• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
    • ଓଡିଆ ଶିକ୍ଷା
  • କପି ରାଇଟ
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ହାତୀ

ରାଜ୍ୟରେ ହାତୀ ସଂଖ୍ୟା ୧୯୫୪କୁ ବୃଦ୍ଧି

June 29, 2015 by News Bureau Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ଵର,୨୯ ଜୁନ (ଓଡିଶା ଡଟ୍ କମ୍) ରାଜ୍ୟରେ ହାତୀ ସଂଖ୍ୟା ୧୯୫୪କୁ ବୃଦ୍ଧି ପାଇଥିବା ସରକାର ସୋମବାର ସୂଚନା ଦେଇଛନ୍ତି ।

ରାଜ୍ୟରେ ୨୦୧୨ରେ ୧୯୩୦ଟି ହାତୀ ଥିବା ବେଳେ ଗତ ୩ ବର୍ଷରେ ମଧ୍ୟରେ ଏହି ସଂଖ୍ୟା ୨୪କୁ ବୃଦ୍ଧି ପାଇଛି ।

ଚଳିତ ବର୍ଷ ରାଜ୍ୟର ୪୪ଟି ଜଙ୍ଗଲ ଡିଭିଜନରେ ହାତୀ ଗଣନା କରାଯାଇଥିଲା । ଏଥିପାଇଁ ବନ ବିଭାଗ ତରଫରୁ ୧୮୬୯ଟି ୟୁନିଟ୍ ରେ ୫,୬୦୭ ଜଣ କ୍ଷେତ୍ର କର୍ମଚାରୀଙ୍କୁ ନିୟୋଜିତ କରା ଯାଇଥିଲା ।

ଏହି ଗଣନାରୁ ମିଳିଥିବା ତଥ୍ୟ ଅନୁସାରେ ରାଜ୍ୟରେ ସର୍ବାଧିକ ୩୩୭ଟି ହାତୀ ମୟୂରଭଞ୍ଜରେ ଥିବାବେଳେ ଦ୍ୱିତୀୟ ସ୍ଥାନରେ ରହିଛି ଢେଙ୍କାନାଳ, ଏଠାରେ ୧୬୪ଟି ହାତୀ ଅଛନ୍ତି  । ଗତ ୩ ବର୍ଷରେ ୨୧୩ ହାତୀ ବିଭିନ୍ନ କାରଣରୁ ମୃତ୍ୟୁ ବରଣ କରିଥିବା ସରକାର ସୂଚନା ଦେଇଛନ୍ତି ।

ଓଡିଶା ଡଟ୍ କମ୍

News Bureau
News Bureau

Filed Under: ପରିବେଶ Tagged With: ହାତୀ

ଟ୍ରେନ ଧକ୍କାରେ ୬ ହାତୀ ମୃତ

December 30, 2012 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ବ୍ରହ୍ମପୁର,ଡିସେମ୍ବର ୩୦(ଓଡିଶା ଡଟ୍ କମ୍ )-ଶନିବାର ଦିନ ରାତି ୧୨.୩୦ ମିନିଟ ସମୟରେ ଗଂଜାମ ଜିଲ୍ଲା ରମ୍ଭା ଅନ୍ତର୍ଗତ ସୁବଳୟା ନିକଟରେ ଝିଙ୍କିରେଡି ଜଙ୍ଗଲରୁ ଆସୁଥିବା ୬ଟି ହାତୀକୁ କରମଣ୍ଡଳ ଏକ୍ସପ୍ରେସ ଧକ୍କା ଦେଇଥିଲା । ଏହି ଘଟଣାରେ ୬ଟିହାତୀ ମୃତ ବରଣ କରିଥିଲେ ।

ଏହି ପଥଦେଇ ହାତୀମାନଙ୍କ ଚଳପ୍ରଚଳ ଚାଲୁଥିଲେ ମଧ୍ୟ କତୃପକ୍ଷଙ୍କ ଅବହେଳା ଯୋଗୁଁ ଏହି ମର୍ମନ୍ତୁଦ ଘଟଣା ଘଟିଛି । ହାତୀଙ୍କ ମୃତୁ୍ୟ ଖବର ପାଇ ଡିଏଫଓ ସୁଧାଂଶୁ ଶେଖର ମିଶ୍ର, ଖଲିକୋର୍ଟ ରେଂଜର ବିଜୟ କୁମାର ହୋତା,ରେଳବାଇ ପୋଲିସ ଓ ଅନ୍ୟ ବନକର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ ।

ସେମାନେ ହାତୀଗୁଡିକର ଶବକୁ ଜବତ କରିବା ସହିତ ବ୍ୟବଚ୍ଛେଦ ନିମନ୍ତେ ବ୍ୟବସ୍ଥା କରିଥିଲେ । କେଉଁ କାରଣରୁ ଏକକାଳୀନ ୬ଟି ହାତୀଙ୍କର ମୃତ୍ୟୁ ଘଟିଲା ସେନେଇ ତଦନ୍ତ ଆରମ୍ଭ ହୋଇଛି ।

ଏହି ଦୁର୍ଘଟଣାରେ ଜଣେ କଂଟ୍ରାକ୍ଟରଙ୍କ ଦ୍ୱାରାନିଯୁକ୍ତ ଜଣେ ବେଡ ରୋଲ ଆଟେଣ୍ଡାଂଟ ଜଗତସିଂହପୁରର ରଣଜିତ ଜେନାଙ୍କ ମୃତ୍ୟୁ ଘଟିଛି । ଜଙ୍ଗଲ ଓ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟ ଏ ଘଟଣା ପାଇଁ ଏକ ବୈଠକ ଡାକିଛନ୍ତି ।

ଜଙ୍ଗଲମନ୍ତ୍ରୀ ଶ୍ରୀ ରାଉତରାୟ କହିଛନ୍ତି ଯେ,ରେଳବାଇ ଅବହେଳା ଯୋଗୁଁ ଏଭଳି ଦୁଃଖଦ ଘଟଣା ଘଟୁଛି । ଅନ୍ୟପକ୍ଷରେ ପୂର୍ବତଟ ରେଳବାଇ ମୁଖ୍ୟ ଲୋକସଂପର୍କ ଅଧିକାରୀ ରବି ନାରାୟଣ ମହାପାତ୍ର କହିଛନ୍ତି ଯେ,ଏ ଘଟଣା ପାଇଁ ବନ ବିଭାଗ ଦାୟୀ । ହାତୀପଲ ସେହି ଅଂଚଳ ଦେଇ ଯାତାୟାତ କରୁଥିବା ସଂପର୍କରେ ଯଥେଷ୍ଟ ପୂର୍ବରୁ ରେଳବାଇ ପାଖରେ ସୂଚନା ନଥିଲା ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ଟ୍ରେନ ଧକ୍କା, ହାତୀ

ହାତୀ ଉପଦ୍ରବ ନେଇ ବିଧାନସଭାରେ ବିଧାୟକଙ୍କ ଉଦ୍ବେଗ

December 12, 2012 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଡିସେମ୍ବର ୧୨(ଓଡିଶା ଡଟ୍ କମ୍)-ହାତୀ,ମାଙ୍କଡକୁ ନେଇ ବିଧାନସଭାରେ ଶାସକ ଓ ବିରୋଧୀ ଉଦ୍ବେଗ ପ୍ରକାଶ କରିଛନ୍ତି । ଏମାନଙ୍କ ଉପଦ୍ରବ ଅସହ୍ୟ ହେଲାଣି । ସରକାର ହାତୀ ସହିତ ମଣିଷଙ୍କୁ ମଧ୍ୟ ସୁରକ୍ଷା ଦିଅନ୍ତୁ ବୋଲି ବିଧାୟକମାନେ ବିଧାନସଭାରେ ମଙ୍ଗଳବାର ଦିନ ଅଭିଯୋଗ ଆଣିଛନ୍ତି ।

ନୀଳଗିରିରେ ଦେଢ଼ଶହ ପର୍ଯ୍ୟନ୍ତ ହାତୀ ଉପଦ୍ରବ କରୁଛନ୍ତି । ଏହାକୁ ରୋକାଯାଇପାରୁନି । ବନ ବିଭାଗ ଓ ପୁଲିସ କର୍ମଚାରୀ ହାତ ଟେକିଦେଇଛନ୍ତି । ହାତୀ ପଲ ଘରଦ୍ୱାର ଭାଙ୍ଗୁଛନ୍ତି । ଏହାର ସ୍ଥାୟୀ ସମାଧାନ କରିବାକୁ ଆଜି ବିଧାନସଭାରେ ସ୍ୱାଧୀନ ସଦସ୍ୟ ପ୍ରତାପ ଷଡଙ୍ଗୀ ଜଙ୍ଗଲ ଓ ପରିବେଶ ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଥିଲେ ।

ବିଭାଗୀୟ ମନ୍ତ୍ରୀ ବିଜୟଶ୍ରୀ ରାଉତରାୟ କହିଥିଲେ ହାତୀ ସ୍କୁଲରେ ପାଠ ପଢିନାହାନ୍ତି କି ଜ୍ଞାନ ଆହରଣ କରିନାହାନ୍ତି ଯେ ସେମାନେ ସବୁ କଥା ବୁଝିଯିବେ । ହାତୀ ଏକାଠି ହେଉଥିବା ବେଳେ ଲୋକମାନେ ସେମାନଙ୍କୁ ଘେରୁଛନ୍ତି । ଫଟୋ ଉଠାଉଛନ୍ତି । ହାତୀ ରାଗିଯିବା ସ୍ୱାଭାବିକ ।

ଯେଉଁ ସ୍ଥାନରେ ହାତୀ ପଲ ଏକାଠି ହେଉଛନ୍ତି ସେ ସ୍ଥାନକୁ କେବଳ ବନ ବିଭାଗ କର୍ମଚାରୀଙ୍କୁ ଯିବାକୁ ଦିଅନ୍ତୁ । ସେମାନଙ୍କ କାମ କରିବାକୁ ଦେବା ପାଇଁ ପରାମର୍ଶ ଦେଇ ଅନ୍ୟମାନେ ପଶି ମାମଲତି ନକରିବାକୁ ମନ୍ତ୍ରୀ କହିଥିଲେ ।

ମନ୍ତ୍ରୀଙ୍କ ଉତରରେ ଅସନ୍ତୋଷ ପ୍ରକାଶ କରି ବିଧାୟକ ଶ୍ରୀ ଷଡ଼ଙ୍ଗୀ ଗୃହର ମଧ୍ୟଭାଗକୁ ଚାଲିଆସି ଧାରଣାରେ ବସିଥିଲେ । ମନ୍ତ୍ରୀ ଶ୍ରୀ ରାଉତରାୟ ନିଜ ଆସନରୁ ଉଠି ଆସି ତାଙ୍କୁ ବୁଝାଇବା ପରେ ବିଧାୟକ ଶ୍ରୀ ଷଡ଼ଙ୍ଗୀ ନିଜ ଆସନକୁ ଫେରିଥିଲେ ।

ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ହାତୀ, ମଇଁଷି ଓ ମାଙ୍କଡ଼ ଉପଦ୍ରବ ଯୋଗୁ ଚାଷୀ ବିବ୍ରତ ହୋଇପଡ଼ିିଛନ୍ତି ପ୍ରଶ୍ନର ଉତର ରଖି ମନ୍ତ୍ରୀ ଶ୍ରୀ ରାଉତରାୟ କହିଥିଲେ, ମଇଁଷି ବନ୍ୟଜନ୍ତୁ ନୁହେଁ, ଷଣ୍ଢ ଏସବୁ କରୁଥିବ । ମାଙ୍କଡ଼ଙ୍କ ପାଇଁ ସବୁଆଡ଼େ ସମସ୍ୟା ସୃଷ୍ଟି ହୋଇଛି । ମାଙ୍କଡ଼ ଘଉଡ଼େଇବା ପାଇଁ ସଦସ୍ୟ ନେତୃତ୍ୱ ନେଇ କାମ କଲେ ମୁଁ ତାଙ୍କ ପଛରେ ରହିବି ।

ହାତୀ ଉପଦ୍ରବ ଉପରେ ବିଧାୟକ ସୁବର୍ଣ୍ଣ ନାୟକ ହାତୀ ମୃତୁ୍ୟ ସମ୍ପର୍କରେ ପଚାରିଥିବା ପ୍ରଶ୍ନର ଉତରରେ ମନ୍ତ୍ରୀ ଶ୍ରୀ ରାଉତରାୟ କହିଥିଲେ ଯେ କେତେକ ଜଙ୍ଗଲ ଓ ଚାଷ ଜମିରେ ବନ୍ୟଜନ୍ତୁଙ୍କ ପ୍ରବେଶ ପ୍ରତିହତ କରିବା ପାଇଁ ଲୋକମାନେ ଲୁହାତାର ଘେରାଉ କରି ଅନଧିକୃତ ଭାବେ ବିଦ୍ୟତ ଚାର୍ଜ କରୁଛନ୍ତି । ଏଥିଯୋଗୁଁ ବେଳେବେଳେ ହାତୀଙ୍କ ମୃତ୍ୟୁ ଘଟୁଛି । ଏହାକୁ ବନ୍ଦ କରିବା ପାଇଁ ସଚେତନତା ସୃଷ୍ଟି କରାଯାଉଛି ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ପୁଲିସ, ବିଧାନସଭା, ବିଧାୟକ, ହାତୀ

ଶିମିଳିପାଳ ହାତୀ ମୃତ୍ୟୁ ଘଟଣାରେ ରେଞ୍ଜ ଅଫିସର ନିଲମ୍ବିତ

May 10, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବାରିପଦା, ମଇ ୧୦(ଓଡ଼ିଶା ଡ଼ଟ୍ କମ୍) ଶିମିଳିପାଳରେ ପାଞ୍ଚଟି ହାତୀଙ୍କୁ ବିଷ ଦେଇ ହତ୍ୟା କରାଯାଇଥିବା ଘଟଣାରେ ସରକାର ସ୍ଥାନୀୟ ରେଞ୍ଜ ଅଫିସରଙ୍କୁ ଗୁରୁବାର ନିଲମ୍ବିତ କରିଛନ୍ତି ।

ରାଜ୍ୟ ମୁଖ୍ୟ ବନ ସଂରକ୍ଷକ ଜେଡି ଶର୍ମା ନଅଣା ରେଞ୍ଜ ଅଫିସର ଉଗ୍ରସେନ ଜେନାଙ୍କୁ କର୍ତ୍ତବ୍ୟରେ ଅବହେଳା ଲାଗି କାର୍ଯ୍ୟରୁ ନିଲମ୍ବିତ କରିଛନ୍ତି ।

ଗତ ପାଞ୍ଚ ତାରିଖରେ ବ୍ୟାଘ୍ର ସଂରକ୍ଷଣ ପ୍ରକଳ୍ପ ନଅଣା ରେଞ୍ଜ ଡ଼ୁବୁରୁଚମ୍ପା ଅନ୍ତର୍ଗତ ଏକ ନାଳ ନିକଟରୁ ପାଞ୍ଚଟି ହାତୀର କଙ୍କାଳ ଉଦ୍ଧାର କରାଯାଇଥିଲା । ଶିକାରୀମାନେ ହାତୀ ମାନଙ୍କୁ ବିଷ ଦେଇ ମାରିବା ପରେ ଶବଗୁଡ଼ିକୁ ପୋତି ପତ୍ରରେ ଘୋଡାଇ ଦେଇଥିଲେ ।

ଏହାର ତଦନ୍ତ କରିବା ପାଇଁ ମୁଖ୍ୟମନ୍ତ୍ରୀ ରାଜ୍ୟ ମୁଖ୍ୟ ବନ ସଂରକ୍ଷକଙ୍କୁ ନିର୍ଦ୍ଦେଶ ଦେବାପରେ ସେ ଶିମିଳିପାଳ ଗସ୍ତକରି ସରକାରଙ୍କୁ ରିପୋର୍ଟ ଦେଇଥିଲେ ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ଶିମିଳିପାଳ, ହାତୀ

ଶିମିଳିପାଳରୁ ଚାରି ହାତୀ କଙ୍କାଳ ଉଦ୍ଧାର

May 6, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବାରିପଦା, ମଇ ୭(ଓଡ଼ିଶା ଡ଼ଟ୍ କମ୍) ମୟୁରଭଞ୍ଜ ଜିଲ୍ଲା ଶିମିଳିପାଳ ବନ୍ୟଜନ୍ତୁ ଅଭୟାରଣ୍ୟରୁ ୪ ହାତୀଙ୍କ କଙ୍କାଳ ଉଦ୍ଧାର କରାଯାଇଥିବା ଜଣେ ଅଧିକାରୀ ସୋମବାର କହିଛନ୍ତି ।

ବ୍ୟାଘ୍ର ସଂରକ୍ଷଣ ପ୍ରକଳ୍ପ ନଅଣା ରେଞ୍ଜ ଡ଼ୁବୁରୁଚମ୍ପା ଅନ୍ତର୍ଗତ ଏକ ନାଳ ନିକଟରୁ ରବିବାର ଏହି ହାତୀ କଙ୍କାଳ ମିଳିଥିବା ବ୍ୟାଘ୍ର ସଂରକ୍ଷିତ କ୍ଷେତ୍ରର ଉପନିର୍ଦ୍ଦେଶକ ଗଣମାଧ୍ୟମକୁ କହିଛନ୍ତି ।

ଶିକାରୀମାନେ ହାତୀ ମାନଙ୍କୁ ବିଷ ଦେଇ ମାରିବା ପରେ ଶବଗୁଡ଼ିକୁ ପୋତିଦେଇ ପତ୍ରରେ ଘୋଡାଇ ଦେଇଥିଲେ ବୋଲି ସେ କହିଛନ୍ତି । ଏହି ଖବର ପାଇବା ପରେ ବନ କର୍ମଚାରୀମାନେ ସେଠାକୁ ଯାଇ ହାତୀ କଙ୍କାଳ ଉଦ୍ଧାର କରିଛନ୍ତି ।

ମିଳିଥିବା କଙ୍କାଳ ଗୁଡ଼ିକର ପରୀକ୍ଷା କରାଯିବ ବୋଲି ସେ କହିଛନ୍ତି । ଏହି ଘଟଣା ଲୋକଲୋଚନକୁ ଆସିବା ପରେ ପରିବେଶବିତ୍ ଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ବାରିପଦା, ମୟୁରଭଞ୍ଜ, ଶିମିଳିପାଳ, ହାତୀ

ବରଗଡ଼: ମାତୃହରା ଶିଶୁ ହାତୀ ଉଦ୍ଧାର(ଭିଡ଼ିଓ ସହ)

November 22, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ : ଶାନ୍ତନୁ ବିଶ୍ୱାଳ

ବରଗଡ଼, ନଭେମ୍ବର ୨୨(ଓଡ଼ିଶା ଡ଼ଟ୍ କମ୍) ବରଗଡ଼ ଜିଲ୍ଲାରେ ନିକଟରେ ବିଦ୍ୟୁତ୍ ଆଘାତରେ ମୃତ୍ୟୁବରଣ କରିଥିବାଦୁଇଟି ହାତୀଙ୍କ ସହ ଥିବା ଶିଶୁ ହାତୀକୁ ମଙ୍ଗଳବାର ଉଦ୍ଧାର କରାଯାଇଛି ।

ଡ଼ୁଙ୍ଗୁରୀ ଚୂନ ଖଣି ଅଂଚଳର ବଡ଼ମାଲ ଗ୍ରାମ ପୋଖରୀରେ ହାତୀ ଛୁଆକୁ ମୁମୁର୍ଷ ଅବସ୍ଥାରେ ଗ୍ରାମବାସୀମାନେ ଖେିବା ପରେ ଜଙ୍ଗଲ ବିଭାଗ ଅଧିକାରୀଙ୍କୁ ଖବର ଦେଇଥିଲେ ।

ପରେ ଅଧିକାରୀମାନେ ସେଠାରେ ପହଂଚି ତାକୁ ଉଦ୍ଧାର କରିଛନ୍ତି । ଗତ ୧୯ ତାରିଖରେ ବରଗଡ଼ ଅଭୟାରଣ୍ୟର ଚାଳ ଗ୍ରାମ ପାଖରେ ବାରାହା, କୁଟୁରା ମାରିବା ପାଇଁ ଲୋକମାନେ ବିଛାଇଥିବା ବିଦ୍ୟୁତ ତାର ସଂସ୍ପର୍ଶରେ ଆସିଦୁଇଟି ହାତୀ ପ୍ରାଣ ହରାଇଥିଲେ ।

ଏମାନଙ୍କ ମଧ୍ୟରୁ ଗୋଟିଏ ମାଈ ହାତୀ ଥିବା ବେଳେ ଶିକାରୀମାନେ ଦ।ନ୍ତ ମଧ୍ୟ କାଟି ନେଇଯାଇଥିଲେ । ପୋଲିସ ଏହି ଘଟଣାରେ ୧୨ ଜଣଙ୍କୁ ଗିରଫ କରିଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ବରଗଡ଼, ମୁଖ୍ୟ ଖବର, ହାତୀ

ବରଗଡ଼: ବିଦ୍ୟୁତ୍ ସଂସ୍ପର୍ଶରେ ଦୁଇ ହାତୀଙ୍କ ମୃତ୍ୟୁ

November 18, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ : ଶାନ୍ତନୁ ବିଶ୍ୱାଳ

ବରଗଡ଼, ନଭେମ୍ବର ୧୯(ଓଡ଼ିଶା ଡ଼ଟ୍ କମ୍) ବରଗଡ଼ ଜିଲ୍ଲା ଅମ୍ବାଭନା ଥାନା ଅନ୍ତର୍ଗତ ଲଖନପୁର ବନ ବିଭାଗ ଅଧୀନସ୍ଥ ଏକ ଗ୍ରାମରେ ବିଦ୍ୟୁତ୍ ସଂସ୍ପର୍ଶରେଦୁଇଟି ହାତୀ ପ୍ରାଣ ହରାଇଥିବା ଶନିବାର ଜଣେ ଅଧିକାରୀ କହିଛନ୍ତି ।

ସେମାନଙ୍କ ମଧ୍ୟରୁ ଗୋଟିଏ ଅଣ୍ଡିରା ହାତୀ ଏବଂ ଅନ୍ୟଟି ମାଈ ହାତୀ । କୌଣସି ସୂତ୍ରରୁ ଖବର ପାଇ ବନ ବିଭାଗର ବରିଷ୍ଠ ଅଧିକାରୀମାନେ ଶୁକ୍ରବାର ଘଟଣାସ୍ଥଳରେ ପହଞ୍ଚି ତଦନ୍ତ କରିଛନ୍ତି ।

ମୃତ ହାତୀର ଦାନ୍ତ ଚୋରି ହୋଇଥିବାରୁ ଏଥିରେ ମାଫିଆଙ୍କ ସଂପୃକ୍ତି ଥିବା ସନ୍ଦେହ କରାଯାଉଛି ବୋଲି ସେମାନେ କହିଛନ୍ତି । ଜିଲ୍ଲାର ବଡ଼ମାଳ, ଜଗଡ଼ାବେହେରା, ସନ୍ତରା, ହାତୀକୁଜା, ଲଖନପୁର ଅଞ୍ଚଳରେ ୨୫ରୁ ଉର୍ଦ୍ଧ୍ଵ ହାତୀଙ୍କ ପଲ ଦେଖିବାକୁ ମିଳିଛି ।

ହାତୀମାନେ ଅମଳ ହେବାକୁଥିବା ଧାନ ନଷ୍ଟ କରିଦେଉଥିବାରୁ ଏହାର ପ୍ରତିକାର ପାଇଁ ଲୋକମାନେ ବିଦ୍ୟୁତ୍ ତାରରୁ ହୁକ୍ ପକାଇ ଚାଷ ଜମିର ଚାରିପଟେ ବିଛାଇ ଦେଉଥିବା ସେମାନେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର, ମୁଖ୍ୟ ଖବର Tagged With: ଚାଷ ଜମି, ବରଗଡ଼, ମୁଖ୍ୟ ଖବର, ହାତୀ

ହାତୀଙ୍କ ଦ୍ୱାରାଫସଲ କ୍ଷତି ସହାୟତା ବୃଦ୍ଧି ନିଷ୍ପତି

November 17, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ନଭେମ୍ବର ୧୭(ଓଡ଼ିଶା ଡ଼ଟ୍ କମ୍) ହାତୀଙ୍କ ଦ୍ୱାରାଫସଲ କ୍ଷତି ବାବଦ ରାଶି ଏକ ହଜାର ଟଙ୍କାରୁ ଦଶ ହଜାର ଟଙ୍କାକୁ ବୃଦ୍ଧି କରିବାକୁ ସରକାର ନିଷ୍ପତି ଗ୍ରହଣ କରିଛନ୍ତି ।

ହସ୍ତୀ ସୁରକ୍ଷା କାର୍ଯ୍ୟକ୍ରମ ସଂପର୍କରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଗୁରୁବାର ଅନୁଷ୍ଠିତ ଏକ ଉଚ୍ଚସ୍ତରୀୟ ସମୀକ୍ଷା ବୈଠକରେ ଏହି ନିଷ୍ପତି ନିଆଯାଇଥିବା ବେଳେ ରାଜ୍ୟରେ ଅବୈଧ ହାତୀ ଶିକାର ତଥା ବିଦ୍ୟୁତ୍ ଆଘାତ ଜନିତ ମୃତ୍ୟୁ ଯୋଗୁଁ ବୈଠକରେ ଉ୍ବେଗ ପ୍ରକାଶ ପାଇଛି ।

ବିଭିନ୍ନ ସ୍ଥାନରେ ବିଦ୍ୟୁତ ତାର ଝୁଲି ରହିବା ଫଳରେ ହାତୀମାନେ ବିଦ୍ୟୁତ୍ ଆଘାତର ଶିକାର ହେଉଥିବାରୁ ଏହାକୁ ରୋକିବା ପାଇଁ ୧୦ କୋଟି ଟଙ୍କାର ଯୋଜନା ଶକ୍ତି ବିଭାଗ ଜରିଆରେ କାର୍ଯ୍ୟକାରୀ କରାଯିବ ବୋଲି ବୈଠକରେ ନିଷ୍ପତି ନିଆଯାଇଛି ।

ସେହିପରି ହାତୀ ମାନଙ୍କର ଅବୈଧ ଶିକାର ରୋକିବା ପାଇଁ ୫୧ଟି ସ୍ୱତନ୍ତ୍ର ସ୍କ୍ୱାଡ଼ ଗଠନ କରାଯିବା ସହିତ ଅତ୍ୟାଧୁନିକ ଜିପିଏସ୍ କୌଶଳ ଦ୍ୱାରାହାତୀ ମାନଙ୍କର ଗତିବିଧି ଉପରେ ନଜର ରଖାଯିବ ।

ହାତୀ ଆକ୍ରମଣରେ ମୃତ୍ୟୁବରଣ କରୁଥିବା ବ୍ୟକ୍ତିଙ୍କ ପରିବାରକୁ କ୍ଷତିପୂରଣ ରାଶିକୁ ଏକ ଲକ୍ଷ ଟଙ୍କାରୁ ଦୁଇ ଲକ୍ଷ ଟଙ୍କାକୁ ବୃଦ୍ଧି କରାଯାଇଥିବା ବେଳେ ଗୃହ ନଷ୍ଟ ବାବଦ କ୍ଷତି ମଧ୍ୟ ୩୫୦୦ ଟଙ୍କାରୁ ୧୦ ହଜାରକୁ ବୃଦ୍ଧି କରାଯାଇଛି ।

ରାଜ୍ୟରେ ବର୍ତମାନ ୧୪ଟି ହସ୍ତୀପଥର କାର୍ଯ୍ୟ ଚାଲିଥିବା ବେଳେ ଏଥିପାଇଁ ପାଂଚ ବର୍ଷରେ ୫୧ କୋଟି ଟଙ୍କା ଖର୍ଚ୍ଚ କରାଯିବ ବୋଲି ବୈଠକରେ କୁହାଯାଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ମୁଖ୍ୟ ଖବର, ମୁଖ୍ୟମନ୍ତ୍ରୀ, ହାତୀ

ଶିମିଳିପାଳ: ବିଷ ଦେଇ ତିନି ହାତୀଙ୍କୁ ହତ୍ୟା

February 16, 2011 by ଓଡିଶା ଡଟ କମ Leave a Comment

 

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବାରିପଦା, ଫେବୃୟାରୀ ୧୫(ଓଡ଼ିଶା ଡ଼ଟ୍ କମ୍) ମୟୁରଭଞ୍ଜ ଜିଲ୍ଲା ଶିମିଳିପାଳ ଜାତୀୟ ଉଦ୍ୟାନରେ ବିଷ ଦେଇ ତିନୋଟି ମାଈ ହାତୀଙ୍କୁ ହତ୍ୟା କରାଯାଇଥିବା ମଙ୍ଗଳବାର ଜଣେ ଅଧିକାରୀ କହିଛନ୍ତି ।

ଅଭୟାରଣ୍ୟର ନିଷିଦ୍ଧାଞ୍ଚଳରେ ରବିବାର ଏହି ହାତୀଙ୍କ ଶବ ଦେଖିବାକୁ ମିଳିଥଲା ବୋଲି ଉଦ୍ୟାନର ନିର୍ଦ୍ଦେଶକ ଏଚ୍.ଏସ୍. ଉପାଧ୍ୟାୟ କହିଛନ୍ତି ।

ଗତ ବର୍ଷ ଅପ୍ରେଲ ମାସରେ ଏହି ଉଦ୍ୟାନରେ ସାତଟି ହାତୀଙ୍କ ଶବ ମିଳିଥିଲା ଓ ଏ ନେଇ କେନ୍ଦ୍ର ଜଙ୍ଗଲ ଓ ପରିବେଶ
ମନ୍ତ୍ରୀ ଉ୍ବେଗ ପ୍ରକାଶ କରିଥିଲେ ।

ଶିକାରୀମାନେ ଦନ୍ତା ହାତୀଙ୍କୁ ଶିକାର କରିବା ପାଇଁ ଖାଦ୍ୟରେ ବିଷ ମିଶାଇ ଥିବା ବେଳେ ସେଗୁଡ଼ିକୁ ମାଈ ହାତୀମାନେ ଖାଇ ମୃତ୍ୟୁବରଣ କରିଥାଇ ପାରିନ୍ତି ବୋଲି ସେ କହିଛନ୍ତି ।

ଗତବର୍ଷ ଗଣନା ଅନୁସାରେ ରାଜ୍ୟରେ ବର୍ତ୍ତମାନ ୧,୮୮୬ଟି ହାତୀ ଥିବା ବେଳେ ସେମାନଙ୍କ ମଧ୍ୟରୁ ୪୦୦ଟି
ଶିମିଳିପାଳରେ ଅଛନ୍ତି ।

କେନ୍ଦ୍ର ସରକାରଙ୍କ ନିର୍ଦ୍ଦେଶ ସତ୍ୱେ ଶିମିଳିପାଳରେ ବଣ୍ୟଜନ୍ତୁଙ୍କ ସୁରକ୍ଷା ଦିଗରେ ରାଜ୍ୟ ସରକାର ଅବହେଳା କରୁଛନ୍ତି, ଓଡ଼ିଶା ବଣ୍ୟପ୍ରାଣୀ ସମାଜର ସଂପାଦକ ବିଶ୍ୱଜିତ ମହାନ୍ତି କହିଛନ୍ତି ।

ଗତ ଦୁଇ ବର୍ଷ ମଧ୍ୟରେ ଶିକାରୀଙ୍କ ଦ୍ୱାରା ପ୍ରାୟ ୫୦ଟି ହାତୀ ପ୍ରାଣ ହରାଇଥିବା ବେଳେ ଏନେଇ ସରକାର କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନାହାନ୍ତି, ସେ କହିଛନ୍ତି ।

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଉଦ୍ୟାନ, ମୁଖ୍ୟ ଖବର, ଶିକାରୀ, ହାତୀ

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ