ସ୍ୱାସ୍ଥ୍ୟ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଅପ୍ରେଲ ୪(ଓଡ଼ିଶା ଡ଼ଟ୍ କମ୍) ପାଂଚ ବର୍ଷରୁ କମ୍ ବୟସର ଶିଶୁ ମୃତ୍ୟୁହାର ହ୍ରାସ
କ୍ଷେତ୍ରରେ ପ୍ରଥମ ଥର ପାଇଁ ଓଡିଶା ଜାତୀୟ ହାର ଠାରୁ ଆଗରେ ରହିଛି ।

୨୦୦୯ରେ ଏହି ହାର ୮୪ ପଏଂଟ ଥିବା ବେଳେ ୨୦୧୦ରେ ଏହା ୬ ପଏଂଟ ହ୍ରାସ ପାଇ ୭୮
ପଏଂଟ ହୋଇଛି । ଏହି ସମୟରେ ଜାତୀୟ ହ୍ରାସ ହାର ୫ ପଏଂଟ ହୋଇଥିବା ବେଳେ ଓଡିଶା ୬
ପଏଂଟ ହ୍ରାସ କରିବାରେ ସମର୍ଥ ହୋଇଛି ।

ଏ କ୍ଷେତ୍ରରେ ଓଡିଶା ଉପରକୁ ମଧ୍ୟପ୍ରଦେଶ ରହିଛି । ୧୯୯୮-୯୯ ରୁ ୨୦୦୫-୦୬ , ୭ ବର୍ଷ
ମଧ୍ୟରେ ଏହି ହାର ୧୩.୮ ପଏଂଟ ହ୍ରାସ ପାଇଥିବା ବେଳେ କେବଳ ୨୦୧୦ରେ ୬ ପଏଂଟ ହ୍ରାସ
ପାଇବା ଉଲ୍ଲେଖନୀୟ ବୋଲି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ କୁହାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃୟାରୀ ୧୪(ଓଡ଼ିଶା ଡ଼ଟ୍ କମ୍) ଔଷଧ ଓ ମଦ ମୃତ୍ୟୁ ଘଟଣାରେ ରାଜ୍ୟ ସରକାର ମଙ୍ଗଳବାର ଡ଼୍ରଗ୍ସ କଂଟ୍ରୋଲରଙ୍କ ବଦଳି କରିଛନ୍ତି ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅନୁମୋଦନ ପରେ ଡ଼୍ରଗ୍ସ କଂଟ୍ରୋଲର ଅନ୍ନଦା ଶଙ୍କର ଦାସଙ୍କୁ ବଦଳି କରାଯାଇ ସ୍ୱାସ୍ଥ୍ୟ ବିଭାଗର ଓଏସ୍ଡ଼ି ଭାବେ ଅବସ୍ଥାପିତ କରାଯାଇଛି ।

ସେହିପରି ଡ଼େପୁଟି କଂଟ୍ରୋଲର ଥିବା ହୃଷୀକେଶ ମହାପାତ୍ରଙ୍କୁ ଡ଼୍ରଗ୍ସ କଂଟ୍ରୋଲର ଭାବେ ନିଯୁକ୍ତ କରାଯାଇଛି । ଔଷଧ ମଦ ମୃତ୍ୟୁ ପରେ କଂଟ୍ରୋଲରଙ୍କ କାର୍ଯ୍ୟ ନେଇ ବିଭିନ୍ନ ମହଲରେ ପ୍ରଶ୍ନବାଚୀ ସୃଷ୍ଟି ହୋଇଥିଲା ।

ଗତକାଲି ଅବକାରୀ କମିଶନର ସୁଦର୍ଶନ ନାୟକଙ୍କୁ ବଦଳି କରାଯାଇଥିଲା ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃୟାରୀ ୩(ଓଡ଼ିଶା ଡ଼ଟ୍ କମ୍) ଗଣବଳାତ୍କାରର ଶିକାର ହୋଇଥିବା ଯୁବତୀଙ୍କ ଚିକିତ୍ସାରେ ଅବହେଳା କରିଥିବା ଡ଼ାକ୍ତରଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ପାଇଁ ରାଜ୍ୟ ମହିଳା କମିଶନ ପରାମର୍ଶ ଦେଇଥିବା ଶୁକ୍ରବାର କମିଶନର ଜଣେ ବରିଷ୍ଠ ଅଧିକାରୀ କହିଛନ୍ତି ।

ଡ଼ାକ୍ତରଙ୍କ ଅବହେଳା ଯୋଗୁଁ ସଂପୃକ୍ତ ପୀଡ଼ିତାଙ୍କ ସ୍ୱାସ୍ଥ୍ୟବସ୍ଥା ଅଧିକ ଖରାପ ହୋଇଛି ବୋଲି କମିଶନ ଅଧ୍ୟକ୍ଷା ଜ୍ୟୋତି ପାଣିଗ୍ରାହୀ ଗୁରୁବାର ସରକାରଙ୍କୁ ଦେଇଥିବା ରିପୋର୍ଟରେ ଦର୍ଶାଇଛନ୍ତି ।

କୋମା ଅବସ୍ଥାରେ ଥିବା ୧୯ ବର୍ଷ ବୟସ୍କା ଏହି ଯୁବତୀଙ୍କୁ ଗତ ନଭେମ୍ବର ୨୮ରେ ତାଙ୍କ ଗାଁ
ଅର୍ଜୁନଗେ।। ନିକଟରେ କେତେକ ଲୋକ ଗଣବଳାତ୍କାର କରିଥିବା ଅଭିଯୋଗ ହୋଇଥିଲା ।

ଅଭିଯୁକ୍ତମାନେ ପୂର୍ବରୁ ୨୦୦୮ରେ ମଧ୍ୟ ଯୁବତୀଙ୍କୁ ଦୂର୍ବ୍ୟବହାର କରିଥିବା ତାଙ୍କ ପରିବାର ଲୋକେ ଅଭିଯୋଗ କରିଥିଲେ । ଗତ ନଭେମ୍ବର ୨୯ରେ ତାଙ୍କୁ ସ୍ଥାନୀୟ ଡ଼ାକ୍ତରଖାନାରେ ଭର୍ତି କରାଯାଇଥିଲା ଏବଂ ପରେ ଅନ୍ୟ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଥିଲା ।

ଡ଼ାକ୍ତରଖାନାରେ ତାଙ୍କୁ ଚିକିତ୍ସା କରିବାକୁ ମନା କରିବୋରୁ ଗଣମାଧ୍ୟ ପ୍ରତିନିଧିମାନେ ଏ ସଂପର୍କରେ ରିପୋର୍ଟ ପ୍ରକାଶ କରିବା ପରେ ଏହା ଲୋକଲୋଚନକୁ ଆସିଥିଲା ।

ପୀଡ଼ିତାଙ୍କୁ ଝୁଲାଇ ଦିଆଯାଇଥିବାରୁ ତାଙ୍କର ବେକରେ ଆଘାତ ଲାଗିଛି ବୋଲି ପ୍ରାଥମିକ ଡ଼ାକ୍ତରୀ ରିପୋର୍ଟରୁ ଜଣାପଡ଼ିଥିବା କମିଶନ ଅଧ୍ୟକ୍ଷା ତାଙ୍କ ରିପୋର୍ଟରେ ଉଲ୍ଲେଖ କରିଛନ୍ତି ।

“”ଆଇନ ଅନୁଯାୟୀ ଯଦି ଯୁବତୀଙ୍କୁ ଝୁଲାଇ ଦିଆଯାଇଥିବା ତଥ୍ୟ ଡ଼ାକ୍ତର ପାଇଥିଲେ ତେବେ ସେ ଏସଂପର୍କରେ ସ୍ଥାନୀୟ ଥାନାକୁ ଅବଗତ କରାଇବା ଉଚିତ୍ ଥିଲା” ପାଣିଗ୍ରାହୀ ତାଙ୍କ ରିପୋର୍ଟରେ ଦର୍ଶାଇଛନ୍ତି ।

ସଂପୃକ୍ତ ଯୁବତୀଙ୍କ ଅବସ୍ଥା ଗୁରୁତର ଥିବା ସତ୍ୱେ ଡ଼ାକ୍ତରଖାନାରୁ ତାଙ୍କୁଦୁଇଥର ଫେରାଇ ଦିଆଯାଇଛି, ସେ କହିଛନ୍ତି ।

“”ବିଭିନ୍ନ ଡ଼ାକ୍ତରଖାନାରେ ଯଦି ଡ଼ାକ୍ତର ମାନଙ୍କ ଦ୍ୱାରାଠିକ୍ ସମୟରେ ପଦକ୍ଷେପ ନିଆଯାଇଥାନ୍ତା ତେବେ ପୀଡ଼ିତାଙ୍କ ସ୍ୱାସ୍ଥ୍ୟବସ୍ଥା ଖରାପ ହୋଇନଥାନ୍ତା” ସେ ଉଲ୍ଲେଖ କରିଛନ୍ତି ।

ଗଣବଳାତ୍କାର ଅଭିଯୋଗକୁ ନେଇ ରାଜ୍ୟ ରାଜନୀତି ସରଗରମ ହୋଇଥିଲା । ତତ୍କାଳୀନ କୃଷିମନ୍ତ୍ରୀ ପ୍ରଦୀପ ମହାରଥୀ ଅଭିଯୁକ୍ତଙ୍କୁ ସୁରକ୍ଷା ଦେଉଥିବା ପୀଡ଼ିତାଙ୍କ ପରିବାର ଲୋକେ ଅଭିଯୋଗ କରିବା ପରେ ଗତ ଜାନୁୟାରୀ ୧୯ରେ ସେ ମନ୍ତ୍ରୀ ପଦରୁ ଇସ୍ତଫା ଦେଇଥିଲେ ।

ଏହି ଘଟଣାରେ କ୍ରାଇମବ୍ରାଂଚ ପୋଲିସ ଚାରି ଜଣ ଅଭିଯୁକ୍ତଙ୍କୁ ଗିରଫ କରି ସେମାନଙ୍କର ଲାଇ
ଡ଼ିଟେକ୍ଟର ଏବଂ ପଲିଗ୍ରାଫ ପରୀକ୍ଷା କରିସାରିଛି । ଘଟଣାର ବିଚାର ବିଭାଗୀୟ ତଦନ୍ତ ପାଇଁ ସରକାର ହାଇକୋର୍ଟର ଅବସରପ୍ରାପ୍ତ ବିଚାରପତିଙ୍କୁ ନିଯୁକ୍ତ କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୩୦(ଓଡ଼ିଶା ଡ଼ଟ୍ କମ୍) ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନ(ଏମ୍ସ)ର ଭୁବନେଶ୍ୱର ଶାଖାରେ ଚଳିତ ବର୍ଷ ଅଗଷ୍ଟରୁ ନାମ ଲେଖା ଆରମ୍ଭ ହେବ ବୋଲି ଭୁବନେଶ୍ୱର ଠାରେ ସୋମବାର କେନ୍ଦ୍ର ସ୍ୱାସ୍ଥ୍ୟ ସଚିବ ପ୍ରତାପ କୁମାର ପ୍ରଧାନ କହିଛନ୍ତି ।

ପ୍ରଧାନ ସଚିବାଳୟରେ ମୁଖ୍ୟ ଶାସନ ସଚିବ ବିଜୟ କୁମାର ପଟ୍ଟନାୟକଙ୍କ ସହ ଏମ୍ସର ଅଗ୍ରଗତି
ସଂପର୍କରେ ଆଲୋଚନା କରିଛନ୍ତି ।

ଚଳିତ ବର୍ଷ ୫୦ଟି ଓ ଆସନ୍ତା ବର୍ଷ ଶହେଟି ସିଟ୍ ପାଇଁ ନାମ ଲେଖାଯିବ ଏବଂ ଡ଼ିସେମ୍ବର ସୁଦ୍ଧା ପାଂଚ ଶହ ଶଯ୍ୟା ବିଶିଷ୍ଟ ମେଡ଼ିକାଲ କାର୍ଯ୍ୟକ୍ଷମ ପାଇଁ ପ୍ରୟାସ ଚାଲିଛି ବୋଲି ଆଲୋଚନା ପରେ ପ୍ରଧାନ ଗଣମାଧ୍ୟମକୁ କହିଛନ୍ତି ।

ମେଡ଼ିକାଲର ୭୫ ପ୍ରତିଶତ କାର୍ଯ୍ୟ ଶେଷ ହୋଇଛି ଏବଂ ମେଡ଼ିକାଲ କଲେଜ ପାଇଁ ପ୍ରଫେସର ନିଯୁକ୍ତି ପ୍ରକ୍ରିୟା ମଧ୍ୟ ଆରମ୍ଭ ହୋଇଛି, ସେ କହିଛନ୍ତି ।

ରାଜଧାନୀ ଉପକଣ୍ଠସ୍ଥ ସିଜୁଆ ଠାରେ ୨୦୦୩ ଜୁଲାଇରେ ତତ୍କାଳୀନ ପ୍ରଧାନମନ୍ତ୍ରୀ ଅଟଳବିହାରୀ ବାଜପେୟୀ ଏହାର ଭିତ୍ତି ପ୍ରସ୍ତର ସ୍ଥାପନ କରିଥିଲେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ନଭେମ୍ବର ୨୬(ଓଡ଼ିଶା ଡ଼ଟ୍ କମ୍) ରାଜ୍ୟରେ ଟୀକାକରଣ ଓ ସ୍ୱାସ୍ଥ୍ୟସେବା କ୍ଷେତ୍ରକୁ ବିଚାର କରି ଦେଶର ବିଭିନ୍ନ ରାଜ୍ୟର ସ୍ୱାସ୍ଥ୍ୟ ପ୍ରକଳ୍ପ ଗୁଡ଼ିକର ସମୀକ୍ଷା ସମୟରେ ଡ଼ିଏଫ୍ଆଇଡ଼ି ଓଡ଼ିଶାକୁ ଏକ ନମ୍ବର ସ୍ଥାନରେ ରଖିଛି ।

ରାଜ୍ୟରେ ଚାଲିଥିବା ସ୍ୱାସ୍ଥ୍ୟସେବା ଯୋଜନା(ଓଏଚ୍ଏସ୍ପି)ର କାର୍ଯ୍ୟକାରୀତା ନେଇ ଅତ୍ୟନ୍ତ ଖୁସି ବୋଲି ଡ଼ିଏଫ୍ଆଇଡ଼ି ପକ୍ଷରୁ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗକୁ ଲେଖାଯାଇଥିବା ପତ୍ରରେ ଦର୍ଶାଯାଇଛି ।

ସ୍ୱଚ୍ଛ ପାନୀୟଜଳ, ପରିମଳ ବ୍ୟବସ୍ଥା ଆଦି ଯୋଜନା କାର୍ଯ୍ୟକାରୀ କରାଯିବା ସହିତ ବହୁମୁଖୀ ପରିବାର ନିୟନ୍ତ୍ରଣ ଯୋଜନା ପାଇଁ ଡ଼ିଏଫ୍ଆଇଡ଼ି ୭୦୦ କୋଟି ଟଙ୍କା ଯୋଗାଇ ଦେବେ ବୋଲି ଏହାର କେନ୍ଦ୍ରୀୟ ପ୍ରତିନିଧିମାନେ ସ୍ୱାସ୍ଥ୍ୟସେବା ସଂକ୍ରାନ୍ତୀୟ ସମୀକ୍ଷା ପରେ ଘୋଷଣା କରିଛନ୍ତି ।

ରାଜ୍ୟରେ ଶିଶୁ ମୃତ୍ୟୁହାର ପ୍ରତି ଏକ ହଜାରରେ ୬୯ରୁ ୬୨କୁ ହ୍ରାସ ପାଇଥିବା ବେଳେ ମାତୃ ମୃତ୍ୟୁହାର ପ୍ରତି ଏକ ଲକ୍ଷରେ ୩୦୩ରୁ ୨୫୮କୁ ହ୍ରାସ ପାଇଥିବା ଏକ ବିଜ୍ଞପ୍ତିରେ କୁହାଯାଇଛି ।

କେବଳ ଶିଶୁ ଓ ମାତୃ ମୃତ୍ୟୁହାର ହ୍ରାସ ନୁହେଁ ଆଦିବାସୀ ମହିଳାମାନେ ମଧ୍ୟ ଚିକିତ୍ସାଳୟରେ ସନ୍ତାନ ପ୍ରସବ କରିବାକୁ ଆଗଭର ହୋଇଛନ୍ତି । ଜାତୀୟ ଗ୍ରାମୀଣ ସ୍ୱାସ୍ଥ୍ୟ ମିଶନ, ଓଡ଼ିଶା ପାଇଁ ସଫଳତାର ମାଇଲଖୁଣ୍ଟ ବୋଲି ଡ଼ିଏଫ୍ଆଇଡ଼ି ଏହି ପତ୍ରରେ ଉଲ୍ଲେଖ କରିଛି ।

ଓଡ଼ିଶା ଡ଼ଟ୍ କମ୍