ସୁପ୍ରିମକୋର୍ଟ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନୂଆଦିଲ୍ଲୀ,୧୨ ଫେବୃଆରୀ,(ଓଡ଼ିଶା ଡ଼ଟ୍ କମ୍)-ଯେଉଁ ଛାତ୍ରଛାତ୍ରୀମାନେ ବର୍ଦ୍ଧିତ ଫି ଦେଉନାହାନ୍ତି ସେମାନଙ୍କ ବିରୋଧରେ ଡ଼ିଏଭି କର୍ତୃପକ୍ଷ ଏହି ମାମଲାର ବିଚାର ନ ସରିବା ପର୍ଯ୍ୟନ୍ତ କୌଣସି ପ୍ରକାରର କାର୍ଯ୍ୟନୁଷ୍ଠାନ ଗ୍ରହଣ କରିପାରିବ ନାହିଁ ବୋଲି ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି ।

ଡ଼ିଏଭି କର୍ତ୍ତୃପକ୍ଷ ଅସ୍ୱାଭାବିକ ଫି ବୃଦ୍ଧି କରିଥିବା ଅଭିଯୋଗ କରି ଅଭିଭାବକ ସଂଘ କୋର୍ଟର ହସ୍ତକ୍ଷେପ ଲୋଡ଼ିଥିଲେ । ବିଚାରପତି ଜଷ୍ଟିସ୍ ଆର୍.ଏମ୍.ଲୋଧା ଓ ଜଷ୍ଟିସ୍ ଜେ.ଚେଲେମେଶ୍ୱର ଙ୍କୁ ନେଇ ଗଠିତ ଖଣ୍ଡପୀଠ ଏହି ମାମଲାର ଶୁଣାଣି କରି ସୋମବାର ଏହି ନିର୍ଦ୍ଦେଶ ଦେଇ ମାମଲାର ଶୁଣାଣି ଦୁଇ ସପ୍ତାହ ପାଇଁ ସ୍ଥଗିତ ରଖିଛନ୍ତି ।

ଅଦାଲତଙ୍କ ଏହି ନିର୍ଦ୍ଦେଶକୁ ଅଭିଭାବକ ସଂଘ ସ୍ୱାଗତ କରିଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ୍ କମ୍ ସମ୍ବାଦଦାତା

କଟକ,ଡିସେମ୍ବର ୨୫(ଓଡିଶା ଡଟ୍ କମ୍ )-ସୋମବାର ଦିନ ଜଷ୍ଟିସ ଭି.ଗୋପାଳଗୌଡ଼ ସୁପ୍ରିମକୋର୍ଟର ବିଚାରପତି ଭାବେ ଶପଥ ଗ୍ରହଣ କରିଛନ୍ତି । ଏକ ନିରାଡ଼ମ୍ବର ଉତ୍ସବରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପ୍ରଧାନବିଚାରପତି ଅଲତମାସ କବୀର ତାଙ୍କୁ ଶପଥ ପାଠ କରାଇଥିଲେ ।

ପୂର୍ବରୁ ଓଡ଼ିଶା ହାଇକୋର୍ଟରୁ ଯାଇଥିବା ମୁଖ୍ୟ ବିଚାରପତି ବି.ଏସ. ଚୌହାନ ସୁପ୍ରିମକୋର୍ଟର ବିଚାରପତି ଭାବେ କାର୍ଯ୍ୟ ତୁଲାଉଛନ୍ତି । ସେହିପରି ଏବେ ସୁପ୍ରିମକୋର୍ଟରେ ଓଡ଼ିଆ ବିଚାରପତି ଭାବେ ଅନଙ୍ଗକୁମାର ପଟ୍ଟନାୟକ ଓ ଜଷ୍ଟିସ ଦୀପକ ମିଶ୍ର କାର୍ଯ୍ୟରତ ଅଛନ୍ତି । ସୁପ୍ରିମକୋର୍ଟର ସମସ୍ତ ବିଚାରପତି ଏହି ଉତ୍ସବରେ ଉପସ୍ଥିତ ଥିଲେ ।

ସୁପ୍ରିମକୋର୍ଟର କଲିଜିୟମ ପକ୍ଷରୁ ଜଷ୍ଟିସ ଗୋପାଳଗୌଡ଼ଙ୍କ ସମେତ ମାଡ୍ରାସ ହାଇକୋର୍ଟର ମୁଖ୍ୟ ବିଚାରପତି ଏମ.ୱାଇ. ଇକବଲ ଓ କର୍ଣ୍ଣାଟକ ହାଇକୋର୍ଟର ମୁଖ୍ୟ ବିଚାରପତି ବିକ୍ରମଜିତ ସେନଙ୍କ ନାମ ସୁପ୍ରିମକୋର୍ଟର ବିଚାରପତି ଭାବେ ନିଯୁକ୍ତି ଦେବାପାଇଁ ସୁପାରିସ କରାଯାଇଥିଲା ।

କର୍ଣ୍ଣାଟକର କୋଲାର ଜିଲ୍ଲା ଅନ୍ତର୍ଗତ ପେଦୁରଠାରେ ୬ ଅକ୍ଟୋବର ୧୯୫୧ରେ ଜନ୍ମ ଗ୍ରହଣ କରିଥିବା ଜଷ୍ଟିସ ଭି.ଗୋପାଳଗୌଡ ଫାଷ୍ଟ୍ ଗ୍ରେଡ୍ କଲେଜରୁ ବିଜ୍ଞାନରେ ସ୍ନାତକ ଡିଗ୍ରି ହାସଲ କରିବା ପରେ ୧୯୭୫ରେ ଏଲ ଏଲ୍ ବି ଡିଗ୍ରି ହାସଲ କରିଥିଲେ । ୧୯୯୭ ମସିହାରେ ଜଷ୍ଟିସ ଗୌଡ କର୍ଣ୍ଣାଟକ ହାଇକୋର୍ଟର ଅତିରିକ୍ତ ବିଚାରପତି ଭାବେ ନିଯୁକ୍ତି ପାଇଥିଲେ ।

୧୯୯୯ରେ ସେ କର୍ଣ୍ଣାଟକ ହାଇକୋର୍ଟର ସ୍ଥାୟୀ ବିଚାରପତି ଭାବେ ଦଦାୟିତ୍ୱ ଗ୍ରହଣ କରିଥିଲେ । ୨୦୧୦ ମାର୍ଚ୍ଚ ୨୫ ତାରିଖରେ ଜଷ୍ଟିସ ଗୌଡ ଓଡିଶା ହାଇକୋର୍ଟର ମୁଖ୍ୟ ବିଚାରପତି ଭାବେ ଶପଥ ନେଇଥିଲେ ।

ଓଡିଶା ଡଟ୍ କମ୍

ଓଡିଶା ଡଟ୍ କମ୍ ସମ୍ବାଦଦାତା

କଟକ,ଡିସେମ୍ବର ୨୨(ଓଡିଶା ଡଟ୍ କମ୍)-ଓଡ଼ିଶା ହାଇକୋର୍ଟର ମୁଖ୍ୟ ବିଚାରପତି ଭି.ଗୋପାଳଗୌଡ଼ ସୁପ୍ରିମକୋର୍ଟର ବିଚାରପତି ଭାବେ ଯୋଗଦେବେ । ଏ ସଂକ୍ରାନ୍ତରେ ଶୁକ୍ରବାର ସନ୍ଧ୍ୟାରେ ରାଷ୍ଟ୍ରପତି ଭବନରୁ ବିଜ୍ଞପ୍ତି ପ୍ରକାଶ ପାଇଛି ।

ଆସନ୍ତା ୨୪ ତାରିଖ ପୂର୍ବାହ୍ଣ ୧୧ଟା ବେଳେ ଜଷ୍ଟିସ ଗୋପାଳଗୌଡ଼ ଶପଥ ଗ୍ରହଣ କରିବାର କାର୍ଯ୍ୟକ୍ରମ ରହିଛି । ଓଡ଼ିଶା ହାଇକୋର୍ଟର ସର୍ବବରିଷ୍ଠ ବିଚାରପତି ପ୍ରଦୀପ କୁମାର ମହାନ୍ତି କାର୍ଯ୍ୟକାରୀ ମୁଖ୍ୟବିଚାରପତି ଭାବେ ଦଦାୟିତ୍ୱ ତୁଲାଇବେ ।

ଜଷ୍ଟିସ ଗୋପାଳଗୌଡ଼ ସର୍ବୋଚ୍ଚ ଅଦାଲତର ବିଚାରପତିରୂପେ ନିଯୁକ୍ତି ପାଇବାପରେ ତାଙ୍କ ସ୍ଥାନରେ ଜଷ୍ଟିସ ମହାନ୍ତି କାର୍ଯ୍ୟକରିବେ । ରାଷ୍ଟ୍ରପତି ଭବନରୁ ଏ ସଂକ୍ରାନ୍ତରେ ବିଜ୍ଞପ୍ତି ପ୍ରକାଶ ପାଇଛି ।

ସୁପ୍ରିମକୋର୍ଟର କଲିଜିୟମ ପକ୍ଷରୁ ଜଷ୍ଟିସ ଗୋପାଳଗୌଡ଼ଙ୍କ ସମେତ ମାଡ୍ରାସ ହାଇକୋର୍ଟର ମୁଖ୍ୟ ବିଚାରପତି ଏମ.ୱାଇ. ଇକବଲ ଓ କର୍ଣ୍ଣାଟକ ହାଇକୋର୍ଟର ମୁଖ୍ୟ ବିଚାରପତି ବିକ୍ରମଜିତ ସେନଙ୍କ ନାମ ସୁପ୍ରିମକୋର୍ଟର ବିଚାରପତି ଭାବେ ନିଯୁକ୍ତି ଦେବାପାଇଁ ସୁପାରିସ କରାଯାଇଥିଲା ।

କର୍ଣ୍ଣାଟକର କୋଲାର ଜିଲ୍ଲା ଅନ୍ତର୍ଗତ ପେଦୁରଠାରେ ୬ ଅକ୍ଟୋବର ୧୯୫୧ରେ ଜନ୍ମ ଗ୍ରହଣ କରିଥିବା ଜଷ୍ଟିସ ଭି.ଗୋପାଳଗୌଡ ଫାଷ୍ଟ୍ ଗ୍ରେଡ୍ କଲେଜରୁ ବିଜ୍ଞାନରେ ସ୍ନାତକ ଡିଗ୍ରି ହାସଲ କରିବା ପରେ ୧୯୭୫ରେ ଏଲ ଏଲ୍ ବି ଡିଗ୍ରି ହାସଲ କରିଥିଲେ । ୧୯୯୭ ମସିହାରେ ଜଷ୍ଟିସ ଗୌଡ କର୍ଣ୍ଣାଟକ ହାଇକୋର୍ଟର ଅତିରିକ୍ତ ବିଚାରପତି ଭାବେ ନିଯୁକ୍ତି ପାଇଥିଲେ ।

୧୯୯୯ରେ ସେ କର୍ଣ୍ଣାଟକ ହାଇକୋର୍ଟର ସ୍ଥାୟୀ ବିଚାରପତି ଭାବେ ଦାୟିତ୍ୱ ଗ୍ରହଣ କରିଥିଲେ । ୨୦୧୦ ମାର୍ଚ୍ଚ ୨୫ ତାରିଖରେ ଜଷ୍ଟିସ ଗୌଡ ଓଡିଶା ହାଇକୋର୍ଟର ମୁଖ୍ୟ ବିଚାରପତି ଭାବେ ଶପଥ ନେଇଥିଲେ ।

ଓଡିଶା ଡଟ୍ କମ୍

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡିସେମ୍ବର ୧୩ (ଓଡିଶା ଡଟ୍ କମ୍)-ବିଜେଡ଼ିରୁ ବହିଷ୍କାର କରାଯାଇଥିଲେ ହେଁ ଏ ପର୍ଯ୍ୟନ୍ତ ପ୍ୟାରୀଙ୍କୁ ବହିଷ୍କାର ସମ୍ପର୍କରେ ଲିଖିତ ଆଦେଶ ମିଳିନଥିବାରୁ ସେ ଦାଖଲ କରିଥିବା ଆବେଦନକୁ ମାନ୍ୟବର ସୁପ୍ରିମକୋର୍ଟ ବୁଧବାର ଦିନ ଗ୍ରହଣ କରିଛନ୍ତି ।

ଏହାଛଡା ତାଙ୍କୁ ଦଳରୁ ବହିଷ୍କାର କରାଯିବା ପ୍ରସଙ୍ଗରେ ଆଭିମୁଖ୍ୟ ସ୍ପଷ୍ଟ କରିବା ପାଇଁ ମଧ୍ୟ ବିଜେଡି ସଭାପତିଙ୍କୁ ସୁପ୍ରିମକୋଟ ପକ୍ଷରୁ ନୋଟିସ୍ ଜାରି କରାଯାଇଛି ।

ପ୍ୟାରୀଙ୍କ କହିବା କଥାହେଲା ସୁପ୍ରୀମକୋର୍ଟ ତାଙ୍କର ଗୁହାରି ଶୁଣି ନ୍ୟାୟ ପ୍ରଦାନ କରିଛନ୍ତି । ରାଜ୍ୟ ସଭାରେ ଏଫଡ଼ିଆଇ ପ୍ରସଙ୍ଗରେ ଭୋଟ ଦାନ ଉପରେ ତାଙ୍କୁ ବିଜେଡ଼ି ପକ୍ଷରୁ ହ୍ୱିପ ଜାରି କରାଯାଇ ନଥିଲା । ତାଙ୍କୁ ବହିଷ୍କାର କରାଯାଇଥିବା ସଂକ୍ରାନ୍ତରେ ବାଚସ୍ପତିଙ୍କୁ ମଧ୍ୟ ଅବଗତ କରାଯାଇ ନାହିଁ ।

ରାଜ୍ୟସଭାରେ ତାଙ୍କର ସ୍ଥିତି ଅସ୍ପଷ୍ଟ ରଖିବା ପାଇଁ ଏଭଳି ଯୋଜନା ଚାଲିଥିବାରୁ ସେ ସୁପ୍ରିମକୋର୍ଟ ଯାଇଛନ୍ତି । ବିଜେଡ଼ିରୁ ନିଲମ୍ବନ ହେବା ପରେ ଚିଠି ମିଳି ନଥିଲା । ଦଳରୁ ବହିଷ୍କାର କରାଯିବା ପରେ ବି ଚିଠି ମିଳିଲା ନାହିଁ ।

ତାଙ୍କ ପକ୍ଷରୁ ଓକିଲ ସୁରେଶ ତ୍ରିପାଠୀ ମାମଲା ପରିଚାଳନା କରୁଛନ୍ତି । ନିଲମ୍ବନର ୬ମାସ ବିତିଯାଇଥିଲେ ହେଁ ତାଙ୍କ ନିକଟକୁ ଏ ପର୍ଯ୍ୟନ୍ତ ଏ ସଂକ୍ରାନ୍ତରେ ଆଦେଶନାମା ପଠାଯାଇ ନାହିଁ । ସେ ତ୍ରିଶଙ୍କୁ ଅବସ୍ଥାରେ ଥିଲେ ।

ପ୍ରଧାନ ବିଚାରପତି ଅଲତମସ କବିର,ବିଚାରପତି ସୁରେନ୍ଦ୍ର ସିଂହ ନିଜାର ଓ ବିଚାରପତି ଜେ ଚେଲମେଶ୍ୱରଙ୍କ ଖଣ୍ଡପୀଠରେ ଏହି ଶୁଣାଳୀ ହୋଇଥିଲା । ଶୁଣାଣି ବେଳେ କୋର୍ଟ କହିଥିଲେ ସ୍ୱାଧୀନ ସଦସ୍ୟ ଭାବେ ପ୍ୟାରୀ ଗୃହରେ ଆଲୋଚନା ଓ ବିତର୍କରେ ଭାଗ ନେଇ ପାରିବେ ।

ଓଡିଶା ଡଟ୍ କମ୍

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡିସେମ୍ବର ୧୨(ଓଡିଶା ଡଟ୍ କମ୍)- ଡିଏଭି ସ୍କୁଲ କର୍ତୃପକ୍ଷ ସ୍କୁଲ ଫି’ ବୃଦ୍ଧି କରିଥିବା ବେଳେ ଏହାକୁ ବିରୋଧକରି ଅଭିଭାବକମାନେ ଆନ୍ଦୋଳନକୁ ଓହ୍ଲାଇଛନ୍ତି ।

ବୁଧବାର ଦିନକ ପାଇଁ ରାଜ୍ୟରେ ଥିବା ସମସ୍ତ ଡିଏଭି ସ୍କୁଲରେ ବନ୍ଦ ଡାକରା ଦିଆଯାଇଥିଲା । ଯାହାର ପ୍ରଭାବରେ ଆଜି ସକାଳୁ ସକାଳୁ କଟକ ଓ ଭୁବନେଶ୍ୱରରେ ଥିବା ସମସ୍ତ ଡିଏଭି ସ୍କୁଲ ସମ୍ମୁଖରେ ଅଭିଭାବକମାନେ ଧାରଣାରେ ବସିଥିଲେ ।

ରାଜଧାନୀର ୟୁନିଟ ୮,ପୋଖରୀପୁଟ,ଚନ୍ଦ୍ରଶେଖରପୁର,କଳିଙ୍ଗ ବିହାର ପରି ସମସ୍ତ ସ୍କୁଲରେ ଅଭିଭାବକମାନେ ଧାରଣା ଦେଇଥିଲେ । ଅଭିଭାବକ ସଂଘର ସାଧାରଣ ସଂପାଦକ ଅକ୍ଷୟ କୁମାର ମହାକୁଡ କହିଛନ୍ତି ଏ ସଂକ୍ରାନ୍ତ ମାମଲା ସୁପ୍ରିମକୋର୍ଟରେ ବିଚାରାଧୀନ ଥିବାବେଳେ ସ୍କୁଲ କର୍ତୃପକ୍ଷ ବର୍ଦ୍ଧିତ ଫି’ ଦେବାକୁ ନୋଟିସ ଜାରି କରିଛିନ୍ତି ।

ବର୍ଦ୍ଧିତ ହାରରେ ମାସିକ ଟ୍ୟୁସନ ଫି’ ପୈଠ କରିବାକୁ ନୋଟିସ ଯାଇଥିଲା । ବର୍ଦ୍ଧିତ ଫି’ ପୁରୁଣା ଫି’ଠାରୁ ୨୦୦ ପ୍ରତିଶତ ଅଧିକ ଥିବାରୁ ଅଭିଭାବକମାନେ ହତଚକିତ ହୋଇ ଯାଇଛନ୍ତି ।

ସ୍କୁଲ ତରଫରୁ ଚାପ ପ୍ରୟୋଗ କରାଯାଉଛି ଫି ଦେବା ପାଇଁ । ସେମାନେ କହୁଛନ୍ତି ଯଦି ତମେ ଟଙ୍କା ଜମାକରି ରସିଦ ନଦେଖାନ୍ତି ତାହାଲେ ତମ ପିଲାଙ୍କୁ ପଢାଇବୁ ନାହିଁ । ବାହାରେ ଠିଆ କରିଦେବୁ । ସ୍କୁଲରୁ ଟିସି ଦେଇ ଦେବୁ ।

ଏହି ଘଟଣା ପିଲାଙ୍କ ମାନସିକ ଉପରେ ପ୍ରଭାବ ପ୍ରକାଉଛି । ଅଦାଲତଙ୍କ ନିର୍ଦ୍ଦେଶର ଓଲଟା ଅର୍ଥ ବାହାର କରି ସ୍କୁଲ କର୍ତୃପକ୍ଷ ଫି’ ବୃଦ୍ଧି କରିଛନ୍ତି ବୋଲି ଅଭିଭାବକ ମାନେ ଅଭିଯୋଗ କରିଛନ୍ତି ।

ରାଜ୍ୟର ସମସ୍ତ ୧୪ଟି ଡିଏଭି ସ୍କୁଲ ସମ୍ମୁଖରେ ଅଭିଭାବକମାନେ ଧାରଣା ଦେବା ସହ ଫାଟକରେ ତାଲା ପକାଇଛନ୍ତି ବୋଲି ଓଡିଶା ଡିଏଭି ସ୍କୁଲ ଅଭିଭାବକ ସମନ୍ୱୟ ସମିତି ତରଫରୁ ପ୍ରକାଶ । ଏ ଘଟଣା ନେଇ ସ୍କୁଲ କର୍ତୃପକ୍ଷ କିଛି କହିବାକୁ ମନା କରିଦେଇଛନ୍ତି ।

ଓଡିଶା ଡଟ୍ କମ୍

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡିସେମ୍ବର ୧୦(ଓଡିଶା ଡଟ୍ କମ୍)- ବିଜେଡିରୁ ବହିଷ୍କାର ହେବାପରେ ରାଜ୍ୟ ସଭାରେ ତାଙ୍କର ସ୍ଥିତି କଣ ଜାଣିବା ପାଇଁ ସୋମବାର ସୁପ୍ରୀମ କୋର୍ଟର ଆଶ୍ରୟ ନେଇଛନ୍ତି ସାଂସଦ ପ୍ୟାରୀମୋହନ ମହାପାତ୍ର ।

ସେ ତାଙ୍କ ଆବେଦନରେ ଦର୍ଶାଇଛନ୍ତି ଯେ,୧୬ ନଭେମ୍ବର ୨୦୧୨ରେ ବିଜେଡି କାର୍ଯ୍ୟକାରିଣୀ ତାଙ୍କୁ ଦଳରୁ ବହିଷ୍କୃତ କରିଥିଲା । ହେଲେ ସେହି ବହିଷ୍କାର ଚିଠି ଏ ପର୍ଯ୍ୟନ୍ତ ପାଇନାହାଁନ୍ତି ।

ରାଜ୍ୟସଭାର ସଦସ୍ୟ ହୋଇଥିବାରୁ ଦଳରୁ ବହିଷ୍କୃତ ଖବର ତୁରନ୍ତ ରାଜ୍ୟସଭା ସେକ୍ରେଟେରୀଏଟ୍କୁ ଜଣାଇ ଦିଆଯିବା କଥା । ଯାହା ବର୍ତମାନ ସୁଦ୍ଧା ହୋଇନାହିଁ । ଏଭଳି ପରିସ୍ଥିତିରେ ରାଜ୍ୟ ସଭାରେ ତାଙ୍କର ସ୍ଥିତି କଣ ଜାଣିବା ପାଇଁ ସେ ନିବେଦନ କରିଛନ୍ତି ।

ଗତ ଶୁକ୍ରବାର ଦିନ ପ୍ୟାରୀମୋହନ ସୁପ୍ରୀମକୋର୍ଟ ଯିବେ ବୋଲି ଗଣମାଧ୍ୟମକୁ ଜଣାଇଥିଲେ । ଗତକାଲି ଏକ ସାମ୍ବାଦିକ ସମ୍ମିଳନୀରେ ଏକଥା ମଧ୍ୟ ସ୍ପଷ୍ଟ କରିଥିଲେ ।

ଗତ ମେ ୨୯ ତାରିଖ ରାତିରେ ତଥାକଥିତ ମିଡ୍ନାଇଟ ଅପରେସନ ପରେ ତାଙ୍କୁ ଦଳରୁ ପ୍ରଥମେ ନିଲମ୍ବନ ଓ ପରେ ନଭେମ୍ବର ୧୬ ତାରିଖରେ ବହିଷ୍କାର କରାଯାଇଥିଲା । ଏହାପରେ ପ୍ୟାରୀ ଓଡିଶା ଜନମୋର୍ଚ୍ଚା ଗଠନ କରି ସଭ୍ୟ ସଂଗ୍ରହ କରିବାରେ ଲାଗିପଡିଛନ୍ତି ।

ଓଡିଶା ଡଟ୍ କମ୍

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡିସେମ୍ବର ୯(ଓଡିଶା ଡଟ୍ କମ୍)-ବିଜେଡିରୁ ବହିଷ୍କାର ଲିଖିତ ଆଦେଶ ଦାବି କରି ସୋମବାର ଦିନ ସୁପ୍ରିମକୋର୍ଟରେ ଆବେଦନ କରିବେ ବୋଲି କହିଛନ୍ତି ସାଂସଦ ପ୍ୟାରୀମୋହନ ମହାପାତ୍ର ।

ରବିବାର ଦିନ ଭୁବନେଶ୍ୱରରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ମହାପାତ୍ର କହିଲେ ଏମ୍ପି ହିସାବରେ ମୋର ଅଧିକାର କ୍ଷୁର୍ଣ୍ଣ ହେଉଛି । ବହିଷ୍କାର ଆଦେଶ ମୁଖ୍ୟମନ୍ତ୍ରୀ ରାଜ୍ୟ ସଭାକୁ ପଠାନ୍ତୁ । ସେଥିପାଇଁ ମୁଁ ସୁପ୍ରୀମକୋର୍ଟ ଯିବି ।

କାରଣ ତାଙ୍କର ଯେଉଁ ରୋଗ ସେ ନିଲମ୍ବନ କହିି ଛଅମାସ ହେଲା ଆଦେଶ ପଠାଇ ନାହିାଁନ୍ତି । କାଗଜ ଖଣ୍ଡେ କାହାକୁ ମିଳିଲାନି । ସେମିତି ବହିଷ୍କାର ଆଦେଶର କାଗଜ ଖଣ୍ଡେ କାହାକୁ ମିଳିବ ନାହିଁ ।

ମୋର ରାଜ୍ୟ ସଭାରେ ସ୍ଥିତିଟା ଅସ୍ପଷ୍ଟ ହୋଇ ରହିବ । କାହିଁକି ଅସ୍ପଷ୍ଟ ହୋଇ ସ୍ଥିତି ରହିଥିବ ବୋଲି ସେ ପ୍ରଶ୍ନ କରିଛନ୍ତି । ସେ ଆସନ୍ତା ତିନିମାସ ମଧ୍ୟରେ ଏକ ନୂଆ ରାଜନୈଦିକ ଦଳ ଗଠନ କରିବେ ପ୍ୟାରୀ ସୂଚନା ଦେଇଛନ୍ତି ।

ଦମନ ପ୍ରତିରୋଧ ମଞ୍ଚର ଆବାହକ ତଥା ମାଓବାଦୀ-ସରକାରଙ୍କ ମଧ୍ୟସ୍ଥି ଦଣ୍ଡପାଣି ମହାନ୍ତିଙ୍କ ପୁଅ ସଂଗ୍ରାମକେଶରୀ ମହାନ୍ତି ଓ ତାଙ୍କ ସାଥିଙ୍କ ଗିରଫଦାରି ପ୍ରୟୋଜିତ ଓ ତାଙ୍କର କୌଣସି ମାଓ ଲିଙ୍କ ନାହିଁ ବୋଲି ପ୍ୟାରୀ ଅଭିଯୋଗ କରିଛନ୍ତି । ଆଜି ଓଡିଶାର ବିଭିନ୍ନ ଅଞ୍ଚଳର ଲୋକମାନେ ପ୍ୟାରୀଙ୍କ ଜନମୋର୍ଚ୍ଚାରେ ଯୋଗଦେଇଥିଲେ ।

ଅର୍ଥମନ୍ତ୍ରୀ ପ୍ରଶନ୍ନ ଆଚାର୍ଯ୍ୟ ଏ ଘଟଣା ଉପରେ କହିଛନ୍ତି ଯେ,ଦଳର ସମ୍ବିଧାନ ଅନୁସାରେ କାମ ହୋଇଛି । ଦଳର ସମ୍ବିଧାନ ବାହାରକୁ ଯାଇ କିଛି କାମ ହୋଇନାହିଁ । ଦଳର ସର୍ବୋଚ୍ଚ ସମିତି ଏହାକୁ ସ୍ୱୀକୃତି ଦେଇଛି ।

ତେଣୁ ସେ କୋର୍ଟରେ ଯାହା କରିବା କଥା କରନ୍ତୁ । ଆମେତ କୋର୍ଟର ଆଦେଶକୁ କେବେ ବି ଅମାନ୍ୟ କରିନାହୁଁ । ମୁଁ ନିଜେ ବୁଝି ପାରୁନାହିଁ ସେ କାହିଁକି ନିଜକୁ ଅସୁରକ୍ଷିତ ମନେ କରୁଛନ୍ତି ।

ଓଡିଶା ଡଟ୍ କମ୍

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡିସେମ୍ବର ୬(ଓଡିଶା ଡଟ୍ କମ୍)-ରାଜନେତାଙ୍କ ଫୋନ ଟ୍ୟାପିଂ ନେଇ ଆଜି ବିଧାନସଭାରେ ଗଭୀର ଉଦ୍ବେଗ ପ୍ରକାଶ ପାଇଛି । କିଏ ଅପରାଧୀ,କିଏ ଦେଶଦ୍ରୋହୀ,କାହାର ନକ୍ସଲଙ୍କ ସହ ସମ୍ପର୍କ ଅଛି ତାହା ମୁଖ୍ୟମନ୍ତ୍ରୀ କୁହନ୍ତୁ । ନଚେତ୍ ବ୍ୟକ୍ତିଗତ ଅଧିକାର କ୍ଷୁର୍ଣ୍ଣ କରୁଥିବାରୁ ତୁରନ୍ତ ଇସ୍ତଫା ଦିଅନ୍ତୁ ବୋଲି ବିରୋଧୀ ଦଳ ପକ୍ଷରୁ ଦାବି କରାଯାଇଛି ।

ଗୁରୁବାର ଦିନ ଶୂନ୍ୟକାଳରେ ବିରୋଧୀ ଦଳ ନେତା ଭୂପିନ୍ଦର ସିଂ ବାଚସ୍ପତିଙ୍କ ଦୃଷ୍ଟି ଆକର୍ଷଣ କରି କହିଲେ ଯେ, ସୁପ୍ରିମକୋର୍ଟଙ୍କ ରାୟ ଅନୁସାରେ କୌଣସି ରାଜନେତାଙ୍କ ଫୋନ ଟ୍ୟାପିଂ କରାଯାଇ ପାରିବ ନାହିଁ ।

ମାତ୍ର ଓଡିଶାରେ ଚାରି ବର୍ଷ ମଧ୍ୟରେ ୪ ହଜାର ୬ଶହ ୨୦ ଲୋକଙ୍କ ଫୋନ ଟ୍ୟାପିଂ କରାଯାଇଛି । ସେମାନେ କିଏ ? ଏମାନଙ୍କ ମଧ୍ୟରୁ କିଏ ଅପରାଧୀ ତାହା ସ୍ପଷ୍ଟ ହେବା ଉଚିତ୍ ।

କର୍ଣ୍ଣାଟକ ମୁଖ୍ୟମନ୍ତ୍ରୀ ରାମକୃଷ୍ଣ ହେଗ୍ଡେ ଓ ୟେଦୁରାପ୍ପା ମଧ୍ୟ ଫୋନ ଟ୍ୟାପିଂ କରିଥିବାରୁ ତାଙ୍କୁ ଇସ୍ତଫା ଦେବାକୁ ପଡିଥିଲା । ରାଜ୍ୟରେ କେଉଁ ଜରୁରୀ ପରିସ୍ଥିତି ସୃଷ୍ଟି ହେଲା ଯେ, ଏତେ ଲୋକଙ୍କ ଫୋନ ଟ୍ୟାପିଂ କରାଗଲା । ତାହା ଗୃହକୁ ଜଣାନ୍ତୁ ।

ଯଦି ମୁଖ୍ୟମନ୍ତ୍ରୀ ଏହାର ଉତର ନଦେବେ ତାହଲେ ରାଜନେତା ଫୋନଟ୍ୟାପିଂ ସତବୋଲି ଜଣାପଡିବ ଏବଂ ଏଥିପାଇଁ ମୁଖ୍ୟମନ୍ତ୍ରୀ ତୁରନ୍ତ ଇସ୍ତଫା ଦିଅନ୍ତୁ ବୋଲି ଶ୍ରୀ ସିଂ କହିଥିଲେ ।

ଏହି ପ୍ରସଙ୍ଗକୁ ସମର୍ଥନ କରି ବିଜେପି ବିଧାୟକ କନକ ବର୍ଦ୍ଧନ ସିଂଦେଓ କହିଲେ ଯେ, ମୁଖ୍ୟମନ୍ତ୍ରୀ ଏ ସମ୍ପର୍କରେ ଗୃହରେ ବିବୃତି ଦେବା ଆବଶ୍ୟକ । ଏହା ଅତ୍ୟନ୍ତ ଗୁରୁତର ବିଷୟ । ରାଜ୍ୟ ସରକାର ଏହି ଫୋନ ଟ୍ୟାପିଂକୁ ଜଣେ ଘରୋଇ ଅପରେଟର ଦ୍ୱାରାଆଉଟ୍ସୋର୍ସିଂ କରିଛନ୍ତି କି ନାହିଁ ତା ସ୍ପଷ୍ଟ କରନ୍ତୁ ।

କେଉଁ ଲୋକମାନଙ୍କ ଫୋନ୍ଟ୍ୟାପିଂ କରାଗଲା ସେହି ଫୋନ ନମ୍ବର ଗୃହକୁ ଦିଅନ୍ତୁ । କାହାର ନା ଦେବା ଦରକାର ନାହିଁ । କେଉ୍ଁମାନେ ଅପରାଧୀ,ଦେଶଦ୍ରୋହୀ ତାହା ସ୍ପଷ୍ଟ କରନ୍ତୁ ବୋଲି ଶ୍ରୀ ସିଂଦେଓ କହିଥିଲେ ।

ସଂସଦୀୟ ବ୍ୟାପାର ମନ୍ତ୍ରୀ କଳ୍ପତରୁ ଦାସ ଏହି ସବୁ ଅଭିଯୋଗକୁ ଖଣ୍ଡନକରି କହିଲେ କୌଣସି ରାଜନେତାଙ୍କ ଫୋନ ଟ୍ୟାପିଂ ହୋଇନାହିଁ । ଅପରାଧ ରୋକିବା ପାଇଁ ଫୋନ ଟ୍ୟାପିଂ କରାଯାଇଛି । କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା ମଧ୍ୟ ଏ ପ୍ରସଙ୍ଗରେ ତାଙ୍କ ମତ ରଖିଥିଲେ ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଅକ୍ଟୋବର ୨୦(ଓଡ଼ିଶା ଡ଼ଟ୍ କମ୍) –୨୦୦୮ କନ୍ଧମାଳ ଦଙ୍ଗା ମାମଲାରେ ଉଚ୍ଚହାରରେ ଅଭିଯୁକ୍ତ ଛାଡ ପାଉଥିବାରୁ ଏହା ବିରୋଧରେ ଆଗତ ଏକ ଜନସ୍ୱାର୍ଥମାମଲାରେ ସୁପ୍ରିମକୋର୍ଟ ଓଡିଶା ସରକାରଙ୍କୁ ୮ ସପ୍ତାହ ମଧ୍ୟରେ ଜବାବ ଦେବାକୁ ତଲବ କରିଛନ୍ତି ।

ଜନସ୍ୱାର୍ଥମାମଲାରେ ଆବେଦନକାରୀ ଦର୍ଶାଇଥିଲେ ଯେ କନ୍ଧମାଳ ଦଙ୍ଗା ଘଟଣାରେ ଦାୟର ୧୮୫ଟି ଅପରାଧ ମାମଲାରୁ ୯ ଡିସେମ୍ବର ୨୦୧୧ ସୁଦ୍ଧା ୧୨୧ଟି ମାମଲାରେ ଅଭିଯୁକ୍ତମାନେ ଛାଡ ପାଇଛନ୍ତି ।

ଅଭିଯୁକ୍ତଙ୍କ ବିରୋଧରେ ଶକ୍ତ ପ୍ରମାଣ ଯୋଗାଡରେ ବିଫଳତା, ପ୍ରତ୍ୟକ୍ଷଦର୍ଶୀ ବୟାନ ବଦଳାଇବା ଭଳି କାରଣରୁ ଏଭଳି ଘଟୁଛି ଏବଂ ଏତେ ସଂଖ୍ୟକ ଅଭିଯୁକ୍ତ ପ୍ରମାଣ ଅଭାବରୁ ଛାଡ ପାଇଯିବା ବ୍ୟବସ୍ଥାଗତ ବିଫଳତାକୁ ଦର୍ଶାଉଥିବା ଆବେଦନକାରୀ ଅଭିଯୋଗ କରିଥିଲେ ।

ତେବେ କୋର୍ଟ ଏହିସବୁ ଅଭିଯୋଗ ଉପରେ ୮ ସପ୍ତାହ ମଧ୍ୟରେ ଜବାବ ଦେବାକୁ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି କିନ୍ତୁ ଏନେଇ ରାଜ୍ୟ ସରକାରଙ୍କ ନିକଟରୁ ପ୍ରତିକ୍ରୀୟା ମିଳିପାରିନାହିଁ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଅକ୍ଟେବର ୧୫(ଓଡ଼ିଶା ଡ଼ଟ୍ କମ୍) –ଓଡିଶା ଖଣି ନିଗମ ଓ ଘରୋଇ ସୈନିକ କଂପାନୀ ମଧ୍ୟରେ ହୋଇଥିବା ବୁଝାମଣା ଉପରେ ଏକ ଜନସ୍ୱାର୍ଥ ମାମଲାକୁ ସୁପ୍ରିମକୋର୍ଟ ସୋମବାର ବିଚାର ପାଇଁ ଗ୍ରହଣ କରି ରାଜ୍ୟ ସରକାରଙ୍କ ସମେତ ସଂପୃକ୍ତ ପକ୍ଷମାନଙ୍କୁ ନୋଟିସ ଜାରି କରିଛନ୍ତି ।

୪ ସପ୍ତାହ ମଧ୍ୟରେ ସେମାନଙ୍କୁ ନିଜର ଜବାବ ରଖିବାକୁ ନିର୍ଦ୍ଦେଶ ଦିଆଯାଇଛି ।

ତାଳଚେରର ପୂର୍ଣ୍ଣଚନ୍ଦ୍ର ସାହୁ ନାମକ ଜଣେ ବ୍ୟକ୍ତି ଏହି ବୁଝାମଣାକୁ ବାତିଲ କରିବା ଏବଂ ଘଟଣାର ସିବିଆଇ ତଦନ୍ତ ଦାବିକରି ସୁପ୍ରିମକୋର୍ଟ ରେ ମାମଲା ଦାୟର କରିଥିଲେ ।

ଓଡ଼ିଶା ଡ଼ଟ୍ କମ୍