ସୁନ୍ଦରଗଡ଼

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାଉରକେଲା, ଅଗଷ୍ଟ ୧୧(ଓଡ଼ିଶା ଡ଼ଟ୍ କମ୍) ସୁନ୍ଦରଗଡ଼ ଜିଳ୍ଲା ରାଜଗାଙ୍ଗପୁର ଥାନା ଅନ୍ତର୍ଗତ ଦୁଡ଼ୁକାବାହାଲ ଗ୍ରାମକୁ ଶନିବାର ଏକ ପୋଲିସ ଦଳ ଜଣେ ୱାରେଣ୍ଟିକୁ ଧରିବାକୁ ଯାଇଥିବା ବେଳେ ଗ୍ରାମବାସୀଙ୍କ ଆକ୍ରମଣରେ ଏଏସ୍ଆଇଙ୍କ ସମେତ ଚାରି ଜଣ ଆହତ ହୋଇଥିବା ପୋଲିସ କହିଛି ।

ସଂପୃକ୍ତ ଏଏସ୍ଆଇଙ୍କୁ ଗ୍ରାମବାସୀମାନେ କୁଆଡେ ଅପହରଣ କରି ନେଇଯାଇଥିବା ଅଭିଯୋଗ ହୋଇଛି । ଆହତ ପୋଲିସ କର୍ମଚାରୀମାନଙ୍କୁ ତୁରନ୍ତ ଚିକିତ୍ସା ପାଇଁ ରାଜଗାଙ୍ଗପୁର ଡାକ୍ତରଖାନାରେ ଭର୍ତି କରାଯାଇଛି ।

ରାତି ପ୍ରାୟ ଆଠଟା ବେଳେ ପୋଲିସ ଦଳ ଉକ୍ତ ଗ୍ରାମରେ ପହଂଚି ସଂପୃକ୍ତ ୱାରେଣ୍ଟିକୁ ଗିରଫ କରି ଆଣୁଥିବା ବେଳେ ପ୍ରାୟ ୧୦ରୁ ୧୨ ଜଣ ଗ୍ରାମବାସୀ ପୋଲିସକୁ ସଂଘବଦ୍ଧ ଭାବେ ଆକ୍ରମଣ କରି ତାକୁ ଛଡ଼ାଇ ନେଇଥିଲେ ।

ତେବେ ନିଖୋଜ ଏଏସ୍ଆଇ ଓ ପୋଲିସ ଜିପ୍ ର ପତ୍ତା ମିଳିନଥିବା ବେଳେ ସେମାନଙ୍କୁ ଠାବ କରିବା ପାଇଁ ଖୋଜାଖୋଜି ଚାଲିଛି ବୋଲି ଜଣେ ବରିଷ୍ଠ ଅଧିକାରୀ କହିଛନ୍ତି । ସଂପୃକ୍ତ ଗ୍ରାମରେ ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାଉରକେଲା, ମଇ ୧୯(ଓଡ଼ିଶା ଡ଼ଟ୍ କମ୍) ସୁନ୍ଦରଗଡ଼ ଜିଲ୍ଲା ବଣେଇ ଜେଲର ଦୁଇ ଜଣ କଏଦୀଙ୍କୁ ରାଉରକେଲା ଫାଷ୍ଟଟ୍ରାକ କୋର୍ଟକୁ ହାଜର ପାଇଁ ଅଣାଯାଇଥିବା ବେଳେ ସେମାନେ ଫେରାର୍ ହୋଇଯାଇଥିବା ପୋଲିସ କହିଛି ।

ସକାଳେ ୪୯ଜଣ କଏଦୀଙ୍କ ସହ ଏମାନଙ୍କୁ ଏକ ବସ୍ ଯୋଗେ ଫାଷ୍ଟଟ୍ରାକ କୋର୍ଟକୁ ଅଣାଯାଇଥିଲା ।
ସେଠାରେ ୮ଜଣ କଏଦୀଙ୍କ ସହ କୋର୍ଟ ବାରଣ୍ଡାରେ ବସିଥିବା ବେଳେ ଉଭୟେ ବାଥରୁମ ଯିବାକୁ କହି ଫେରାର୍ ହୋଇଯାଇଥିଲେ ।

ଗାଡ଼ି ଚୋରି ଅଭିଯୋଗରେ ପୋଲିସ ନିକଟରେ ସେମାନଙ୍କୁ ଚାନ୍ଦିପୋଷ ଥାନା ଅନ୍ତର୍ଗତ ଚମ୍ପାଝରନ ଅଞ୍ଚଳରୁ ଗିରଫ କରିଥିଲା । ଫେରାର ଦୁଇ କଏଦୀ ହେଲେ ପୁତନ ଆନ୍ସାରୀ ଓ ସାଜି ଆନ୍ସାରୀ । ବହୁ ଖୋଜାଖୋଜି କରିବା ପରେ ମଧ୍ୟ ଫେରାର୍ କଏଦୀଙ୍କୁ ଠାବ କରାଯାଇ ନାହିଁ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଅପ୍ରେଲ ୭(ଓଡ଼ିଶା ଡ଼ଟ୍ କମ୍) ଏନ୍ଟିପିସି ପକ୍ଷରୁ ସୁନ୍ଦରଗଡ଼ରେ ଚାରି ଶହ ଶଯ୍ୟା ବିଶିଷ୍ଟ ଡ଼ାକ୍ତରଖାନା ଓ ମେଡ଼ିକାଲ କଲେଜ ପ୍ରତିଷ୍ଠା କରାଯିବ ବୋଲି ଶନିବାର କେନ୍ଦ୍ର ଶକ୍ତିମନ୍ତ୍ରୀ ସୁଶୀଲ କୁମାର ସିନେ୍ଧ କହିଛନ୍ତି ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ରାଜ୍ୟର ବିଭିନ୍ନ ବିଦ୍ୟୁତ ପ୍ରକଳ୍ପ ସଂପର୍କରେ ଆଲୋଚନା ସମୟରେ ସେ ଏହା କହିଛନ୍ତି । ପରବର୍ତୀ ସମୟରେ ଉକ୍ତ ମେଡ଼ିକାଲ ଜଲେଜ ପାଂଚ ଶହ ଶଯ୍ୟାକୁ ବୃଦ୍ଧି କରାଯିବ ।

ସେହିପରି ତାଳଚେର କଣିହାଁ ଫେଜ୍ଦୁଇରୁ ରାଜ୍ୟକୁ ମିଳୁଥିବା ବିଦ୍ୟୁତ ପରିମାଣ ବୃଦ୍ଧି କରିବା ପାଇଁ ମୁଖ୍ୟମନ୍ତ୍ରୀ ଆଲୋଚନା ସମୟରେ ଦାବି କରିଛନ୍ତି । ଏସଂପର୍କରେ କେନ୍ଦ୍ର ସରକାର ବିଚାର କରିବେ ବୋଲି ସିନେ୍ଧ କହିଛନ୍ତି ।

ସିନେ୍ଧ ଅନୁଗୁଳ ଓ ସୁନ୍ଦରଗଡର କିଣ୍ଡାପାଲି ଠାରେଦୁଇଟି ପୁଲିଂ ଷ୍ଟେସନ ପ୍ରତିଷ୍ଠା କରିବା ପାଇଁ ଭିତ୍ତି ପ୍ରସ୍ତର ସ୍ଥାପନ କରିଛନ୍ତି । ଓଡ଼ିଶାରେ ଆଉ ୨ଟି ଅଲଟ୍ରା ମେଗା ପାୱାର ପ୍ଳାନ୍ଟ ପ୍ରତିଷ୍ଠା କରାଯିବ ଓ ଏଥିପାଇଁ ସ୍ଥାନ ଚିହ୍ନଟ କରିବାକୁ ରାଜ୍ୟ ସରକାରଙ୍କୁ କୁହାଯାଇଛି ବୋଲି ସେ କହିଛନ୍ତି ।

ଏହିଦୁଇଟି କେନ୍ଦ୍ରରୁ ଓଡ଼ିଶା ୨ ହଜାର ମେଗାୱାଟ ହିସାବରେ ୪ ହଜାର ମେଗାୱାଟ ବିଦ୍ୟୁତ୍ ଶକ୍ତି ପାଇବ । ସେହିପରି ଅନୁଗୁଳ ଓସୁନ୍ଦରଗଡରେ ୨ଟି ଆଇଟିଆଇ ପ୍ରତିଷ୍ଠା ହେବ ଏବଂ ଏଥିରେ ବେକାର ଯୁବକ ଯୁବତୀମାନେ ତାଲିମ ନେଇ ବିଭିନ୍ନ ସ୍ଥାନରେ କାମ କରିବେ, ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ଅପ୍ରେଲ ୨୬(ଓଡ଼ିଶା ଡ଼ଟ୍ କମ୍) ସୁନ୍ଦରଗଡ଼ ଜିଲ୍ଲା ରାଉରକେଲାରେ ଜଣେ ବିଚାରପତିଙ୍କ ଉପରେ ହୋଇଥିବା ଦୁର୍ବ୍ୟବହାର ମାମଲାର ତଦନ୍ତ ପାଇଁ ହାଇକୋର୍ଟ ମଙ୍ଗଳବାର ଅବସରପ୍ରାପ୍ତ ବିଚାରପତି ଏ.ଏସ୍ ନାଇଡ଼ୁଙ୍କୁ ନିଯୁକ୍ତ କରିଛନ୍ତି ।

ଆସନ୍ତା ତିନି ମାସ ମଧ୍ୟରେ ଏହି ଘଟଣାର ରିପୋର୍ଟ ଦେବାକୁ କୋର୍ଟନିର୍ଦ୍ଦେଶ ଦେଇଛନ୍ତି । ନାଇଡ଼ୁଙ୍କ ନିଯୁକ୍ତି ପାଇଁ ପୂର୍ବରୁ ହାଇକୋର୍ଟ ପରାମର୍ଶ ଦେଇଥିଲେ ଓ ରାଜ୍ୟ ସରକାର ଏହାକୁ ଗ୍ରହଣ କରିଥିଲେ ।

କେଉଁ ପରିସ୍ଥିତିରେ ବିଚାରପତିଙ୍କୁ ପୋଲିସ ମାଡ ମାରିଲା, ପୋଲିସ ତା’ର ଦାୟିତ୍ୱ ଠିକ୍ ଭାବେ ତୁଲାଇଛି କି ନାହିଁ, ସେସବୁ ବିଷୟରେ କମିଶନ ତଦନ୍ତ କରିବେ ବୋଲି ଗୃହ ସଚିବ ଉପେନ୍ଦ୍ରନାଥ ବେହେରା କହିଛନ୍ତି ।

ଏସ୍ଡ଼ିଜେଏମ୍ ଦାୟିତ୍ୱରେ ଥିବା ଅରୁଣ କୁମାର ପଟ୍ଟନାୟକଙ୍କୁ ଗତ ୨ ତାରିଖ ରାତିରେ ଉଦିତନଗର ଥାନା ଆଇଆଇସି ସାନନ୍ଦ ପୂଜାରୀ ଦୁର୍ବ୍ୟବହାର କରିବା ସହ ମାଡ଼ ମାରିଥିବା ଅଭିଯୋଗ ହୋଇଥିଲା । ଅଭିଯୋଗ ପରେ ତାଙ୍କୁ ନିଲମ୍ବିତ କରାଯାଇଥିଲା ।

ଏହି ଘଟଣା ପରେ ବିଭିନ୍ନ ଓକିଲ ସଂଘ ପକ୍ଷରୁ ପ୍ରତିକ୍ରିୟା ପ୍ରକାଶ ପାଇଥିଲା ଓ ସଂପୃକ୍ତ ଥାନା ଅଧିକାରୀଙ୍କୁ ଗିରଫ ଏବଂ ଏସ୍ପିଙ୍କ ବଳି ।ବିରେ ଓକିଲମାନେ କାର୍ଯ୍ୟବନ୍ଦ ଆନ୍ଦୋଳନ କରିଥିଲେ । ସରକାର ଏହି ଘଟଣାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ ଦେଇଛନ୍ତି ।

କୋର୍ଟଙ୍କ ନିର୍ଦ୍ଦେଶ କ୍ରମେ ଗତ ୬ ତାରିଖରେ ଗୃହ ସଚିବ ଓ ରାଉରକେଲା ଏସ୍ପି ବିଚାରପତିଙ୍କୁ ପୋଲିସର ଦୁର୍ବ୍ୟବହାର ଅଭିଯୋଗ ସଂପର୍କରେ ଷ୍ଟାଟସ ରିପୋର୍ଟ ଦେଇଥିଲେ ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବ।ଦଦାତା

ରାଉରକେଲା, ଅପ୍ରେଲ ୧୫(ଓଡ଼ିଶା ଡ଼ଟ୍ କମ୍) ସୁନ୍ଦରଗଡ଼ ଜିଲ୍ଲାର ଏକ ସୂତାକଳରେ ଶୁକ୍ରବାର ଅଗ୍ନିକାଣ୍ଡ ଘଟି ଦୁଇ ଜଣ ଶ୍ରମିକ ଗୁରୁତର ଆହତ ହୋଇଥିବା ପୋଲିସ କହିଛି ।

କିରେଇ ସ୍ଥିତ ଅଶୋକ ସିନ୍ଥେଟିକ୍ ପ୍ରାଇଭେଟ ଲିମିଟେଡ଼୍ର ଦୁଇଟି ବିଭାଗରେ ସକାଳେ ହଠାତ୍ ନିଅାଁ ଲାଗିଯିବାରୁ ଏହାକୁ ଆୟତ୍ତ କରାଯାଇଥିଲା । କିନ୍ତୁ ଏହାର କେତେ ଘଣ୍ଟାପରେ ପୁଣି ନିଅାଁ ଲାଗିଯାଇଥିଲା ।

ଅଗ୍ନିକାଣ୍ଡ ଯୋଗୁଁ ସୂତାକଳର ପ୍ରାୟ ଦୁଇ କୋଟିରୁ ଉଦ୍ଧ୍ୱର୍ ଟଙ୍କାର ସଂପତ୍ତି ନଷ୍ଟ ହୋଇଯାଇଛି । ଆହତ ଶ୍ରମିକଙ୍କୁ ଉଦ୍ଧାର କରାଯାଇ ଡ଼ାକ୍ତରଖାନାରେ ଭର୍ତ୍ତି କରାଯାଇଛି ।

ଅଗ୍ନିକାଣ୍ଡର କାରଣ ଜଣାପଡ଼ିନଥିବା ବେଳେ ସର୍ଟ ସର୍କିଟ ଯୋଗୁଁ ଏପରି ହୋଇଥିବା କମ୍ପାନୀ ପକ୍ଷରୁ କୁହାଯାଇଛି । ପରେ ଜିଲ୍ଲାର ବରିଷ୍ଠ ଅଧିକାରୀମାନେ ସେଠାରେ ପହଞ୍ଚି ପରିସ୍ଥିତିର ଅନୁଧ୍ୟାନ କରିଛନ୍ତି ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ଜାନୁୟାରୀ ୧(ଓଡ଼ିଶା ଡ଼ଟ୍ କମ୍) ରାଜ୍ୟର ଶକ୍ତି ସାମର୍ଥ୍ୟ ବୃଦ୍ଧି ତଥା ଜୈବ ବିଦ୍ୟୁତ୍ ପ୍ରକଳ୍ପ ସ୍ଥାପନକୁ ପ୍ରୋତ୍ସାହିତ କରିବା ପାଇଁ ଗ୍ରୀଡ଼କୋ ପକ୍ଷରୁ ଶୁକ୍ରବାର ସାତଟି ନୂତନ ଭାବେ ସ୍ଥାପିତ ବାୟୋ ଏନର୍ଜି ପ୍ରକଳ୍ପ ସହିତ ଶକ୍ତିକ୍ରୟ ରାଜିନାମା ସ୍ୱାକ୍ଷରିତ ହୋଇଛି ।

ଏହା୍ୱାରା ଗ୍ରୀଡ଼କୋ ଉକ୍ତ ସାତଟି ପ୍ରକଳ୍ପରୁ ମୋଟ୍ରେ ୯୩ ମେଗାୱାଟ ବିଦ୍ୟୁତ୍ ଶକ୍ତି ପାଇବ । ଉଲ୍ଲେଖ ଯୋଗ୍ୟ ଯେ ବିଜ୍ଞାନ ଓ କାରିଗରୀ ବିଭାଗ ଅଧିନରେ ଥିବା ଓରେଡ଼ା ପ୍ରୋତ୍ସାହନରେ ରାଜ୍ୟରେ ଅକ୍ଷୟ ଶକ୍ତି ପ୍ରକଳ୍ପ ସ୍ଥାପନ କରାଯାଉଛି ।

ଏହି ଚୁକ୍ତିମାନାରେ ସ୍ୱାକ୍ଷର କରିଥିବା ଜୈବ ବିଦ୍ୟୁତ୍ ପ୍ରକଳ୍ପ ଗୁଡ଼ିକ ହେଲା ଢେଙ୍କାନାଳରେ ସ୍ଥାପନ ହେବାକୁ ଥିବା ୨୦ ମେଗାୱାଟ କ୍ଷମତା ବିଶିଷ୍ଟ ମେସର୍ସ ବିଶାଳିବାହାନ ଗ୍ରୀନ ଏନର୍ଜି ପ୍ରାଇଭେଟ ଲିମିଟେଡ଼, ରାୟଗଡ଼ାରେ ହେବାକୁ ଥିବା ୧୦ ମେଗାୱାଟ କ୍ଷମତା ବିଶିଷ୍ଟ ସତ୍ୟ ବାୟୋ ଏନର୍ଜି ।

କଳାହାଣ୍ଡିରେ ହେବାକୁ ଥିବା ୧୦ ମେଗାୱାଟ କ୍ଷମତା ବିଶିଷ୍ଟ ମେସର୍ସ ଏଭିଏନ୍ ପାୱାର ଲିମିଟେଡ଼, ଗଞ୍ଜାମ ଜିଲ୍ଲାରେହେବାକୁ ଥିବା ୧୦ ମେଗାୱାଟ କ୍ଷମତା ବିଶିଷ୍ଟ ମେସର୍ସ ସତ୍ୟ ବାୟୋ ପାୱାର ପ୍ରାଇଭେଟ ଲିମିଟେଡ଼ ।

ବୌଦ୍ଧ ଜିଲ୍ଲାରେ ହେବାକୁ ଥିବା ମେସର୍ସ ରଶ୍ମୀ ପାୱାର ଲିମିଟେଡ଼ ଏବଂ ସୁନ୍ଦରଗଡ଼ ଜିଲ୍ଲାରେ ହେବାକୁ ଥିବା ୨୩ ମେଗାୱାଟ କ୍ଷମତା ବିଶିଷ୍ଟ  ପାୱାର ଲିମିଟେଡ଼ ।

ଓଡିଶା ଡଟ୍ କମ୍