ଓଡିଶା ଡଟ୍ କମ୍ ସମ୍ବାଦଦାତା
ଭୁବନେଶ୍ୱର,ଡିସେମ୍ବର ୨୧(ଓଡିଶା ଡଟ୍ କମ୍ )-ଜଣାଶୁଣା କଥାକାର ଡକ୍ଟର ଗୌରହରି ଦାସ ପାଇବେ ଏ ବର୍ଷର କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର । ତାଙ୍କର ‘କଣ୍ଟା ଓ ଅନ୍ୟାନ୍ୟ ଗଳ୍ପ’ ପାଇଁ ତାଙ୍କୁ ଏହି ପୁରସ୍କାର ଦେବାକୁ ସ୍ଥିର କରିଛି କେନ୍ଦ୍ର ସାହିତ୍ୟ ଏକାଡେମୀ ।
ଶ୍ରୀ ଦାସଙ୍କୁ ଏକ ଲକ୍ଷ ଟଙ୍କା, ମାନପତ୍ର, ଉତରୀୟ ଏବଂ ଉପଢୈାକନ ପ୍ରଦାନ କରାଯିବ । ସଂପ୍ରତି ସେ ସମ୍ବାଦରେ କାର୍ଯ୍ୟରତ । ଜୁଆର ଭଟ୍ଟା,ମାଟି କଣ୍ଡେଇ, ଅହଲ୍ୟାର ବାହାଘର ଏବଂ ମଥୁରାର ମାନଚିତ୍ର ପ୍ରଭୃତି ୧୫ଟି ଗଳ୍ପ ସଂକଳନ ତାଙ୍କୁ ବିପୁଳ ପାଠକୀୟ ଆଦୃତି ଓ ସାରସ୍ୱତ ସ୍ୱୀକୃତି ଆଣିଦେଇଛି ।
ଆସନ୍ତା ୨୦୧୩ ମସିହା ଫେବୃୟାରି ୧୮ ତାରିଖରେ ଏକ ସ୍ୱତନ୍ତ୍ର ଉତ୍ସବରେ ଏହି ପୁରସ୍କାର ପ୍ରଦାନ କରାଯିବ ବୋଲି ଏକାଡେମି ପକ୍ଷରୁ ସୂଚନା ମିଳିଛି ।
ସେହିପରି ଏହି କାର୍ଯ୍ୟକ୍ରମରେ ‘ସେଇ ପକ୍ଷୀଟିର ନାଁ’ ପୁସ୍ତକ ନିମନ୍ତେ ପ୍ରଶାନ୍ତ ମହାନ୍ତିଙ୍କୁ ଏଥର ଅନୁବାଦ କ୍ଷେତ୍ରରେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ମିଳିବ । ଶ୍ରୀ ମହାନ୍ତିଙ୍କୁ ୫୦ ଟଙ୍କା,ମାନପତ୍ର,ଉତରୀୟ ଏବଂ ଉପଢୈାକନ ପ୍ରଦାନ କରାଯିବ ।
‘ଭିନ୍ନ ଉପବନ’ ପାଇଁ ଯୁବ ସାହିତ୍ୟିକା ସୃଷ୍ଟିଶ୍ରୀ ନାୟକଙ୍କୁ ଯୁବ ପୁରସ୍କାର ମିଳିବ । ସୃଷ୍ଟିଶ୍ରୀଙ୍କୁ ୫୦ ହଜାର ଟଙ୍କା,ମାନପତ୍ର,ଉତରୀୟ ଏବଂ ଉପଢୈାକନ ପ୍ରଦାନ କରାଯିବ ।
ଓଡିଶା ଡଟ୍ କମ୍
