ଅନୁଗୁଳ, ଡିସେମ୍ବର ୨୫ ( ଓଡିଶା ଡଟ କମ) ନଳକୂପ ପାଇଁ ଖୋଲା ଯାଇଥିବା ଏକ ଗର୍ତ୍ତ୍ଵରେ ଖେଳୁଥିବା ବେଳେ ଆକସ୍ମିକ ଭାବେ ଖସିପଡିଥିବା ଏକ ତିନି ବର୍ଷର ଝିଅକୁ ପ୍ରାୟ ଆଠ ଘଣ୍ଟାର ପରିଶ୍ରମ କରି ଅଗ୍ନିଶମ କର୍ମଚାରୀ ଓ ଓଡରାଫ ଟିମ ଉଦ୍ଧାର କରିବାରେ ସକ୍ଷମ ହୋଇଛନ୍ତି।
ଅନୁଗୁଳ ଜିଲ୍ଲାର ହଣ୍ଡପା ଥାନା ଅନ୍ତର୍ଗତ ଗୁଲାସର ଗ୍ରାମର ସନ୍ତୋଷ ସାହୁଙ୍କ ତିନିବର୍ଷର ଝିଅ ରାଧା ଖେଳୁଥିବା ସମୟରେ ସୋମବାର ସକାଳ ପ୍ରାୟ ୯ଟାରେ ଉକ୍ତ ଗର୍ତ୍ତ୍ଵରେ ଖସିପଡିଥିଲା । ଅଗ୍ନିଶମ ମହା ନିର୍ଦେଶକ ବିଜୟ କୁମାର ଶର୍ମାଙ୍କ ନିର୍ଦ୍ଦେଶ କ୍ରମେ ବାମୁର ଓ ଅନୁଗୁଳ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ।
ନଳକୂପ ଗର୍ତ୍ତ ର କିଛି ଦୂରରେ ପ୍ରାୟ ୧୬ ଫୁଟର ଏକ ଗାତ କରିବା ସହ ସେହି ସ୍ଥାନରୁ ନଳକୂପ ଗର୍ତ୍ତ୍ଵ ନିକଟକୁ ଅଗ୍ନିଶମ କର୍ମଚାରୀ ମାନେ ଏକ ସୁଡଙ୍ଗ ତିଆରି କରି ରାଧାକୁ ଉଦ୍ଧାର କରିଥିଲେ। ସଙ୍ଗେ ସଙ୍ଗେ ରାଧାକୁ ସ୍ଥାନୀୟ ଡାକ୍ତରଖାନାକୁ ନିଆଯାଇଥିଲା ।
ସେଠାରେ ସେ ସୁସ୍ଥ ଥିବା ଚିକିତ୍ସା କରୁଥିବା ଡାକ୍ତର ପ୍ରକାଶ କରିଛନ୍ତି। ଉଦ୍ଧାରକାରୀଙ୍କ ଏହି ସାହସିକ କାର୍ଯ୍ୟ କୁ ମୁଖ୍ୟମନ୍ତ୍ରୀ ନବୀନ ପଟନାୟକଙ୍କ ସମେତ ବିଭିନ୍ନ ବର୍ଗର ଲୋକେ ପ୍ରଶଂସା କରିଛନ୍ତି।
ଓଡିଶା ଡଟ କମ
ଏଠାରେ ସୂଚନାଯୋଗ୍ୟ ଯେ, ସ୍ଥାପିତ ନୂତନ ଖେଳ ଉପକରଣ ଗୁଡିକ ୪ ରୁ ୧୪ ବର୍ଷ ବୟସ ବର୍ଗର ପିଲାମାନଙ୍କ ପାଇଁ ଉଦ୍ଦିଷ୍ଟ ଅଟେ ଓ ଏହି କ୍ରିଡା ସାମଗ୍ରୀ ଗୁଡିକ ପିଲାମାନଙ୍କ ପାଇଁ ଆକର୍ଷଣର କେନ୍ଦ୍ର ବିନ୍ଦୁ ହେବ ବୋଲି ସଙ୍ଘତି ଆଶା ପ୍ରକଟ କରିଛି।
ଏଥିପାଇଁ ବିଧି ବିଭାଗ ଏକ ବିସ୍ତୃତ ଯୋଜନା ପ୍ରସ୍ତୁତ କରିବା ପାଇଁ ସେ ନିର୍ଦ୍ଦେଶ ଦେଇ କହିଥିଲେ ଯେ ଏହା ଦ୍ଵାରା ସାଧାରଣ ଲୋକଙ୍କ ଆଇନ ସଚେତନତାର ବୃଦ୍ଧି ଘଟିବ ।