• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ସାହିତ୍ୟ

ତୈ୍ରମାସିକ ସାହିତ୍ୟ ସଂସ୍କୃତି ପତ୍ରିକା ମଧୁର ଭାରତୀ ଉନ୍ମୋଚିତ

August 28, 2012 by admin Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଅଗଷ୍ଟ ୨୮(ଓଡ଼ିଶା ଡ଼ଟ୍ କମ୍)-ମଙ୍ଗଳବାରର ମଙ୍ଗଳ ସଂଧ୍ୟା । ଏହି ସଂଧ୍ୟାରେ ଏକାମ୍ର ନଗରୀର ଜୟଦେବ ଭବନ ଲୋକନୃତ୍ୟ ଓ ଭଂଜ ସାହିତ୍ୟ ଆଲୋଚନାରେ ମୁଖରିତ ହୋଇ ଉଠୁଥିଲା ।

ମଧୁର ଝଙ୍କାର କଳାକାରବୃନ୍ଦଙ୍କ ଦ୍ୱାରା ପରିବେଶିତ ଭଂଜ ସଂଗୀତ ଓ ଓଡିଆ ସଂଗୀତ ବିଚିତ୍ରା ଦର୍ଶକମାନଙ୍କୁ ବିମୁଗ୍ଧ କରିେଇଥିଲା ।

ଆଜି ମଧୁର ଝଙ୍କାର ଅନୁଷ୍ଠାନର ଦଶମ ବାର୍ଷିକ ଉତ୍ସବ ଅନଷ୍ଠାନର ଅଧ୍ୟକ୍ଷା ଜୟନ୍ତୀ ପଢିଆରୀଙ୍କ ସଭାପତିତ୍ୱରେ ଅନୁଷ୍ଠିତ ହୋଇ ଯାଇଛି ।

ଏହି ଉପଲକ୍ଷେ ଅବସର ପ୍ରାପ୍ତ ଆଇ.ଏ.ଏସ୍ ସୁଦର୍ଶନ ନାୟକ, ଗାଳ୍ପିକା ପାରମିତା ଶତପଥୀ,କୌସ୍ତୁଭ ଗ୍ରୁଫର ଚେୟାରମ୍ୟାନ ପ୍ରଭାତ ରଂଜନ ମଲ୍ଲିକ,କବୀ ଡ.ସୁଷମା ମିଶ୍ର,ଯୁବ ଉଦ୍ୟୋଗବିତ୍ ସାରଥି ସ୍ୱାଇଁ ,କଣ୍ଠଶିଳ୍ପୀ ସସ୍ମିତା ଦାଶ,ଲୋକନୃତ୍ୟ ଶିଳ୍ପୀ ଶଙ୍କର ସାହୁ, ଓଡିଶା ସଂଗୀତ ନାଟକ ଏକାଡେମୀ ସଦସ୍ୟ ଗଣେଶ୍ୱର ସାହୁ,ଅଖିଳ ଭାରତ ଓଡିଆ ସାହିତ୍ୟ ପରିଷର ମହାସଚିବ ଡ.ଗଙ୍ଗାଧର ନାୟକ,ଆନ୍ତଜାତୀୟ ଓଡିଶା ନୃତ୍ୟଶିଳ୍ପୀ ଗୁରୁ ଜ୍ୟୋତି ରାଉତ୍ ଆଦି ସାରସ୍ୱତ ଓ ସାଧକମାନଙ୍କୁ ଅନୁଷ୍ଠାନ ପକ୍ଷରୁ ସମ୍ବଦ୍ଧିତ କରାଯାଇଥିଲା ।

ଅନୁଷ୍ଠାନର ତୈ୍ରମାସିକ ସାହିତ୍ୟ ସଂସ୍କୃତି ପତ୍ରିକା ମଧୁର ଭାରତୀ ଏହି ଅବସରରେ ଉନ୍ମୋଚିତ ହୋଇଥିଲା ।

ଓଡ଼ିଶା ଡ଼ଟ୍ କମ୍

Filed Under: ମୁଖ୍ୟ ଖବର, ସାହିତ୍ୟ Tagged With: ଜୟଦେବ ଭବନ, ପତ୍ରିକା ମଧୁର ଭାରତୀ, ଲୋକନୃତ୍ୟ

‘ସୁସ୍ଥ ସମାଜ ଗଠନରେ ସାମ୍ବାଦିକଙ୍କ ଭୂମିକା’ ଶୀର୍ଷକ ଆଲୋଚନା

August 26, 2012 by admin Leave a Comment

ଓଡ଼ିଶା ଡ଼ଟ୍ କମ୍: ସ୍ନିଗ୍ଧା ରାୟ

ଭଦ୍ରକ, ଅଗଷ୍ଟ ୨୬ (ଓଡ଼ିଶା ଡ଼ଟ୍ କମ୍) ସୁସ୍ଥ ସମାଜ ଗଠନରେ ସାମ୍ବାଦିକମାନଙ୍କର ଭୂମିକା ଶୀର୍ଷକ ଆଲୋଚନାଚକ୍ର ନୂଆବଜାରସ୍ଥିତ ସର୍ବସାଧାରଣ ଜିଲ୍ଲା କାର୍ଯ୍ୟାଳୟଠାରେ ଅନୁଷ୍ଠିତ ହୋଇଯାଇଛି ।

ଏହି ଉତ୍ସବକୁ ପ୍ରାକ୍ତନ ବିଧାୟକ ବିଷ୍ଣୁ ଚରଣ ସେଠୀ ଆନୁଷ୍ଠାନିକ ଭାବେ ଉଦ୍ଘାଟନ କରି ସମାଜ ଗଠନରେ ସାମ୍ବାଦିକମାନଙ୍କ ଭୂମିକା ସଂପର୍କରେ ଅବଗତ କରାଇଥିଲେ । ଆଲୋଚନା ଚକ୍ରରେ ସାମ୍ବାଦିକ ମହେଶ ମିଶ୍ର ପ୍ରାରମ୍ଭିକ ସୂଚନା ଦେଇଥିବା ବେଳେ ପ୍ରଦୀପ ମହାପାତ୍ର ସ୍ୱାଗତ ଭାଷଣ ଦେଇଥିଲେ ।

ସାମ୍ବାଦିକ ରବିନାରାୟଣ ଖିଲାରଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉତ୍ସବରେ ପୂର୍ବତନ ମନ୍ତ୍ରୀ ତଥା ବିଧାୟକ ପ୍ରଫୁଲ୍ଲ ସାମଲ ମୁଖ୍ୟଅତିଥି ଏବଂ ସମ୍ମାନିତ ଅତିଥିଭାବେ ଜିଲାପରିଷଦର ଅଧ୍ୟକ୍ଷ ଜଗନ୍ନାଥ ସ୍ୱାଇଁ, ଜିଲା କଂଗ୍ରେସ ସଭାପତି ବଦ୍ରିନାରାୟଣ ଧଳ, ବରିଷ୍ଠ ସାମ୍ବାଦିକ ପ୍ରମୋଦ ରାୟ, ଅମର ନାୟକ, ରୁଦ୍ର ନାୟକ, ରାଜେନ୍ଦ୍ର ପ୍ରସାଦ ଜେନା, ଜ୍ଞାନରଂଜନ ପାଣୀ ପ୍ରମୁଖ ଯୋଗେଇ ସାମ୍ବାଦିକକମାନେ ଗଣତନ୍ତ୍ରର ଜାଗ୍ରତ ପ୍ରହରୀ ରୂପେ ତାଙ୍କ ଲେଖନୀ ମୂନରେ ସମାଜର ନିଛକ ଛବିକୁ ପ୍ରକାଶ କରିବା ଉଚିତ୍ ବୋଲି କହିଥିଲେ ।

ଏବଂ ସେମାନେ ନିରପେକ୍ଷ ଭାବେ ସମ୍ବାଦପରିବେଷଣ କଲେ ସୁସ୍ଥ ସମାଜ ଗଠନ ହୋଇପାରିବ ବୋଲି ଆହ୍ୱାନ ଦେଇଥିଲେ ।

ଅନ୍ୟମାନଙ୍କ ମଧ୍ୟର ସାମ୍ବାଦିକ ତପନ ମିଶ୍ର, ଉମାକଲ୍ୟାଣ ମହାପାତ୍ର, ଶାନ୍ତନୁ ପଣ୍ଡା, ସୌମିତ୍ର ସିକାର, ଶୈଳେନ୍ଦ୍ର ପଲାଇ, ନବ ସ୍ୱାଇଁ, ରବି ସାହୁ, ଗଜେନ୍ଦ୍ର ମହାରଣା, ବୀରେନ୍ଦ୍ର ଜେନା, ପାତଞ୍ଜଳୀକର ଶର୍ମା ପ୍ରମୁଖ ଯୋଗ ଦେଇଥିଲେ । ଶେଷରେ ନରେନ୍ଦ୍ର ସାମଲ ଧନ୍ୟବାଦ ଅର୍ପଣ କରିଥିଲେ ।

ଓଡ଼ିଶା ଡ଼ଟ୍ କମ୍

Filed Under: ଓଡିଶା ଖବର, ମୁଖ୍ୟ ଖବର, ସାହିତ୍ୟ Tagged With: ସାମ୍ବାଦିକଙ୍କ ଭୂମିକା

ବହୁଭାଷୀ ନାଟ୍ୟ ଲୋକପ୍ରିୟତା ହରାଇ ନାହିଁ: ଆଲୋଚନାରେ ମତ

August 26, 2012 by admin Leave a Comment

ଓଡ଼ିଶା ଡ଼ଟ୍ କମ୍: ସ୍ନିଗ୍ଧା ରାୟ

ଭଦ୍ରକ, ଅଗଷ୍ଟ ୨୬ (ଓଡ଼ିଶା ଡ଼ଟ୍ କମ୍) ମୋଗଲ ତାମସା ଭଦ୍ରକର ଗର୍ବ ଓ ଗୌରବ । ଏହି ବହୁଭାଷୀ ନାଟ୍ୟ ଏବେ ବି ଲୋକପ୍ରିୟତା ହରାଇ ନାହିଁ ବୋଲି ଇନ୍ଟାକ୍ ଭଦ୍ରକ ଶାଖା ପକ୍ଷରୁ ଆୟୋଜିତ ଆଲୋଚନା ଚକ୍ରରେ ଓଡିଶାର ବିଶିଷ୍ଟ ନାଟ୍ୟ ବିଶେଷଜ୍ଞମାନେ ମତ ପ୍ରକାଶ କରିଛନ୍ତି ।

ରାଜଘାଟ ନିକଟସ୍ଥ ରାଜକଲି ଟାୱାର-ମୋହନ ପ୍ଲାଜାର ସମ୍ମିଳନୀ କକ୍ଷରେ ଅୟୋଜିତ ଏହି ବର୍ଣ୍ଣାଢ୍ୟ ଉତ୍ସବରେ ପ୍ରଫେସର ଡଃ ସନାତନ ମହାନ୍ତି ଅଧ୍ୟକ୍ଷତା କରିଥିଲେ ।

ଏହି ସମାବେଶରେ ଓଡିଶାର ବିଶିଷ୍ଟ ନାଟ୍ୟକାର ଅନନ୍ତ ମହାପାତ୍ର, ରାଜ୍ୟ ଅର୍ଥକମିଶନର ପୂର୍ବତନ ବରିଷ୍ଠ ସଦସ୍ୟ ନୀହାର ରଂଜନ ହୋତା, ଅତିରିକ୍ତ ଜିଲ୍ଲାପାଳ ଦେବେନ୍ଦ୍ର କୁମାର ମହାପାତ୍ର, ନାଟ୍ୟ ନିର୍ଦେଶକ ବାଲ ସିକାର ପ୍ରମୁଖ ଅତିଥି ଭାବରେ ଯୋଗଦେଇ “ଓଡିଶାର ଅଦୃଶ୍ୟମାନ ଐତିହ୍ୟ ସଂପର୍କରେ ବିଶ୍ଵ ଆଲୋଚନା କରିଥିଲେ ।

ଭଦ୍ରକ ଶାଖା ଇନ୍ଟାକ୍ର ଆବାହକ ଦିଗମ୍ବର ମହାନ୍ତି ସ୍ୱାଗତ-ସୂଚନା ସହ ଭଦ୍ରକ ଶାଖାର ଅଦ୍ୟାବଧୀ କାର୍ଯ୍ୟକ୍ରମର ଅଗ୍ରଗତି ସମ୍ବନ୍ଧରେ ବକ୍ତବ୍ୟ ଦେଇଥିଲେ ।

‘ସଙ୍କେତ’ ନାଟ୍ୟ ସଂସ୍ଥା ପକ୍ଷରୁ ଏକ ମନୋଜ୍ଞ ମଧ୍ୟରେ ‘ମୋଗଲ ତାମସା’ ପ୍ରଦର୍ଶନ କରାଯାଇଥିଲା । ଇନ୍ଟାକ ଶାଖାର ସମସ୍ତ ସଦସ୍ୟ ସଦସ୍ୟାଙ୍କ ସମେତ ନାଟ୍ୟପ୍ରେମୀମାନେ ବହୁ ସଂଖ୍ୟାରେ ଯୋଗ ଦେଇ ଭରପୂର ପ୍ରଦର୍ଶନୀ କକ୍ଷରେ ନାଟ୍ୟ ପ୍ରଦର୍ଶନକୁ ମନଭରି ଉପଭୋଗ କରିଥିଲେ ।

ବିମ୍ବାଧର ବ୍ରହ୍ମ, ଚିତ୍ତରଂଜନ ବରାଳ, ବିଷ୍ଣୁ ପ୍ରସାଦ ସେଠୀ, ବିଜୟ କୁମାର ମହାନ୍ତି, ଘନଶ୍ୟାମ ଲେଙ୍କା, ଶାନ୍ତିଲତା ନାଗ, ସାନ୍ତନୁ ରାଉତ, କୈଳାସ ଚନ୍ଦ୍ର ପଣ୍ଡା, ଡଃ ଭାଗବତ ତ୍ରିପାଠୀ, ଡଃ ରାମଚରଣ ନାୟକ, ଡଃ ମନିନ୍ଦ୍ର ମହାନ୍ତି, ମୁରଲୀଧର ପଣ୍ଡା, ପ୍ରହ୍ଲାଦ ପଲେଇ, ଡଃ ପ୍ରଭାସ ମହାନ୍ତି, ପ୍ରଭାକର ମଲ୍ଲିକ, ହରମୋହନ କୁଅଁର, ଆଶିଷ କୁମାର ବେଗୋସ୍ୱାମୀ ପ୍ରମୁଖ କାର୍ଯ୍ୟକ୍ରମକୁ ସଫଳ କରିବାରେ ସହାୟତା କରିଥିଲେ ।

ଓଡ଼ିଶା ଡ଼ଟ୍ କମ୍

Filed Under: ଓଡିଶା ଖବର, ମୁଖ୍ୟ ଖବର, ସାହିତ୍ୟ Tagged With: ବହୁଭାଷୀ ନାଟକ

ବିଷ୍ଣୁପଦଙ୍କ “କୁଆଡେ ଯିବି” ପୁସ୍ତକ ଉନ୍ମୋଚିତ

February 13, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃୟାରୀ ୧୩(ଓଡ଼ିଶା ଡ଼ଟ୍ କମ୍) ବିଶିଷ୍ଟ ପ୍ରଶାସକ ତଥା କବି ବିଷ୍ଣୁପଦ ସେଠୀଙ୍କ ଇଂରାଜୀ କବିତା ସଂକଳନ “ହ୍ୱେୟାର ସାଲ୍ ଆଇ ଗୋ”ର ଓଡିଆ ଅନୁବାଦ “କୁଆଡେ ଯିବି” ଉନ୍ମୋଚିତ ହୋଇଯାଇଅଛି ।

ବିଶିଷ୍ଟ ଶିଶୁ ସାହିତ୍ୟିକ ତଥା ଶିକ୍ଷାବିତ ପର୍ଶୁରାମ ସ୍ୱାଇଁ ଉକ୍ତ କବିତା ସଂକଳନର ଓଡିଆ ଅନୁବାଦ କରିଛନ୍ତି ।

ଲାର୍କବୁକ୍ସ ପ୍ରକାଶନ ସଂସ୍ଥା ପକ୍ଷରୁ ଅନୁଷ୍ଠିତ ଉନ୍ମୋଚନ ସଭାରେ “ଚିର ସନ୍ଧାନ” ସମ୍ପାଦକ ଅଧ୍ୟାପକ ପାର୍ଥସାରଥି ଅଜୟ ବାରିକ୍ ମୁଖ୍ୟ ଅତିଥି ଭାବରେ ଯୋଗ ଦେଇ କହିଲେ ଯେ, ବିଷ୍ଣୁପଦ ବାବୁଙ୍କ ନାମରେ କବିତାର ଝଙ୍କାର ସୃଷ୍ଟିହୁଏ ।

ତାଙ୍କ କବିତାର ଜୀବନ ଦର୍ଶନ ପାଠକର ପ୍ରାଣକୁ ଅନ୍ଦୋଳିତ କରେ । ଅନୁବାଦ ଏକ ସର୍ଜନଶୀଳ କଳା । ଏହାର ସଫଳ ଅନୁବାଦ କରି ପର୍ଶୁରାମ ବାବୁ ସମସ୍ତଙ୍କର ପ୍ରିୟ ଭାଜନ ହୋଇଛନ୍ତି । ସୋହେଲ୍ ଅକ୍ତାର ଉକ୍ତ ପୁସ୍ତକଟିର ମଧ୍ୟ ଉର୍ଦ୍ଧୁ ଅନୁବାଦ କରିଛନ୍ତି ।

ବିଶିଷ୍ଟ ପ୍ରଶାସକ ତଥା ପୂର୍ବତନ ରାଷ୍ଟ୍ରଦୂତ ଅବସର ବେଉରିଆଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉଶ୍ଚବରେ ଅନ୍ୟତମ ଆଲୋଚକ ଭାବରେ କେନ୍ଦ୍ର ସାହିତ୍ୟ ଏକାଡେମୀ ପୁରସ୍କାର ପ୍ରାପ୍ତ କବି ଡଃ ପ୍ରମୋଦ ମହାନ୍ତି ଯୋଗ ଦେଇ ପୁସ୍ତକଟିର ତାତ୍ତ୍ୱିକ ବିଶ୍ଳେଷଣ କରିଥିଲେ ।

ପ୍ରାରମ୍ଭରେ କବି ପର୍ଶୁରାମ ସ୍ୱାଇଁ ସ୍ୱାଗତ ଭାଷଣ ଓ କବି ବିଷ୍ଣୁପଦ ସେଠୀ ପୁସ୍ତକ ସମ୍ବନ୍ଧରେ ସୂଚନା ପ୍ରାଦାନ କରିଥିଲେ । ଅନ୍ୟମାନଙ୍କ ମଧ୍ୟରେ ପ୍ମଦଶ୍ରୀ ଡଃ ଦେବୀ ପ୍ରସନ୍ନ ପଟ୍ଟନାୟକ ଓ ପଦ୍ମଭୂଷଣ କବି ରମାକାନ୍ତ ରଥ ପ୍ରମୁଖ ଉପସ୍ଥିତ ଥିଲେ । ଶେଷରେ ପ୍ରକାଶକ ମହେନ୍ଦ୍ର ମିଶ୍ର ଧନ୍ୟବାଦ ଦେଇଥିଲେ ।

ଓଡ଼ିଶା ଡ଼ଟ୍ କମ୍

Filed Under: ମୁଖ୍ୟ ଖବର, ସାହିତ୍ୟ Tagged With: _âgûiK, gògê iûjòZòýK

ଅଧ୍ୟାପକ ପବିତ୍ର ପାଣିଗ୍ରାହୀଙ୍କୁ ‘ସ୍ପନ୍ଦନ’ ଗଳ୍ପ ସମ୍ମାନ

January 3, 2012 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ : ସ୍ନିଗ୍ଧା ରାୟ

ଭଦ୍ରକ, ଜାନୁୟାରୀ ୩(ଓଡ଼ିଶା ଡ଼ଟ୍ କମ୍) ଭଦ୍ରକ ଜିଲ୍ଲାର ଅଧ୍ୟାପକ ତଥା ଗାଳ୍ପିକ ପବିତ୍ର
ପାଣିଗ୍ରାହୀଙ୍କୁ ‘ସ୍ପନ୍ଦନ’ ଗଳ୍ପ ସମ୍ମାନରେ ସମ୍ମାନୀତ କରାଯାଇଛି ।

ସ୍ପନ୍ଦନ ପରିବାର ପକ୍ଷରୁ ଜଳେଶ୍ୱର ଠାରେ ତାଙ୍କୁ ମାନପତ୍ର, ଉତ୍ତରୀୟ ଓ ଉପଢ଼ୌକନ ସହ ଅର୍ଥରାଶି
ପ୍ରଦାନ କରାଯାଇଛି ।

ପାଣିଗ୍ରାହୀଙ୍କ ‘ବରଂ ଅନ୍ଧାରଭଲ’ ଓ ‘ସ୍ୱପ୍ନଚୋରୀ’ ଭଳି ୯ଟି ଗଳ୍ପ ସଙ୍କଳନ, ବେସରକାରୀ କଲେଜ
ପୃଷ୍ଠଭୂମିରେ ଲିଖିତ ଉପନ୍ୟାସ ‘ଡଅଁର’ ଗୋଟିଏ କବିତା ଓ ଫିଚର ପୁସ୍ତକ, ପ୍ରେମଚାନ୍ଦଙ୍କ
‘ସେବାସନ’ ଭଳି ୩ଟି ଅନୁବା ପୁସ୍ତକ ଓ ୭ଟି ସଂପାଦିତ ଗଳ୍ପ ସଂକଳନ ପ୍ରକାଶିତ ହୋଇ
ପାଠକୀୟଙ୍କ ଶ୍ରଦ୍ଧା ଓ ସ୍ୱୀକୃତି ଲାଭ କରିଛି ।

ତାଙ୍କର ଏହି ସାମଗ୍ରିକ କୃତିତ୍ୱ ତଥା ଗଳ୍ପ ରଚନାରେ ଦକ୍ଷତା ନିମେନ୍ତ ତାଙ୍କୁ ସମ୍ମାନୀତ କରାଯାଇଛି ।

ଓଡ଼ିଶା ଡ଼ଟ୍ କମ୍

Filed Under: ମୁଖ୍ୟ ଖବର, ସାହିତ୍ୟ Tagged With: ଅଧ୍ୟାପକ, ସ୍ପନ୍ଦନ

ଆମେରିକାରେ ଓଡ଼ିଆ ସାହିତ୍ୟର ପ୍ରଚାର ପାଇଁ ଉଦ୍ୟମ

December 24, 2011 by ଓଡିଶା ଡଟ କମ

ସତ୍ୟ ପଟ୍ଟନାୟକ

ମିସିସିପି, ଡ଼ିସେମ୍ବର ୨୪(ଓଡ଼ିଶା ଡ଼ଟ୍ କମ୍) ଯୁକ୍ତରାଷ୍ଟ୍ର ଆମେରିକାରେ ଓଡ଼ିଆ ସାହିତ୍ୟର ପ୍ରଚାର ଓ ପ୍ରସାର ପାଇଁ ଉଦ୍ୟମ ଆରମ୍ଭ ହୋଇଛି ।

୨୩ ତାରିଖ ସଂଧ୍ୟାରେ ଆମେରିକା କାନାଡ଼ାର ବିିଭିନ୍ନ ସହରରୁ କବି ଓ ଗାଳ୍ପିକମାନେ ସ୍କାଇପ ମାଧ୍ୟମରେ ନିଜ ନିଜର କବିତା ଓ ଗଳ୍ପ ପାଠ କରିଥିଲେ ।

ସବିତା ପାଣିଗ୍ରାହୀଙ୍କ ଦ୍ୱାରାଆୟୋଜିତ ଓ ସତ୍ୟ ପଟ୍ଟନାୟକଙ୍କ ଦ୍ୱାରାସଂଯୋଜିତ ଏହି କାର୍ଯ୍ୟକ୍ରମରେ ମିନେସୋଟାରୁ କଳ୍ପନାମୟୀ ଦାଶ, ମେରଲ୍ୟାଣ୍ଡରୁ ବେରାଜ ସାହୁ ଓ ସ୍ନିଗ୍ଧା ହୋତା, ଓହିଓରୁ ସତ୍ୟ ପଟ୍ଟନାୟକ ଏବଂ ଅନ୍ୟମାନେ ଯୋଗ ଦେଇଥିଲେ ।

ସେହିପରି ଚଳିତ ମାସ ୧୭ରେ ମଧ୍ୟ ନରେଶ ।ସଙ୍କ ଆୟୋଜିତ ଓ ସୁଲୋଚନା ପଟ୍ଟନାୟକଙ୍କ ସଂଯୋଜିତ ଏକ କବି ସମ୍ମିଳନୀ ମେରିଲ୍ୟାଣ୍ଡରେ ଅନୁଷ୍ଠିତ ହୋଇଥିଲା ।

ଉଲ୍ଲେଖଯୋଗ୍ୟ, ଆସନ୍ତା ଜାନୁୟାରୀରେ ଆମେରିକାରୁ ସତ୍ୟ ପଟ୍ଟନାୟକଙ୍କ ସଂପାଦନାରେ ପ୍ରଥମ ଓଡ଼ିଆ ପତ୍ରିକା””ପ୍ରତିଶୃତି” ପ୍ରକାଶିତ ହେବାକୁ ଯାଉଛି ।

ଓଡ଼ିଶାର ସାହିତ୍ୟ ଓ ସଂସ୍କୃତିକୁ ଆମେରିକାରେ ରହୁଥିବା ପ୍ରବାସୀ ଓଡ଼ିଆ ମାନଙ୍କ ସହିତ ନିୟମିତ ଭାବରେ ଯୋଡ଼ି ରଖିବା ପାଇଁ ଏହା ଏକ ବଳିଷ୍ଠ ପଦକ୍ଷେପ । ଏହି ପତ୍ରିକାରେ ଓଡ଼ିଶାର ବହୁ ବିଶିଷ୍ଟ ସାହିତ୍ୟିକଙ୍କ ଲେଖା ପ୍ରକାଶ ପାଇବ ।

ଓଡ଼ିଶା ଡ଼ଟ୍ କମ୍

Filed Under: ମୁଖ୍ୟ ଖବର, ସାହିତ୍ୟ Tagged With: ଯୁକ୍ତରାଷ୍ଟ୍ର ଆମେରିକା, ସାହିତ୍ୟ

“ମୋ ଶବ୍ଦର ଦୁନିଆ”: ଏକ ପ୍ରେମର ସ୍ୱର(ପୁସ୍ତକ ସମୀକ୍ଷା)

November 24, 2010 by ନିଉଜ ଡେସ୍କ Leave a Comment

“ମୋ ଶବ୍ଦର ଦୁନିଆ”: ଏକ ପ୍ରେମର ସ୍ୱର(ପୁସ୍ତକ ସମୀକ୍ଷା)

ନିଜ ପ୍ରଥମ କବିତା ସଂକଳନରେ “ହ୍ୱେୟାର ସାଲ ଆଇ ଗୋ”(ମୁଁ କେଉଁଠିକି ଯିବି) ବୋଲି ନିଜକୁ ପଚାରୁଥିବା କବି ବିଷ୍ଣୁପଦ ସେଠୀ, ଏବେ ତାଙ୍କ ଶବ୍ଦ ଦୁନିଆ(ମାଇଁ ୱାଲ୍ଡ ଅଫ ୱାର୍ଡ଼ସ୍)ରେ ପହଞ୍ଚି ଯାଇଛନ୍ତି ।

bishnupada_sethiମାଇଁ ୱାଲ୍ଡ ଅଫ ୱାର୍ଡ଼ସ୍ (ମୋ ଶବ୍ଦର ଦୁନିଆ)ର କବିତା ସଂକଳନରେ ଥିବା କବିତା ମାନଙ୍କ ଭିତରକୁ ପ୍ରବେଶ କଲେ ପାଠକକୁ ହିଁ ହଜି ଯିବାକୁ ପଡ଼ିଥାଏ । ବିଷ୍ଣୁପଦଙ୍କ କବିତା ଭିତରେ ଜଣେ ପାଠକ ଏଇଥି ପାଇଁ ସହଜରେ ନିଜକୁ ହଜେଇ ଦେଇ ପାରିବ ବୋଧହୁଏ ଯେ ତାଙ୍କ କବିତା ଖୁବ୍ ସରଳ ଭାବାର୍ଥରେ ଓ ବୋଧଗମ୍ୟ ଭାଷାରେ ଲିପିବଦ୍ଧ ହୋଇଥାଏ ।

ଅନ୍ୟ ପକ୍ଷରେ ଏତେ ଭୟଙ୍କର ଦାର୍ଶନିକତା ନ ଥାଏ ଯେ ପାଠକ, କବିତା ପଢୁପଢୁ ଦର୍ଶନ ଭିତରେ ପୋତି ହୋଇଯିବ । ନିତି ଦିନିଆ ଛୋଟ ଛୋଟ ଘଟଣା, ସମ୍ବେଦନା, ସହାନୁଭୂତି, ପ୍ରେମ, ଅନୁଭବ, କରୁଣା ଇତ୍ୟାଦିକୁ ନେଇ ବିଷ୍ଣୁପଦ ଗଢନ୍ତି ତାଙ୍କ ଶବ୍ଦର ଦୁନିଆ ।

ଏମିତି ବି କବିତା ମାନ ବିଷୟବସ୍ତୁ ସର୍ବସ୍ୱ ନୁହେଁ ଯେଉଁଠି ପାଠକକୁ କବିତାଟି ଗଦ୍ୟମୟତାରେ ଅଣନିଃସ୍ୱାସୀ ଲାଗିବ । ବିଷୟବସ୍ତୁ ଚୟନ ଓ କବିତାର ବୋଧଗମ୍ୟତାକୁ ନିରୀକ୍ଷଣ କଲେ ଲାଗେ, ଯେମିତି କେହି ଜଣେ ଏକ ଝଙ୍କାଳିଆ ଆମ୍ବଗଛରବଣ ଭିତରେ ଏକା ଏକା ଯାଉଛି ଏବଂ ତାକୁ କୋଇଲିର ଟାଇଁଟାଇଁ ଶବ୍ଦ ଚମକେଇ ଦେଉଛି ।

ଲୋକଟି ନିକଟରେ ଡ଼ାକ ପାରୁଥିବା କୋଇଲିକୁ ଦେଖିବାକୁ ଚେଷ୍ଟା କରୁଛି ହେଲେ ଦେଖିସିନା ପାରୁନି କିନ୍ତୁ ତା’ ଡ଼ାକରେ ଶିହରି ଉଠୁଛି । ବିଷ୍ଣୁପଦଙ୍କ କବିତାର ବିଷୟବସ୍ତୁ କୋଇଲି ସଦୃଶ୍ୟ ହେଲେ କବିତା ଭିତରର ଅର୍ନ୍ତି ନିର୍ହିତ ଭାବ ଓ ବୋଧଗମ୍ୟତା ହେଉଛି କୋଇଲିର ଡ଼ାକ ।

ପୃଥିବୀରେ ଭଲ ପାଇବା ଛଡ଼ା ବୋଧହୁଏ କିଛି ନାହିଁ ଯାହାକି ଏକ ମଣିଷକୁ ସଂପୂର୍ଣ୍ଣ ମଣିଷ ପଣିଆର ଦର୍ଜା ଦେଇ ସମାଜରେ ଠିଆ କରେଇ ପାରିବ । ଏହି କଥାର ସତ୍ୟତାକୁ ପ୍ରତିପାଦିତ କରିବାକୁ ଯାଇ କବି ବିଷ୍ଣୁପଦ କହନ୍ତି
..କେହି ନା କେହି
କାହାକୁ ନା କାହାକୁ
ନିଶ୍ଚୟ ଭଲ ପାଉଥିବ
କାରଣ ମଣିଷ ମାତ୍ରକେ ହିଁ
ପ୍ରେମରେ ବନ୍ଧା…….
…………………….
ଏ ବିଶ୍ୱ ପ୍ରେମରେ ଗଢା,

ପ୍ରେମର କଥା କହୁଥିବା ବିଷ୍ଣୁପଦ କେବଳ ନିଜ ପ୍ରେମରେ କବିତାକୁ ସୀମିତ କରି ରଖିନାହାନ୍ତି ବରଂ ବିଶ୍ୱପ୍ରେମ ସହ, ଆଧ୍ୟାତ୍ମିକ ପ୍ରେମର କଥା ମଧ୍ୟ କହୁଛନ୍ତି । ପ୍ରେମକୁ ବଞ୍ଚେଇ ରଖିବା ପାଇଁ ପ୍ରେମିକାର ଶାରୀରୀକ ଉପସ୍ଥିତି ଯେତେ ଗୁରୁତ୍ୱ ନୁହେଁ ବରଂ ତାର ସ୍ମୃତି ହିଁ ପ୍ରେମିକକୁ ଜୀବିତ କରି ରଖିଥାଏ ।

ସିଏ କହନ୍ତି ପ୍ରେମିକାର ଉପଲବ୍ଧôରେ ହିଁ ପ୍ରେମ ଘନିଭୂତ ହୋଇଥାଏ ଯାହାକି ମେଘର ବାଟକୁ ବି ଓଗାଳିବାକୁ ସମର୍ଥ ହୋଇଥାଏ । ଏଠାରେ ମୁଖ୍ୟ କଥା ଯେ “ପ୍ରେମରେ କିନ୍ତୁ ନିପୁଣତା” ରହିବା ଉଚିତ । ତାଙ୍କ ଭାଷାରେ

“ତୁ କିଏ?
କାହିଁକି ମୋ ସହ ରହିଥାଉ ! ”

ପ୍ରେମିକାର ଉପସ୍ଥିତିକୁ କବିତାରେ ଏଭଳି ମାର୍ମିକ ଆବେଦନରେ ପ୍ରଶ୍ନ କରୁଥିବା କବି ବି ଖୋଜନ୍ତି ଇଶ୍ୱରଙ୍କ ଉପସ୍ଥିତି ଓ ବିଶ୍ୱାସକୁ , ସ୍କୁଲ ବେଳେ ଗଛ ଲଗାଇଥିବା ସ୍ମୃତିକୁ ଏବଂ ଖାସ୍ କରି କୌଣସି ଏକ ମହିମା ଧର୍ମର ସାଧୁଙ୍କୁ ଯାହାଙ୍କ ଅବର୍ତ୍ତମାନ ଘାରିଥାଏ ତାଙ୍କୁ ବେଶୀବେଶୀ ।

ମହିମା ଧର୍ମର ଏହି ସାଧୁ ଜଣକ ଇତିହାସ ପାଲଟିଲେ କି ନାହିଁ, ତା ତ ଆକଳନ କରିବା ସହଜ ନୁହେଁ । ତେବେ ଏହି ଇତିହାସକୁ ପ୍ରତିଷ୍ଠା ଦେଇଛନ୍ତି ଶ୍ରୀ ବିଷ୍ଣୁପଦ ସେଠୀ, କେବଳ ତାଙ୍କ ବହିକୁ ” ମହିମା ଅଲେଖ’କୁ ଉତ୍ସର୍ଗ କରି ନୁହେଁ ବରଂ ନିଜ କନ୍ୟା ଓ ପୁତ୍ର ସନ୍ତାନ ଦ୍ୱୟଙ୍କୁ “ମହିମା” ଓ “ଅଲେଖ” ଭାବରେ ନାମ କରଣ କରି ।

ସେହିଭଳି ଅନ୍ୟ ଏକ ଐତିହାସିକ ଘଟଣାକୁ ଦୋହୋରେଇ ବିଷ୍ଣୁପଦ ଲେଖନ୍ତି କଳିଙ୍ଗ ଯୁଦ୍ଧର କଥା । ସିଏ ଦୟା ନଦୀ କଡ଼ରେ ଠିଆ ହୋଇ ଇତିହାସକୁ ଯେମିତି ଉଦ୍ଜୀବିତ କରନ୍ତି ଏବଂ ନିଜକୁ ଏକ ସ୍ୱଭାବିକ ପ୍ରଶ୍ନ କରନ୍ତି ଯେ “କଳିଙ୍ଗ ଯୁଦ୍ଧ ସମୟରେ ହୁଏତ ମୋର ପୂର୍ବ ପୁରୁଷ ନିଶ୍ଚୟ ଥିଲେ ? ସେମାନେ ହାରିବା ଦଳରେ ଥିଲେ ନା ଜିତିବା ଦଳରେ ?

ଏଇ ପ୍ରଶ୍ନ ଟିକକ କବିତାରୁ ବାହାରି ଆସି ଇତିହାସ ପୃଷ୍ଠାକୁ ଯେତେବେଳେ ବାଟ କଢାଏ ତ’ ଲାଗେ ଏଇ ଧାଡ଼ିକ କବିତା ପାଇଁ ହିଁ କବି ବଞ୍ଚି ରହିବ ଅନେକ କାଳ !

ଇତିହାସରେ ସ୍ଥାନ ପାଇବା ପାଇଁ ସାମାନ୍ୟତମ ବି ଆସ୍ଫର୍ଦ୍ଧା ରଖିନଥିବା “ମୋ ଶବ୍ଦର ଦୁନିଆ” କବିତା ସଙ୍କଳନର ପ୍ରଥମ କବିତାରେ ଜଣେ ସାଧାରଣ ଆଦିବାସୀ ନିର୍ବିକାର ଭାବରେ ଘୋଷଣା କରିଛି ।

“ମୁଁ ସାମାନ୍ୟତମ ବି ବ୍ୟସ୍ତ ନୁହେଁ
କାରଣ ଏଥି ପୂର୍ବରୁ ଏଠାରେ
ମୁଁ କେବେ ବି ନଥିଲି
ଏବଂ ନିଶ୍ଚିତ ଯେ
ଭବିଷ୍ୟତରେ ବି ରହିବି ନାହିଁ
ଏପରିକି
କାହାରିବି ଆବଶ୍ୟକତା ନାହିଁ
ମନେରଖିବାକୁ ଯେ
ମୁଁ ଏଇଠି କିଛି ସମୟ ରହିଥିଲି” ।

ଏଭଳି ଦାମ୍ଭିକତା ଭରପୁର, ନିର୍ବିକାର ଓ ନିର୍ଲିପ୍ତ ଜିଉରେ ଆଦିବାସୀର ଭାବ କହୁଥିବା ବିଷ୍ଣୁପଦ ସେଠୀ ବାସ୍ତବରେ ନିଜର କଥା କହୁଛନ୍ତି ନା ଆଦିବାସୀର କଥା କହୁଛନ୍ତି, ପାଠକେ ତାଙ୍କ “ମୋ ଶବ୍ଦର ଦୁନିଆ”(ମାଇଁ ୱାଲ୍ଡ ଅଫ ୱାର୍ଡ଼ସ୍) କବିତା ବହିକୁ ପ୍ରବେଶ କଲେ ହିଁ ବିଚାର କରିପାରିବେ ।

ବାସୁଦେବ ସୁନାନୀ

ଓଡିଶା ଡଟ୍ କମ୍

Filed Under: ସାହିତ୍ୟ Tagged With: "ହ୍ୱେୟାର ସାଲ ଆଇ ଗୋ'', କବି ବିଷ୍ଣୁପଦ ସେଠୀ

  • « Go to Previous Page
  • Go to page 1
  • Go to page 2
  • Go to page 3
  • Go to page 4

Primary Sidebar

ପୁରୀ ସ୍ନାନ ଯାତ୍ରା ଲାଇଭ

https://youtu.be/aDHujOQM1p8

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ