ମୁଖ୍ୟ ଖବର

ଗ୍ରୀଷ୍ମପ୍ରବାହ ଜାରି, ରାଜ୍ୟବ୍ୟାପୀ ଜନଜୀବନ ଅସ୍ତବ୍ୟସ୍ତ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମଇ ୨୬(ଓଡ଼ିଶା ଡ଼ଟ୍ କମ୍) ସମଗ୍ର ରାଜ୍ୟରେ ଗ୍ରୀଷ୍ମପ୍ରବାହ ଜାରି ରହିଥିବା ବେଳେ ସାଧାରଣ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି ।

ଆଭ୍ୟନ୍ତରୀଣ ଓଡ଼ିଶାର କେତେକ ସ୍ଥାନରେ ଆସନ୍ତା ୨୪ ଘଂଟା ପର୍ଯ୍ୟନ୍ତ ଗ୍ରୀଷ୍ମପ୍ରବାହ ଜାରି ରହିବ ବୋଲି ଆଂଚଳିକ ପାଣିପାଗ କାର୍ଯ୍ୟାଳୟ ପକ୍ଷରୁ କୁହାଯାଇଛି ।

ଶନିବାର ସମ୍ବଲପୁରର ସର୍ବୋଚ୍ଚ ତାପମାତ୍ରା ୪୬.୭ ଡ଼ିଗ୍ରୀ ସେଲ୍ସିଅସ୍ ରେକର୍ଡ଼ କରାଯାଇଥିବା ବେଳେ ୧୩ଟି ସହରର ତାପମାତ୍ରା ୪୨ ଡ଼ିଗ୍ରୀ ଉପରେ ରହିଛି ।

ସେହିପରି ସୋନପୁର ଏବଂ ହୀରାକୁର ତାପମାତ୍ରା ୪୬.୨ ଡ଼ିଗ୍ରୀ ସେଲ୍ସିଅସ୍, ଝାରସୁଗୁଡ଼ା ୪୬.୦, ଟିଟିଲାଗଡ଼ ୪୫.୮, ବଲାଙ୍ଗୀର ୪୫.୫, ସୁନ୍ଦରଗଡ଼ ୪୫.୦ ଏବଂ ଭବାନୀପାଟଣାର ତାପମାତ୍ରା ୪୪.୭ ଡ଼ିଗ୍ରୀ ସେଲ୍ସିଅସ୍ ରେକର୍ଡ଼ କରାଯାଇଛି ।

ସରକାରୀଭାବେ ଗ୍ରୀଷ୍ମ ପ୍ରବାହ ଯୋଗୁଁ  ଅଂଶୁଘାତରେ ୧୯ ଜଣଙ୍କ ମୃତ୍ୟୁ ହୋଇଥିବା ବେଳେ ବେସରକାରୀ ଭାବେ ୭୯ ଜଣଙ୍କ ମୃତ୍ୟୁ ଅଭିଯୋଗ ହୋଇଛି ।

ଓଡ଼ିଶା ଡ଼ଟ୍ କମ୍