• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ରାଜନୀତି

୪୧ ବର୍ଷ ପରେ ସିପିଆଇ-ଏମ୍ଏଲ୍ର ନବମ କଂଗ୍ରେସ

November 7, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ନଭେମ୍ବର ୮(ଓଡ଼ିଶା ଡ଼ଟ୍ କମ୍)  ଦୀର୍ଘ  ୪୧ ବର୍ଷ ପରେ ଭୁବନେଶ୍ୱରରେ ପ୍ରଥମ ଥର ପାଇଁ ସିପିଆଇ-ଏମ୍ଏଲ୍ର ନବମ କଂଗ୍ରେସ ଅନୁଷ୍ଠିତ ହୋଇଛି ।

୧୯୭୦ରେ ଏହାର ଅଷ୍ଟମ କଂଗ୍ରେସ କଲିକତା ଠାରେ ଅନୁଷ୍ଠିତ ହୋଇଥିଲା ଏବଂ ପରେ ଦଳ ମଧ୍ୟରେ ମତଭେଦ ଦେଖା ଦେବାରୁ କୌଣସି କାର୍ଯ୍ୟକ୍ରମ କରାଯାଇନଥିଲା ।

ସୋମବାର ଠାରୁ ଆରମ୍ଭ ହୋଇଥିବା ଏହି କଂଗ୍ରେସ ଆସନ୍ତା ୧୨ ତାରିଖ ପର୍ଯ୍ୟନ୍ତ ଚାଲିବ । ଏଥିରେ ୧୨ଟି ଦେଶ ତଥା ୧୯ଟି ରାଜ୍ୟରୁ କର୍ମକର୍ତାମାନେ ଯୋଗ ଦେଇଛନ୍ତି ।

ମାଓବାଦୀଙ୍କ କାର୍ଯ୍ୟକଳାପକୁ ଦଳ ପକ୍ଷରୁ ବିରୋଧ କରାଯାଇଥିବା ବେଳେ ଶେରେ ରାମ୍, ଦୁର୍ନୀତି, ବେକାରୀ ଏବଂ ପ୍ରାକୃତିକ ସଂପଦର ଲୁଣ୍ଠନ ପାଇଁ ସାଧାରଣ ଜନତା ବିଭିନ୍ନ ଅସୁବିଧାର ସମ୍ମୁଖିନ ହେଉଛନ୍ତି ।

ଏହାର ଅବସାନ ପାଇଁ ତୀବ୍ର ଜନ ଆନ୍ଦୋଳନ ଜରୁରୀ ବୋଲି ରାଷ୍ଟ୍ରଭାଷା ପ୍ରଚାର ସମିତି ପଡ଼ିଆ ସ୍ଥିତ ମଣ୍ଡପରେ ଅନୁଷ୍ଠିତ ସର୍ବଭାରତୀୟ କଂଗ୍ରେସ ଅବସରରେ ଉପସ୍ଥିତ ନେତାମାନେ କହିଛନ୍ତି ।

“”ସିପିଆଇ ଏବଂ ସିପିଏମ୍ର କୌଣସି ନୀତି ଆଦର୍ଶ ନାହିଁ । ସେମାନେ ସରକାରରେ ସାମିଲ ହୋଇ କ୍ଷମତାରେ ଅଛନ୍ତି । ସେମାନେ ସରକାରଙ୍କ କେତେକ ନୀତିକୁ ବିରୋଧ କଲେ ମଧ୍ୟ ଏହାର କୌଣସି ମାନେ ନାହିଁ । ସରକାରରେ ରହିବା ପରେ ନାମକୁ ମାତ୍ର ବିରୋଧ କରିବାରେ କୌଣସି ଯଥାର୍ଥ ନାହିଁ” ଳର ସାଧାରଣ ସଂପାଦକ କେ.ଏନ୍.ରାମଚନ୍ଦ୍ରନ ଏହି ଅବସରରେ କହିଛନ୍ତି ।

ସାଧରଣ ଜନତାଙ୍କୁ ଶୋଷଣ ଓ କଷଣରୁ ମୁକ୍ତି ଦେବା ପାଇଁ ଗଣତାନ୍ତ୍ରିକ ଆନ୍ଦୋଳନ ମାଧ୍ୟମରେ କ୍ରାନ୍ତି ଅଣାଯାଇ ପାରିବ ବୋଲି ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଭୁବନେଶ୍ୱର, ରାଜନୀତି

ଉମରକୋଟ ଉପନିର୍ବାଚନ ପାଇଁ ଆଚରଣବିଧି

November 6, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ନଭେମ୍ବର ୭(ଓଡ଼ିଶା ଡ଼ଟ୍ କମ୍) ନବରଙ୍ଗପୁର ଜିଲ୍ଲା ଉମରକୋଟ ବିଧାନସଭା ଉପନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇବା ପରେ ଆଚରଣବିଧି ଲାଗୁ ହୋଇଛି ।

ଡିସେମ୍ବର ୪ ତାରିଖରେ ଭୋଟ ଫଳାଫଳ ପ୍ରକାଶ ପାଇବା ପର୍ଯ୍ୟନ୍ତ ଏହା ଜାରି ରହିବ । ନାମାଙ୍କନ ପତ୍ର ଦାଖଲର ଶେଷର ତାରିଖ ୧୨ ହୋଇଥିବା ବେଳେ ୧୪ରେ ପ୍ରାର୍ଥୀପତ୍ର ଯାଂଚ ଓ ୧୬ ତାରିଖ ପର୍ଯ୍ୟନ୍ତ ପ୍ରାର୍ଥୀପତ୍ର ପ୍ରତ୍ୟାହାର ସମୟ ରହିଛି ।

ସେହିଭଳି ଭୋଟ ଗ୍ରହଣ ସକାଳ ୮ରୁ ଅପରାହ୍ନ ୫ଟା ପର୍ଯ୍ୟନ୍ତ ଚାଲିବ । ଏହି ସମୟ ମଧ୍ୟରେ ଉମରକୋଟ ନିର୍ବାଚନ ମଣ୍ଡଳୀରେ ସରକାରୀ ଭାବେ କୌଣସି ଉନ୍ନୟନମୂଳକ କାର୍ଯ୍ୟ କରାଯିବନାହିଁ ।

ଆସନ ପାଇଁ ପ୍ରାର୍ଥୀ ଚୟନ କରିବା ନେଇ ବିଭିନ୍ନ ଦଳର ନେତାମାନେ ସେହି ଅଂଚଳ ଗସ୍ତକରି କର୍ମୀମାନଙ୍କ ସହ ଆଲୋଚନା କରିବା ସହିତ ମତାମତ ଲୋଡ଼ିଛନ୍ତି । ଏହି ଆସନରେ ଉପନିର୍ବାଚନ ପାଇଁ ବିଜେଡ଼ି ପକ୍ଷରୁ ମନ୍ତ୍ରୀ ସୂର୍ଯ୍ୟନାରାୟଣ ପାତ୍ରଙ୍କ ଅଧ୍ୟକ୍ଷତାରେ ଏକ କମିଟି ନିର୍ବାଚନ ଗଠନ କରାଯାଇଛି ।

ପୂର୍ବତନ ବିଧାୟକ ଧର୍ମୁ ଗଣ୍ଡଙ୍କୁ ବିଜେପି ପ୍ରାର୍ଥୀ ଭାବେ ଘୋଷଣା କରଥିବା ବେଳେ ଏବେ ଦଳର ବରିଷ୍ଠ ନେତାମାନେ ସଂପୃକ୍ତ ଅଂଚଳରେ ସଂପର୍କରେ ଲାଗିଛନ୍ତି । ଛତିଶଗଡ଼ରେ ବିଜେପି ସରକାର ଥିବାରୁ ଏହି ଅଂଚଳର ନେତୃବୃନ୍ଦ ଓ ମନ୍ତ୍ରୀମାନେ ଧର୍ମୁଙ୍କ ପାଇଁ ପ୍ରଚାର କରିବେ ବୋଲି ଜଣାପଡ଼ିଛି ।

ଉମରକୋଟ ନିର୍ବାଚନ ମଣ୍ଡଳୀରେ ଦୁଇ ଲକ୍ଷ ୧୬ ହଜାର ୩୯ ଭୋଟର ଥିବାବେଳେ ସେମାନଙ୍କ ମଧ୍ୟରୁ ଅନୁସୂଚିତ ଜନଜାତି ଭୋଟରଙ୍କ ସଂଖ୍ୟା ଏକ ଲକ୍ଷ ୬ ହଜାର ୧୧୮, ଅନୁସୂଚିତ ଜାତି ଭୋଟରଙ୍କ ସଂଖ୍ୟା ୩୬ ହଜାର ୨୧୫ ଓ ଅନ୍ୟାନ୍ୟ ଭୋଟରଙ୍କ ସଂଖ୍ୟା ୩ ହଜାର ୭୮୦ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଉମରକୋଟ, ରାଜନୀତି

ସମୟସୀମା ମଧ୍ୟରେ ବନାନ ସଂଶୋଧନ ପାଇଁ ନିର୍ଦ୍ଦେଶ

November 5, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ନଭେମ୍ବର ୫(ଓଡ଼ିଶା ଡ଼ଟ୍ କମ୍) ଓଡ଼ିଶା ଓ ଓଡ଼ିଆ ଇଂରାଜୀ ବନାନ ସଂଶୋଧନ ସଂକ୍ରାନ୍ତୀୟ ବିଧେୟକ ରାଷ୍ଟ୍ରପତିଙ୍କ ଅନୁମୋଦନ ଲାଭ କରିବା ପରେ ସମୟସୀମା ମଧ୍ୟରେ ସରକାରୀ କାଗଜପତ୍ର ଓ ସାଇନବୋର୍ଡ଼ ଆଦିର ବନାନ ସଂଶୋଧନ ପାଇଁ ସରକାର ନିର୍ଦ୍ଦେଶ ଦେଇଛନ୍ତି ।

ବିଭିନ୍ନ ସରକାରୀ କାର୍ଯ୍ୟାଳୟ ସମେତ ରାଜ୍ୟ ବାହାରେ ଯଥା ଦିଲ୍ଲୀ, ମୁମ୍ବାଇ, କୋଲକାତାରେ ଥିବା ଆବାସିକ କାର୍ଯ୍ୟାଳୟରେ ଲାଗିଥିବା ସାଇନବୋର୍ଡ଼ ଗୁଡ଼ିକରେ ସଂଶୋଧନ କାର୍ଯ୍ୟ ଆସନ୍ତା ମାର୍ଚ୍ଚ ୩୧ ସୁଦ୍ଧା ଶେଷ କରିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶନିବାର ନିର୍ଦ୍ଦେଶ ଦେଇଛନ୍ତି ।

ସେହିପରି ଓଡ଼ିଶା ସରକାରଙ୍କ ପୋର୍ଟାଲ ସମେତ ବିଭିନ୍ନ ବିଭାଗର ପୋର୍ଟାଲ ଏବଂ ସରକାରୀ ୱେବସାଇଟ ଗୁଡ଼ିକରେ ଏହି ସଂଶୋଧନ କାର୍ଯ୍ୟ ଏକ ମାସ ମଧ୍ୟରେ ସଂପୂର୍ଣ୍ଣ କରାଯିବ । ପାଠ୍ୟପୁସ୍ତକ ଗୁଡ଼ିକରେ ଏହି ବନାନା ସଂଶୋଧନ ପରବର୍ତୀ ସଂସ୍କରଣରେ କରାଯିବ ।

ସରକାରୀ ରାଇଟିଂ ପ୍ୟାଡ଼ ଗୁଡ଼ିକ ନଷ୍ଟ ନକରି ସେଗୁଡ଼ିକ ହାତରେ ସଂଶୋଧନ କରାଯାଇ ବ୍ୟବହାର କରିବା ସହ ଏହା ଶେଷ ହେବାପରେ ନୂଆ ପ୍ୟାଡ଼ରେ ଆବଶ୍ୟକ ସଂଶୋଧନ କରାଯିବ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ବନାନ, ରାଜନୀତି

ମୁଖ୍ୟମନ୍ତ୍ରୀ ଓ ମନ୍ତ୍ରୀଙ୍କ ସଂପତି ତାଲିକା ୱେବସାଇଟ୍ରେ

November 4, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ନଭେମ୍ବର ୪(ଓଡ଼ିଶା ଡ଼ଟ୍ କମ୍) ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁକ୍ରବାର ନିଜର ସ୍ଥାବର ଓ ଅସ୍ଥାବର ସଂପତି ସହିତ ମନ୍ତ୍ରିମଣ୍ଡଳର ସଦସ୍ୟଙ୍କ ସଂପତି ତାଲିକା ଘୋଷଣା କରିଥିବା ବେଳେ ମୁଖ୍ୟମନ୍ତ୍ରୀଙ୍କ ୱେବସାଇଟ୍ରେ ସବିଶେଷ ବିବରଣୀ ପ୍ରକାଶ ପାଇଛି ।

ମୁଖ୍ୟମନ୍ତ୍ରୀ ତାଙ୍କ ସଂପତି ମୋଟ ମୂଲ୍ୟ ପ୍ରାୟ ୧୨ କୋଟି ଟଙ୍କା ହେବ ବୋଲି ପ୍ରକାଶ କରିଥିବା ବେଳେ ସେଥିମଧ୍ୟରୁ ଅସ୍ଥାବର ସଂପତିର ମୂଲ୍ୟ ୧୧ କୋଟି ୮୮ ଲକ୍ଷ ୬୨ ହଜାର ଟଙ୍କା ଏବଂ ସ୍ଥାବର ସଂପତି ମୂଲ୍ୟ ୧୦ ଲକ୍ଷ ୮୬ ହଜାର ୭୬୯ ଟଙ୍କା ବୋଲି ର୍ଶାଇଛନ୍ତି ।

ଏଥିମଧ୍ୟରେ ହରିୟାଣାର ସୋହଣା ରୋଡ୍ ନିକଟରେ ଏକ ଫାର୍ମ ହାଉସ୍,ନବୀନ ନିବାସ, ନୂଆଦିଲ୍ଲୀ ସ୍ଥିତ ଆଉରଙ୍ଗଜେବ୍ ରୋଡ୍ ସ୍ଥିତ ବାସଭବନ ଓ କଟକ ଆନନ୍ଦଭବନ ପୈତୃକ ବାସଭବନରେ ତାଙ୍କ ଭାଗ ରହିଛି ।

ଅର୍ଥମନ୍ତ୍ରୀ ପ୍ରଫୁଲ୍ଲ ଚନ୍ଦ୍ର ଘଡ଼ାଇଙ୍କ ନାମରେ ୨ କୋଟି ୩୩ ଲକ୍ଷ ୬୦ ହଜାର ୩୧୬ ଟଙ୍କା,ଯୋଜନା ସମନ୍ୱୟ ଓ ଅବକାରୀ ମନ୍ତ୍ରୀ ଅନଙ୍ଗ ଉଦ ୟ ସିଂହେଓ ୨ କୋଟି ୧୦ ଲକ୍ଷ ୬୨ ହଜାର ୫୧ ଟଙ୍କା, କୃଷି ମନ୍ତ୍ରୀ ପ୍ରଦୀପ ମହାରଥୀ ତାଙ୍କ ନାଁରେ ୧ କୋଟି ୨୧ ଲକ୍ଷ ୮୧ ହଜାର ୬୧୭ ଟଙ୍କା ମୂଲ୍ୟର ସଂପତି ରହିଥିବା ଦର୍ଶାଇଛନ୍ତି ।

ସେହିପରି ମନ୍ତ୍ରୀମଣ୍ଡଳର ଅନ୍ୟ ସମସ୍ତ ସସ୍ୟଙ୍କ ସଂପତି ତାଲିକା ୱେବସାଇଟ୍ରେ ପ୍ରକାଶ ପାଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ମୁଖ୍ୟମନ୍ତ୍ରୀ, ରାଜନୀତି

ନଭେମ୍ବର ୩୦ରେ ଉମରକୋଟ ଉପନିର୍ବାଚନ

November 1, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ନଭେମ୍ବର ୨(ଓଡ଼ିଶା ଡ଼ଟ୍ କମ୍) ନବରଙ୍ଗପୁର ଜିଲ୍ଲା ଉମରକୋଟ ବିଧାନସଭା ଆସନ ପାଇଁ ହେବାକୁ ଥିବା ଉପନିର୍ବାଚନ ନିମନ୍ତେ ଭାରତର ମୁଖ୍ୟ ନିର୍ବାଚନ କମିଶନରଙ୍କ ପକ୍ଷରୁ ତାରିଖ ଘୋଷଣା କରାଯାଇଛି ।

ଏଥିପାଇଁ ନଭେମ୍ବର ୫ ତାରିଖରେ ବିଜ୍ଞପ୍ତି ପ୍ରକାଶ ପାଇବ ଓ ୧୨ ତାରିଖ ମଧ୍ୟରେ ନାମାଙ୍କନପତ୍ର ଦାଖଲ କରାଯିବ । ନଭେମ୍ବର ୩୦ରେ ଭୋଟ ଗ୍ରହଣ ଏବଂ ଡିସେମ୍ବର ୪ ରେ ଭୋଟ୍ ଗଣତି ହେବ ବୋଲି ବିଜ୍ଞପ୍ତି ପ୍ରକାଶ ପାଇଛି ।

ଉମରକୋଟର ବିଜେଡ଼ି ବିଧାୟକ ଜଗବନ୍ଧୁ ମାଝିଙ୍କ ମୃତ୍ୟୁ ପରେ ଏହି ଆସନ ଖାଲି ପଡ଼ିଛି । ଜଗବନ୍ଧୁ ଏକ ସାଧାରଣ ସଭାରେ ପଟ୍ଟା ପ୍ରଦାନ କରୁଥିବାବେଳେ ଗତ ସେପ୍ଟେମ୍ବର ୨୪ରେ କେତେକ ଦୁର୍ବୃତଙ୍କ ଗୁଳି ମାଡ଼ରେ ତାଙ୍କର ମୃତ୍ୟୁ ହୋଇଥିଲା ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଉମରକୋଟ, ନବରଙ୍ଗପୁର ଜିଲ୍ଲା, ନିର୍ବାଚନ, ରାଜନୀତି

କେନ୍ଦୁଝରରେ ବନ୍ଦ, ଜନଜୀବନ ଅସ୍ତବ୍ୟସ୍ତ

October 31, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କେନ୍ଦୁଝର, ଅକ୍ଟୋବର ୩୧(ଓଡ଼ିଶା ଡ଼ଟ୍ କମ୍) ଜାତୀୟ ରାଜପଥରେ ଟ୍ରକ୍ ଯୋଗେ ଖଣିଜ ପଦାର୍ଥ ପରିବହନ ବନ୍ଦ ନିଷ୍ପତିକୁ ବିରୋଧ କରି ସୋମବାର ବିଜେପି ପକ୍ଷରୁ କରାଯାଇଥିବା ବନ୍ଦ ପାଳନ ଯୋଗୁଁ ଯାନବାହାନ ଚଳାଚଳ ବନ୍ଦ ରହିଛି ।

ଏହି ୧୨ ଘଣ୍ଟିଆ ବନ୍ଦକୁ ସବୁ ବର୍ଗର ଲୋକମାନେ ସମର୍ଥନ ଜଣାଇବା ସହ ଏଥିରେ ସାମିଲ ହୋଇଛନ୍ତି ।
ଫଳରେ ଯାନବାହାନ ଚଳାଚଳ, ଦୋକାନବଜାର, ବ୍ୟବସାୟିକ ପ୍ରତିଷ୍ଠାନ ଆଦି ବନ୍ଦ ରହିବା ସହ
ଜୀବନଯାତ୍ରା ପ୍ରଭାବିତ ହୋଇଛି ।

ବନ୍ଦ ଯୋଗୁଁ ରାସ୍ତାର ଜାତୀୟ ରାଜପଥର ଉଭୟ ପାଶ୍ୱର୍ରେ ଶତାଧିକ ଗାଡ଼ି ଛିଡ଼ାହୋଇ ରହିଛି । ଜାତୀୟ ରାଜପଥରେ ଟ୍ରକ୍ ଦ୍ୱାରାଖଣିଜ ପଦାର୍ଥ ପରିବହନ ବନ୍ଦ କରିବାକୁ ସରକାର ନେଇଥିବା ନିଷ୍ପତ୍ତି ବେଆଇନ ଓ ଅଗଣତାନ୍ତ୍ରିକ ବୋଲି ବିଜେପି ପକ୍ଷରୁ କୁହାଯାଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: କେନ୍ଦୁଝର, ଖଣିଜ ପଦାର୍ଥ, ଜାତୀୟ ରାଜପଥ, ଯାନବାହାନ, ରାଜନୀତି

ବିଜେଡ଼ି ସହ ବୁଝାମଣା ହେବ ନାହିଁ: ଗଡ଼କରୀ

October 29, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନୂଆଦିଲ୍ଲୀ, ଅକ୍ଟୋବର ୩୦(ଓଡ଼ିଶା ଡ଼ଟ୍ କମ୍) ଓଡ଼ିଶାରେ ଆସନ୍ତା ନିର୍ବାଚନରେ ଭାରତୀୟ ଜନତା ପାର୍ଟି ବିଜେଡ଼ି ସହ ବୁଝାମଣା କରିବ ନାହିଁ ବୋଲି ବିଜେପି କେନ୍ଦ୍ରୀୟ ସଭାପତି ନୀତିନ ଗଡ଼କରୀ କହିଛନ୍ତି ।

ଆଗାମୀ ଲୋକସଭା ନିର୍ବାଚନରେ ବିଜେଡ଼ି ସହ ବିଜେପି ବୁଝାମଣା କରିବ ନାହିଁ, ଗଡ଼କରୀ ଏକ ଟିଭି ସାକ୍ଷାତକାରରେ କହିଛନ୍ତି ।

ଜନଚେତନା ଯାତ୍ରା ସମୟରେ ଓଡ଼ିଶା ଆସି ବିଜେପିର ବରିଷ୍ଠ ନେତା ଲାଲକୃଷ୍ଣ ଆଡ଼ଭାନୀ ବିଜେଡ଼ି ସହ ବୁଝାମଣା ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସଂପର୍କରେ କୌଣସି ମନ୍ତବ୍ୟ ନେଇ ଚୁପ୍ ରହିଥିଲେ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ବିଜେଡ଼ି, ରାଜନୀତି

ୟୁପିଏ ସରକାର ସବୁଠାରୁ ଭ୍ରଷ୍ଟ ଓ ଦୁର୍ନୀତିଗ୍ରସ୍ତ: ଆଡ଼ଭାନୀ

October 23, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବରଗଡ଼,ଅକ୍ଟୋବର ୨୩(ଓଡ଼ିଶା ଡ଼ଟ୍ କମ୍) ପ୍ରଧାନମନ୍ତ୍ରୀ ମନମୋହନ ସିଂହଙ୍କ ଦ୍ୱାରାପରିଚାଳିତ ମିଳିତ ଗଣତାନ୍ତ୍ରିକ ମେଣ୍ଟ(ୟୁପିଏ) ସରକାର ଦେଶର ସବୁଠାରୁ ଭ୍ରଷ୍ଟ ଓ ଦୁର୍ନୀତିଗ୍ରସ୍ତ ସରକାର ବୋଲି ଭାରତୀୟ ଜନତା ପାର୍ଟିର ବରିଷ୍ଠ ନେତା ଲାଲକୃଷ୍ଣ ଆଡ଼ଭାନୀ କହିଛନ୍ତି ।

ବରଗଡ଼ ଜିଲ୍ଲାରେ ଏକ ସଭାରେ ଆଡ଼ଭାନୀ
ଭାରତ ସ୍ୱାଧିନତା ହେବା ଠାରୁ ମୁଁ ସମସ୍ତ ସରକାର ଦେଖିଛି କିନ୍ତୁ ଏହି ସରକାର ଅଧିକ ଦୁର୍ନୀତିଗ୍ରସ୍ତ, ଜନଚେତନା ଯାତ୍ରାରେ ଓଡ଼ିଶା ଆସିଥିବା ଆଡ଼ଭାନୀ ରବିବାର ବରଗଡ଼ ଜିଲ୍ଲାମୁଖ୍ୟାଳୟରେ ଏକ ସଭାରେ କହିଛନ୍ତିି ।

ଏଭଳି ସରକାରକୁ ଅଧିକଦିନ ଶାସନ କରିବାକୁ ଦିଆଗଲେ ଦେଶ ବନାମ ହୋଇଯିବ, ଯୁକ୍ତରାଷ୍ଟ୍ର ଆମେରିକା, କାନାଡ଼ା ଏବଂ ଅଷ୍ଟ୍ରେଲିଆ ଆିଦି ଶେଷରେ ଦୁର୍ନୀତି ଲୋକଲୋଚନକୁ ଆଣୁ ଥିବା ଲୋକଙ୍କୁ ସୁରକ୍ଷା ବୋ ପାଇଁ ଆଇନ ରହିଛି ।

କିନ୍ତୁ ଏଠାରେ ଏଭଳି ଲୋକମାନଙ୍କୁ ସୁରକ୍ଷା ଦେବା ପରିବର୍ତ୍ତେ ଜେଲକୁ ପଠାଯାଉଛି, ସେ କହିଛନ୍ତି । ସରକାରରେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧି ସମସ୍ତ ନିଷ୍ପତ୍ତି ନେଉଥିବା ବେଳେ ପ୍ରଧାନମନ୍ତ୍ରୀ ମନମୋହନ ସିଂହ କେବଳ ଔପଚାରିକ ପ୍ରଧାନମନ୍ତ୍ରୀ ବୋଲି ସେ କହିଛନ୍ତି ।

ବିଶେର ବିଭିନ୍ନ ବ୍ୟାଙ୍କରେ ଭାରତର ପ୍ରାୟ ୨୫ ଲକ୍ଷ କୋଟି ଟଙ୍କାର କଳାଧନ ଗଚ୍ଛିତ ରହିଛି ଏବଂ ସେସବୁ ଫେରାଇ ଆଣିବା ଉଚିତ୍ । ଏହି ଟଙ୍କା ଦ୍ୱାରାଗ୍ରାମାଞ୍ଚଳରେ ବିଦ୍ୟୁତ , ପାନୀୟ ଜଳ, ସ୍ୱାସ୍ଥ୍ୟ ଏବଂ ଗମନାଗମନ କ୍ଷେତ୍ରରେ ବିନିଯୋଗ କରାଯାଇପାରନ୍ତା, ସେ କହିଛନ୍ତି ।

ଅଣକଂଗ୍ରେସ ଶାସିତ ରାଜ୍ୟ ଗୁଡ଼ିକୁ କେନ୍ଦ୍ର ସରକାର ଅବହେଳା କରୁଥିବା ଆଡ଼ଭାନୀ ଅଭିଯୋଗ କରିଛନ୍ତି ।

ଆଡ଼ଭାନୀ ଶେଷରେ ସୁଶାସନ, ସ୍ୱଚ୍ଛ ରାଜନୀତି ତଥା ଭ୍ରଷ୍ଟାଚାର ଓ କଳାଧନ ବିରୋଧରେ ଦେଶବ୍ୟାପୀ ଜନଚେତନା ଯାତ୍ରାରେ ବାହାରିଛନ୍ତି । ଅକ୍ଟୋବର ୧୧ରେ ବିହାରରୁ ଆରମ୍ଭ ହୋଇଥିବା ଯାତ୍ରା ରବିବାର ଓଡ଼ିଶା ସୀମାରେ ପ୍ରବେଶ କରିଛି ।

ତିନିଦିନିଆ ଜନଚେତନା ଯାତ୍ରା ସମୟରେ ସେ ରାଜ୍ୟର ବିଭିନ୍ନ ସ୍ଥାନରେ ପାଞ୍ଚଟି ଜନସଭାରେ ଉ୍ବୋଧନ ଦେବାର କାର୍ଯ୍ୟକ୍ରମ ରହିଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ପ୍ରଧାନମନ୍ତ୍ରୀ ମନମୋହନ ସିଂହ, ରାଜନୀତି, ଲାଲକୃଷ୍ଣ ଆଡ଼ଭାନୀ

ନଭେମ୍ବର ୧୪ରୁ ନୂଆ ବିପିଏଲ୍ ସର୍ଭେ

October 22, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଅକ୍ଟୋବର ୨୧(ଓଡ଼ିଶା ଡ଼ଟ୍ କମ୍) ଆସନ୍ତା ନଭେମ୍ବର ୧୪ ତାରିଖରୁ ରାଜ୍ୟରେ ନୂତନ ବିପିଏଲ୍ ସର୍ଭେ କାର୍ଯ୍ୟ ଆରମ୍ଭ କରାଯିବ ବୋଲି ସରକାରଙ୍କ ପକ୍ଷରୁ କୁହାଯାଇଛି ।

ପ୍ରଥମ ପର୍ଯ୍ୟାୟରେ ଆଠଟି ଜିଲ୍ଲାରେ ଏହି କାର୍ଯ୍ୟକ୍ରମ ଆରମ୍ଭ ହେବ । ପୂର୍ବରୁ ଆସନ୍ତା ଫେବୃୟାରୀରେ ପଞ୍ଚାୟତ ନିର୍ବାଚନ ଥିବାରୁ ସରକାର ସେପ୍ଟେମ୍ବର ୧୫ ସୁଦ୍ଧା ବିପିଏଲ୍ ସର୍ଭେ ଆରମ୍ଭ କରି ୪୫ଦିନ ମଧ୍ୟରେ ଶେଷ କରିବାକୁ ଯୋଜନା ରଖିଥିଲେ ।

ତେବେ ନିଦ୍ଧାରିତ ସମୟ ମଧ୍ୟରେ ସର୍ଭେ କାର୍ଯ୍ୟ ପାଇଁ ଆବଶ୍ୟକ ଡ଼ାଟା ଏଣ୍ଟ୍ରି ମେଶିନ ପଂହଞ୍ଚିଚି ପାରନଥିଲା । ତେଣୁ ଏହି କାର୍ଯ୍ୟକ୍ରମ ପାଇଁ ଆବଶ୍ୟକ ୩୩ ହଜାର ମେଶିନରୁ ବର୍ତ୍ତମାନ ସୁଦ୍ଧା ଆଠଟି ପଂହଁଚିଛି ।

ପ୍ରଥମ ପର୍ଯ୍ୟାୟରେ କୋରାପୁଟ, ରାୟଗଡ଼ା, ମାଲକାନଗିରି, ନବରଙ୍ଗପୁର, ବଲାଙ୍ଗୀର, କଳାହାଣ୍ଡି, ଗଜପତି ଓ ଫୁଲବାଣୀ ଜିଲ୍ଲାରେ ସର୍ଭେ କରାଯିବ ।

ଏହି ସର୍ଭେରେ ପ୍ରାଥମିକ ସ୍କୁଲ ଶିକ୍ଷକଙ୍କୁ ସାମିଲ କରାଯିବ ନାହିଁ । ହାଇସ୍କୁଲ ଶିକ୍ଷକ, ଭିଏଲ୍ଡ଼ବ୍ଲୁ, ବିଭିନ୍ନବିଭାଗର କିରାଣୀ, ମ୍ୟାଟ୍ରିକ ପାସ୍ କରିଥିବା ଚତୁର୍ଥ ଶ୍ରେଣୀ କର୍ମଚାରୀ ଓ ଅଙ୍ଗନୱାଡ଼ି କର୍ମୀଙ୍କୁ ଏଥିରେ ନିୟୋଜିତ କରାଯିବ ।

ଏହି ନୂତନ ସର୍ଭେରେ ଆଦିମ ଆଦିବାସୀଙ୍କୁ ସାମିଲ କରାଯିବା ସହ ସରକାରୀ କର୍ମଚାରୀ, ଆୟକର ଦାତା, ଅଢେଇ ଏକର ଜଳସେଚିତ ଜମି ଥିବା ପରିବାର , ଯନ୍ତ୍ର ଚାଳିତ ଯାନ, ଏସି, ୱାଶିଂମେସିନ, ଟ୍ରାକ୍ଟର, କିଷାନ କ୍ରେଡ଼ିଟ କାର୍ଡ଼ ରଖିଥିବା ପରିବାର, ମାସକୁ ଦଶ ହଜାର ଟଙ୍କା ରୋଜଗାର କରୁଥିବା ପରିବାର ଓ ଫ୍ରିଜ କମ୍ପ୍ୟୁଟର ରଖିଥିବା ପରିବାରଙ୍କୁ ଏହି ତାଲିକାରୁ ବାଦ ଦେବାକୁ ନିଷ୍ପତ୍ତି ହୋଇଛି ।

ରହିବା ପାଇଁ ଘର ନଥିବା ପରିବାର, ଭୀକ ମାଗି ଜୀବିକା ଅର୍ଜନ କରୁଥିବା ପରିବାର, ମେହେନ୍ତର, ଗୋତି ଶ୍ରମିକଙ୍କୁ ତାଲିକାଭୁକ୍ତ କରାଯିବ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ନଭେମ୍ବର, ରାଜନୀତି, ସରକାର

ଗର୍ଭବତୀ ମହିଳାଙ୍କ ପାଇଁ ମମତା ଯୋଜନାର ଶୁଭାରମ୍ଭ

October 20, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଅକ୍ଟୋବର ୧୯(ଓଡ଼ିଶା ଡ଼ଟ୍ କମ୍) ଗର୍ଭବତୀ ମହିଳା ଓ ସେମାନଙ୍କ ନବଜାତ ଶିଶୁ ମାନଙ୍କ ଉପଯୁକ୍ତ ଯତ୍ନ ଲକ୍ଷ୍ୟ ନେଇ ବୁଧବାର ମମତା ଯୋଜନାର ଶୁଭାରମ୍ଭ କରାଯାଇଛି ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଯୋଜନାର ଶୁଭାରମ୍ଭ କରିଥିବା ବେଳେ ପୂର୍ବରୁ ସରକାର ଏହି ଯୋଜନା ସଂପର୍କରେ ଘୋଷଣା କରିଥିଲେ । ପ୍ରଥମଦିନରେ ପଚାଶ ହଜାର ହିତାଧିକାରୀଙ୍କୁ ଇ-ଟ୍ରାନ୍ସଫର ମାଧ୍ୟମରେ ୧୫୦୦ ଟଙ୍କା ଲେଖାଏଁ ସେମାନଙ୍କ ବ୍ୟାଙ୍କ ଖାତାରେ ଜମା କରାଯାଇଛି ।

ସେପ୍ଟେମ୍ବର ୫ରୁ ହିତାଧିକାରୀଙ୍କ ପଞ୍ଜୀକରଣ କାର୍ଯ୍ୟ ଆରମ୍ଭ ହୋଇଥିବା ବେଳେ ବର୍ତ୍ତମାନ ସୁଦ୍ଧା ଏହି ଯୋଜନାରେ ଦୁଇ ଲକ୍ଷରୁ ଉଦ୍ଧ୍ୱର୍ ମହିଳା ପଞ୍ଜୀକରଣ କରିଛନ୍ତି ।

ଗ୍ରାମାଞ୍ଚଳର ଗର୍ଭବତୀ ମହିଳାଙ୍କୁ ଚାରୋଟି କିସ୍ତିରେ ପାଞ୍ଚ ହଜାର ଟଙ୍କା ପ୍ରଦାନ କରାଯିବ ଏବଂ ୧୯ ବର୍ଷରୁ ଉଦ୍ଧ୍ୱର୍ ଗର୍ଭବତୀ ମହିଳାଙ୍କୁଦୁଇଟି ସନ୍ତାନ ପର୍ଯ୍ୟନ୍ତ ଏହି ସହାୟତା ଦିଆଯିବ ।

ଏହି ଯୋଜନାରେ ପ୍ରତିବର୍ଷ ରାଜ୍ୟର ଛଅ ଲକ୍ଷ ଗର୍ଭବତୀ ମହିଳା ଉପକୃତ ହେବେ ଏବଂ ଏଥିପାଇଁ ରାଜ୍ୟ ରାଜକୋଷରୁ ବାର୍ଷିକ ୩୫୦ କୋଟି ଟଙ୍କା ଖର୍ଚ୍ଚ କରାଯିବ ।

ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡ଼ିଓକନ୍ଫରେସ ଜରିଆରେ ଗଞ୍ଜାମ, କଳାହାଣ୍ଡି, କୋରାପୁଟ, ଯାଜପୁର ଏବଂ ମୟୁରଭଞ୍ଜ ଜିଲ୍ଲାର ହିତାଧିକାରୀ ମାନଙ୍କ ସହ ମମତା ଯୋଜନା ସଂପର୍କରେ ଆଲୋଚନା କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଗର୍ଭବତୀ ମହିଳା, ରାଜନୀତି

  • « Go to Previous Page
  • Go to page 1
  • Go to page 2
  • Go to page 3
  • Go to page 4
  • Go to Next Page »

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ