ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର,ଅଗଷ୍ଟ ୨୯(ଓଡ଼ିଶା ଡ଼ଟ୍ କମ୍)-ରାଜ୍ୟରେ ସାର ଉତ୍କଟ ଅଭାବ ନେଇ ବିଧାନସଭାରେ ଉ୍ବେଗ ପ୍ରକାଶ ପାଇଛି । ଚାଷକାର୍ଯ୍ୟ ବ୍ୟାହତ ହେଲାଣି । ଚାଷୀ ମୁଣ୍ଡରେ ଯେମିତି ଚଡକ ପଡିଛି । ଉଭୟ ଶାସକ ଓ ବିରୋଧି ଦଳର ବିଧାୟକମାନେ ଏହି ପ୍ରସଙ୍ଗରେ ଆଲୋଚନା ଦାବି କରିବା ସହ କୃଷି ମନ୍ତ୍ରୀଙ୍କ ଠାରୁ ଏକ ବିବୃତି ଚାହିଁଛନ୍ତି ।
ବିରୋଧି ଦଳର ନେତା ଭୂପିନ୍ଦର ସିଂ ଏହି ପ୍ରସଂଗରେ ବିରୋଧିଦଳ ପକ୍ଷରୁ ଏକ ମୁଲତବୀ ପ୍ରସ୍ତାବ ଦିଆ ଯାଇଥିବାରୁ ଏହା ଉପରେ ଆଲୋଚନା କରିବାକୁ ଦାବି ରଖିଥିଲେ ।
ଶୂନ୍ୟକାଳରେ ବିଜେଡି ବିଧାୟକ ଅମର ପ୍ରସାଦ ଶତପଥୀ ଏହି ପ୍ରସଙ୍ଗ ଉତଥାପନ କରିଥିଲେ । ସେ କହିଥିଲେ ଯେ ସାରା ରାଜ୍ୟରେ ଚାଷୀ ସାର ପାଉ ନାହାଁନ୍ତି ।
ସାର ଯୋଗାଣ କ୍ଷେତ୍ରରେ ଉତ୍କଟ ଅଭାବ ପରିଲ କ୍ଷିତ ହୋଇଛି । ୩ ଲ କ୍ଷ ୮୦ ହଜାର ୩୯୫ ମେଟ୍ରିକ ଟନ୍ ସାର କମ୍ ରହିଛି । ବିଜେପିର ଜୟନାରାୟଣ ମିଶ୍ର,କଂଗ୍ରେସର ପ୍ରସାଦ ହରିଚନ୍ଦନ ଓ ବିଜେଡିର ଚନ୍ଦ୍ର ସାରଥି ବେହେରା ପ୍ରମୁଖ ବିଧାୟକମାନେ ସାର ଅଭାବ ପରିସ୍ଥିତି ନେଇ ଉ୍ବେଗ ପ୍ରକାଶ କରିଥିଲେ ।
ଓଡ଼ିଶା ଡ଼ଟ୍ କମ୍
