ମୁଖ୍ୟ ଖବର

ସରପଞ୍ଚଙ୍କ ସ୍ୱାମୀଙ୍କୁ ମାଓବାଦୀଙ୍କ ହତ୍ୟା

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାୟଗଡ଼ା, ମଇ ୨୩(ଓଡ଼ିଶା ଡ଼ଟ୍ କମ୍) ରାୟଗଡ଼ା ଜିଲ୍ଲାରେ ମାଓବାଦୀମାନେ ଜଣେ ସରପଞ୍ଚଙ୍କ ସ୍ୱାମୀଙ୍କୁ ହତ୍ୟା କରିଥିବା ବୁଧବାର ପୋଲିସ କହିଛି ।

ପ୍ରାୟ ୨୦ରୁ ଉଦ୍ଧ୍ୱର୍ ମହିଳା ଓ ପୁରୁଷ ମାଓବାଦୀ ଭୋର ସମୟରେ ସରପଂଚ ଲାକେରୀ ଜଗାରଙ୍ଗାଙ୍କ ହନୁମନ୍ତପୁର ସ୍ଥିତ ଘରକୁ ଯାଇଥିଲେ । ସେଠାରୁ ସେମାନେ ଲାକେରୀଙ୍କ ସ୍ୱାମୀ ବେଜଗାରଙ୍ଗାଙ୍ଗୁ ସାଙ୍ଗରେ ଯିବାକୁ କହିଥିଲେ ଏବଂ ଗାଁ ନିକଟରେ ହତ୍ୟା କରିଥିଲେ ବୋଲି ପୋଲିସ କହିଛି ।

ହତ୍ୟାକାଣ୍ଡ ଘଟିଥିବା ସ୍ଥାନରେ ସେମାନେ ବିଭିନ୍ନ ମାଓ ପୋଷ୍ଟର ଲଗାଇଥିବା ବେଳେ ଏହାର କାରଣ
ଜଣାପଡ଼ିନଥିବା ଜଣେ ଅଧିକାରୀ କହିଛନ୍ତି । ଏହି ଘଟଣା ପରେ ସଂପୃକ୍ତ ଅଞ୍ଚଳରେ ପୋଲିସ ପକ୍ଷରୁ କୁମ୍ବିଙ୍ଗ ଅପରେଶନ ଜାରି ରହିଛି ।

ଓଡ଼ିଶା ଡ଼ଟ୍ କମ୍