ଫୁଲବାଣୀ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଫୁଲବାଣୀ, ଅଗଷ୍ଟ ୨୨ (ଓଡ଼ିଶା ଡ଼ଟ୍ କମ୍)-ଅଗଷ୍ଟ ୨୩ ତାରିଖରେ ସ୍ୱାମୀ ଲକ୍ଷ୍ମଣାନନ୍ଦ ସରସ୍ୱତୀଙ୍କ ହତ୍ୟାକାଣ୍ଡକୁ ୪ ବର୍ଷ ପୂରିବ । ବିଶ୍ୱହିନ୍ଦୁ ପରିଷଦ ତରଫରୁ ଏହିଦିନଟିକୁ ଚତୁର୍ଥ ଶ୍ରାଦ୍ଧବାଷିକୀ ରୂପେ ପାଳନ କରାଯିବ । ଫଳରେ ଆଇନ ଶୃଙ୍ଖଳା ପରିସ୍ଥିତି ଦୃଷ୍ଟିରୁ ସମଗ୍ର କନ୍ଧମାଳ ଜିଲ୍ଲାରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।

ଜିଲ୍ଲାର ପ୍ରବେଶ ପଥକୁ ସିଲ କରାଯାଇଛି । ବିଭିନ୍ନ ଥାନା ଅଂଚଳରେ ପୋଲିସ ଓ ସୁରକ୍ଷା କର୍ମୀଙ୍କୁ ମୁତୟନ କରାଯିବା ପରେ ପାଟ୍ରୋଲିଂକୁ କଡାକଡି କରାଯାଇଛି । ଯାନବାହାନ ଆଦି ଚେକିଂ କରା ଯାଉଛି । ଫୁଲବାଣୀ ସହରରେ ୬ ପ୍ଲାଟୁନ ଫୋର୍ସ ମୁତୟନ କରା ଯାଇଛି ।

ସହରର ବିଭିନ୍ନ ଛକ, ବସଷ୍ଟାଣ୍ଡ, ଚର୍ଚ୍ଚ ଗୁଡିକରେ ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଥିବା ବେଳେ ଜିଲ୍ଲାର ବିଭିନ୍ନ ଅଂଚଳରେ ୧୯ ପ୍ଲାଟୁନ ସାଦା ପୋଷାକଧାରୀ ସୁରକ୍ଷା କର୍ମୀ, ୬ ପ୍ଲାଟୁନ ଓଏସ୍ପି, ୩ ୟୁନିଟ ଓଡ୍ରାଫ ଟିମ୍ ମୁତୟନ ଅଛନ୍ତି ।

ସେହିପରି ବାଲିଗୁଡାଠାରେ ୧ ପ୍ଲାଟୁନ ଆଇଆରବି,୧ପ୍ଲାଟୁନ ଓ ଏସ୍ଏପି, ସ୍ଥାନୀୟ ପୋଲିସ ମୁତୟନ ଥିବାବେଳେ ସମ୍ବେନଶୀଳ ଅଂଚଳ ଦାରିଙ୍ଗବାଡି ଠାରେ ୧ ୟୁନିଟ ଏସ୍ଓଜି ଜବାନ,୧ ପ୍ଲାଟୁନ ଆଇଆରବି, କୋଟାଗଡଠାରେ ୨ ପ୍ଲାଟୁନ ସିଆରପିଏଫ,୧ ପ୍ଲାଟୁନ ଏସ୍ ପିଓଙ୍କୁ ମୁତୟନ କରାଯାଇଛି ।

ବାରଖମାରେ ଡିଏସ୍ପି ଅଜୁନ ବାରିକଙ୍କ ନେତୃତ୍ୱରେ ଏକ ପ୍ଲାଟୁନ ଆଇଆରବି ଫୋର୍ସ ମୁତୟନ କରାଯାଇଥିବା ବିଷୟ ଡିଏସ୍ ପି ଡିଆଇଜି ଗୁପ୍ତ ଚନ୍ଦ୍ର ବେହେରା ପ୍ରକାଶ କରିଚନ୍ତି ।

ଆଜି ଫୁଲବାଣୀ ସହରରେ ବିଶ୍ୱହିନ୍ଦୁ ପରିଷଦ ତରଫରୁ ସନ୍ଥ ଚିନ୍ତନ ବଗ ଅନୁଷ୍ଠିତ ହେଉଥିଲା ବେଳେ ଆସନ୍ତାକାଲି ଗୁରୁବାର ଫୁଲବାଣୀ କୋରୋନେସନ ପଡିଆଠାରେ ଶାନ୍ତି ପ୍ରତିବାଦ ସଭା ଅନୁଷ୍ଠିତ ହେବ । ଅପରାହ୍ନ ୧.୩୦ ସମୟରେ ନଗର ଭ୍ରମଣ ଓ ୨.୩୦ରେ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହେବ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଫୁଲବାଣୀ,ଜୁଲାଇ ୧୯(ଓଡ଼ିଶା ଡ଼ଟ୍ କମ୍) ବୌଦ୍ଧ ଜିଲ୍ଲାର ଏକ ସଂକୀର୍ତନ ଦଳ ନୟାଗଡ଼ର ଜିଲ୍ଲାରେ ଆୟୋଜିତ ନାମ ସଂକୀର୍ତନରେ ଯୋଗଦେବାକୁ ଯାଇଥିବାବେଳେ ସେଠାରେ ବିଷାକ୍ତ ଖାଦ୍ୟ ଖାଇ ଗୁରୁବାର ଚାରି ଜଣଙ୍କ ଜଣଙ୍କର ମୃତ୍ୟୁ ହୋଇଛି ।

ଏମାନଙ୍କ ମଧ୍ୟରୁ ଦୁଇଜଣଙ୍କ ନୟାଗଡ଼ ବାଣିଗୋଚ୍ଛା ଠାରେ ମୃତ୍ୟୁ ହୋଇଥିବାବେଳେ ଆନ୍ୟ ୨ଜଣଙ୍କର ଫୁଲବାଣୀ ମୁଖ୍ୟ ଚିକିତ୍ସାଳୟରେ ମୃତ୍ୟୁ ହୋଇଛି । ଅନ୍ୟ ତିନି ଜଣଙ୍କ ଅବସ୍ଥା ଗୁରୁତର ରହିଛି । ଖାଦ୍ୟ ଖାଇବା ପରେ ଏହି ଲୋକ ମାନଙ୍କ ପେଟ ଫୁଲିବା ସହ ବାନ୍ତି ହୋଇ ଛାତିରେ ଯନ୍ତ୍ରଣା ହୋଇଥିଲା ।

ବୌଦ୍ଧ ଜିଲ୍ଲା ହରଭଙ୍ଗା ବ୍ଲକର ଅକ୍ଷୟ ବିନ୍ଧାଣୀ ଅଞ୍ଜନ ମାନୀ, ଯଶୋବନ୍ତ ପ୍ରଧାନ, ଶାନ୍ତନୁ ବେହେରା, ସୂର୍ଯ୍ୟମଣିମଲ୍ଲିକ ପ୍ରମୁଖ ଏକ ୭ଜଣିଆ ଦଳ ଏହି ନାମ ସଂକୀର୍ତନରେ ଯୋଗଦେବାକୁ ଯାଇଥିଲେ ।

ବିଷାକ୍ତ ଖାଦ୍ୟ ଯୋଗୁଁ ଏମାନଙ୍କ ମୃତ୍ୟୁ ହୋଇଥିବା ଆଶଙ୍କା କରାଯାଉଥିବା ବେଳେ ଶବ ବ୍ୟବଛେଦ ରିପୋର୍ଟ ଆସିବା ପରେ ପ୍ରକୃତ କାରଣ ଜଣାପଡ଼ିବ ବୋଲି ଜଣେ ପୋଲିସ ଅଧିକାରୀ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଫୁଲବାଣୀ, ଜୁଲାଇ ୮(ଓଡ଼ିଶା ଡ଼ଟ୍ କମ୍) କନ୍ଧମାଳ ଜିଳ୍ଲାରେ ଏକ ବେଆଇନ ବନ୍ଧୁକ ତିଆରି କାରଖାନାକୁ ଠାବ କରିବା ସହ ଏଥିରେ ସଂପୃକ୍ତ ଜଣେ ବ୍ୟକ୍ତିଙ୍କୁ ଗିରଫ କରିଥିବା ପୋଲିସ ରବିବାର କହିଛି ।

କାରଖାନାରେ ତିଆରି ହେଉଥିବା ବନ୍ଧୁକ ମାଓବାଦୀମଙ୍କୁ ଯୋଗାଯାଉଥିବା ପୋଲିସ ସନ୍ଦେହ କରୁଛି । ରାଲିଗୁଡ଼ା ଗ୍ରାମରେ ଚାଲୁଥିବା ଏହି କାରଖାନାକୁ ପୋଲିସ ଓ ସିଆରପିଏଫର ମିଳିତ ଚଢ଼ଉ ବେଳେ ଠାବ କରାଯାଇଛି ।

ଗିରଫ ସଂପୃକ୍ତ ବ୍ୟକ୍ତିଙ୍କ ଠାରୁ ବନ୍ଧୁକ ତିଆରି ସାମଗ୍ରୀ ଜବତ ହୋଇଥିବା ଜଣେ ପୋଲିସ ଅଧିକାରୀ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଫୁଲବାଣୀ, ମଇ ୨୨(ଓଡ଼ିଶା ଡ଼ଟ୍ କମ୍) କନ୍ଧମାଳ ଜିଲ୍ଲା କୁଟିଗୁଡ଼ା ଅଞ୍ଚଳରୁ ମଙ୍ଗଳବାର ଜଣେ ମହିଳା ମାଓବାଦୀକୁ ଗିରଫ କରିଥିବା ପୋଲିସ କହିଛି ।

ସଂପୃକ୍ତ ମାଓବାଦୀର ନାଁ ମିତା ବଡ଼ସେଠ୍ ଓ ସେ ଗତ ତିନି ବର୍ଷ ଧରି ଏହି ସଂଗଠନରେ କାର୍ଯ୍ୟ
କରୁଥିବା ଜଣେ ଅଧିକାରୀ କହିଛନ୍ତି ।

କୋଟଗଡ଼ ଅଞ୍ଚଳରେ ସିଆର୍ପିଏଫ୍ ଏବଂ ଏସ୍ଓଜି ଯବାନଙ୍କ ମିଳିତ କୁମ୍ବିଂ ଅପରେଶନ ସମୟରେ
ତାକୁ ଗିରଫ କରିଥିବା ସେ କହିଛନ୍ତି । ତା’ ଠାରୁ କେତେକ ମାଓ ପ୍ରଚାରପତ୍ର ଜବତ ହୋଇଥିବା ସେ
କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଫୁଲବାଣୀ,ମାର୍ଚ୍ଚ ୨୫(ଓଡ଼ିଶା ଡ଼ଟ୍ କମ୍) କନ୍ଧମାଳ ଦଙ୍ଗା ମାମଲାରେ ଜଡ଼ିତ ଥିବା ଅଭିଯୋଗରେ ଗିରଫ ହୋଇଥିବା ୧୫୬ ଜଣଙ୍କୁ ସ୍ଥାନୀୟ ଅଦାଲତ ରବିବାର ଖଲାସ କରିଦେଇଛନ୍ତି ।

ଫୁଲବାଣୀ ଫାଷ୍ଟଟ୍ରାକ କୋର୍ଟ-୧ ଅତିରିକ୍ତଦୌରା ଜଜ୍ ଏସ.କେ. ଦାଶ ଜି ଉୟଗିରି ଥାନା ଅନ୍ତର୍ଗତ ଡାକେଡ଼ି ଗ୍ରାମରେ୨୦୦୮ ସେପ୍ଟେମ୍ବରରେ ଘଟିଥିବା ଗୃହଦାହ ମାମଲାରେ ୪ଜଣଙ୍କୁ ପ୍ରମାଣ ଅଭାବରୁ ଖଲାସ କରିଛନ୍ତି ।

ସେହିପରି ୨ଟି ଗୃହାହ ମାମଲାରେ ଗିରଫ ୧୪୨ଜଣଙ୍କୁ ପ୍ରମାଣ ଅଭାବରୁ ଫାଷ୍ଟଟ୍ରାକ୍ କୋର୍ଟ-୨
ଅତିରିକ୍ତଦୌରାଜଜ୍ ବି.ଏନ୍. ମିଶ୍ର ୧୪୨ଜଣଙ୍କୁ ଛାଡ଼ିଦେଇଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଫୁଲବାଣୀ, ଜାନୁୟାରୀ ୯(ଓଡ଼ିଶା ଡ଼ଟ୍ କମ୍) କନ୍ଧମାଳ ଜିଲ୍ଲାରେ ନିକଟରେ ହୋଇଥିବା ଲ୍ୟାଣ୍ଡମାଇନ ବିସ୍ଫୋରଣ ତଥା ମାଓବାଦୀଙ୍କ ସହ ସଂପୃକ୍ତି ଅଭିଯୋଗରେ ପୋଲିସ ସୋମବାର ଦାରିଙ୍ଗବାଡ଼ି ବ୍ଲକ ଅଧ୍ୟକ୍ଷଙ୍କୁ ଗିରଫ କରିଛି ।

“”ବିସ୍ଫୋରଣ ତଥା ମାଓବାଦୀଙ୍କ ସହ ବ୍ଲକ ଅଧ୍ୟକ୍ଷ ଜୁନେଶ ପ୍ରଧାନଙ୍କ ସଂପୃକ୍ତି ରହିଥିବା ସଂପର୍କରେ
ପୋଲିସ ନିକଟରେ ବ୍ୟାପକ ପ୍ରମାଣ ଅଛି” ଜଣେ ବରିଷ୍ଠ ଅଧିକାରୀ କହିଛନ୍ତି ।

ପୋଲିସର ଏକ ଦଳ ସକାଳେ ପ୍ରଧାନଙ୍କ ଘର ଉପରେ ଚଢାଉ କରି ତାଙ୍କୁ ଗିରଫ କରିଥିବା ବେଳେ
କୋଟଗଡ଼ ଥାନାରେ ତାଙ୍କ ନାଁରେଦୁଇଟି ମାମଲା ରୁଜୁ ହୋଇଛି, ସେ କହିଛନ୍ତି ।

ଗତ ଗୁରୁବାର ଛଅ ଜଣ ପୋଲିସ କର୍ମଚାରୀ ଏକ ବିସ୍ଫୋରଣ ସ୍ଥଳକୁ ତଦନ୍ତ ପାଇଁ ଯାଉଥିବା ବେଳେ କୋଟଗଡ଼ ଥାନା ଅର୍ନ୍ତଗତ ଶ୍ରୀରାମପୁର ଗାଁ ନିକଟସ୍ଥ ଜଙ୍ଗଲ ରାସ୍ତାରେ ମାଓବାଦୀଙ୍କ ଲ୍ୟାଣ୍ଡମାଇନ ବିସ୍ଫୋରଣ ହୋଇଥିଲା ଏବଂ ଏଥିରେ ତିନି ଜଣ ପୋଲିସ କର୍ମଚାରୀ ଶହୀ ହୋଇଥିଲେ ।

ଓଡ଼ିଶା ଡ଼ଟ୍ କମ୍

୨୦ ନଭେମ୍ବର ରବିବାର ୨୦୧୧ ଫୁଲବାଣୀରେ ଆୟୋଜିତ ଆଦିବାସୀ ସମାବେଶରେ ଯୋଗ ଦେଇଥିବା ମହିଳାମାନେ ।

 

୨୦ ନଭେମ୍ବର ୨୦୧୧ ରବିବାର ଫୁଲବାଣୀରେ ଆୟୋଜିତ ଆଦିବାସୀ ସମାବେଶରେ ଉପସ୍ଥିତ ଆଦିବାସୀ ନେତା ।

ଓଡ଼ିଶା ଡ଼ଟ୍ କମ୍ : ସୀମାଞ୍ଚଳ ପଟ୍ଟନାୟକ

ଫୁଲବାଣୀ, ନଭେମ୍ବର ୨୬(ଓଡ଼ିଶା ଡ଼ଟ୍ କମ୍) କନ୍ଧମାଳ ଦଙ୍ଗା ସମୟରେ ହୋଇଥିବା ଘରପୋଡ଼ି ମାମଲାର ବିଚାର କରି ସ୍ଥାନୀୟ ଅଦାଲତ ଶୁକ୍ରବାର ୪ ଜଣଙ୍କୁ ଚାରି ବର୍ଷ ଲେଖାଏଁ ସଶ୍ରମ କାରାଦଣ୍ଡରେ ଦଣ୍ଡିତ କରିଛନ୍ତି ।

ଜି ଉଦୟଗିରି ଥାନା ଅର୍ନ୍ତଗତ ଖାରିଆପଡ଼ା ଗ୍ରାମରେ ୨୭ .୮.୨୦୦୮ରେ ହୋଇଥିବା ଘରପୋଡ଼ି ମାଲାରେ ଫୁଲବାଣୀ ଫାଷ୍ଟଟ୍ରାକ୍ କୋର୍ଟ-୧ ବିଚାରପତି ଶୋଭନ ଦାସ ଚାରି ଜଣ ଅଭିଯୁକ୍ତଙ୍କୁ ଚାରି ବର୍ଷ ଲେଖାଏଁ କାରାଦଣ୍ଡାଦେଶ ଓ ୨୦୦୦ ଟଙ୍କା ଜରିମାନା ଆଦେଶ କରିଥିବା ଜଣେ ଆଇନଜୀବୀ କହିଛନ୍ତି ।

ଦଣ୍ଡାଦେଶ ପାଇଥିବା ବ୍ୟକ୍ତିମାନେ ହେଲେ ସୁନାମାଳି ପ୍ରଧାନ, ରବି ମଲ୍ଲିକ, ଟିକାଚନ୍ଦ୍ର ପ୍ରଧାନ ଓ ଲାଲାଜୀ ପ୍ରଧାନ । ୨୦୦୮ ଅଗଷ୍ଟ ୨୩ରେ ବିଶ୍ୱହିନ୍ଦୁ ପରିଷଦ ନେତା ସ୍ୱାମୀ ଲକ୍ଷ୍ମଣାନନ୍ଦ ସରସ୍ୱତୀ ଓ ତାଙ୍କର ଚାରି ଜଣ ସହଯୋଗୀଙ୍କ ହତ୍ୟା ପରେ ସମଗ୍ର ଜିଲ୍ଲାରେ ହିଂସାକାଣ୍ଡ ଦେଖାଦେଇଥିଲା । ହିଂସାକାଣ୍ଡରେ ୩୮ ଜଣଙ୍କ ମୃତ୍ୟୁ ହୋଇଥିଲା ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ସୀମାଞ୍ଚଳ ପଟ୍ଟନାୟକ

ଫୁଲବାଣୀ, ନଭେମ୍ବର ୨୬(ଓଡ଼ିଶା ଡ଼ଟ୍ କମ୍) କନ୍ଧମାଳ ଜିଲ୍ଲା ବ୍ରାହ୍ମଣି ଗାଁରେ ଜଣେ ଯୁବ ଠିକାଦାରଙ୍କୁ କେତେକ ଦୁର୍ବୃତ୍ତ ଗୁଳିକରି ହତ୍ୟା କରିଥିବା ପୋଲିସ ଶୁକ୍ରବାର କହିଛି ସଂପୃକ୍ତ ଠିକାଦାର ମନୋଜ ସାହୁଙ୍କୁ ଗୁରୁବାର ରାତିରେ ଦୁର୍ବୃତ୍ତମାନେ ହତ୍ୟା କରିଛନ୍ତି । ସେ କିଛି ଦିନ ଫୁଲବାଣୀ ଓ ପରେ ବ୍ରହ୍ମପୁରରେ ନିଜ ପରିବାର ସହ ରହୁଥିଲେ ।

ସାହୁ ରାଷ୍ଟ୍ରୀୟ ସ୍ୱୟଂ ସେବକ ସଂଘର ଜଣେ ସଦସ୍ୟ ଥିଲେ ଓ ପୂର୍ବରୁ ମାଓବାଦୀମାନେ ତାଙ୍କୁ ହତ୍ୟା ଧମକ ଦେଇଥିଲେ । ଗୁରୁବାର ଦାରିଙ୍ଗିବାଡ଼ି ଠାରେ ଏକ ଖ୍ରୀଷ୍ଟିୟ ସଭା ଅନୁଷ୍ଠିତ ହୋଇଥିଲା ଓ ଏଥିରେ ସ୍ଥାନୀୟ ସାଂସଦ ଅତିଥି ଭାବେ ଯୋଗ ଦେଇଥିଲେ ।

ଏହାର ୧୨ ଘଣ୍ଟା ନପୁରୁଣୁ ଏଭଳି ହତ୍ୟାକାଣ୍ଡକୁ ଆର୍ଏସ୍ଏସ୍ ପକ୍ଷରୁ ନିନ୍ଦା କରାଯାଇଛି । ତେବେ ଏହି ହତ୍ୟାକାଣ୍ଡ ଦୁର୍ବୃତ୍ତମାନେ ଘଟାଇଥିବା ଜିଲ୍ଲା ପୋଲିସ ମୁଖ୍ୟ ଏସ୍.ପ୍ରବୀଣ କୁମାର କହିଛନ୍ତି । ସାହୁଙ୍କ ପ୍ରତି ମାଓବାଦୀଙ୍କ ଧମକ ଥିବା ଘଟଣାକୁ କୁମାର ସ୍ୱୀକାର କରିଥିଲେ ମଧ୍ୟ ସବୁ ଦିଗରୁ ତଦନ୍ତ ଚାଲିଛି ବୋଲି ସେ କହିଛନ୍ତି ।

ଓଡିଶା ଡଟ୍ କମ୍