• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ

Odisha.com

Connecting Odias

  • ରାଜନୀତି
  • ଶିକ୍ଷା
  • ଓଡିଶା ଖବର
  • ଅର୍ଥ-ବ୍ୟବସାୟ
  • ମନୋରଞ୍ଜନ
  • ସାକ୍ଷାତକାର
  • ସଭା ସମିତି
  • ପରିବେଶ
  • ଅପରାଧ

ଓଡିଶା ଖବର

କଡ଼ା ସୁରକ୍ଷା ମଧ୍ୟରେ ମାଟ୍ରିକ୍ ପରୀକ୍ଷା ଆରମ୍ଭ

February 25, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃଆରୀ ୨୫,(ଓଡ଼ିଶା ଡ଼ଟ୍ କମ୍), ଚଳିତବର୍ଷ କଡ଼ା ସୁରକ୍ଷା ମଧ୍ୟରେ ୨,୪୯୪ଟି କେନ୍ଦ୍ରରେ ସୋମବାର ମାଟ୍ରିକ୍ ପରୀକ୍ଷା ଆରମ୍ଭ ହେଉଛି ।

ମାଟ୍ରିକ୍ ପରୀକ୍ଷା (ରେଗୁଲାର ଓ ଏକ୍ସ-ରେଗୁଲାର କାର୍ଯ୍ୟସୂଚୀ) ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ହେଉଥିବା ହାଇସ୍କୁଲ ସାର୍ଟିଫିକେଟ୍ ପରୀକ୍ଷାରେ ଚଳିତବର୍ଷ ରେଗୁଲାର ବିଭାଗରେ ମୋଟ ୫,୩୨,୪୨୯ଜଣ,ଏକ୍ସରେଗୁଲାର ରେ ୫୮,୨୩୦ଜଣ ପରୀକ୍ଷାର୍ଥୀ ଥିବାବେଳେ ମଧ୍ୟମାରେ ୧୬,୫୦୦ଜଣ ପରୀକ୍ଷାର୍ଥୀ ଅଛନ୍ତି ।

ପରୀକ୍ଷା ପରିଚଳାନା ଏବଂ ଏ ସଂକ୍ରାନ୍ତୀୟ ଅଭିଯୋଗ ଶୁଣିବା ପାଇଁ କଟକସ୍ଥିତ ମୁଖ୍ୟ କାର୍ଯାଳୟ ସମେତ ବ୍ରହ୍ମପୁର, ସମ୍ବଲପୁର, ଭୁବନେଶ୍ୱର ଏବଂ ବାଲେଶ୍ୱରସ୍ଥିତ ଆଞ୍ଚଳିକ କାର୍ଯାଳୟଠାରେ ୨୪ ଘଣ୍ଟିଆ କଣ୍ଟ୍ରୋଲ ରୁମ୍ ଖୋଲାଯାଇଛି ।

ପରୀକ୍ଷାରେ କପି ରୋକିବା ପାଇଁ ତ୍ରିସ୍ତରୀୟ ସ୍କ୍ୱାଡ଼ ବ୍ୟବସ୍ଥା ବୋର୍ଡ଼ ପକ୍ଷରୁ କରାଯାଇଛି । ସେଥିମଧ୍ୟରୁ ଜିଲ୍ଲା ଶିକ୍ଷା ଅଧିକାରୀଙ୍କ ଅଧୀନରେ ୭୪ଟି,ଜୋନ୍ ରେ ୧୧ଟି ଓ କେନ୍ଦ୍ରୀୟ ସ୍ତରରେ ୫୦ଟି ସ୍କ୍ୱାଡ଼ ଗଠିତ ହୋଇଛି ।

ଏଥିସହ ୩ଟି ରାଜସ୍ୱ ଆୟୁକ୍ତଙ୍କ କାର୍ଯାଳୟ ଅଧୀନରେ ୩ଜଣ ଅଧୀକାରୀଙ୍କୁ ଅସ୍ଥାୟୀ ଭାବେ ନିଯୁକ୍ତ କରାଯାଇଛି । ଏହି ସ୍କ୍ୱାଡ଼ ଗୁଡ଼ିକ ବିଭିନ୍ନ ପରୀକ୍ଷା କେନ୍ଦ୍ର ଗସ୍ତ କରି କପି କରୁଥିବା ପରୀକ୍ଷାର୍ଥୀ ,କେନ୍ଦ୍ର ସୁପରିଟେଣ୍ଡେଣ୍ଟ ବିରୋଧରେ କାର୍ଯାନୁଷ୍ଠାନ ଗ୍ରହଣ କରିବେ ।

ଏଠାରେ ସୂଚନାଯୋଗ୍ୟ ଯେ,ଗତବର୍ଷ ମାଟ୍ରିକ୍ ପରୀକ୍ଷାରେ ପ୍ରଶ୍ନପତ୍ର ଲିକ୍ ହୋଇଥିଲା । ଏହାର ପୁନରାବୃତି ନହେବା ପାଇଁ ଚଳିତବର୍ଷ ୩୦୨ଟି ନୋଡ଼ାଲ କେନ୍ଦ୍ର ଖୋଲାଯାଇଛି ।

ପରୀକ୍ଷାକେନ୍ଦ୍ରରେ ପରୀକ୍ଷାର୍ଥୀ କପି କରୁଥିବା ସମୟରେ ଧରାପଡ଼ିଲେ ପରୀକ୍ଷାଗୃହରେ ଥିବା ନିରୀକ୍ଷକଙ୍କ ବିରୋଧରେ କଠୋର କାର୍ଯାନୁଷ୍ଟାନ ଗ୍ରହଣ କରାଯିବ ବୋର୍ଡ଼ ସଭାପତି ଡ଼ଃ ଦକ୍ଷପ୍ରସାନ୍ଦ
କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: କପି, ମାଟ୍ରିକ୍ ପରୀକ୍ଷା, ସୁପରିଟେଣ୍ଡେଣ୍ଟ

ଯୋରନ୍ଦା ମେଳାରେ ୪ଲକ୍ଷରୁ ଅଧିକ ଭକ୍ତଙ୍କ ସମାଗମ

February 25, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଢେଙ୍କାନାଳ,ଫେବୃଆରୀ ୨୫ (ଓଡ଼ିଶା ଡ଼ଟ୍ କମ୍), ଢେଙ୍କାନାଳ ଜିଲ୍ଲା ଯୋରନ୍ଦା ଠାରେ ରବିବାର ବିଶ୍ୱପ୍ରସିଦ୍ଧ ଯୋରନ୍ଦା ମେଳା ଆରମ୍ଭ ହୋଇଛି । ଏହି ମେଳାରେ ପ୍ରାୟ ୪ଲକ୍ଷରୁ ଅଧିକ ମହିମା ଧର୍ମାବଲମ୍ବୀ ଭକ୍ତଙ୍କ ସମାଗମ ହୋଇଛି ।

ପଡ଼ୋଶୀ ରାଜ୍ୟ ଆନ୍ଧ୍ରପ୍ରଦେଶ, ଛତିଶଗଡ଼, ଆସାମ, ବିହାର, ରାୟପୁର ସମେତ ଓଡ଼ିଶାର ପୁରପଲ୍ଲୀରୁ ବହୁ ଭକ୍ତଙ୍କ ସମାଗମ ହୋଇଛି । ଏହି ମେଳାର ମୁଖ୍ୟ ଆର୍କଷଣ ହେଉଛି ଝାଡ଼ଦୀପ ପ୍ରଜ୍ୱଳନ ଦେଖିବା ।

ଏହି ଦୀପ ପ୍ରଜ୍ୱଳନ ଦେଖିବା ପାଇଁ ଭକ୍ତମାନେ ଅପରାହ୍ଣ ୩ଟାରୁ ବତି ମନ୍ଦିର, ଗାଦି ମନ୍ଦିର, ଜ୍ୟୋତି ମନ୍ଦିର, ଶୂନ୍ୟ ମନ୍ଦିର, ଧୁନି ମନ୍ଦିର ଓ ଏକୋଇଶି ହାତିଆ ମନ୍ଦିରରେ ରୁଣ୍ଡ ହୋଇଥିଲେ ।

ଭୋର ୩ଟା ବେଳେ ସାଧୁମାନେ ପୀଠକୁ ଝାଡ଼ୁରେ ପରିଷ୍କାର କରିଥିଲେ । ନୀତି କୂଅରୁ ରୁପା ଗରାରେ ପାଣି ଆଣି ଧୁଆଯିବା ପରେ ସୁନା ଗିନାରେ ଚନ୍ଦନ ପାଣି ଛିଞ୍ଚାାଯାଇଥିଲା ।
ଏହାପରେ ମହିମାଗାଦି ବଳ୍କଳଧାରୀ ସମାଜର ମୁଖ୍ୟ ନରେନ୍ଦ୍ର ବାବା ରୁପା ଝାଡ଼ୁରେ ଛେରାପହଁରା କରିଥିଲେ ।

୬୦ଟି ରୁପା ଚାମରରେ ସାଧୁମାନେ ଚାମର ସେବା କରିଥିଲେ । ଅପରାହ୍ଣ ୫ଟାରେ ଝାଡ଼ଦୀପ ପ୍ରଜ୍ୱଳନ କରାଯାଇଥିଲା । ରାତି ୧ଟା ପର୍ଯ୍ୟନ୍ତ ଗାଦିମନ୍ଦିର ଓ ଅନ୍ୟ ଉପାସନା ପୀଠଗୁଡ଼ିକରେ ଭକ୍ତଙ୍କ ଭିଡ଼ ଲାଗି ରହିଥିଲା ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ଗାଦି ମନ୍ଦିର, ଜ୍ୟୋତି ମନ୍ଦିର, ଧୁନି ମନ୍ଦିର, ମହିମା ଧର୍ମ, ଶୂନ୍ୟ ମନ୍ଦିର

ସତ୍ୟଜିତ ଛାତ୍ର କଂଗେସ ସଭାପତି

February 25, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃଆରୀ ୨୫,(ଓଡ଼ିଶା ଡ଼ଟ୍ କମ୍), ଛାତ୍ର କଂଗେସର ସଭାପତି ଭାବେ ସତ୍ୟଜିତ ପଟନାୟକ ନିର୍ବାଚିତ ହୋଇଛନ୍ତି । ଦୁଇଦିନ ଧରି ଚାଲିଥିବା ଏହି ନିର୍ବାଚନରେ ୪ଜଣ ଉପସଭାପତି,୭ ଜଣ ସାଧାରଣ ସଂପାଦକ ଓ ୭ଜଣ ସଂପାଦକ ନିର୍ବାଚିତ ହୋଇଛନ୍ତି ।

ନବ ନିର୍ବାଚିତ ହୋଇଥିବା ୪ଜଣ ଉପସଭାପତି ହେଲେ ଅଭିଳାଷ ମାଣିଆ, ସତୀଶ ଶର୍ମା, ସନତ କୁମାର ରାଉତ ଏବଂ ମିତାଲି ପୁଷ୍ପାଳକ । ସେହିପରି ଗୌତମ ଦୋଶୀ, ପବିତ୍ର ମହାପାତ୍ର, ଇତିଶ
କୁମାର ପ୍ରଧାନ, ପ୍ରିୟଙ୍କା ବାର୍ଲା, ସୌମ୍ୟ ଶୁଭଦର୍ଶନ, ଅନୀଲ କୁମାର ସିଙ୍କୁ, ପ୍ରଭାସିନୀ ବେହେରା ସାଧାରଣ ସଂପାଦକ ଭାବେ ନିର୍ବାଚିତ ହୋଇଛନ୍ତି ।

ସଂପାଦକ ଭାବେ ଅପରାଜିତା ଶତପଥୀ, ଅଶ୍ୱିନୀ ଭୋଇ, ବଳରାମ ମହାନ୍ତି, ଦିପ୍ତୀରଂଜନ ପରିଡ଼ା, ମହାବୀର ମହାପାତ୍ର, ରାଜୀବ ପଟନାୟକ ଓ ଅଭିଷେକ ମହାନ୍ତି ନିର୍ବାଚିତ ହୋଇଛନ୍ତି । ସେହିପରି ୨୮ଟି ଜିଲ୍ଲାର କର୍ମକର୍ତା ମଧ୍ୟ ନିର୍ବାଚିତ ହୋଇଛନ୍ତି ବୋଲି ସୂଚନା ଅଧୀକାରୀ ଶୀତଲ ମିଶ୍ର ସୂଚନା ଦେଇଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ଉପସଭାପତି, ଛାତ୍ର କଂଗେସ, ନିର୍ବାଚନ

ଅନୁପ୍ରବେଶକାରୀଙ୍କୁ ରୋକାଯାଉନଥିବାରୁ ଭାଗବତଙ୍କ ଉଦ୍ବେଗ

February 25, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃଆରୀ ୨୫ (ଓଡ଼ିଶା ଡ଼ଟ୍ କମ୍) ବିଦେଶୀ ଅନୁପ୍ରବେଶକାରୀଙ୍କ ବିରୋଧରେ କୌଣସି କାର୍ଯାନୁଷ୍ଠାନ କରାଯାଉନଥିବାରୁ ରାଷ୍ଟ୍ରୀୟ ସ୍ୱୟଂସେବକ ସଂଘର ସରସଂଘଚାଳକ ଡା.ମୋହନରାଓ ଭାଗବତ ଉଦବେଗ ପ୍ରକାଶ କରିଛନ୍ତି ।

ସେମାନଙ୍କ ବିରୋଧରେ ରାଜ୍ୟ ହେଉ ଅଥବା କେନ୍ଦ୍ର କାର୍ଯାନୁଷ୍ଠାନ ଗ୍ରହଣ କରିବା ତ ଦୂର ସେମାନଙ୍କୁ ଚିହ୍ନଟ ମଧ୍ୟ କରୁନାହିଁ । ଭୁବନେଶ୍ୱରରେ ଏକ ଜନସଭା କୁ ସମ୍ବୋଧିତ କରି ଭାଗବତ
ଏହା କହିଛନ୍ତି ।

ରାଜନେତାମାନେ ଦେଶର ସମସ୍ୟା ବିଷୟରେ ଚିନ୍ତା କରିବା ବଦଳରେ ନିଜ ନିଜ ସ୍ୱାର୍ଥ ସାଧନରେ ଲାଗିଛନ୍ତି । ସୀମାପାର ଆତଙ୍କବାଦରେ ପାକିସ୍ତାନ ସେନା ସାମିଲ ଅଛନ୍ତି । କେତେକ ଉଗ୍ରବାଦୀଙ୍କ ସହିତ ମିଶି ପାକ୍ ସୈନିକ ଭାରତ ଭିତରକୁ ପ୍ରବେଶ କରୁଛନ୍ତି ବୋଲି ଭାଗବତ ପ୍ରକାଶ କରିଛନ୍ତି ।

ସ୍ଥାନୀୟ ବରମୁଣ୍ଡାସ୍ଥିତ ଦୁର୍ଗାପୂଜା ପଡିଆରେ ରାଷ୍ଟ୍ରୀୟ ସ୍ୱୟଂସେବକ ସଂଘ, ଭୁବନେଶ୍ୱର ମହାନଗର ତରଫରୁ ରବିବାର ଉତିଷ୍ଠତ ଜାଗ୍ରତ କାର୍ଯକ୍ରମ ଅନୁଷ୍ଠିତ ହୋଇ ଯାଇଛି । ଏଥିରେ ଭାଗବତ ମୁଖ୍ୟ ଅତିଥିରୂପେ ଯୋଗଦେଇ କହିଲେ ଯେ,ଆଜିକୁ ଅନେକ ବର୍ଷତଳେ ସ୍ୱାମୀ ବିବେକାନନ୍ଦ ଏହି ଉଦ୍ଦଘୋଷଣା କରିଥିଲେ ଯେ, ‘ପ୍ରଥମେ ଉଠ ଓ ତାପରେ ଜାଗ୍ରତ ହୁଅ’ ।

ଏହାଥିଲା ତାଙ୍କର ବଜ୍ରବାଣୀ । ସମଗ୍ର ଦେଶ ଯେତେବେଳେ ଶହଶହ ବର୍ଷର ବିଦେଶୀ ଶାସନ ଯୋଗୁଁ ଘୋର ତମସ୍ ଭିତରେ ରହୁଥିଲା ସେହି ସମୟରେ ସ୍ୱାମୀଜୀ ଜାତିକୁ ଏହି ଆହ୍ୱାନ
ଦେଇଥିଲେ । ସଂଘ ସ୍ୱାମୀଜୀଙ୍କର ଏହି ଆହ୍ୱାନକୁ ସାକାର କରିବା ପାଇଁ କାର୍ଯ୍ୟକରୁଅଛି ।

ସ୍ୱାମୀଜୀ କହୁଥିଲେ ଯେ ସମସ୍ୟାଠାରୁ ଦୁରେଇ ଗଲେ ଏଥିରୁ ମୁକ୍ତି ମିଳେ ନାହିଁ । ବରଂ ସାହସର ସହିତ ଠିଆହୋଇ ସମସ୍ୟାକୁ ସମ୍ମୁଖିନହେଲେ ଏହାର ସମାଧାନ ହୁଏ । କାଶୀର ଗୋଟିଏ
ଛୋଟିଆ ଘଟଣାରୁ ସ୍ୱାମୀଜୀ ଏହି ଅନୁଭବ କରିଥିଲେ । ଆଜି ଆମର ସମାଜ ଜାଗ୍ରତ ନଥିବାରୁ ଅନେକ ସମସ୍ୟା ଦେଖାଯାଉଛି ।

ଦେଶର ସମସ୍ୟା ଗୁଡିକର ସମ୍ମୁଖିନ ନହୋଇ ଆମେ ତାଠାରୁ ଦୁରେଇ ଯାଇ ଅନ୍ୟ ଉପାୟ ଖୋଜୁଛୁ । ଉଦାହରଣ ହେଉଛି ଏଫ୍ଡିଆଇ ପୁଞ୍ଜି ବିନିଯୋଗକୁ ଭାରତରେ ଅନୁମତି ଦେବାଦ୍ୱାରା ବେକାରୀ ସମସ୍ୟା ବଢିବ ସିନା କମିବ ନାହିଁ ।

ପାକିସ୍ଥାନ ବୈଦେଶୀକ ମନ୍ତ୍ରୀଙ୍କ ଭାରତ ବିରୋଧୀ ମନ୍ତବ୍ୟକୁ ଯେପରି ବିରୋଧ କରିବା କଥା ତାହା ହୋଇ ନାହିଁ । ପାକିସ୍ଥାନ ସେନା କିଛି ଉଗ୍ରବାଦୀଙ୍କ ସହିତ ଆସି ଭାରତ ସୀମାରେ ପଶି
ଯେପରି ଭାବରେ ଆମ ଦେଶର ଜଣେ ସୈନିକର ମୁଣ୍ଡକାଟି ନେଇଗଲେ ତାର ମାତ୍ର ମାମୁଲି ବିରୋଧ କରାଗଲା ।

ଆମର ଦେଶ ଏତେ ବଡଯେ ଆମର ତେଢା ଚାହାଣୀରେ ହିଁ ପାକିସ୍ଥାନ ଦବିଯିବ । ଏଥିପାଇଁ ଆମେ ଐକ୍ୟବଦ୍ଧ ଓ ଦୃଢ ହେବା ଉଚିତ୍ ।

ପାକିସ୍ଥାନ ଖୋଲାଖୋଲି ଭାରତକୁ ବିରୋଧ କରୁଥିବା ବେଳେ ଚୀନ ଭିତରେ ଭିତରେ ଭାରତକୁ ବିରୋଧ କରୁଛି । ପ୍ରଥମରୁ ହିଁ ଚୀନ୍ ଏହିଭଳି ବିରୋଧ କରୁଥିଲା । ଏବେ ମଧ୍ୟ ଚୀନ ଦେଶର
ପ୍ରସ୍ତୁତ ମାଲ ଆମ ଦେଶର ବଜାରକୁ କବଜା କରିବାକୁ ବସିଛି । ଆମ ଦେଶର ନଦୀର ପାଣିକୁ ଚୀନ ଅନ୍ୟ ଦିଗକୁ ନେଇ ଯିବାପାଇିଁଁ ବସିଛି ।

ଆମର ସୀମା ସୁରକ୍ଷିତ ନୁହେଁ । ଆମ ଦେଶରେ ଅନୁପ୍ରବେଶ ସମସ୍ୟା ବଢିବଢି ଚାଲିଛି । ସେମାନଙ୍କୁ ଚିହ୍ନଟ କରିବା ପାଇଁ କୌଣସି ବ୍ୟବସ୍ଥା କରାଯାଇ ନାହିଁ । ଏହିଭଳି ସମୟରେ ଆମେ
ପରସ୍ପରର ଗୋଡ ନଟାଣି ଐକ୍ୟବଦ୍ଧ ହେଲେ ଏହି ସମସ୍ୟାର ମୁକାବିଲା କରିପାରିବା ।

ସରସଂଘଚାଳକ ପ୍ରଣାମ,ଧ୍ୱଜ ଉତୋଳନ ପରେ କାର୍ଯ୍ୟକ୍ରମ ଆରମ୍ଭ ହୋଇଥିଲା । ଏଥିରେ ଭୁବନେଶ୍ୱର ମହାନଗରର ଏକ ହଜାର ସ୍ୱୟଂସେବକ ପୂର୍ଣ୍ଣ ଗଣବେଶରେ ରହି ସମସ୍ତ ପ୍ରକାର
ଶାରୀରିକ କାର୍ଯ୍ୟକ୍ରମରେ ଭାଗନେଇଥିଲେ । ସେମାନେ ସୂର୍ଯ୍ୟନମସ୍କାର ଯୋଗାସନ, ଦଣ୍ଡବ୍ୟାୟାମ, ପତାକା ବ୍ୟାୟାମ ଓ ଘୋଷର ପ୍ରଦର୍ଶନ କରିଥିଲେ । ଦେଶାତ୍ମକ ସଂଗୀତ ଗାନପରେ ସଭାକାର୍ଯ୍ୟ ଆରମ୍ଭ ହୋଇଥିଲା ।

ଏହି କାର୍ଯ୍ୟକ୍ରମରେ ସଂଘର ଓଡିଶା,ପଶ୍ଚିମବଙ୍ଗ,ସିକିମ ଓ ଆଣ୍ଡାମାନନିକୋବର କ୍ଷେତ୍ରର କ୍ଷେତ୍ର ସଂଘଚାଳକ ଶ୍ରୀ ରଣେନ୍ଦ୍ରଲାଲ ବନ୍ଦୋପାଧ୍ୟାୟ, ଓଡିଶା ପ୍ରାନ୍ତ ସଂଘଚାଳକ ଶ୍ରୀ ବିପିନ ବିହାରୀ ନନ୍ଦ
ଓ ଭୁବନେଶ୍ୱର ମହାନଗର ସଂଘଚାଳକ ଶ୍ରୀ ବୈକୁଣ୍ଠନାଥ ସାହୁ ମଞ୍ଚାସୀନ ଥିଲେ ।

ମହାନଗର ଶାରିରୀକ ପ୍ରମୁଖ ଶ୍ରୀ ପ୍ରତାପ ଦ୍ୱିବେଦୀ ଶାରୀରିକ କାର୍ଯକ୍ରମକୁ ସଂଯୋଜନା କରିଥିବା ବେଳେ ବୌଦ୍ଧିକ ପ୍ରମୁଖ ଶ୍ରୀ ଦେବୀପ୍ରସାଦ ମିଶ୍ର ପରିଚୟ ପ୍ରଦାନ,ଧନ୍ୟବାଦ ସହ ଓ ସଂପୂଣ୍ଣ
କାର୍ଯକ୍ରମକୁ ପରିଚାଳନା କରିଥିଲେ ।

ବତର୍ମାନ ପରିସ୍ଥିତିରେ ସ୍ୱୟଂସେବକମାନଙ୍କର ଭୂମିକା ସଂପର୍କରେ ବୁଝାଇବା ପାଇଁ ପରମ ପୂଜନୀୟ ସରସଂଘଚାଳକ ଡା.ଭାଗବତ ବିଭିନ୍ନ ପ୍ରାନ୍ତ ଗସ୍ତ କରୁଛନ୍ତି । ଏହି ଅବସରରେ ସେ
ଚାରିଦିନିଆ ଓଡିଶା ଗସ୍ତରେ ଆସି ଗୁରୁବାର ଦିନ ଭୁବନେଶ୍ୱରରେ ପହଞ୍ଚିଥିଲେ ।

ଡା.ଭାଗବତ ୨୧ ତାରିଖ ଦିନ ସ୍ଥାନୀୟ ରୋଟାରୀ ଭବନରେ ଏକ ବୁଦ୍ଧିଜୀବି ସଂଗୋଷ୍ଠୀରେ ଓ ୨୨ତାରିଖ ଦିନ କଟକର କଳାବିକାଶ କେନ୍ଦ୍ରରେ ଅନୁଷ୍ଠିତ ଏକ ବୁଦ୍ଧିଜୀବି ସମ୍ମିଳନୀରେ
ଉଦ୍ବୋଧନ ଦେଇଥିଲେ । ଏତଦ୍ ବ୍ୟତୀତ ସେ ୨୩ ଓ ୨୪ ତାରିଖ ଦୁଇଦିନଧରି ସ୍ଥାନୀୟ ଉତ୍କଳ ବିପନ୍ନ ସହାୟତା ସମିତି ସଭାଗୃହରେ ସଂଘର ପ୍ରାନ୍ତ କାର୍ଯକାରିଣୀ ବୈଠକରେ
ଯୋଗଦେଇ ମାର୍ଗଦର୍ଶନ କରିଥିଲେ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର, ରାଜନୀତି Tagged With: ଆତଙ୍କବାଦ, ରାଜନେତା, ରାଷ୍ଟ୍ରୀୟ ସ୍ୱୟଂସେବକ ସଂଘ

ସାମୁହିକ ସୂର୍ଯ୍ୟନମସ୍କାରରେ ଭାଗନେବେ ଏକ ହଜାର ସ୍ୱୟଂସେବକ

February 23, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃଆରୀ ୨୩ (ଓଡ଼ିଶା ଡ଼ଟ୍ କମ୍), ସ୍ଥାନୀୟ ବରମୁଣ୍ଡାସ୍ଥିତ ଦୁର୍ଗାପୂଜା ପଡିଆରେ ଆସନ୍ତା ଫେବୃୟାରୀ ୨୪ ତାରିଖ ଦିନ ଅପରାହ୍ନ ୩.୩୦ ମିନିଟ ସମୟରେ ରାଷ୍ଟ୍ରୀୟ ସ୍ୱୟଂସେବକ ସଂଘ,ଭୁବନେଶ୍ୱର ମହାନଗର ତରଫରୁ ଉତିଷ୍ଠତ ଜାଗ୍ରତ କାର୍ଯକ୍ରମ ଅନୁଷ୍ଠିତ ହେବ ।

ଏଥିରେ ଭୁବନେଶ୍ୱର ମହାନଗରର ଏକ ହଜାର ଜଣ ସ୍ୱୟଂସେବକ ପୂର୍ଣ୍ଣ ଗଣବେଶରେ ରହି ସମସ୍ତ ପ୍ରକାର ଶାରୀରିକ କାର୍ଯ୍ୟକ୍ରମରେ ଭାଗନେବେ । ସେମାନେ ସାମୁହିକ ସୂର୍ଯ୍ୟନମସ୍କାର , ଯୋଗସନ, ଦଣ୍ଡବ୍ୟାୟାମ, ପତାକା ବ୍ୟାୟାମ ଓ ଘୋଷର ପ୍ରଦର୍ଶନ କରିବେ ବୋଲି କାର୍ଯକ୍ରମର ମିଡିଆ ସଂଯୋଜକ ଗୋଲଖ ଚନ୍ଦ୍ର ଦାସ ଜଣାଇଛନ୍ତି ।

ଏଥିରେ ସଂଘର ଅଖିଳ ଭାରତୀୟମୁଖ୍ୟ ପରମ ପୂଜନୀୟ ସରସଂଘଚାଳକ ଡା.ମୋହନରା ଓ ଭାଗବତ ମୁଖ୍ୟ ଅତିଥିରୂପେ ଯୋଗଦେଇ ମାର୍ଗଦର୍ଶନ କରିବେ । ସରସଂଘଚାଳକ ପ୍ରଣାମ,ଧ୍ୱଜ ଉତ୍ତୋଳନ ପରେ କାର୍ଯ୍ୟକ୍ରମ ଆରମ୍ଭ ହେବ ।

ଏହି କାର୍ଯ୍ୟକ୍ରମରେ ସଂଘର ଓଡିଶା, ପଶ୍ଚିମବଙ୍ଗ, ସିକିମ ଓ ଆଣ୍ଡାମାନନିକବର କ୍ଷେତ୍ରର କ୍ଷେତ୍ର ସଂଘଚାଳକ ଶ୍ରୀ ରଣେନ୍ଦ୍ରଲାଲ ବନ୍ଦୋପାଧ୍ୟାୟ, ଓଡିଶାପ୍ରାନ୍ତ ସଂଘଚାଳକ ଶ୍ରୀ ବିପିନ ବିହାରୀ ନନ୍ଦ ଓ ଭୁବନେଶ୍ୱର ମହାନଗର ସଂଘଚାଳକ ଶ୍ରୀ ବୈକୁଣ୍ଠନାଥ ସାହୁ ପ୍ରମୁଖ ଉପସ୍ଥିତ ରହିବେ ।

ବର୍ତ୍ତମାନ ପରିସ୍ଥିତିରେ ସ୍ୱୟଂସେବକମାନଙ୍କର ଭୂମିକା ସଂପର୍କରେ ବୁଝାଇବା ପାଇଁ ପରମ ପୂଜନୀୟ ସରସଂଘଚାଳକ ଡା.ଭାଗବତ ବିଭିନ୍ନ ପ୍ରାନ୍ତ ଗସ୍ତ କରୁଛନ୍ତି । ଏହି ଅବସରରେ ସେ ଚାରିଦିନିଆ ଓଡିଶା ଗସ୍ତରେ ଆସି ଗୁରୁବାର ଦିନ ଭୁବନେଶ୍ୱରରେ ପହଞ୍ଚିଥିଲେ ।

ଡା.ଭାଗବତ ୨୧ ତାରିଖ ଦିନ ସ୍ଥାନୀୟ ରୋଟାରୀ ଭବନରେ ଏକ ବୁଦ୍ଧିଜୀବି ସଂଗୋଷ୍ଠୀରେ ଓ ୨୨ତାରିଖ ଦିନ କଟକର କଳାବିକାଶକେନ୍ଦ୍ରରେ ଅନୁଷ୍ଠିତ ଏକ ବୁଦ୍ଧିଜୀବି ସଂଗୋଷ୍ଠୀରେ ଉଦ୍ବୋଧନ ଦେଇଥିଲେ ।

ରୋଟାରୀ ଭବନରେ ଅନୁଷ୍ଠିତ ବୁଦ୍ଧିଜୀବି ସଂଗୋଷ୍ଠୀରେ ଡା.ଭାଗବତ କହିଲେ ସମାଜରେ ପରିବର୍ତ୍ତନ ନିହାତି ଆବଶ୍ୟକ । ଜନସାଧାରଣ ଏବଂ ସମାଜ ହିଁ ନେତା ନିର୍ମାଣ କରିଥାଏ । ତେଣୁ ସମାଜର ପ୍ରତିଛବି ନେତାଙ୍କ ପାଖରେ ସ୍ପଷ୍ଟ ଦେଖାଯାଏ । ସମାଜରେ ପରିବର୍ତ୍ତନ ଆସିଲେ ରାଜନୀତିରେ ପରିବର୍ତ୍ତନ ପରିଲକ୍ଷିତ ହେବ ।

ସେଥିପାଇଁ ମତଦାତାଙ୍କ ମଧ୍ୟରେ ଜାଗରଣ ଆଣିବା ଆବଶ୍ୟକ । ରାଷ୍ଟ୍ରୀୟ ସ୍ୱୟଂସେବକ ସଂଘ ଏକ ଆନ୍ଦୋଳନ । ଏହା ଖୋଲା ମଇଦାନରେ ଚାଲୁଥିବା କାର୍ଯ୍ୟ । ଦେଶର ସମସ୍ତ ନାଗରିକ ଏହି ଆନ୍ଦୋଳନରେ ନିଜକୁ ସାମିଲ କରିପାରନ୍ତି ।

ସଂଘର ପ୍ରମୁଖ କାର୍ଯ୍ୟ ସ୍ୱଦେଶ ଆଧାରିତ ମାନବବାଦ ପ୍ରତିଷ୍ଠା କରିବା । ସର୍ବସାମାନ୍ୟ ବ୍ୟକ୍ତିଙ୍କ ମନରେ ସଦ୍ଗୁଣ ବିକାଶ ହେଲେ ଦେଶର ବିକାଶ ହୋଇ ପାରିବ । ସଂଘ ଏଭଳି ଏକ ସଂଗଠନ ଯାହା ମୂଲ୍ୟ ଆଧାରିତ ମାନବାଦର ବିକାଶ ଉପରେ ପର୍ଯ୍ୟବେଶିତ ।

ଭାରତକୁ ଏକ ମହାନ ରାଷ୍ଟ୍ର ଅଭିହିତ କରି ଭାଗବତ କହିଥିଲେ ଯୁଗଯୁଗ ଧରି ଭାରତମାତାର ସନ୍ତାନମାନେ ବିବିଧତା ମଧ୍ୟରେ ଏକତା ପଦର୍ଶନ କରିଆସିଛନ୍ତି ଏବଂ ଏହା ଏହି ଦେଶର ପାଣି ପବନରେ ସ୍ପଷ୍ଟ ବାରିହେଉଛି । ଯେ କୌଣସି ବ୍ୟକ୍ତିକୁ ଉନ୍ନତ କରିବା ଅର୍ଥ ଏହା ନୁହେଁ ଯେ ଅନ୍ୟକୁ ନିସ୍ପେଷିତ କରିବା ।

ମୂଲ୍ୟବୋଧରେ ବିଶ୍ୱାସ ରଖୁଥିବା ବ୍ୟକ୍ତିକୁ ନେଇ ସୁସ୍ଥ ସମାଜ ଗଠନ କରିବା ଆବଶ୍ୟକ । ସଂଘ କାର୍ଯ୍ୟକଳାପ ବିଷୟରେ ପ୍ରତ୍ୟେକ୍ଷଭାବରେ ସଂପୃକ୍ତ ହେଲେ ହିଁ ଏହାର କାର୍ଯ୍ୟକଳାପ ବିଷୟରେ ଜଣାପଡିବ । ଆଲୋଚକମାନେ ସଂଘର କାର୍ଯ୍ୟଧାରା ସଂପର୍କରେ ବିଭିନ୍ନ ଟିକା ଟିପଣି କରୁଛନ୍ତି , ଯାହା ଅନାବଶ୍ୟକ ।

ସଂଘ ପ୍ରତିକ୍ରୀୟା ପଦର୍ଶନ କରୁଥିବା ସଂଗଠନ ନୁହେଁ । ଆମେ ସୁଚିତିନ୍ତ ମାନବବାଦ ନିର୍ମାଣ ଦିଗରେ ଦୀର୍ଘ ୮୮ବର୍ଷଧରି କାର୍ଯ୍ୟରତ । ବହୁ ପ୍ରତିକୁଳ ପରିସ୍ଥିତି ସତ୍ତ୍ୱେ ଆମେ ଆମ ଧ୍ୟେୟରୁ ବିଚ୍ୟୁତ ହୋଇନାହୁଁ ବୋଲି ଡା.ଭାଗବତ ମତବ୍ୟକ୍ତ କରିଥିଲେ ।

ଏହି କାର୍ଯ୍ୟକ୍ରମରେ ସଂଘର ଓଡିଶା, ପଶ୍ଚିମବଙ୍ଗ, ସିକିମି ଓ ଆଣ୍ଡାମାନନିକୋବର କ୍ଷେତ୍ରର ସଂଘଚାଳକ ଶ୍ରୀ ରଣେନ୍ଦ୍ରଲାଲ ବନ୍ଦୋପାଧ୍ୟାୟ,ଓଡିଶା ପ୍ରାନ୍ତ ସଂଘଚାଳକ ବିପିନ ବିହାରୀ ନନ୍ଦ ଓ ଭୁବନେଶ୍ୱର ମହାନଗର ସଂଘଚାଳକ ଏସ୍ ବୈକୁଣ୍ଠନାଥ ମଞ୍ଚାସିନ ଥିବାବେଳେ ପୁରୀ ବିଭାଗର ସହସଂଘଚାଳକ ସମୀର କୁମାର ମହାନ୍ତି କାର୍ଯ୍ୟକ୍ରମ ପରିଚାଳନା କରିଥିଲେ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ଆଣ୍ଡାମାନନିକବର, ମତଦାତା, ରାଷ୍ଟ୍ରୀୟ ସ୍ୱୟଂସେବକ ସଂଘ

ଜଷ୍ଟିସ୍ ସି.ନାଗପ୍ପାନ୍ ହାଇକୋର୍ଟର ମୁଖ୍ୟ ବିଚାରପତି

February 23, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ,ଫେବୃଆରୀ ୨୩ (ଓଡ଼ିଶା ଡ଼ଟ୍ କମ୍) ମାଡ଼୍ରାସ ହାଇକୋର୍ଟର ବରିଷ୍ଟ ବିଚାରପତି ଜଷ୍ଟିସ୍ ଚୋକଲିଙ୍ଗମ୍ ନାଗପ୍ପାନ୍ ଓଡ଼ିଶା ହାଇକୋର୍ଟର ମୁଖ୍ୟ ବିଚାରପତି ଭାବେ ନିଯୁକ୍ତ ହୋଇଛନ୍ତି । ଆସନ୍ତା ୨୭ତାରିଖରେ ସେ ଶପଥ ଗ୍ରହଣ କରିବେ ।

ଏହି ସଂକ୍ରାନ୍ତରେ ରାଷ୍ଟ୍ରପତି ଭବନରୁ ବିଜ୍ଞପ୍ତି ଜାରି କରାଯାଇଛି । ଜଷ୍ଟିସ୍ ନାଗପ୍ପାନ୍ ୧୯୫୧ ଅକ୍ଟୋବର ୪ ତାରିଖରେ ଜନ୍ମଗ୍ରହଣ କରିଥିଲେ । ସେ ଭାରତର ପୂର୍ବତନ ଆଟର୍ଣ୍ଣି ଜେନେରାଲ କେ.ପରାଶରନ୍ ଙ୍କ ଅଧୀନରେ ସେ୧୯୭୪ ମସିହାରେ ଓକିଲାତି ଆରମ୍ଭ କରିଥିଲେ ।

ଜ.ନାଗପ୍ପାନ୍ ୧୯୮୭ରେ ସିଧାସଳଖ ଜିଲ୍ଲା ଜଜ୍ ରୂପେ ମନୋନୀତ ହୋଇ ବିଭିନ୍ନ ସ୍ଥାନରେ ଜିଲ୍ଲା ଓ ଦୌରାଜଜ୍ ଭାବେ କାର୍ଯ୍ୟ କରିଥିଲେ । ରାଜ୍ୟ ପରିବହନ ଅପିଲ ଟ୍ରିବ୍ୟୁନାଲର ଅଧକ୍ଷ୍ୟ ଭାବେ ସେ କାର୍ଯ୍ୟ କରିଥିଲେ । ୨୦୦୦ମସିହାରେ ସେ ମାଡ଼୍ରାସ୍ ହାଇକୋର୍ଟର ଅତିରିକ୍ତ ବିଚାରପତି ରୂପେ ଦାୟିତ୍ୱ ଗ୍ରହଣ କରି ୨୦ସେପ୍ଟେମ୍ବର ୨୦୦୨ ମସିହାରେ ସ୍ଥାୟୀ ବିଚାରପତି ହୋଇଥିଲେ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ବିଚାରପତି, ରାଷ୍ଟ୍ରପତି ଭବନ, ହାଇକୋର୍ଟ

ଚିଲିକାରେ ବାର୍ଡ଼ ଫ୍ଲୁ ଭୂତାଣୁ ଚିହ୍ନଟ

February 23, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଫେବୃଆରୀ ୨୩,(ଓଡ଼ିଶା ଡ଼ଟ୍ କମ୍), ଚିଲିକା ହ୍ରଦକୁ ପ୍ରତିବର୍ଷ ଆସୁଥବା ବିଦେଶୀ ପକ୍ଷୀଙ୍କ ମଧ୍ୟରୁ ସପ୍ତାହକ ମଧ୍ୟରେ ତିନିଜଣଙ୍କ ଠାରେ ବାର୍ଡ଼ ଫ୍ଲୁ ଭୂତାଣୁ ଚିହ୍ନଟ କରାଯାଇଛି ।

ଏହି ତିନୋଟି ପକ୍ଷୀଙ୍କ ଲାଳ,ମଳ,ରକ୍ତ ନମୁନାରୁ ଏହି ଭୂତାଣୁ ଚିହ୍ନଟ କରାଯାଇଛି । ବିରଳ ପ୍ରଜାତିର ପକ୍ଷୀ ବିଣ୍ଟେଲ,ସକଲାର,ଗଡ଼ୱିଲ ପକ୍ଷୀଙ୍କ ରକ୍ତ ନମୁନା ଭୋପାଲସ୍ଥିତ ପ୍ରୟୋଗଶାଳାକୁ ପଠାଯାଇଥିଲା ।

ଯାହାଫଳରେ ଏବେ ସେଠାରେ ଥିବା ପ୍ରାୟ ୫ଲକ୍ଷ ପକ୍ଷୀଙ୍କ ଜୀବନ ଏବେ ବିପଦ ରେ ଅଛି । ଚିଲିକାରୁ ଉଡ଼ି ଆସି ଏକ ବିରଳ ପ୍ରଜାତିର କୁରୁବଳ ପକ୍ଷୀଟି ଅସୁସ୍ଥତା କାରଣରୁ ନିକଟସ୍ଥ ସାହାଜାନପୁର ଜଙ୍ଗଲରେ ଆସି ପଡ଼ିଯାଇଥିଲା ।

ତାକୁ ଗ୍ରାମବାସୀମାନେ ଉଦ୍ଧାର କରି ଜଙ୍ଗଲ ବିଭାଗକୁ ଦେଇଥିଲେ । ଉଦ୍ଧାର ହୋଇଥିବା ଏହି ପକ୍ଷୀର ଲାଳ,ରକ୍ତ ଓ ମଳ ନମୁନା ସଂଗ୍ରହ କରାଯାଇଛି । ପକ୍ଷୀଟି ଥରିବା ସହ ଏହାର ବେକ ଫୁଲି ଯାଇଛି ବୋଲି ପଶୁ ଡ଼ାକ୍ତର ଅକ୍ଷୟ ଜେନା କହିଛନ୍ତି ।

ବାର୍ଡ଼ ଫ୍ଲୁ ରୋଗ ସଂକ୍ରମଣର ଆଭାସ ମିଳିବା ପରେ ଏଠାରେ ଶୁକ୍ରବାର ପଶୁ ଡ଼ାକ୍ତର ମାନଙ୍କର ଏକ ବୈଠକ ହୋଇଥିଲା । ଏହି ବୈଠକରେ ପକ୍ଷୀ ତଥା ବିଭିନ୍ନ କୁକୁଡ଼ା ଫାର୍ମରୁ ରକ୍ତ ନମୁନା ସଂଗ୍ରହ କରିବାକୁ ନିର୍ଦ୍ଧେଶ ଦିଆଯାଇଛି । ବ୍ରହ୍ମଗିରି ଓ କୁଷ୍ଣପ୍ରସାଦ ବ୍ଲକ୍ କୁ ପ୍ରାୟ୨୪୦୦ପକ୍ଷୀଙ୍କ ଲାଳ,ରକ୍ତ ନମୁନା ସଂଗ୍ରହ କରିବାକୁ ଲକ୍ଷ୍ୟ ଧାର୍ଯ୍ୟ କରାଯାଇଛି । ଉଭୟ ବ୍ଲକ୍ ରେ ରେଡ଼ ଆଲର୍ଟ ଜାରି ଜାରି କରାଯାଇଛି ।

ଏଠାରେ ଉଲ୍ଲେଖଯୋଗ୍ୟ ଯେ,ଚଳିତବର୍ଷ ଚିଲିକାକୁ ପ୍ରାୟ ସାଢେ ଆଠଲକ୍ଷ୍ୟ ବିଦେଶୀ ପକ୍ଷୀ ଆସିଥିଲେ । ସେଥିରୁ ପ୍ରାୟ ୪ଲକ୍ଷ୍ୟ ପକ୍ଷୀ ଫେରି ସାରିଲେଣି । ଏବେ ମଧ୍ୟ ସେଠାରେ ପ୍ରାୟ ୪ଲକ୍ଷ୍ୟ ବିଦେଶୀ ପକ୍ଷୀ ଅଛନ୍ତି । ବାର୍ଡ଼ ଫ୍ଲୁ ଭୂତାଣୁ ଚିହ୍ନଟ ହେବା ପରେ ଏବେ ପୁରୀ ଜିଲ୍ଲାରେ ରୋଗ ପ୍ରତିକାର ପାଇଁ ପ୍ରତିଷେଧକ ଇଂଜେକ୍ସନ୍ ଯୋଗାଡ଼ କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ଚିଲିକା, ବାର୍ଡ଼ ଫ୍ଲୁ

ଦୁଇଦିନିଆ ଧର୍ମଘଟ ପରେ ଜନଜୀବନ ସ୍ୱାଭାବିକ

February 22, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଫେବୃଆରୀ ୨୨ (ଓଡ଼ିଶା ଡ଼ଟ୍ କମ୍)-ଦରଦାମ୍ ବୃଦ୍ଧି ଓ କେନ୍ଦ୍ର ସରକାରଙ୍କ ଅର୍ଥନୀତି ବିରୋଧରେ କେନ୍ଦ୍ରୀୟ ଶ୍ରମିକ ସଂଗଠନ ମାନଙ୍କ ଦ୍ୱାରା ଦିଆଯାଇଥିବା ଦୁଇଦିନିଆ ବନ୍ଦ ଯୋଗୁଁ ବୁଧବାର ଏବଂ ଗୁରୁବାର ଅସ୍ତବ୍ୟସ୍ତ ହୋଇଥିବା ଜନଜୀବନ ଶୁକ୍ରବାର ସ୍ୱାଭାବିକ ହୋଇଛି ।

ବସ୍, ଯାତ୍ରୀବାହୀ ଯାନ ଓ ରେଳ ଚଳାଚଳ ସ୍ୱାଭାବିକ ହୋଇଥିବା ଜଣେ ପୋଲିସ ଅଧିକାରୀ କହିଛନ୍ତି । ଦୁଇଦିନ ଧରି କୌଣସି କାରବାର କରିପାରିନଥିବା ବ୍ୟାଙ୍କ୍ଏବଂ ଅନ୍ୟ ବ୍ୟବସାୟିକ ପ୍ରତିଷ୍ଠାନରେ କାର୍ଯ୍ୟାରମ୍ଭ ହେବା ମାତ୍ରେ ସେମାନଙ୍କ ସାମନାରେ ଲମ୍ବା ଭିଡ଼ ପରିଲକ୍ଷିତ ହୋଇଛି ।

ଗତ ଦୁଇଦିନ ଧରି ରାଜ୍ୟରେ ଗାଡ଼ିମଟରଏବଂ ରେଳ ଚଳାଚଳ ପ୍ରଭାବିତ ହୋଇଥିଲା ବିଭିନ୍ନ ସ୍ଥାନରେ ପିକେଟିଂ କରି ପ୍ରାୟ ୧୫୦୦ରୁ ଅଧିକ ଗିରଫ ହୋଇଥିଲେ । ଏହି ଧର୍ମଘଟ ଯୋଗୁଁ ହାରାହାରି ୧୦,୦୦୦କୋଟି ଟଙ୍କା କ୍ଷତି ହୋଇଥିବା ବିଶେଷଜ୍ଞମାନେ ଆକଳନ କରିଛନ୍ତି ।

ଟ୍ରେଡ଼୍ ୟୁନିଅନ୍ ମାନେ ଏହି ବନ୍ଦକୁ ଜନସାଧାରଣ ଅଭୁତପୂର୍ବ ସମର୍ଥନ ଦେଇଥିବା ଦାବି କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ଟ୍ରେଡ଼୍ ୟୁନିଅନ୍, ଦରଦାମ୍ ବୃଦ୍ଧି, ଯାତ୍ରୀବାହୀ

ପରୀକ୍ଷା ସମୟରେ ପାୱାର କଟ୍ ବନ୍ଦ ରଖିବାକୁ ନିର୍ଦ୍ଦେଶ

February 22, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃଆରୀ ୨୨ (ଓଡ଼ିଶା ଡ଼ଟ୍ କମ୍)- ଫେବୃଆରୀ ୨୫ରୁ ଦଶମ ଶ୍ରେଣୀ ବୋର୍ଡ଼ ପରୀକ୍ଷା ଆରମ୍ଭ ହେଉଥିବାରୁ ରାଜ୍ୟରେ ବିଶେଷତ ସନ୍ଧ୍ୟା ସମୟରେ କୌଣସି ପାୱାର କଟ୍ ନକରିବା ପାଇଁ ସରକାର ନିର୍ଦ୍ଦେଶ ଦେଇଛନ୍ତି ।

ଶୁକ୍ରବାର ଠାରୁ ନିରବଛିନ୍ନ ବିଜୁଳି ଯୋଗାଣ କରିବା ସରକାର ନିର୍ଦ୍ଦେଶ ଦେଇଥିବା ଶକ୍ତିମନ୍ତ୍ରୀ ଅରୁଣ ସାହୁ କହିଛନ୍ତି । ଏହି ବିଦ୍ୟୁତ୍ କାଟ୍ ହେଲେ ବଣ୍ଟନ କଂପାନୀ ଦାୟୀ ରହିବେ ବୋଲି ସେ କହିଛନ୍ତି ।

ଆସନ୍ତା ୨୫ରୁ ମାର୍ଚ୍ଚ ୩ ପର୍ଯ୍ୟନ୍ତ କଂପାନୀମାନେ ନିରବଛିନ୍ନ ବିଦ୍ୟୁତ୍ ଯୋଗାଣ କରିବା ପାଇଁ ନିର୍ଦ୍ଦେଶ ଦିଆଯାଇଛି ।

ଓଡ଼ିଶା ଡ଼ଟ୍ କମ୍

 

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ବିଦ୍ୟୁତ୍ କାଟ୍, ଶକ୍ତିମନ୍ତ୍ରୀ ଅରୁଣ ସାହୁ

ଯୁବକ, ମହିଳାଙ୍କ ପରେ ଚାଷୀଙ୍କ ପାଇଁ ସରକାରଙ୍କ ଘୋଷଣା

February 20, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃଆରୀ ୨୦(ଓଡ଼ିଶା ଡ଼ଟ୍ କମ୍), ଯୁବକ ସଂଘ ଓ ମହିଳା ସ୍ୱୟଂ ସହାୟକ ଗୋଷ୍ଠୀ ଙ୍କ ପରେ ଏବେ ସରକାର ଚାଷୀଙ୍କ ପାଇଁ ସହାୟତା ଘୋଷଣାକରିଛନ୍ତି ।

( ବଜେଟ୍ ଭାଷଣ ୧ , ବଜେଟ୍ ଭାଷଣ ୨ ) ୨୦୧୪ ନିର୍ବାଚନକୁ ଆଖି ଆଗରେ ରଖି ବିଭିନ୍ନ ବର୍ଗର ଲୋକଙ୍କୁ ପ୍ରଲୋଭିତ କରିବା ଉଦ୍ଦେଶ୍ୟ ରେ ସରକାର ଏହି ଘୋଷଣା ମାନ କରୁଛନ୍ତି ବୋଲି ବିରୋଧି ଦଳମାନେ ଅଭିଯୋଗ କରିଛନ୍ତି ।

ମଙ୍ଗଳବାର ୨୦୧୩-୧୪ଆର୍ଥିକ ବର୍ଷ ପାଇଁ ଅର୍ଥମନ୍ତ୍ରୀ ପ୍ରସନ୍ନ ଆଚାର୍ଯ୍ୟ ବିଧାନସଭାରେ ଉପସ୍ଥାପିତ କରିଥିବା ବଜେଟ୍ ରେ କୃଷକମାନଙ୍କ ପାଇଁ ଘୋଷଣା କରିଛନ୍ତି ବିଜୁ କୃଷକ କଲ୍ୟାଣ ଯୋଚନା । ଏହି ଯୋଜନା ଅନୁଯାୟୀ ପ୍ରତ୍ୟେକ ପରିବାରର ପାଞ୍ଚଜଣଙ୍କୁ ବାର୍ଷିକ ପ୍ରାୟ ୩୦,୦୦୦ଟଙ୍କା ପର୍ଯ୍ୟନ୍ତ ସ୍ୱାସ୍ଥ୍ୟ ବୀମା ସୁବିଧା ମିଳିବ । ସରକାର ଏଥିପାଇଁ ପ୍ରାୟ ୧୦୦କୋଟି ଟଙ୍କା ଖର୍ଚ କରିବାର ପ୍ରସ୍ତାବ ରଖିଛନ୍ତି ।

କୃଷି କ୍ଷେତ୍ର ପାଇଁ ରାଜ୍ୟରେ ପ୍ରଥମ ଥର ପାଇଁ ଏକ ସ୍ୱତନ୍ତ୍ର ବଜେଟ୍ ଉପସ୍ଥାପନ ପରେ ସେ କହିଛନ୍ତି ଯେ,ବାଣିଜ୍ୟିକ ଏବଂ ଗ୍ରାମ୍ୟ ବ୍ୟାଙ୍କ ଚାଷୀଙ୍କୁ ରିହାତି ସୁଧରେ ସରକାର ସ୍ୱଳ୍ପ ମିଆଦୀ କୃଷିଋଣ ଉପଲବ୍ଧ କରାଇବେ । ପାଞ୍ଚ ପ୍ରତିଶତ ସୁଧହାରରେ ଏହି ଋଣ ପ୍ରଦାନ କରାଯିବ । ନିର୍ଧାରିତ ସମୟ ମଧ୍ୟରେ ଏହା ପୈଠ କଲେ ଏହି ସୁଧ ପରିମାଣ ଦୁଇ ପ୍ରତିଶତ ରହିବ ।

କୃଷି କ୍ଷେତ୍ର ପାଇଁ ସରକାର ଆଗାମୀ ଆର୍ଥିକ ବର୍ଷରେ ସାତହଜାର ଶହେ ବାଷଠି କୋଟି ଟଙ୍କା ଖର୍ଚ କରିବାର ପ୍ରସ୍ତାବ ରଖିଛନ୍ତି । ୨୦୧୨-୧୩ ବର୍ଷ ତୁଳନାରେ ଏହା ୨୭ପ୍ରତିଶତ ଅଧିକ । ସରକାର ପ୍ରାୟ ୨୦୦୦୦ଚାଷୀଙ୍କୁ ମାଗଣା ମୋବାଇଲ ଫୋନ ଯୋଗାଇଦେବେ ବୋଲି ମଧ୍ୟ ଘୋଷଣା କରିଛନ୍ତି ।

ଏଠାରେ ଉଲେଖଯୋଗ୍ୟ ଯେ, ରାଜ୍ୟରେ ଯୁବକସଂଘ ଏବଂ ମହିଳା ସ୍ୱୟଂ ସହାୟକ ଗୋଷ୍ଠୀଙ୍କୁ ଜଣ ପିଛା ୧୦୦୦୦ଟଙ୍କା ଲେଖାଏଁ ସହାୟତା ରାଶି ଘୋଷଣା କରାଯାଇଛି । ଏହା ବ୍ୟତୀତ
ସରକାର ବୁଣାକାର, କେନ୍ଦୁପତ୍ର ଶ୍ରମିକ, ନିର୍ମାଣ ଶ୍ରମିକ ଆଦି ବିଭିନ୍ନ ବର୍ଗର ଲୋକଙ୍କ ପାଇଁ ବିଭିନ୍ନ ସହାୟତା ଘୋଷଣା କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ଚାଷୀଙ୍କୁ ରିହାତି, ବଜେଟ୍, ବିଧାନସଭା

  • « Go to Previous Page
  • Go to page 1
  • Interim pages omitted …
  • Go to page 3
  • Go to page 4
  • Go to page 5
  • Go to page 6
  • Go to page 7
  • Interim pages omitted …
  • Go to page 75
  • Go to Next Page »

Primary Sidebar

RSS LATEST

  • ବଣ୍ଟା ଯାଉନଥିଲା ରାସନ ସାମଗ୍ରୀ, ଘଟଣାସ୍ଥଳରେ ପହଞ୍ଚି ତୁରନ୍ତ ବଣ୍ଟନ ପାଇଁ ମେୟରଙ୍କ ନିର୍ଦ୍ଦେଶ
  • ରେଳ ଧାରଣା କଡ଼ରୁ ଯୁବକଙ୍କ ମୃତଦେହ ଉଦ୍ଧାର
  • ମେଡିକାଲ ଚେକ୍ଅପ୍ ପାଇଁ ଆସି ଚମ୍ପଟ ମାରିଲେ ୨ ଅଭିଯୁକ୍ତ
  • ରାଜ୍ୟରୁ ଆଉ ୧୦ ଜଣ କରୋନା ଆକ୍ରାନ୍ତ ଚିହ୍ନଟ
  • ସିଭିଲ ଡିଫେନ୍ସ ତରଫରୁ ପ୍ରଶିକ୍ଷଣ ଶିବିର ଆୟୋଜିତ
  • ରାଜଧାନୀରେ ବୋମାମାଡ଼
  • ମଇ ୨୨ରେ ସିଲଭର ଜୁବୁଲି ପାଇଁ ପ୍ରସ୍ତୁତି ବୈଠକ
  • କାଳବୈଶାଖୀ ପ୍ରଭାବରେ ବର୍ଷା ସମ୍ଭାବନା
  • ଇଣ୍ଡିଆ ବୁକ ଅଫ ରେକର୍ଡ଼ରେ ରାମଚନ୍ଦ୍ର
  • ହାତୀ ମୃତ୍ୟୁ ସଂଖ୍ୟା ତିନରେ ପହଞ୍ଚିଲା (ଅପଡେଟ)