ସିବିଆଇ

ଭୁବନେଶ୍ୱର ୩୧ (ଓଡିଶା ଡଟ କମ) ବହୁଚର୍ଚିତ ଧର୍ଷଣ ଭିଡିଓ ମାମଲାରେ କେନ୍ଦ୍ରୀୟ ତଦନ୍ତ ବ୍ୟୁରୋ ମଙ୍ଗଳବାର ଓଡିଶାରୁ ଆଉ ଜଣକୁ ଗିରଫ କରିଛି ।

ଗିରଫ ହୋଇଥିବା ବ୍ୟକ୍ତି ର ନାମ ହେଲା ଦେବାଶିଷ ଦେବ, ବୟସ ୩୦। ସେ ଭୁବନେଶ୍ୱରର ବିଲଡର ତଥା ପ୍ରପର୍ଟି ଡିଲର ସୁବ୍ରତ ସାହୁ ଜଣେ ମହିଳାଙ୍କୁ ଧର୍ଷଣ କରୁଥିବା ସମୟର ଭିଡିଓ ଉତ୍ତୋଳନ କରିଥିବା ସିବିଆଇ ଜାଣିବାକୁ ପାଇଛି।

ସାହୁ ୨୪ ବର୍ଷର ଏହି ମହିଳାଙ୍କୁ ପାଞ୍ଚବର୍ଷ ତଳେ ଧର୍ଷଣ କରିଥିବା ଏବଂ ଧର୍ଷଣ ସମୟର ଭିଡିଓ ଉତ୍ତୋଳନ କରି ଥିବା କୁହ। ଯାଉଛି । ଏହି ଭିଡିଓ ପରେ ଇଣ୍ଟରନେଟରେ ଓ ମୋବାଇଲ ରେ ପ୍ରସାରିତ ହୋଇଥିଲା। ସୁପ୍ରୀମ କୋର୍ଟଙ୍କ ନିର୍ଦେଷ କ୍ରମେ ସିବିଆଇ ଏହି ମାମଲାର ଯାଞ୍ଚ କରି ସାହୁକୁ ଗିରଫ କରିଥିଲା।

ସାହୁ ବହୁ ମହିଳା ଏବଂ ଝିଅଙ୍କୁ ନିଜ ଜ।ଲରେ ଫସାଇ ତାଙ୍କୁ ବ୍ଲାକମେଲ କରିଥିବା ସିବିଆଇ ଯାଞ୍ଚ ସମୟରେ ଜାଣିବାକୁ ପାଇଛି । ଏହି ମାମଲାରେ କେତେକ ପ୍ରଭାବଶାଳୀ ଲୋକଙ୍କ ସମ୍ପୃକ୍ତିକୁ ମଧ୍ୟ ସିବିଆଇ ଅନୁସନ୍ଧାନ ର ପରିସରକୁ ନେଇଛି ।

ଓଡିଶା ଡଟ କମ

ଓଡିଶା ଡଟ୍ କମ୍ ସମ୍ବାଦଦାତା

ବାଲେଶ୍ୱର,ଡିସେମ୍ବର ୧୩(ଓଡିଶା ଡଟ୍ କମ୍)-ବାଲେଶ୍ୱର ଚିଟଫଣ୍ଡ ଠକେଇର ମୁଖ୍ୟ ମହମ୍ମଦ ନାସିର ଖାଁ କମ୍ପାନୀ ‘ଫାଇନ ଇଣ୍ଡିସେଲ୍ସ ପ୍ରାଇଭେଟ ଲିମିଟେଡ’ କର୍ଣ୍ଣାଟକ,ଆନ୍ଧ୍ରପ୍ରଦେଶ ଓ ତାମିଲନାଡୁରେ ସାଧାରଣ ଉପଭୋକ୍ତାଙ୍କଠାରୁ ଏକଶହ କୋଟିରୁ ଊର୍ଦ୍ଧ୍ଵ ଟଙ୍କା ଠକିଥିବା ଅଭିଯୋଗର ବିଚାର କରି ବୁଧବାର ଦିନ ଓଡ଼ିଶା ହାଇକୋର୍ଟ ଘଟଣାର ସିବିଆଇ ତଦନ୍ତ ପାଇଁ ନିର୍ଦେଶ ଦେଇଛନ୍ତି ।

ହାଇକୋର୍ଟର ମୁଖ ବିଚାରପତି ଭି.ଗୋପାଳଗୌଡ଼ ଓ ବିଚାରପତି ବିଶ୍ୱନାଥ ମହାପାତ୍ରଙ୍କୁ ନେଇ ଗଠିତ ଖଣ୍ଡପୀଠ ଉପରୋକ୍ତ ଆଦେଶ ଦେବା ସହ ୩ମାସ ମଧ୍ୟରେ ସିବିଆଇ ତଦନ୍ତର ଅଗ୍ରଗତି ସଂକ୍ରାନ୍ତ ରିପୋର୍ଟ ଦାଖଲ କରିବାକୁ ଆଦେଶନାମାରେ ସ୍ପଷ୍ଟକରିଛନ୍ତି ।

ଏତଦ ବ୍ୟତୀତ ଅର୍ଥ ଫେରସ୍ତ ସଂକ୍ରାନ୍ତରେ ପରେ ବିଚାର କରାଯିବ ବୋଲି ଖଣ୍ଡପୀଠ ରାୟରେ ଉଲ୍ଲେଖ କରିବା ସହ ତଦନ୍ତରେ ସହଯୋଗ କରିବାକୁ ରାଜ୍ୟ କ୍ରାଇମବ୍ରାଞ୍ଚକୁ ମଧ୍ୟ ଆଦେଶ ଦେଇଛନ୍ତି ।

ସୂଚନାଯୋଗ୍ୟ ଯେ ଅଳ୍ପ ପୁଞ୍ଜି ବିନିଯୋଗରେ ଅଧିକ ରୋଜଗାର କରିବା ଲୋଭ ଦେଖାଇ କାନପୁରର ଫାଇନ ଇଣ୍ଡିସେଲସ , ନାସିର ଖାଁ ଓ ସୟଦ ଅହମ୍ମଦ ଜୟପୁରର ମନି ମନ୍ତ୍ର,ମୁମ୍ବାଇର ଟ୍ରାଇଡାଣ୍ଟ ଓ ଲକ୍ଷ୍ୟ ଲେଭଲ ମାର୍କେଟିଂ,ଡ୍ରିମ ଆଚିଭର ଏବଂ ଦିଲ୍ଲୀର ଲୁଇବ୍ରେଲ ଏଜୁକେସନ ସୋସାଇଟି ଆଦି ସଂସ୍ଥା ଓଡ଼ିଶାରେ ବେଆଇନ ଅର୍ଥ ସଂଗ୍ରହ ଭଳି ବ୍ୟବସାୟରେ ଲିପ୍ତ ରହିଥିଲେ ।

୨୦୦୯ରେ ବାଲେଶ୍ୱରରେ ଏହି କମ୍ପାନୀ ବିପୁଳ ପରିମାଣର ଅର୍ଥ ହେରଫେର କରିଥିବା ଲୋକଲୋଚନକୁ ଆସିବା ପରେ ୨୦୦୦ ଜୁଲାଇରେ ପ୍ରଥମେ କ୍ଷତିଗ୍ରସ୍ତ ହୋଇଥିବା ନିରଞ୍ଜନ ସାହୁ ନାମକ ଜଣେ ବ୍ୟକ୍ତି ଖୁଣ୍ଟା ଥାନାରେ ଏତଲା ଦେଇଥିଲେ ।

କ୍ରାଇମବ୍ରାଞ୍ଚ ପକ୍ଷରୁ ତଦନ୍ତ ଆରମ୍ଭ କରାଯାଇ ମୋଟରେ ୧୯୧ କୋଟି ଟଙ୍କାର ଆକାଉଣ୍ଟକୁ ଅଚଳ କରିଦେଇଥିଲା । ଏହି କାରବାରରେ ମୁମ୍ବଇ ନାସିର ଖାଁଙ୍କ ସମ୍ପୃକ୍ତିକୁ କ୍ରାଇମବ୍ରାଞ୍ଚ ପଦାକୁ ଆଣିବା ସହ ତାକୁ ଓ ତା’ର ଜଣେ ସହଯୋଗୀ ସୟଦ ଅହମ୍ମଦକୁ ଗିରଫ କରିଥିଲା ।

ତେବେ ହାଇକୋର୍ଟ ପରିସରରୁ ଉଭୟଙ୍କୁ ଗିରଫ କରାଯାଇଥିବା ଅଭିଯୋଗକୁ ଭିତିକରି ହାଇକୋର୍ଟ ସେମାନଙ୍କୁ ଜାମିନରେ ଛାଡିଦେଇଥିଲେ । ଚାଲିଥିବା ଫୌଜଦାରୀ ମକଦ୍ଧମାରୁ ମୁକ୍ତି ପାଇବାକୁ ନାସିର ହାଇକୋର୍ଟରେ ଏକ ରିଟପିଟିସନ ଦାଖଲ କରିବା ସହ ବ୍ୟାଙ୍କ ଅକୁଉଣ୍ଟ ସଚଳ କରିବାକୁ ପ୍ରାର୍ଥନା କରିଥିଲା ଯାହାକି ବିଚାରାଧୀନରହିଛି ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାଉରକେଲା,ଅକ୍ଟୋବର ୧୫(ଓଡ଼ିଶା ଡ଼ଟ୍ କମ୍) –କୋଇଲା ବ୍ଲକ ଆବଣ୍ଟନକୁ ନେଇ ହୋଇଥିବା ତଥାକଥିତ ଦୁର୍ନୀତି ଉପରେ ସିବିଆଇର ଏକ ଟିମ୍ ରାଉରକେଲାରେ ବିଶିଷ୍ଟ ଶିଳ୍ପପତି ତଥା ଖଣିମାଲିକ ପ୍ରଶାନ୍ତ ଆଲୁୱାଲିଆ ଙ୍କ ବାସଭବନ ଓ ଅଫିସ ସୋମବାର ଖାନତଲାସ୍ କରିଛନ୍ତି ।

ନୂଆଦିଲ୍ଲୀରୁ ଆସିଥିବା ଏହି ଟିମ୍ ଦ୍ୱାରାକରାଯାଇଥିବା ଖାନତଲାସ୍ ସ୍ଥାନୀୟ ସିବିଆଇ କାର୍ଯ୍ୟାଳୟର ଅଧିକାରୀମାନଙ୍କ ସହଯୋଗରେ ହୋଇଥିବା ସିବିଆଇ ଡ଼ିଏସ୍ପି ବି.କେ.କବି ଓଡ଼ିଶା ଡ଼ଟ୍ କମ୍ କୁ କହିଛନ୍ତି । ଏଠାରେ ଉଲ୍ଲେଖଯୋଗ୍ୟ ଯେ, ରାଜ୍ୟର ସୁନ୍ଦରଗଡ଼ ଏବଂ କେନ୍ଦୁଝର ଜିଲ୍ଲାରେ ଆଲୁୱାଲିଆଙ୍କ ଖଣି ସଂକ୍ରାନ୍ତୀୟ ବ୍ୟବସାୟ ରହିଛି ।

ଓଡ଼ିଶା ଡ଼ଟ୍ କମ୍