ମୁଖ୍ୟ ଖବର

ବାଣିଜ୍ୟିକ ସଂପର୍କ ସ୍ଥାପନ ପାଇଁ ‘ୱାସିଟ୍ରାକ୍’ର ଆଲୋଚନା

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ନଭେମ୍ବର ୧୫(ଓଡ଼ିଶା ଡ଼ଟ୍ କମ୍) ଓଡ଼ିଶା ସହିତ ବାଣିଜ୍ୟିକ ସଂପର୍କ ପ୍ରତିଷ୍ଠା ପାଇଁ ଆମେରିକାର ୱାଶିଂଟନ ବାଣିଜ୍ୟ ପ୍ରତିନିଧି ଦଳ ‘ୱାସିଟ୍ରାକ୍’(ୱାଶିଂଟନ୍ ଷ୍ଟେଟ୍ ଇଣ୍ଡିଆ ଟ୍ରେଡ୍ ରିଲେସନ୍ସ୍ ଆକ୍ସନ୍ କମିଟି) ସୋମବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସାକ୍ଷାତ କରି ଆଲୋଚନା କରିଛନ୍ତି ।

ବାଣିଜ୍ୟିକ ସୁଯୋଗ ଦୃଷ୍ଟିରୁ ଓଡ଼ିଶା ସହିତ ଅଧିକ ସଂପର୍କ ସ୍ଥାପନ ପାଇଁ ଆମେରିକରା କଂଗ୍ରେସ ସଦସ୍ୟ ଜିମ୍ ମ୍ୟାକଡରମଟ୍ ଏବଂ ୱାଶିଂଟନ୍ ଲେଫ୍ଟ୍ମେଣ୍ଟ ଗଭର୍ନର ବ୍ରାଡ୍ ଓଏନ୍ଙ୍କ ନେତୃତ୍ୱରେ ୧୩ ଜଣିଆ ପ୍ରତିନିଧି ଦଳ ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରିଛନ୍ତି । ଷ୍ଟିଲ୍, ଆଲୁମିନିୟମ୍ ଓ ବିୁ୍ଦ୍ୟୁତ କ୍ଷେତ୍ରରେ ରାଜ୍ୟରେ ବହୁତ ଶିଳ୍ପ ପ୍ରତିଷ୍ଠା କରାଯାଉଛି ।

ପ୍ରଯୁକ୍ତି ବିଦ୍ୟା ଶିକ୍ଷା କ୍ଷେତ୍ରରେ ମଧ୍ୟ ଓଡ଼ିଶାରେ ବହୁତ ବିକାଶ ହୋଇଛି ବୋଲି ସେମାନଙ୍କୁ ସୂଚନା ଦିଆଯାଇଥିଲା । ପ୍ରତିନିଧି ଦଳର ସଦସ୍ୟମାନେ ଓଡ଼ିଶାର ବିକାଶରେ ସନ୍ତୋଷ ପ୍ରକାଶ କରି ଉଭୟ ରାଜ୍ୟ ମଧ୍ୟରେ ବାଣିଜ୍ୟିକ ସଂପର୍କ ବୃଦ୍ଧି ପାଇଁ ପର୍ଯ୍ୟାପ୍ତ ସୁଯୋଗ ରହିଛି ବୋଲି ପ୍ରକାଶ କରିଥିଲେ ।

ଓଡିଶା ଡଟ୍ କମ୍

Leave a Reply

This site uses Akismet to reduce spam. Learn how your comment data is processed.