ଓଡିଶା ଖବରମୁଖ୍ୟ ଖବର

ବିଦ୍ୟୁତ ଆଘାତରେ ଗୋଟିଏ ପରିବାରର ୪ ଜଣଙ୍କ ମୃତ୍ୟୁ

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ଜୁଲାଇ ୩୦(ଓଡ଼ିଶା ଡ଼ଟ୍ କମ୍) ଜଗତସିଂହପୁର ଜିଲ୍ଲା କୁଜଙ୍ଗ ଥାନା ଅନ୍ତର୍ଗତ ପହଣା ଗ୍ରାମରେ ସୋମବାର ବିଦ୍ୟୁତ ଆଘାତରେ ଗୋଟିଏ ପରିବାରର ଚାରି ଜଣଙ୍କ ମୃତ୍ୟୁ ହୋଇଥିବା ପୋଲିସ କହିଛି ।

ସଂପୃକ୍ତ ପରିବାରର ଧୁମତ ପଟ୍ଟନାୟକ ପ୍ରଥମେ ଏକ ଉଚ୍ଚ ଶକ୍ତି ସଂପନ୍ନ ବିଦ୍ୟୁତ ତାର ସଂସ୍ପର୍ଶରେ ଆସି ଚିତ୍କାର କରିବା ପରେ ତାଙ୍କ ବାପା ତାଙ୍କୁ ବଞ୍ଚାଇବାକୁ ଚେଷ୍ଟା କରି ସେ ମଧ୍ୟ ବିଦ୍ୟୁତ ତାରରେ ଲାଗିଯାଇଥିଲେ ।

ପରେ ଉକ୍ତ ପରିବାରର ଦୁଇ ମହିଳା କୋଇଲି ଓ ସରସ୍ୱତୀ ସେମାନଙ୍କୁ ଉଦ୍ଧାର କରିବାକୁ ଆସି ବିଦ୍ୟୁତ ତାରରେ ଲାଗିଯାଇଥିଲେ । ଗ୍ରାମବାସୀମାନେ ବିଦ୍ୟୁତ ପ୍ରବାହ ଛିନ୍ନ କରି ସଂପୃକ୍ତ ଚାରି ଜଣଙ୍କୁ ଡ଼ାକ୍ତରଖାନାକୁ ଆଣିଥିବାବେଳେ ଡ଼ାକ୍ତର ସେମାନଙ୍କୁ ମୃତ ଘୋଷଣା କରିଥିଲେ ।

ଓଡ଼ିଶା ଡ଼ଟ୍ କମ୍