ପୁରସ୍କାର

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଡ଼ିସେମ୍ବର ୭(ଓଡ଼ିଶା ଡ଼ଟ୍ କମ୍) ଉତ୍କୃଷ୍ଟ ସେବା ପାଇଁ ଭୁବନେଶ୍ୱର ମହାନଗର ନିଗମକୁ ଶ୍ରେଷ୍ଠ କର୍ପୋରେସନ ଭାବେ ପୁରସ୍କୃତ କରାଯାଇଛି ।

ଏକ ସ୍ୱତନ୍ତ୍ର ଉତ୍ସବରେ ମୁଖ୍ୟଶାସନ ସଚିବ ବିଜୟ ପଟ୍ଟନାୟକ ବୁଧବାର ଏହି ପୁରସ୍କାର ପ୍ରଦାନ କରିଛନ୍ତି । କ୍ରମାଗତ ତୃତୀୟ ଥର ପାଇଁ ବିଏମ୍ସି ଏହି ପୁରସ୍କାର ହାସଲ କରିଛି ।

ସେହିପରି ବାଲେଶ୍ୱର ମୁନିସିପାଲିଟିକୁ ଶ୍ରେଷ୍ଠ ପୌରପରିଷଦ ଏବଂ ପାଟଣାଗଡ଼ ଏନ୍ଏସିକୁ ଶ୍ରେଷ୍ଠ ବିଜ୍ଞାପିତ ଅଂଚଳ ପରିଷଦ ଭାବେ ପୁରସ୍କୃତ କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ପାରାଦ୍ୱୀପ , ଜାନୁୟାରୀ ୩୦(ଓଡ଼ିଶା ଡ଼ଟ୍ କମ୍) ସର୍ବଭାରତୀୟ ସ୍ତରରେ ପରୀକ୍ଷାରେ ସଫଳତା ହାସଲ କରିଥିବା
ଜଗତସିଂହପୁର ଜିଲ୍ଲା ପାରାଦ୍ୱୀପର ଜଣେ ସ୍କୁଲ ଛାତ୍ରଙ୍କୁ ପୁରସ୍କୃତ କରାଯାଇଛି ।

ପାରାଦ୍ୱୀପସ୍ଥିତ ଡ଼ିଏଭି ପବ୍ଲିକ ସ୍କୁଲର ସପ୍ତମ ଶ୍ରେଣୀ ଛାତ୍ର ଅମ୍ଲାନ କୁମାର ସାହୁ ମ୍ୟାକ୍ସ ଆଇଜିନିଅସ ସ୍କୋଲାରସିପ ପରୀକ୍ଷାରେ ସର୍ବଭାରତୀ ସ୍ତରରେ ଦ୍ଵିତୀୟ ସ୍ଥାନ ହାସଲ କରିଥିବାରୁ ମ୍ୟାକ୍ସ ନିୟୁୟର୍କ ଲାଇଫ ଇନ୍ସ୍ୟୁରାନ୍ସ ପକ୍ଷରୁ ଏକ ଲକ୍ଷ ଟଙ୍କା ପୁରସ୍କାର ରାଶି ପ୍ରଦାନ କରାଯାଇଛି ।

ଏଭଳି ପୁରସ୍କାର ପାଇବାରେ ଅମ୍ଲାନ ଓଡ଼ିଶାର ପ୍ରଥମ ଛାତ୍ର । ୨୦୦୯ ନ୍ୟାସନାଲ ସାଇନ୍ସ ଅଲମ୍ପିଆଡ଼ ଓ ୨୦୦୮ରେ ନ୍ୟାସନାଲ ସାଇବର ଅଲମ୍ପିଆଡ଼ରେ ପ୍ରଥମ ସ୍ଥାନ ହାସଲ କରି ସେ ସ୍ୱର୍ଣ୍ଣ ପଦକ ପାଇଥିଲେ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ଡ଼ିସେମ୍ବର ୨୧(ଓଡ଼ିଶା ଡ଼ଟ୍ କମ୍) ଓଡ଼ିଆ ସାହିତ୍ୟ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ବିଶିଷ୍ଟ ସାହିତ୍ୟିକ ପ୍ରଫେସର ପଠାଣି ପଟ୍ଟନାୟକ କେନ୍ଦ୍ର ସାହିତ୍ୟ ଏକାଡ଼େମୀ ପୁରସ୍କାର ପାଇବାକୁ ମନୋନୀତ ହୋଇଛନ୍ତି ।

“ଜୀବନର ଚଲାପଥେ’ ଆତ୍ମଜୀବନୀ ପୁସ୍ତକ ପାଇଁ ତାଙ୍କୁ ଏହି ପୁରସ୍କାର ପ୍ରଦାନ କରାଯିବା ସହ ପୁରସ୍କାର ବାବଦରେ ତାଙ୍କୁ ଏକ ଲକ୍ଷ ଟଙ୍କା ଓ ମାନପତ୍ର ପ୍ରଦାନ କରାଯିବ ।

୧୯୨୮ ସେପ୍ଟେମ୍ବର ୨୯ରେ ଜନ୍ମଗ୍ରହଣ କରିଥିବା ପଟ୍ଟନାୟକ ତାଙ୍କ ଲେଖନୀ ପାଇଁ ୧୯୯୩ରେ ଓଡ଼ିଶା ସାହିତ୍ୟ ଏକାଡ଼େମୀ ପୁରସ୍କାର, ୧୯୯୪ରେ ସାରଳା ସମ୍ମାନ, ୨୦୦୧ରେ ସାହିତ୍ୟ ଭାରତୀ ସମ୍ମାନ ସହ ବିଭିନ୍ନ ଅନୁଷ୍ଠାନ ପକ୍ଷରୁ ସମ୍ମାନୀତ ହୋଇଛନ୍ତି ।

ପୁରୀରେ ହାଇସ୍କୁଲ ଓ କଲେଜ ଶିକ୍ଷା ସମାପ୍ତ କରିବା ପରେ ସେ ରେଭେନ୍ସା ମହାବିଦ୍ୟାଳୟରେ ସ୍ନାତକୋତ୍ତର ଡ଼ିଗ୍ରି ହାସଲ କରିଥିଲେ । ୧୯୫୪ରୁ ଅଧ୍ୟାପନା ବୃତ୍ତିରେ ପ୍ରବେଶ କରି ୧୯୫୪ରୁ ୧୯୮୨ ପର୍ଯ୍ୟନ୍ତ ଖ୍ରୀଷ୍ଟ କଲେଜ ଅଧ୍ୟାପକ ଓ ୧୯୮୨ରୁ ୧୯୮୮ ପର୍ଯ୍ୟନ୍ତ ଏହି କଲେଜର ଅଧ୍ୟକ୍ଷ ଭାବେ ଦାୟିତ୍ୱ ତୁଲାଇଥିଲେ ।

ଜଣେ ପ୍ରାବନ୍ଧିକ ଓ ସମାଲୋଚକ ଭାବେ ସେ ୨୪ଟି ପ୍ରବନ୍ଧ ଓ ୧୩ଟି ଶିଶୁ ସାହିତ୍ୟ ପୁସ୍ତକ ରଚନା କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ