କଠିନ ପରିଶ୍ରମ ବେକାର ହୁଏ ନାହିଁ: ମଧୁମିତା

ଓଡ଼ିଶା ଡ଼ଟ୍ କମ୍ : ଶାନ୍ତନୁ ବିଶ୍ୱାଳ

ବରଗଡ଼, ମଇ ୨୭(ଓଡ଼ିଶା ଡ଼ଟ୍ କମ୍) ଆଜି ତାଙ୍କର ସ୍ୱପ୍ନ ସତ ହୋଇଛି, ପରିଶ୍ରମର ଫଳ ବେକାର ଯାଏ ନାହିଁ ବୋଲି କହନ୍ତି ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷାରେ ମେଡିକାଲ(ଏସ୍ଟି କେଟାଗୋରୀ)ରେଦ୍ୱିତୀୟ ହୋଇଥିବା ବିକାଶ ଜୁନିଅର କଲେଜର ଛାତ୍ରୀ ମଧୁମିତା ମେହେର ।

ସନ୍ତୋଷ ମେହେର ଓ ରୀନା ମେହେରଙ୍କ ଜ୍ୟେଷ୍ଠା କନ୍ୟା ମଧୁମିତା ଆଗାମୀଦିନରେ ଜଣେ ମେଡିସିନ୍ ସ୍ପେସିଆଲିଷ୍ଟ ହେବାକୁ ଲକ୍ଷ୍ୟ ରଖିଛନ୍ତି ।

ମଧୁମିତା ତାଙ୍କର ସଫଳତାର ଶ୍ରେୟ ପିତାମାତା, ଭଗବାନ, କଲେଜର ବୋର୍ଡ ଓ ପ୍ରବେଶିକା ପରୀକ୍ଷା ପାଇଁ ସମନ୍ୱିତ ଶିକ୍ଷାନୁଷ୍ଠାନ ପଦ୍ଧତି ତଥା ଅଧ୍ୟାପକ ଅଧ୍ୟାପିକାଙ୍କୁ ଦେଇଛନ୍ତି ।

ସେହିପରି ଏହି କଲେଜର ମନୀଷ (ଇଏସ୍-୨୦), ଅମିତ, ଆଶିଶ ମେଡିକାଲରେ ବିଭିନ୍ନ ର୍ୟାଙ୍କ ପାଇବାରେ ସଫଳ ହୋଇଛନ୍ତି ।

ଇଂଜିନିୟରିଂର ସାଧାରଣ ବର୍ଗରେ ଆଶିଶ ଖମାରୀ, ନିମୀଶ ମାଝି. ମନୀଷ ପ୍ରଧାନ, ଓମ୍ ପ୍ରକାଶ ସିଂହ ମାଝି ଓ ପ୍ରାୟ ୩୫ ଜଣ ଛାତ୍ରଛାତ୍ରୀ ୨୦୦୦ ର୍ୟାଙ୍କ ମଧ୍ୟରେ ସ୍ଥାନ ପାଇଛନ୍ତି । ସେହିପରି ଆର୍କିଟେକ୍ଚରରେ ରୋହିତ ଅଗ୍ରୱାଲ, ସୌରଭ ପୃଷ୍ଟି ଓ ବୋଶିଶ ଜାଲ ପାଇଛନ୍ତି ।

ଓଡ଼ିଶା ଡ଼ଟ୍ କମ୍