• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ଖେଳ

ଦୁତି ଚାନ୍ଦ ; ଓଡିଆ ଜାତୀୟତା ର ସବୁଠୁ ଉଜ୍ଜଳ ତାରକା

July 27, 2016 by ଓଡିଶା ଡଟ କମ 1 Comment

dutee-final
ଦୁତି ଚାନ୍ଦ,   ଛବି: ତାଙ୍କ ଫେସବୁକ ୱାଲ

କେଦାର ମିଶ୍ର

୨୬, ଜୁନ୍ ୨୦୧୬, ଆମେରିକାର ପ୍ରଖ୍ୟାତ ସମ୍ବାଦପତ୍ର ନ୍ୟୁୟର୍କ୍ ଟାଇମସର ଲେଖିକା ରୁଥ୍ ପାଡାବାର୍ ଏକ ଲମ୍ବା ଆଲେଖ୍ୟ ରେ ପୃଥିବୀର କ୍ରୀଡା ଜଗତରେ ରହିଥିବା ଲିଂଗଗତ ବୈଷମ୍ୟ ଓ ମହିଳା କ୍ରୀଡାବିତ୍ ମାନଂକ ପ୍ରତି କରାଯାଉଥିବା ଅପମାନ ଜନକ ବ୍ୟବହାର ସମ୍ପର୍କରେ ବିଶଦ ବିବରଣୀ ଦେଇଛନ୍ତି।

ରୁଥ୍ ତାଂକ ଲେଖାରେ ଏହି ସଂଘର୍ଷ ର ପ୍ରତୀକ ଭାବରେ ଓଡିଆ ଝିଅ ତଥା ବର୍ତମାନ ସମୟର ସବୁଠୁ ଚର୍ଚିତ ଧାବିକା ଦୁତି ଚାନ୍ଦକୁ ଉପସ୍ଥାପନ କରିଛନ୍ତି ।

ଜୁନ୍ ୨୦୧୪, ଦୁତିଂକ ଜୀବନରେ ଏମିତି ଏକ ମୋଡ ଆଣିଥିଲା ଯାହାକୁ ସେ କଦାପି ଭୁଲି ପାରିବେ ନାହିଁ। ସେହି ବର୍ଷ ମଇ ମାସରେ ତାଇପେ ଠାରେ ଅନୁଷ୍ଠିତ ଏସୀୟ ଜୁନିଅର୍ ଆଥଲେଟିକ୍ ପ୍ରତିଯୋଗିତା ରେ ଦୁତି ୧୦୦ ମିଟର୍ ଓ ୨୦୦ ମିଟର୍ ଦୌଡ ରେ ସ୍ଵର୍ଣ ପଦକ ହାସଲ କରିଥାନ୍ତି ।

ସେ ବର୍ଷ ଗ୍ଲାସଗୋଠାରେ ହେବାକୁ ଥିବା ରାଜ୍ୟ ଗୋଷ୍ଠୀ କ୍ରୀଡା ରେ ଭାଗ ନେଇ ସଫଳ ହେବାକୁ ସେ ବେଶ ଆଶାବାଦୀ ମଧ୍ୟ ଥାଆନ୍ତି । ସେହି ସମୟରେ ତାଂକୁ ତାଂକର ଲିଂଗ ପରୀକ୍ଷା କରିବା ଭଳି ଅପମାନଜନକ ସ୍ଥିତି ସୃଷ୍ଟି କରାଗଲା।

ମାତ୍ର ପାଂଚ ଫୁଟ୍ ଡେଂଗୀ ଏଇ ଅଠର ବର୍ଷର ସାଧାରଣ ଓଡିଆ ଝିଅଟି ଯେ ଏତେ ବେଶୀ ପ୍ରଭାବଶାଳୀ ହୋଇପାରେ, ଏକଥା ବିଶ୍ଵାସ କରିବାକୁ ଭାରତୀୟ ଆଥଲେଟିକ ସଂଗଠନ ନାରାଜ।

ଦୁତିଂକ ହରମୋନ୍ ରେ ଅଧିକ ପରିମାଣରେ ପୁରୁଷ କ୍ରୋମୋଜମ୍ ରହିଛି ବୋଲି କୁହାଗଲା ଓ ଏଥି ପାଇଁ ତାଂକୁ ରାଜ୍ୟ ଗୋଷ୍ଠୀ କ୍ରୀଡା ପ୍ରତିଯୋଗିତାରେ ଅଂଶ ଗ୍ରହଣ କରିବାର ସୁଯୋଗରୁ ବଂଚିତ କରାଗଲା। ତାପରେ ଯାହା ଘଟିଲା, ତାହା ଇତିହାସ। ଆଥଲେଟିକ୍ ସଂଗଠନର ଏହି ଅନ୍ୟାୟ ବିରୋଧରେ ଏହି ଓଡିଆ ଝିଅର ସଂଘର୍ଷ ଓ ସଫଳତା ର ଚର୍ଚା ଆଜି ପୃଥିବୀରେ ଏକ ଅନନ୍ୟ ଉଦାହରଣ ପାଲଟି ଯାଇଛି ।

ରିଓ ଅଲିମ୍ପିକ୍ ପାଇଁ ଶହେ ମିଟର୍ ବର୍ଗରେ ଯୋଗ୍ୟତା ହାସଲ କରିଥିବା ଦୁତି ଆଜି ପି.ଟି.ଉଷାଙ୍କ ପରେ ଦ୍ଵିତୀୟ ଭାରତୀୟ ଧାବିକା। ତାଂକ ପ୍ରତିଭାକୁ ନେଇ କେବଳ ଭାରତ ଉତ୍ସାହିତ ନୁହଁ, ତାଂକ ପ୍ରଦର୍ଶନକୁ ନେଇ ଏବେ ସାରା ପୃଥିବୀ ର କ୍ରୀଡା ପ୍ରେମୀ ଏବେ ଉଦ୍ଗୀବ  ।

ସମ୍ପ୍ରତି ନ୍ୟୁୟର୍କ ଟାଇମ୍ସ ତାଂକ ପତ୍ରିକାର ପ୍ରଛଦ ରେ ଦୁତିଂକୁ ସ୍ଥାନିତ କରିଛନ୍ତି (୭/୩/୧୬ ସଂଖ୍ୟା ) ।ସେହିପରି ଭାରତର ଅନ୍ୟତମ ବଡ ପତ୍ରିକା ଇଣ୍ଡିଆ ଟୁଡେ ନିଜ ପ୍ରଛଦରେ ଦୁତିଂକୁ ଭାରତୀୟ ଆଥଲେଟିକ୍ ର ଆଶା ଭାବରେ ପରିଚିତି ଦେଇଛି ।

ଆମ ସମୟର ସବୁଠୁ ବେଶୀ ଗୌରବ ଓ ପରିଚିତି ହାସଲ କରିଥିବା ବିସ୍ମୟ ଧାବିକା ଦୁତି ଚାନ୍ଦଂକ ବିଷୟରେ କେତୋଟି କଥା-

୧. ଦୁତି ଚାନ୍ଦ, ବୟସ-୨୦, ଉଛତା ୫ ଫୁଟ୍, ଜନ୍ମ-୩, ଫେବୃଆରୀ. ୧୯୯୬। ଯାଜପୁର ଜିଲାର ଗୋପାଳପୁର ଗାଁ ର ଏକ ଅତି ସାଧାରଣ ପରିବାରର ଝିଅ ଦୁତି । ବାପା –ଚକ୍ରଧର ଚାନ୍ଦ ଓ ମାଁ -ଅଖୁଜି ଚାନ୍ଦ । ପରିବାରରେ ଚାରି ଭଉଣୀ।

୨. ଦୁତିଂକ ବଡ ଭଉଣୀ ସରସ୍ଵତୀ ଚାନ୍ଦ ପରିବାରର ପ୍ରଥମ ଆଥଲେଟ୍। ଜାତୀୟ ଓ ଆନ୍ତର୍ଜାତୀୟ ସ୍ତରରେ ସରସ୍ଵତୀ ଆଥଲେଟ୍ ଭାବରେ ବେଶ୍ ଖ୍ୟାତି ଲାଭ କରିଥିଲେ ।

୨୦୦୯ ମସିହାରେ କାନାଡା ରେ ଆୟୋଜିତ World Police and fire games ରେ ସରସ୍ଵତୀ ୬ ଟି ମେଡାଲ୍ ହାସଲ କରି ଏକ ବିରଳ ରେକର୍ଡ଼ ପ୍ରତିଷ୍ଠା କରିଥିଲେ।

ସ୍ଵାଭାବିକ ଭାବରେ ସରସ୍ଵତୀ ଥିଲେ ଦୁତିଂକ ପାଇଁ ପ୍ରେରଣା ର ଉତ୍ସ।

୩. ୨୦୧୨ ମସିହାରେ ଦୁତି ଜାତୀୟ କ୍ରୀଡା ପ୍ରତିଯୋଗିତା ରେ ୧୮ ବର୍ଷରୁ କମ୍ ବାଳିକା ବର୍ଗରେ ଚାମ୍ପିଆନ୍ ହୋଇଥିଲେ।୧୧.୮ ସେକେଣ୍ଡ୍ ରେ ୧୦୦ ମିଟର୍ ଦୌଡି ସେ ନିଜ ପାଇଁ ଏକ ମାଇଲ୍ ଖୁଣ୍ଟ ତିଆରି କରିଥିଲେ।

୪. ପୁନେ ଠାରେ ଆୟୋଜିତ ଏସିଆନ୍ ଚାମ୍ପିଆନ୍ସିପ୍ ରେ ୨୩. ୮୧୧ ସେକେଣ୍ଡ୍ ରେ ୨୦୦ ମିଟର୍ ଦୌଡରେ ସେ ବ୍ରୋଂଜ୍ ପଦକ ହାସଲ କରିଥିଲେ ।

୫. ୨୦୧୩ ରେ ଦୁଇଟି ସିନିଅର୍ ବର୍ଗରେ ୧୬ ବର୍ଷ ତଳେ ଶହେ ମିଟର୍ ଦୌଡ ପ୍ରତିଯୋଗିତାରେ ରଚିତା ପଣ୍ଡା-ମିସ୍ତ୍ରୀଙ୍କ ରେକର୍ଡ଼ ଭାଂଗି ୧୧.୭୩ ସେକେଣ୍ଡ୍ ରେ ୧୦୦ ମିଟର୍ ଅତିକ୍ରମ କରିଥିଲେ ।

୬. ଦୌଡ ପ୍ରତିଯୋଗିତା ରେ ଭାରତର ଉଦୀୟମାନ ତାରକା ଭାବେ ଦୁତି ଆଗେଇ ଚାଲିଥିବା ବେଳେ ତାଂକୁ ଲିଂଗ ପରୀକ୍ଷା ଭଳି ଏକ ଅମାନବୀୟ ପରିସ୍ଥିତି ର ସାମନା କରିବାକୁ ପଡିଲା।ତେବେ ଏହାକୁ ସଫଳତାର ସହ ମୁକାବିଲା କରିବାରେ ସେ ଦୃଢ ମନୋବଳ ପ୍ରଦର୍ଶନ କରି ବିଜୟିନୀ ହୋଇଥିଲେ।

୭. ରାଜ୍ୟ ଗୋଷ୍ଠୀ କ୍ରୀଡା ପ୍ରତିଯୋଗିତା ରୁ ଶେଷ ମୁହୂର୍ତରେ ବାଦ ପଡିଥିବା ଦୁତି ଦୁଇ ବର୍ଷ ପର୍ଯନ୍ତ ଏକ ଆଇନଗତ ଲଢେଇ ରେ ଅବତୀର୍ଣ ହୋଇ ନିଜ ପ୍ରତିଷ୍ଠା ବଜାୟ ରଖି ପାରିଲେ। ୨୦୧୬ ରେ ନିଜ ରେକର୍ଡ଼ ନିଜେ ଭାଂଗି ଦୁତି ରିଓ ଅଲିମ୍ପିକ୍ ପାଇଁ ଯୋଗ୍ୟତା ଅର୍ଜନ କରିଛନ୍ତି।

୮. ପି.ଟି.ଉଷାଙ୍କ ପରେ ୧୦୦ ମିଟର ବର୍ଗରେ ଅଲିମ୍ପିକ୍ ପାଇଁ ଯୋଗ୍ୟତା ହାସଲ କରିଥିବା ଦ୍ଵିତୀୟ ଆଥଲେଟ୍ ଭାବରେ ସେ ବିରଳ ସୌଭାଗ୍ୟ ଅର୍ଜନ କରିଛନ୍ତି। ଦୀର୍ଘ ଦିନ ଧରି ଓଡିଶା ନିଜର ଜାତୀୟ ପରିଚୟ ପ୍ରତିଷ୍ଠା କରିବାର ସୁଯୋଗ ଦୁତିଂକ ମାଧ୍ୟମରେ ପାଇଛି ।

୯. ଅତି ସାଧାରଣ ପରିବାରରେ ଜନ୍ମ ନେଇ ଅସାଧାରଣ ପ୍ରତିଭା ଓ ସାମର୍ଥ୍ୟ ପ୍ରଦର୍ଶନ କରିଥିବା ଦୁତି ଓଡିଶା ସରକାରଂକ ଲାଗି ସମ୍ମାନ ର ସଂକେତ ହେବା ଉଚିତ ହୁଅନ୍ତା।

ହେଲେ ଦୁତିଂକୁ ଯେତିକି ସାହାଯ୍ୟ ଓଡିଶା ସରକାର ଦେବା କଥା ତାହା ଘଟୁ ନାହିଁ। ଗୋଟେ ଓଡିଆ ଝିଅ ଆଜି ପୃଥିବୀର ତାରକା ପାଲଟିଛି। ଟା ପଛରେ ପୂରା ଓଡିଆ ଜାତି ଆଜି ଠିଆ ହେବାର ବେଳ ଆସିଛି ।

୧୦. କ୍ରୀଡା ସହିତ ଏକ ଘରୋଇ ମହାବିଦ୍ୟାଳୟ ରେ ଦୁତି ଏବେ ଆଇନ ବିଭାଗର ଛାତ୍ରୀ ।

ଓଡିଶା ଡଟ କମ

ଓଡିଶା ଡଟ କମ
ଓଡିଶା ଡଟ କମ

Filed Under: ଖେଳ Tagged With: ଓଡିଆ ଝିଅ, ଓଡିଶା, କ୍ରିଡା, ଖେଳ, ଦୁତି ଚାନ୍ଦ, ଦୌଡ, ଧାବିକା, ପ୍ରତିଯୋଗିତା, ଭାରତ, ରାଜ୍ୟ ଗୋଷ୍ଠୀ, ସ୍ଵର୍ଣ ପଦକ

ସୁଟିଂ ଚାମ୍ପିଅନସିପ୍ରେ ଓଡ଼ିଶାର ଶ୍ରୀୟଙ୍କାଙ୍କୁ ରୌପ୍ୟ ପଦକ

January 16, 2012 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୧୬(ଓଡ଼ିଶା ଡ଼ଟ୍ କମ୍) ଦୋହା ଠାରେ ଅନୁଷ୍ଠିତ ୧୨ତମ ଏସିଆନ ସୁଟିଂ ଚାମ୍ପିଅନସିପ୍ରେ ଓଡ଼ିଶା ଶ୍ରୀୟଙ୍କା ଷଡ଼ଙ୍ଗୀ ରୌପ୍ୟ ପଦକ ହାସଲ କରିଛନ୍ତି ।

ସମ୍ବଲପୁର ନିବାସୀ କର୍ଣ୍ଣଲ ଏସ୍.ସି.ଷଡ଼ଙ୍ଗୀ ଏବଂ ସୁଧା ଷଡ଼ଙ୍ଗୀଙ୍କ କନ୍ୟା ଶ୍ରୀୟଙ୍କା ମହିଳା ବର୍ଗର ୧୦ ମିଟର ଏୟାର ରାଇଫଲରେ ଏହି ପଦକ ହାସଲ କରି ରାଜ୍ୟ ତଥା ଦେଶ ପାଇଁ ଆଣିଦେଇଛନ୍ତି ।

ସେହିପରି ଗତ ୨୦୧୧ ଅକ୍ଟୋବରରେ କୁୱେତ୍ରେ ଅନୁଷ୍ଠିତ ଏସିଆନ ଏୟାର ଗନ୍ ଚାମ୍ପିଅନସିପ୍ରେ ଅର୍ନ୍ତଜାତୀୟ ସ୍ୱର୍ଣ୍ଣ ପଦକ ହାସଲ କରିଥିଲେ ।

୨୦୧୦ରେ ଜର୍ମାନୀରେ ଅନୁଷ୍ଠିତ ୫୦ତମ ଆଇଏସ୍ଏସ୍ଏଫ୍ ସୁଟିଂ ଚାମ୍ପିୟନସିପ୍ରେ ପ୍ରତିନିଧିତ୍ୱ କରିଥିଲେ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଖେଳ, ଚାମ୍ପିଅନ, ରୌପ୍ୟ ପଦକ

ଜିଲ୍ଲା ଅଲମ୍ପିକ,ଆଥ୍ଲେଟିକ ଆସୋସିଏସନ୍ ମଧ୍ୟରେ ବିବାଦ

December 19, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ : ସ୍ନିଗ୍ଧା ରାୟ

ଭଦ୍ରକ, ଡ଼ିସେମ୍ବର ୧୯(ଓଡ଼ିଶା ଡ଼ଟ୍ କମ୍) ଭଦ୍ରକ ଜିଲ୍ଲା ନେହେରୁ ଷ୍ଟାଡିୟମରେ ଏକ କ୍ରୀଡା ହଷ୍ଟେଲ ନିର୍ମାଣକୁ ନେଇ ଅଲମ୍ପିକ ଏବଂ ଆଥଲେଟିକ୍ ଆସୋସିଏସନ୍ ମଧ୍ୟରେ ବିବାଦ ସୃଷ୍ଟି ହୋଇଛି ।

ତେବେ ଏହାକୁ ନେଇ ଅଧିକ ବାଦାନୁବାଦ ସୃଷ୍ଟି ହେବା ଉଚିତ ନୁହେଁ ବୋଲି ଜିଲ୍ଲା ଅଲମ୍ପିକ ସଂଘ ସାଧାରଣ ସଂପାଦକ ଲକ୍ଷ୍ମୀ ମହାପାତ୍ର ଏକ ପ୍ରେସ ବିବୃତିରେ କହିଛନ୍ତି ।

ଉକ୍ତ ଷ୍ଟାଡିୟମର ଜାଗାକୁ କ୍ରୀଡା ବିଭାଗକୁ ହସ୍ତାନ୍ତର କରିବା ପାଇଁ ଉକ୍ତ ବିଭାଗ ଗଣଶିକ୍ଷା ବିଭାଗକୁ ପତ୍ର ଲେଖିଥିବା ସେ କହିଛନ୍ତି ।

ଜିଲାସ୍ତରରେ କ୍ରୀଡାକୁ ପ୍ରୋତ୍ସାହନ ବୋପାଇଁ ୨୦୦୦ରେ ଜିଲ୍ଲା ଅଲମ୍ପିକ ସଂଘକୁ ପଂଜିକୃତ କରି ନେହେୁରୁ ଷ୍ଟାଡିୟମ ଠାରେ ସମସ୍ତ ଖେଳକୁର ପ୍ରସାରଣ ପାଇଁ ଉଦ୍ୟମ ଆରମ୍ଭ କରାଯାଇଥିଲା ।

ତେବେ ୨୦୦୪ରେ କର୍ମଚାରୀଙ୍କ ମଧ୍ୟରେ ବୁଝାମଣା ଠିକ୍ ନହେବା ଯୋଗୁଁ ସରକାରଙ୍କ ଠାରୁ ମିଳିବାକୁ ଥିବା ଅନୁଦାନ ବନ୍ଦ ହୋଇଯାଇଥିଲା ଏବଂ ନେହେରୁ ଷ୍ଟାଡିୟମର ବିକାଶ ପାଇଁ ଆସିଥିବା ଅନୁଦାନ ୧୧ଲକ୍ଷ ଟଙ୍କା ଅନୁଦାନ କେନ୍ଦ୍ର ସରକାର ଇତିମଧ୍ୟରେ ବନ୍ଦ କରିଦେଇଛନ୍ତି ।

ଓଡ଼ିଶା ଅଲମ୍ପିକ ଆସୋସିଏସନ ଜିଲ୍ଲା ସଂଘକୁ ସ୍ୱୀକୃୃତି ଦେଇନଥିବାରୁ ରାଜ୍ୟ ସରକାର ପ୍ରଦାନ କରୁଥିବା ମଧ୍ୟ ବନ୍ଦ କରିଦେଇଛନ୍ତି । ତେବେ ଜିଲା ଅଲମ୍ପିକ ଆସୋସିଏସନ ନାମରେ ଯଦି କେହି ପ୍ରତିଯୋଗିତା ପାଇଁ ଆର୍ଥିକ ଅନୁଦାନ ମାଗୁଥାନ୍ତି ସେମାନଙ୍କୁ ପ୍ରୋତ୍ସାହନ ନ ଦେବା ପାଇଁ ସଂପାଦକ ନିବେଦନ କରିଛନ୍ତି ।

ଜିଲା କ୍ରୀଡା ଅଧିକାରୀ କ୍ରୀଡାବାସ ନିର୍ମାଣ ପାଇଁ ପଦକ୍ଷେପ ଗ୍ରହଣ କରିବାକୁ ସଂଘକୁ ନିର୍ଦ୍ଦେଶ ଦେଇଥିବା ମହାପାତ୍ର କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଖେଳ, ନେହେରୁ ଷ୍ଟାଡିୟମ, ଭଦ୍ରକ ଜିଲ୍ଲା

ବାରବାଟୀରେ ଭାରତ ୱେଷ୍ଟଇଣ୍ଡିଜ ଦିନିକିଆ

November 28, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ନଭେମ୍ବର ୨୯(ଓଡ଼ିଶା ଡ଼ଟ୍ କମ୍) କଟକ ବାରବାଟୀ ଷ୍ଟାଡ଼ିୟମରେ ହେବାକୁ ଥିବା ଭାରତ ୱେଷ୍ଟଇଣ୍ଡିଜଦିନିକିଆ ସିରିଜର ପ୍ରଥମ ମ୍ୟାଚ ପାଇଁ ସମସ୍ତ ପ୍ରସ୍ତୁତି ଶେଷ ହୋଇଥିବା ବେଳେ ମ୍ୟାଚ ଦେଖିବା ପାଇଁ ଦର୍ଶକମାନେ ଉତ୍ସାହିତ ହୋଇଛନ୍ତି ।

ଦିନ ୨ଟା ୩୦ରେ ଅନୁଷ୍ଠିତ ହେବାକୁଥିବା ଏହି ଦିବା ରାତ୍ରୀ ମ୍ୟାଚକୁ ୪୫ ହଜାର ଦର୍ଶକ ମନଭରି
ଉପଭୋଗ କରିବେ ।

ବାରବାଟୀରେ ଏହା ୧୭ତମଦିନିକିଆ ଆନ୍ତର୍ଜାତିକ ମ୍ୟାଚ ଏବଂ ଭାରତ ଓ ୱେଷ୍ଟଇଣ୍ଡିଜ ମଧ୍ୟରେ
ତୃତୀୟଦିନିକିଆ । ସୋମବାର ଉଭୟ ଦଳର ଖେଳାଳିମାନେ ଷ୍ଟାଡ଼ିୟମରେ ଅଭ୍ୟାସ କରିଛନ୍ତି ।

ମ୍ୟାଚ ପାଇଁ ମୋଟ୍ ୧୫ କୋଟି ଟଙ୍କାର ବୀମା କରାଯାଇଥିବା ବେଳେ ଏଥିରୁ ଦର୍ଶକଙ୍କ ପାଇଁ ୫
କୋଟିର ବୀମା ରଖାଯାଇଛି ।

ମ୍ୟାଚ ପାଇଁ ସୁରକ୍ଷା ବ୍ୟବସ୍ଥା ଦୃଷ୍ଟିରୁ ଷ୍ଟାଡ଼ିୟମ ଭିତରେ ଓ ବାହାରେ ପୋଲିସ ଛାଉଣି କରାଯାଇଛି । ଦର୍ଶକମାନେ ଶୃଙ୍ଖଳାର ସହ ଷ୍ଟାଡ଼ିୟମ ଭିତରକୁ ଯିବା ଆସିବା ପାଇଁ ୧୨ଟି ଗେଟ୍ କରାଯାଇଛି ।

ସୁରକ୍ଷା ବ୍ୟବସ୍ଥା ପାଇଁ ପୋଲିସ ଫୋର୍ସ, ସ୍ପେସାଲ ଅପରେଶନ ଗୃପ କମାଣ୍ଡୋଙ୍କୁ ନିୟୋଜିତ
କରାଯାଇଥିବା ବେଳେ ଷ୍ଟାଡ଼ିୟମ ନିକଟ, ପ୍ରବେଶ ଦ୍ୱାରା , ଡ଼୍ରେସିଂ ରୁମ, ପ୍ୟାଭିଲିୟନ ଆଦି ସ୍ଥାନରେ ୮୦ଟି କ୍ଲୋଜ ସର୍କିଟ କ୍ୟାମେରା ଖଞ୍ଜା ଯାଇଛି ।

ଯେଉଁମାନେ ଟିକେଟ ନପାଇ ମ୍ୟାଚ ଖେିବାରୁ ବଂଚିତ ହୋଇଛନ୍ତି ସେମାନଙ୍କ ପାଇଁ ବିଭିନ୍ନ ସ୍ଥାନରେ ଛଅଟି ବଡ଼ ସ୍କ୍ରିନର ବ୍ୟବସ୍ଥା କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଖେଳ, ବାରବାଟୀ ଷ୍ଟାଡ଼ିୟମ'

ଦୃଷ୍ଟିହୀନ କ୍ରିକେଟ୍ ଖେଳାଳିଙ୍କ ବିଶେ ଯିବାରେ ଅର୍ଥ ବାଧକ

October 16, 2011 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ : ଶାନ୍ତନୁ ବିଶ୍ୱାଳ

ବରଗଡ଼, ଅକ୍ଟୋବର ୧୬(ଓଡ଼ିଶା ଡ଼ଟ୍ କମ୍) ଦୃଷ୍ଟିହୀନଙ୍କ ପାଇଁ ଘୋଷିତ ଜାତୀୟ କ୍ରିକେଟ ଳରେ ବରଗଡ଼ ଜିଲ୍ଲାର ପଙ୍କଜ ଭୋଇ ସ୍ଥାନ ପାଇଥିବା ବେଳେ ସେ ଭାରତୀୟ ଦଳ ସହ ବିଦେଶ ଯିବାରେ ଅର୍ଥ ବାଧକ ସାଜିଛି ।

ଫୁଲାପାଲି ଗ୍ରାମର ପଙ୍କଜ ଶ୍ରମିକ ଶ୍ରେଣୀର ହୋଇଥିବା ବେଳେ ଅର୍ଥାଭାବ ଯୋଗୁଁ ଏତେ ବଡ଼ ସୁଯୋଗରୁ ବଞ୍ଚିତ ହେବା ନେଇ ଆଶା ଓ ଅନିଶ୍ଚିତତା ମଧ୍ୟରେ ଗତି କରୁଛନ୍ତି ।

ତାଙ୍କ ପାଇଁ ସହପାଠୀ ଓ ଶିକ୍ଷକମାନେ ନିଜ ନିଜ ମଧ୍ୟରେ ଅର୍ଥ ସଂଗ୍ରହ କରୁଛନ୍ତି ।

ପଙ୍କଜଙ୍କ ପାଇଁ ବର୍ତ୍ତମାନ ପର୍ଯ୍ୟନ୍ତ ରାଜ୍ୟ କ୍ରୀଡ଼ା ବିଭାଗ ପକ୍ଷରୁ ଆର୍ଥିକ ବ୍ୟବସ୍ଥା ହୋଇନଥିବା ଜିଲ୍ଲା ଅକ୍ଷମ କ୍ରୀଡ଼ା ସଂଘର ସଂପାଦକ ଦେବେକ ଆଚାର୍ଯ୍ୟ କହିଛନ୍ତି ।

ପାକିସ୍ଥାନ ଯ।ଇ ଭାରତର ଗୌରବ ଆଣିବା ଆଶାରେ ପଙ୍କଜ ପ୍ରତିିଦିନ ଅଭ୍ୟାସ ଜାରି ରଖିଛନ୍ତି । ସେ ପୂର୍ବରୁ ମଧ୍ୟ ସର୍ବଭାରତୀୟ ସ୍ତରରେ ବହୁ ସୁନାମ ଅର୍ଜନ କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଖେଳ, ଦୃଷ୍ଟିହୀନ

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ