସଂସ୍ଥା ଗଠନ କରାଯାଇଥିଲା ।

ଏହାର ଅଂଶଧନ ବିକ୍ରୀ ପାଇଁ ବିଜୁବାବୁ ଓ ଡଃ ବାଲିଗା ଅକ୍ଲାନ୍ତ ପରିଶ୍ରମ କରିଥିଲେ । ସେତେବେଳେ କଳିଙ୍ଗ ଏୟାର୍ ଲାଇନ୍ସ୍ରେ ନେପାଳର କାଠମାଣ୍ଡୁ ଠାରେ କାର୍ଯ୍ୟରତ ବିଜୁଙ୍କର ଅତ୍ୟନ୍ତ ବିଶ୍ୱସ୍ତ ବଙ୍କିମଚନ୍ଦ୍ର ଦାସ ମଧ୍ୟ ଏ ଦିଗରେ ଅନେକ ସହଯୋଗ କରିଥିଲେ ।

ପ୍ରଥମେ ଦିଲ୍ଲୀର ଓଲଡ୍ ଥିଏଟର୍ ରୋଡରୁ ଲିଙ୍କ ପତ୍ରିକା ପ୍ରକାଶ ପାଇଥିଲା । ଗୋଟିଏ ପୁରୁଣା ଗେ।ଦାମଘର ଥିଲା ଏହାର କାର୍ଯ୍ୟାଳୟ, ଶ୍ରୀମତୀ ଅରୁଣାଆସଫ୍ ଅଲ୍ଲୀ, ଭି.କେ. ମେନନ୍ଙ୍କ ଲିଙ୍କ ଭାରତର ଏକମାତ୍ର ସମ୍ବାଦ ସାପ୍ତାହିକ ଭାବରେ ଯଥେଷ୍ଟ ସୁନାମ ଅର୍ଜନ କରିଥିଲେ ।

ରାଜନୈତିକ ସ୍ତରରେ ଏହା ଯଥେଷ୍ଟ ଗୁରୁତ୍ୱ ଲାଭକରିଥିଲା । ଭାରତୀୟ ସାମ୍ବାଦିକତା କ୍ଷେତ୍ରରେ ଭୀଷ୍ମ ପିତାମହ ଭାବରେ ଜଣାଶୁଣା ଏଡ୍ଟାଟା ନାରାୟଣ ଥିଲେ ଏହାର ସମ୍ପାଦକ ।

ଗୋଟିଏ ପୁରୁଣା ଗେ।ଦ।ମଘରୁ ଲିଙ୍କ ଭଳି ଏକ ପ୍ରଭାବଶାଳୀ ପତ୍ରିକା ପାଇବାକୁ ଆରମ୍ଭରୁ ବିଜୁବାବୁ ପସନ୍ଦ କରୁନଥିଲେ । ତାଙ୍କର ସ୍ୱପ୍ନ ଥଲା ଦିଲ୍ଲୀର ଆଇ.ଟି.ଇ ଅଂଚଳରେ ଟାଇମସ୍ ଅଫ୍ ଇଣ୍ଡିଆ, ଇଣ୍ଡିଆନ୍ ଏକ୍ସପ୍ରେସ ଭଳି ଏକ ସମ୍ପାଦାନଜନକ କାର୍ଯ୍ୟାଳୟରୁ ଲିଙ୍କ ପ୍ରକାଶ ପାଉ ।

ତେଣୁ ସେ ଅରୁଣାଜୀ ମେନନ୍, ବାଲିଗା ପ୍ରଭୃତିଙ୍କୁ ଏ ଦିଗରେ ପ୍ରବର୍ତ୍ତାଇ ଆଇ.ଟି ଓ ରୋଡରେ ଖଣ୍ଡେ ଜମି ନେଇ ସେଠାରେ ଲିଙ୍କ ହାଉସ୍ ନିର୍ମାଣ ଲାଗି ଉଦ୍ୟମ ଆରମ୍ଭ କରିଥିଲେ । ଏଥି ନିମନ୍ତେ ଅଂଶଧନ ବିକ୍ରୀ କରିବା ନିମନ୍ତେ ମୁଖ୍ୟତଃ ବିଜୁ ଓ ଡଃ ବାଲିଗାଙ୍କୁ ଅକ୍ଲାନ୍ତ ପରିଶ୍ରମ କରିବାକୁ ପଡିଥିଲା । ଲିଙ୍କ ହାଉସ୍ ନିର୍ମାଣ ପରେ ଶେଷରେ ସାଧାରଣ ଜନତା ଓ ଖଟିଖିଆ ମାନଙ୍କ ସ୍ୱାର୍ଥର ସୁରକ୍ଷା ଲାଗି ଏକ ଦୈନିକ ଇଂରାଜୀ ସମ୍ବାଦପତ୍ର ପାଟ୍ରିୟଟ୍ ପ୍ରକାଶ କରିବା ପାଇଁ ଉଦ୍ୟମ ହୋଇ ଏଥିରେ ସଫଳତା ଲାଭ କରିଥିଲା ।

ତେଣୁ ଶ୍ରୀମତୀ ଅରୁଣା ଆସ୍ଫ ଅଲ୍ଲୀ ସର୍ବଦା କହୁଥିଲେ ଯେ, ବିଜୁଙ୍କ ଦୂର୍ରଶୀତା ଓ ଡ୍ରାଇଭିଙ୍ଗ ସ୍ପିରିଟ୍ ଦ୍ୱାରା ସେମାନେ ଯଦି ପ୍ରଭାବିତ ହୋଇନଥାନ୍ତେ ତେବେ ଲିଙ୍କ – ହାଉସ୍ ର ପରିକଳ୍ପନା କରାଯାଇ ପାରିନଥାନ୍ତା ଏବଂ ସେଇ ଗେ।ଦ।ମ ଘରୁ ହିଁ ଲିଙ୍କ ଓ ପ୍ୟାଟ୍ରିୟଟ୍ ପ୍ରକାଶ ପାଉଥାଆନ୍ତା ।

ପଟ୍ଟନାୟକ ପରବର୍ତ୍ତୀ କାଳରେ କଟକ ସହରରୁ କଳିଙ୍ଗ ନାମକ ଏକ ଦୈନିକ ଓଡିଆ ସମ୍ବାଦପତ୍ର ପ୍ରକାଶ କରି ଓଡିଶାର ସାମ୍ବାିକତା କ୍ଷେତ୍ରରେ ଏକ ନୂତନ ଯୁଗର ଐୟମାରମ୍ଭ କରିଥିଲେ ।

ସେ ସୁନାମଧନ୍ୟ କବି ତଥା କମ୍ୟୁନିଷ୍ଟ ନେତା ମନମୋହନ ମିଶ୍ରଙ୍କୁ ଏହାର ସଂପାଦକ ଏବଂ ଶ୍ରୀ ବୈଦ୍ୟନାଥ ମିଶ୍ରଙ୍କୁ ଜେନେରାଲ୍ ମ୍ୟାନେଜର୍ ଭାବେ ନିଯୁକ୍ତି ଦେଇଥିଲେ ଏହା ବ୍ୟତୀତ ସୁନାମଧନ୍ୟ କବି ଜ୍ଞାନେନ୍ଦ୍ର ବର୍ମା, ଭାନୁଜୀ ରାଓ, ଅଧ୍ୟାପକ ଦୀପକ ମିଶ୍ର, ଅଧ୍ୟାପକ କୃଷ୍ଣଚନ୍ଦ୍ର ମହାନ୍ତି, ବିଜୟ ପଟ୍ଟନାୟକ, ସୁରିତ ପଟ୍ଟନାୟକ ପ୍ରମୁଖଙ୍କୁ ଏହାର ସଂପାଦନା ମଣ୍ଡଳୀର ସଦସ୍ୟ ଭାବରେ ମଧ୍ୟ ନିଯୁକ୍ତି ଦେଇଥିଲେ ।

ସେତେବେଳେ ସାମ୍ବାଦିକ ମାନଙ୍କୁ ପ୍ରୟାତଃ, ସମ୍ମାନଜନକ ବେତନ ଦିଆଯାଉନଥିଲା । ମାତ୍ର ବିଜୁ ବାବୁ ସମ୍ବାିଦିକ ମାନଙ୍କୁ ସମ୍ମାନଜନକ ବେତନ ଦେବାର ବ୍ୟବସ୍ଥା କରିଥିବାରୁ ଘରୋଇ କଲେଜରେ ଅଧ୍ୟାପନା କରୁଥିବା ଦୀପକ ମିଶ୍ର ଓ କୃଷ୍ଣ ଚନ୍ଦ୍ର ମହାନ୍ତି ପ୍ରମୁଖ ଅଧ୍ୟାପକ ଚାକିରୀରୁ ଇସ୍ତଫା ଦେଇ କଳିଙ୍ଗର ସଂପାଦନା ମଣ୍ଡଳୀରେ ଯୋଗେଇଥିଲେ ।

ପରବର୍ତ୍ତୀ ସମୟରେ ସୁରେନ୍ଦ୍ର ମହାନ୍ତିଙ୍କ ଭଳି ବିଶିଷ୍ଟ ସାହିତ୍ୟକ ଏହାର ସଂପାଦନା ଦ।ୟିତ୍ୱ ତୁଳାଇଥିଲେ । ଏହା ଓଡିଶାର ସାମ୍ବାଦିକ ପେଷାରେ ଏକ ବିପ୍ଲବ ସୃଷ୍ଟି କରିଥିଲା ।

ସାମ୍ବାଦିକ ମାନଙ୍କ ପ୍ରତି ବିଜୁ ବାବୁଙ୍କ ମନରେ ଯଥେଷ୍ଟ ଶ୍ରଦ୍ଧା ଓ ସମ୍ମାନ ଥିଲା ତେଣୁ ସାମ୍ବାଦିକ ମାନେ ତାଙ୍କୁ ଯେତେ
କଠୋର ସମାଲୋଚନା କଲେ ମଧ୍ୟ ସେ କେବେ ହେଲେ କ୍ଷୁଦ୍ର ହେଉ ନଥିଲେ ।

ବରଂ ତାଙ୍କର କଠୋର ସମାଲୋଚକ ମାନଙ୍କୁ କହୁଥିଲେ, ‘ମୋ ବିରୋଧରେ ଲେଖିବା ଦ୍ୱାରା ପ୍ରମାଣିତ କରୁଛ, ଯେ ତୁମେମାନେ ମୋତେ ଗଭୀର ଭାବରେ ଭଲପାଅ ଏବଂ କେବେ ହେଲେ ଭୁଲିପାରିବ ନାହିଁ’ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ବିଜୁ ପଟ୍ଟନାୟକ, ମୁଖ୍ୟ ଖବର, ସମ୍ବାଦପତ୍ର, ସାମ୍ବାଦିକ

ଗଣମାଧ୍ୟମ ଉପରେ ଆକ୍ରମଣ ବିରୋଧରେ ମିଳିତ ସ୍ୱର

February 21, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବ।ଦଦାତା

ଭୁବନେଶ୍ୱର, ଫେବୃୟାରୀ ୨୦(ଓଡ଼ିଶା ଡ଼ଟ୍ କମ୍) ଗଣମାଧ୍ୟମ ଉପରେ ଆକ୍ରମଣ ବିରୋଧରେ ସମ୍ବାଦପତ୍ର ସଂପାଦକ ଓ ନିଉଜ ଚ୍ୟାନେଲ ମୁଖ୍ୟଙ୍କୁ ନେଇ ଗଠିତ ଗଣମାଧ୍ୟମ ପରାମର୍ଶଦାତା କମିଟି ବୈଠକ ଅନୁଷ୍ଠିତ ହୋଇଯାଇଛି ।

ଗଣମାଧ୍ୟମ ଉପରେ ହେଉଥିବା ଆକ୍ରମଣ ପରିପ୍ରେକ୍ଷୀରେ ମିଡ଼ିଆ ୟୁନିଟ୍ ଫର୍ ଫ୍ରିଡ଼ମ ଅଫ୍ ପ୍ରେସ(ଏମ୍ୟୁଏଫ୍ପି) ପକ୍ଷରୁ ପ୍ରକାଶିତ ଶ୍ୱେତପତ୍ରକୁ ଶନିବାର ଅନୁଷ୍ଠିତ ବୈଠକରେ ମଞ୍ଜୁରୀ କରାଯାଇଛି ।

ଗଣମାଧ୍ୟମ ଓ ଗଣମାଧ୍ୟମ ପ୍ରତିନିଧିଙ୍କ ନିରାପତ୍ତା ଦୃଷ୍ଟିକୋଣରୁ ଶ୍ୱେତପତ୍ରରେ ପ୍ରକାଶ ପାଇଥିବା ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ସରକାରଙ୍କ ନିକଟରେ ଦ।ବି କରିବାକୁ ସ୍ଥିର ହୋଇଛି ।

ଶ୍ୱେତପତ୍ରକୁ ପରାମର୍ଶଦାତା କମିଟି ମଞ୍ଜୁର କରିବା ସହ ଯେକୌଣସି ସ୍ତରରେ ଗଣମାଧ୍ୟମ ପ୍ରତିନିଧିଙ୍କ ଉପରେ ଆକ୍ରମଣକୁ ବରଦାସ୍ତ କରାଯିବ ନାହିଁ ବୋଲି ନିଷ୍ପତ୍ତି ହୋଇଛି । ସରକାର ହୁଅନ୍ତୁ, ଘରୋଇ ସଂସ୍ଥା କିମ୍ବା ବ୍ୟକ୍ତି ବିଶେଷ ଗଣମାଧ୍ୟମ ଉପରେ ଆକ୍ରମଣରେ ଯିଏବି ସଂପୃକ୍ତ ହେବ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ତୁରନ୍ତ ପକ୍ଷେପ ନିଆଯିବ ।

ତେବେ କେବଳ ଗଣମାଧ୍ୟମ ସଂପର୍କିତ ନିଜ କାର୍ଯ୍ୟ ସଂପାଦନ କରୁଥିବା ବେଳେ ଯଦି ପ୍ରତିନିଧି ଆକ୍ରମଣର ଶିକାର ହେଲେ ଉପରୋକ୍ତ ପଦକ୍ଷେପ ନିଆଯିବ ବୋଲି କମିଟି ପକ୍ଷରୁ କୁହାଯାଇଛି ।

ବୈଠକରେ “ସମୟ’ ସଂପାଦକ ସାତକଡ଼ି ହୋତା, “ସମ୍ବାଦ’ ସଂପାଦକ ସୌମ୍ୟରଂଜନ ପଟ୍ଟନାୟକ, “ଧରିତ୍ରୀ’ ସଂପାଦକ
ତଥାଗତ ସତପଥୀ, “ସମାଜ’ କାର୍ଯ୍ୟକାରୀ ସଂପାଦକ ପ୍ରମୋଦ କୁମାର ମହାପାତ୍ର, “ଏମ୍ବିସି ଟଭି’ ମୁଖ୍ୟ ଅଶୋକ ମହାପାତ୍ର, “ଓଟିଭି’ ମୁଖ୍ୟ ସଂପାଦକ ସୌମ୍ୟଜିତ ପଟ୍ଟନାୟକ ଓ ଏମ୍ୟୁଏଫ୍ପି ପକ୍ଷରୁ ସଂଯୋଜକ ପ୍ରଶାନ୍ତ ପଟ୍ଟନାୟକ ଉପସ୍ଥିତ ଥିଲେ ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଗଣମାଧ୍ୟମ, ନିଉଜ ଚ୍ୟାନେଲ, ମୁଖ୍ୟ ଖବର, ସଂପାଦକ, ସମ୍ବାଦପତ୍ର

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ