• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ବିଜେଡ଼ି

ଅପ୍ରତିଦ୍ୱନ୍ଦ୍ୱୀ ନବୀନଙ୍କ ନିର୍ବାଚନ ଜୟଯାତ୍ରା (ତୃତୀୟ ନୟନ)

April 9, 2015 by ନିଉଜ ଡେସ୍କ Leave a Comment

ତୃତୀୟ ନୟନ

ଦୀର୍ଘ ୧୫ ବର୍ଷ ହେଲା ରାଜ୍ୟରେ କ୍ଷମତା ଉପଭୋଗ କରି ଆସୁଥିବା ଏବଂ କ୍ରମାଗତ ଭାବେ ନିର୍ବାଚନରେ ବିଜୟ ହାସଲ କରି ଆସୁଥିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱାଧୀନ ବିଜେଡି ବିରୋଧରେ ଯେତେ ଯାହା ଅଭିଯୋଗ ଆସିଲେ ବି ତାଙ୍କ ପ୍ରତି ରହିଛି ଏବଂ ବିଜେଡି ବିରୋଧରେ ଯେତେ ଯାହା ଅଭିଯୋଗ ଆସିଲେ ବି ଲୋକଙ୍କ ସମର୍ଥନ ତାଙ୍କ ପ୍ରତି ରହିଛି ଏବଂ ନବୀନ ପଟ୍ଟନାୟକ ରାଜ୍ୟର ସର୍ବାଧିକ ଲୋକପ୍ରିୟ ନେତା ବୋଲି ପ୍ରମାଣିତ ହୋଇଛି ।

Prasanta Closeupସଦ୍ୟସମାପ୍ତ ପୌର ନିର୍ବାଚନରେ ଏହା ସାବ୍ୟସ୍ତ ହୋଇଛି । ୮ଟି ପୌର ସଂସ୍ଥା ପାଇଁ ଅନୁଷ୍ଠିତ ନିର୍ବାଚନରେ ବିଜେଡି କ୍ଲିନ୍‍ସୁଇପ୍‍ କରିଛି । ସମସ୍ତ ୮ଟି ଯାକ ପୌରସଂସ୍ଥାରେ ବିଜେଡି ସଂଖ୍ୟାଗରିଷ୍ଠତା ହାସଲ କରିଥିବା ବେଳେ ଦୁଇ ପ୍ରମୁଖ ବିରୋଧୀ ଦଳ କଂଗ୍ରେସ ଓ ବିଜେପି ଶୋଚନୀୟ ଭାବରେ ପରାସ୍ତ ହୋଇଛନ୍ତି ।

କଂଗ୍ରେସ ୩ଟିରେ ଖାତା ଖୋଲି ପାରିନଥିବା ବେଳେ ବିଜେପି ମଧ୍ୟ ଗୋଟିକରେ ଖାତା ଖୋଲିନାହିଁ । ମୋଟ୍‍ ୧୨୯ଟି ୱାର୍ଡ ମଧ୍ୟରୁ ବିଜେଡି ୧୦୩ଟିରେ ବିଜୟୀ ହୋଇଥିବା ବେଳେ ବିଜେପି ୧୨ଟି ଓ କଂଗ୍ରେସ ୧୧ଟି ୱାର୍ଡରେ ବିଜୟୀ ହୋଇଛି ।

ଫଳରେ ମୁଖ୍ୟ ବିରୋଧୀ ଦଳ ଭାବେ ବିଜେପି ପୁଣି ଥରେ ନିଜକୁ ପ୍ରମାଣିତ କରିଥିବା ବେଳେ ପ୍ରସାଦ ହରିଚନ୍ଦନଙ୍କ ନେତୃତ୍ୱରେ କଂଗ୍ରେସର ପୁନ୍‍ର୍‍ଉତ୍ଥାନ ହେବ ବୋଲି ଯାହା ଆଶା କରାଯାଉଥିଲା ତାହା ଭୁଲ୍‍ ପ୍ରମାଣିତ ହୋଇଛି । ଅନ୍ୟ ବିରୋଧୀ ଦଳଗୁଡିକ ରାଜ୍ୟ ରାଜନୀତିକରେ ମୂଲ୍ୟହୀନ ସାବ୍ୟସ୍ତ ହୋଇଛନ୍ତି ।

ଏପ୍ରିଲ୍‍ ୮ ସକାଳ ୮ଟାରୁ ୮ଟି ପୌରସଂସ୍ଥାରେ ଭୋଟ୍‍ଗଣତି ଆରମ୍ଭ ହୋଇଥିଲା ଏବଂ ଅପରାହ୍ନ ୨ଟା ସୁଦ୍ଧା ସମସ୍ତ ଆସନର ଫଳାଫଳ ପ୍ରକାଶ ପାଇଥିଲା । ଘୋଷିତ ଫଳାଫଳ ଅନୁଯାୟୀ ପାରାଦ୍ୱୀପର ୧୯ଟି ୱାର୍ଡ ମଧ୍ୟରୁ ବିଜେଡି ୧୬ ଟି ହାତେଇ ଥିବା ବେଳେ କଂଗ୍ରେସକୁ ୨ଟି ଓ ବିଜେପିକୁ ମିଳିଛି ଗୋଟିଏ ଆସନ ।

ବେଲପାହାଡର ମଧ୍ୟ ୧୯ଟି ଆସନ ମଧ୍ୟରୁ ବିଜେଡିକୁ ୧୬ଟିରେ ସଫଳତା ମିଳିଥିବା ବେଳେ ବିଜେପିକୁ ୨ଟି ଓ କଂଗ୍ରେସକୁ ଗୋଟିଏ ୱାର୍ଡରେ ସଫଳତ ମିଳିଛି । ସୁନାବେଡାର ୨୫ଟି ୱାର୍ଡ ମଧ୍ୟରେ ବିଜେଡି ୧୮ଟିକୁ ହାତେଇଥିବାରେ ସମର୍ଥ ହୋଇଥିବା ବେଳେ କଂଗ୍ରେସ ୫ଟି ଓ ବିଜେପି ୨ଟିରେ ସନ୍ତୁଷ୍ଟ ହୋଇଛି ।

ଧର୍ମଗଡରେ ୧୪ଟି ୱାର୍ଡ ମଧ୍ୟରୁ ବିଜେଡି ୧୩ଟି ଜିତିଥିବା ବେଳେ କଂଗ୍ରେସକୁ ଗୋଟିକରେ ସନ୍ତୁଷ୍ଟ ହେବାକୁ ପଡିଛି । ଏଠାରେ ବିଜେପି ଖାତା ଖୋଲିପାରିନାହିଁ । ବାଲିମେଳାରେ ବିଜେଡି ୧୩ଟି, ବିଜେପି ୧ଟି ଓ ସ୍ୱାଧୀନ ପ୍ରାର୍ଥୀ ୨ଟିରେ ବିଜୟୀ ହୋଇଛନ୍ତି ।

କଂଗ୍ରେସର ସ୍ଥିତି ଦୋହଲି ଯାଇଛି । ତୁଷରାରେ ବିଜେଡି ୮, ବିଜେପି ୨ ଓ ଅନ୍ୟପ୍ରାର୍ଥୀ ଗୋଟିଏ ଆସନରେ ଜିତିଥିବାବେଳେ ରେଢ଼ାଖୋଲରେ ବିଜେଡି ୧୨ଟି ୱାର୍ଡ ଜିତିଥିବା ବେଳେ ବିଜେପି ଭାଗରେ ପଡିଛି ମାତ୍ର ୧ ।

ଫଳରେ ଏହି ସମସ୍ତ ପୌରସଂସ୍ଥାର ଅଧ୍ୟକ୍ଷ ଓ ଉପାଧ୍ୟକ୍ଷ ପଦ ବିଜେଡି ହାତେଇବା ସୁନିଶ୍ଚିତ ହୋଇଯାଇଛି । କୌଣସି ସ୍ଥାନରେ ବିଜେଡିକୁ ଅନ୍ୟ କାହାରି ସମର୍ଥନର ଆବଶ୍ୟକତା ପଡିବ ନାହିଁ ।

ବିଜେଡିର ଏହି ବିପୁଳ ବିଜୟ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଖୁସିବ୍ୟକ୍ତ କରିବା ସହ ସମ୍ପୃକ୍ତ ପୌରାଞ୍ଚଳବାସୀଙ୍କୁ କୃତଜ୍ଞତା ଓ ଦଳୀୟ କର୍ମୀଙ୍କୁ ଧନ୍ୟବାଦ ଜଣାଇଛନ୍ତି । ଦଳର ବରିଷ୍ଠ ନେତା ଡାକ୍ତର ଦାମୋଦର ରାଉତ ଏହି ବିଜୟର ଶ୍ରେୟ ନବୀନ ପଟ୍ଟନାୟକଙ୍କୁ ଦେଇଛନ୍ତି । ଏହି ବିଜୟ ଫଳରେ ନବୀନଙ୍କ ଉପରେ ଲୋକଙ୍କ ଆସ୍ଥା ଅତୁଟ ରହିଥିବା କଥା ପ୍ରମାଣିତ ହୋଇଛି ।

ଅନ୍ୟପକ୍ଷରେ ପିସିସି ସଭାପତି ପ୍ରସାଦ ହରିଚନ୍ଦନ ତାଙ୍କ ପ୍ରତିକ୍ରିୟାରେ କହିଛନ୍ତି ଯେ, ପୌର ନିର୍ବାଚନ ଫଳାଫଳ ଆଶନୁରୂପ ହୋଇନାହିଁ । କେଉଁଠି ତ୍ରୁଟି ରହିଲା ସେ ସମ୍ପର୍କରେ ସମୀକ୍ଷା କରି ସଂଶୋଧନ କରାଯିବ । ଲୋକଙ୍କ ରାୟକୁ ଦଳ ବିନମ୍ରତାର ସହ ଗ୍ରହଣ କରୁଛି ବୋଲି ସେ କହିଛନ୍ତି ।

ତେବେ ଶାସକ ଦଳ ଅର୍ଥ ଓ ବାହୁ ବଳ ତଥା ଶାସନ କଳର ଦୂରୁପଯୋଗ କରି ଜିତିଥିବା ସେ କହିଛନ୍ତି । ବିଜେପି ରାଜ୍ୟ ସଭାପତି କନକ ବର୍ଦ୍ଧନ ସିଂହଦେଓ ମଧ୍ୟ ପରାଜୟର ସମୀକ୍ଷା କରାଯିବ ବୋଲି କହିବା ସହ ଶାସକ ଦଳ ଅର୍ଥ ଓ କ୍ଷମତାର ଅପପ୍ରୟୋଗ କରି ଜିତିଥିବା ଅଭିଯୋଗ କରିଛନ୍ତି ।

ଇତିମଧ୍ୟରେ ଲୋକସଭା ଓ ବିଧାନସଭା ନିର୍ବାଚନ ଠାରୁ ଆରମ୍ଭ କରି ରାଜ୍ୟରେ ଯେତେଗୁଡିଏ ନିର୍ବାଚନ ହୋଇଯାଇଛି ପ୍ରତିଟିରେ ବିଜେଡି ଦଳ ବିପୁଳ ସଂଖ୍ୟାଗରିଷ୍ଠତା ହାସଲ କରିଛି ।

ବିରୋଧୀ କଂଗ୍ରେସ ଓ ଭାରତୀୟ ଜନତା ପାର୍ଟି ନିଜ ଦଳର ଅପାରଗତା, ଦୁର୍ବଳ ନେତୃତ୍ୱ ଓ ଜନସାଧାରଣଙ୍କ ବିଶ୍ୱସନୀୟତା ହରାଇଥିବା କଥାକୁ ସ୍ୱୀକାର କରି ଆତ୍ମସମୀକ୍ଷା କରିବା ଏବଂ ନିଜର ତ୍ରୁଟି ବିଚ୍ୟୁତିକୁ ସଂଶୋଧନ କରିବା ପରିବର୍ତ୍ତେ ବିଜୁ ଜନତା ଦଳ ବିରୁଦ୍ଧରେ ଅଭିଯୋଗ କରି ସନ୍ତୁଷ୍ଟ ରହୁଥିବାରୁ ସେମାନେ ଯେ ବାରମ୍ବାର ବିପର୍ଯ୍ୟୟର ସମ୍ମୁଖୀନ ହେଉଛନ୍ତି ଏଥିରେ ସନ୍ଦେହ ନାହିଁ ।

ସର୍ବୋଚ୍ଚ ନ୍ୟାୟାଳୟର ସୁରକ୍ଷା

ବିଭିନ୍ନ ସମୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିରୋଧରେ ବିରୋଧୀ ଦଳ ତରଫରୁ ଏବଂ ବ୍ୟକ୍ତିବିଶେଷଙ୍କ ଦ୍ୱାରା ଦୁର୍ନୀତି ଓ ମହାଦୁର୍ନୀତିର ଅଭିଯୋଗମାନ କରାଯାଇ ଆସିଥିଲେ ମଧ୍ୟ ଶ୍ରୀ ପଟ୍ଟନାୟକଙ୍କ ବିରୁଦ୍ଧରେ କୌଣସି ଅଭିଯୋଗ ପ୍ରମାଣିତ ହୋଇନଥିବାରୁ ତାଙ୍କର ଶୁଭ୍ରପୋଷାକରେ କଳା ଦାଗ ଛିଟାଟିଏ ସୁଦ୍ଧା ଲାଗିନାହିଁ ।

ରାଜ୍ୟରେ ହୋଇଥିବା ଖଣି ମହାଦୁର୍ନୀତି ସମ୍ପର୍କରେ ଓଡିଶା ହାଇକୋର୍ଟରେ ୨୦୦୯ ମସିହାରେ ଆଗତ ହୋଇଥିବା ଏକାଧିକ ଜନସ୍ୱାର୍ଥ ମାମଲାରେ ସିବିଆଇ ଦ୍ୱାରା ଖଣି ମହାଦୁର୍ନୀତିର ତଦନ୍ତ ପାଇଁ ଦାବି କରାଯାଇଥିଲା ।

ଓଡିଶା ଉଚ୍ଚ ନ୍ୟାୟାଳୟର ତଦନାନ୍ତୀନ ମୁଖ୍ୟ ବିଚାରପତି ଜଷ୍ଟିସ୍‍.ଭି ଗୋପାଳଗୌଡ ଏବଂ ବିଚାରପତି ବି.ଏମ୍‍ ମହାପାତ୍ରଙ୍କ ଖଣ୍ଡପୀଠରେ ଏହାର ପୂର୍ଣ୍ଣାଙ୍ଗ ଶୁଣାଣି ହେବା ପରେ ୧୮ ଏପି୍ରଲ୍‍ ୨୦୧୧ରେ ଏହି ମକଦ୍ଧମାର ରାୟ ସଂରକ୍ଷିତ ରହିଲା ବୋଲି ଘୋଷଣା କରାଯାଇଥିଲା ।

ଇତିମଧ୍ୟରେ ବିଚାରପତି ଶ୍ରୀ ଗୋପାଳଗୌଡ ସୁପ୍ରିମକୋର୍ଟରୁ ବଦଳି ହୋଇଯାଇଛନ୍ତି ଏବଂ ଜଷ୍ଟିସ୍‍ ଶ୍ରୀ ମହାପାତ୍ର ଗତ ମାର୍ଚ୍ଚ ୩୧ ତାରିଖରେ ଅବସର ଗ୍ରହଣ କରିଛନ୍ତି । ବିଗତ ୪ ବର୍ଷ ଧରି ଏହି ଗୁରୁତ୍ୱପୂର୍ଣ୍ଣ ମକଦ୍ଧମା ସମ୍ପର୍କରେ ରାୟ ଅଧ୍ୟାବଧି ପ୍ରକାଶିତ ହୋଇନାହିଁ ।

ଓଡିଶାରେ ତଳବିରା – ୨ କୋଇଲା ଖଣି ଆବଣ୍ଟନ ନେଇ ସିବିଆଇ ମାମଲାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପକ୍ଷଭୁକ୍ତ କରିବା ନିମନ୍ତେ ସୁପ୍ରିମକୋର୍ଟରେ ହୋଇଥିବା ଆବେଦନ ଖାରଜ ହୋଇଛି । ସୁପ୍ରିମକୋର୍ଟ ଆବେଦନ ବା ପିଟିସନ୍‍କୁ ଖାରଜ କରି ଆବେଦନକାରୀଙ୍କ ଉପରେ ଲକ୍ଷେ ଟଙ୍କା ଜରିମାନା ଧାର୍ଯ୍ୟ କରିଛନ୍ତି ।

ଜଷ୍ଟିସ୍‍.ଭି ଗୋପାଳଗୌଡ ଓ ଜଷ୍ଟିସ୍‍ ସି.ନାଗାପ୍ପାନଙ୍କୁ ନେଇ ଗଠିତ ଖଣ୍ଡପୀଠ ଏହି ଆବେଦନକୁ ଖାରଜ କରିଛନ୍ତି । ଏଭଳି ଆବେଦନ ଗ୍ରହଣଯୋଗ୍ୟ ନୁହେଁ ବୋଲି ଦର୍ଶାଇବା ସହିତ ଖଣ୍ଡପୀଠ ଆବେଦନକାରୀଙ୍କୁ ସତର୍କ କରିଛନ୍ତି । ବିଚାରପତି ଦ୍ୱୟ ଭବିଷ୍ୟତରେ ଏଭଳି ଅଯୌକ୍ତିକ ବିଷୟ ଆଣି ବିଚାରାଳୟର ସମୟ ଅପଚୟ କରାନଯିବାକୁ ମଧ୍ୟ ଚେତାବନୀ ଦେଇଛନ୍ତି ।

ପୂର୍ଣ୍ଣଚନ୍ଦ୍ର ସାହୁଙ୍କ ପକ୍ଷରୁ ସୁପ୍ରିମକୋର୍ଟରେ ଏଭଳି ଆବେଦନ କରାଯାଇଥିଲା । ସ୍ୱତନ୍ତ୍ର ଲିଭ୍‍ ପିଟିସନ୍‍ (ଏସ୍‍ଏଲ୍‍ପି) ଜରିଆରେ ଏହି ଆବେଦନ ହୋଇଥିଲା । ଶ୍ରୀ ସାହୁଙ୍କ ପକ୍ଷରୁ ଆଇନ୍‍ଜୀବୀ ସୁରେଶ ତ୍ରିପାଠୀ ମାମଲାର ପରିଚାଳନା କରୁଥିଲେ ।

ତଳବିରା – ୨ କୋଇଲା ଖଣି ଆବଣ୍ଟନ ମାମଲାରେ ୬ ଜଣଙ୍କୁ ସିବିଆଇ ସମନ ଜାରି କରିଥିବାରୁ ଏଥିରେ ମୁଖ୍ୟମନ୍ତ୍ରୀଙ୍କୁ ମଧ୍ୟ ପକ୍ଷଭୁକ୍ତ କରାଯିବା ନେଇ ଆବେଦନକାରୀ ତାଙ୍କର ପିଟିସନ୍‍ ରଖିଥିଲେ ।

ସୁପ୍ରିମକୋର୍ଟର ଏହି ଖଣ୍ଡପୀଠ ପିଟିସନ୍‍ର ବୈଧତା ନେଇ ନିଷ୍ପତ୍ତି ନେବେ ବୋଲି ପୂର୍ବରୁ ରାୟ ଦେଇଥିଲେ । ଶ୍ରୀ ସାହୁଙ୍କ ପକ୍ଷରୁ ଆଇନ୍‍ଜୀବୀ ସୁରେଶ ତ୍ରିପାଠୀ ଏହାର ସପକ୍ଷରେ ଯୁକ୍ତି କରିବା ପାଇଁ ଛିଡା ହେବା ମାତ୍ରେ ମାନ୍ୟବର ବିଚାରପତି ଶ୍ରୀ ଗୌଡ ଏହି ଆବେଦନ ଗ୍ରହଣଯୋଗ୍ୟ ନୁହଁ ଏବଂ ଭବିଷ୍ୟତରେ ଏଭଳି ଅଯୌକ୍ତିତ ବିଷୟ ଆଣି ମାନ୍ୟବର ବିଚାରାଳୟର ସମୟ ଅପଚୟ ନକରିବା ପାଇଁ ଚେତାବନୀ ଦେଇଥିଲେ ।

ତଳବିରା କୋଲ୍‍ ଆବଣ୍ଟନ ମାମଲାରେ ପୂର୍ବରୁ ସିବିଆଇ କୋର୍ଟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଦୋଷମୁକ୍ତ କରିବା ସହ ଏହି ମାମଲାରେ ସେ କୌଣସି ପ୍ରକାରେ ସମ୍ପୃକ୍ତ ନଥିବା ଦର୍ଶାଇଥିଲେ । ତେବେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ, ହିଣ୍ଡାଲ୍‍କୋ ଅଧ୍ୟକ୍ଷ କୁମାର ମଙ୍ଗଳମ ବିର୍ଲା, ପୂର୍ବତନ କୋଇଲା ସଚିବ ପି.ସି ପାରଖ ପ୍ରମୁଖଙ୍କୁ ମିଶାଇ ୬ ଜଣଙ୍କୁ ସିବିଆଇ ସମନ କରିଥିଲା ।
ସୁପ୍ରିମକୋର୍ଟ ଏହି ମାମଲାରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ ସିବିଆଇର ସମନ ଉପରେ ସ୍ଥଗିତାଦେଶ ଜାରି କରିଛନ୍ତି । ଏବେ ମୁଖ୍ୟମନ୍ତ୍ରୀଙ୍କୁ ପକ୍ଷଭୁକ୍ତ କରିବା ନେଇ ହୋଇଥିବା ଆବେଦନ ସୁପ୍ରିମକୋର୍ଟଙ୍କ ଦ୍ୱାରା ଖାରଜ ହୋଇଯିବା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଏହି ମାମଲାରେ ପୂର୍ଣ୍ଣରୂପେ କ୍ଲିନ୍‍ଚିଟ୍‍ ସଦୃଶ ହୋଇଛି ।

ହିଣ୍ଡାଲ୍‍କୋକୁ କୋଇଲା ବ୍ଲକ୍‍ ଆବଣ୍ଟନ କରିବାର ନିଷ୍ପତ୍ତି ସମ୍ପୂର୍ଣ୍ଣଭାବେ କେନ୍ଦ୍ର ସରକାରଙ୍କର ଥିବା ବେଳେ ରାଜ୍ୟ ସରକାର କେବଳ ପ୍ରସ୍ତାବ ଅନୁଧ୍ୟାନ ଲାଗି ସୁପାରିଶ କରିଥିଲେ ।

ଓଡିଶାରେ ହିଣ୍ଡାଲ୍‍କୋ ଏକ ପ୍ରକଳ୍ପ କରିବାକୁ ଯାଉଥିବାରୁ ଏହାକୁ ଆଧାର କରି ମୁଖ୍ୟମନ୍ତ୍ରୀ ଏ ବିଷୟରେ ବିଚାର କରିବା ନିମନ୍ତେ ପ୍ରଧାନମନ୍ତ୍ରୀଙ୍କୁ ଲେଖିଥିଲେ । ପୂର୍ବରୁ ଏନେଇ ସେ ନିଜେ ସ୍ପଷ୍ଟ କରି ସାରିଛନ୍ତି ।

ରାଜ୍ୟରେ ଅଧିକ ପୁଞ୍ଜି ବିନିଯୋଗ ସହିତ ଶିଳ୍ପ ପ୍ରତିଷ୍ଠା ଏବଂ ଏହାଦ୍ୱାରା ରାଜସ୍ୱ ବୃଦ୍ଧି ଓ ନିଯୁକ୍ତି ସୁଯୋଗ ସୃଷ୍ଟିକୁ ଦୃଷ୍ଟିରେ ରଖି କେନ୍ଦ୍ରକୁ ବିଚାର ନିମନ୍ତେ ପ୍ରସ୍ତାବ ପାଠାଇଥିବା ସେ କହିଥିଲେ ବୋଲି ଦର୍ଶାଇଛନ୍ତି ।

ସୁପ୍ରିମକୋର୍ଟଙ୍କ ନିଷ୍ପତ୍ତିରେ ବିଜେଡି ନେତୃବୃନ୍ଦ ବେଶ୍‍ ଆନନ୍ଦ ପ୍ରକାଶ କରିଛନ୍ତି । ଅପରପକ୍ଷରେ ବିରୋଧୀ ରାଜନୈତିକ ଦଳଗୁଡିକୁ ଏହା ଶକ୍ତ ଧକ୍କା ସଦୃଶ ହୋଇଛି ।

କାରଣ ପୂର୍ବରୁ ପିସିସି ସଭାପତି ପ୍ରସାଦ ହରିଚନ୍ଦନଙ୍କ ସମେତ ବିିଜେପିର ବହୁ ନେତା ତଳବିରା-୨ କୋଇଲା ଖଣି ମାମଲାରେ ମୁଖ୍ୟମନ୍ତ୍ରୀଙ୍କୁ ପକ୍ଷଭୁକ୍ତ କରି ଜେରା କରିବା ପାଇଁ ଦାବି କରି ଆସୁଥିଲେ ।

ବିରୋଧୀ ଦଳ ନେତା ନରସିଂହ ମିଶ୍ର ମଧ୍ୟ ଏନେଇ ପ୍ରଶ୍ନ ଉଠାଇଥିଲେ । ମାତ୍ର ନବୀନଙ୍କ ବିରୁଦ୍ଧରେ ଦେଖାଦେଇଥିବା ଏହି ଝଡର ଅବସାନ ଘଟାଇ ସୁପ୍ରିମକୋର୍ଟଙ୍କ ରାୟ ପ୍ରକାଶିତ ହେବା ପରେ ସମସ୍ତେ ଆପାତତଃ ନିରବ ରହିବା ଲାଗି ବାଧ୍ୟ ହୋଇଛନ୍ତି  ।
—

 

 

ନିଉଜ ଡେସ୍କ
ନିଉଜ ଡେସ୍କ

Filed Under: ତୃତୀୟ ନୟନ Tagged With: କଂଗ୍ରେସ, ନିର୍ବାଚନ, ପୌରସଂସ୍ଥା, ବିଜେଡ଼ି, ବିଜେପି, ମୁଖ୍ୟମନ୍ତ୍ରୀ, ଲୋକପ୍ରିୟତା

ଆଠୋଟି ଯାକ ପୌରସଂସ୍ଥାରେ ବିଜେଡ଼ିର ବାଜିମାତ

April 8, 2015 by ନିଉଜ ଡେସ୍କ Leave a Comment

ଭୁବନେଶ୍ଵର, ଏପ୍ରିଲ ୮ (ଓଡିଶା ଡଟ କମ) ରାଜ୍ୟରେ ମଙ୍ଗଳବାର ନିର୍ବାଚନ ଅନୁଷ୍ଠିତ ହୋଇଥିବା ଆଠୋଟି ଯାକ ପୌର ସଂସ୍ଥାରେ ଶାସକ ବିଜେଡି ଦଳ ବାଜିମାତ ହାସଲ କରିଛି ।

BijuJanataDal_logoବୁଧବାର ଭୋଟ ଗଣତିପରେ ଫଳାଫଳ ପ୍ରକାଶ ପାଇଥିବା ଏହି ତିନି ମ୍ୟୁନିସପାଲିଟି ଗୁଡିକହେଲା ସୁନାବେଡା, ବେଲପାହାଡ, ପାରାଦୀପ, ଓ ପାଞ୍ଚ ବିଜ୍ଞାପିତ ପରିଷଦ ହେଲା ରେଢାଖୋଲ, ତୁଷରା, ଦଶପଲ୍ଲା, ବାଲିମେଳା ଓ ଧର୍ମଗଡ ।

ନିର୍ବାଚନ ହୋଇଥିବା ମୋଟ ୧୨୯ ୱାର୍ଡ଼ରୁ ବିଜୁ ଜନତା ଦଳ ୧୦୩ ୱାର୍ଡ଼ ହାସଲ କରିଥିବା ବେଳେ ବିଜେପି ଓ କଂଗ୍ରେସକୁ ୧୨ ଓ ୧୧ ମିଳିଛି । ସ୍ଵାଧୀନ ପ୍ରାର୍ଥୀ ତିନୋଟି ୱାର୍ଡ଼ ହାସଲ କରିଛନ୍ତି ।

ଓଡିଶା ଡଟ କମ

ନିଉଜ ଡେସ୍କ
ନିଉଜ ଡେସ୍କ

Filed Under: ରାଜନୀତି Tagged With: କଂଗ୍ରେସ, ନିର୍ବାଚନ, ପୌରସଂସ୍ଥା, ବିଜେଡ଼ି, ବିଜେପି

ଜମି ଅଧ୍ୟାଦେଶକୁ ବିରୋଧ କର, ବିଜେଡିକୁ କହିଲେ ରମେଶ

April 6, 2015 by ନିଉଜ ଡେସ୍କ Leave a Comment

ଭୁବନେଶ୍ଵର, ଏପ୍ରିଲ ୬ (ଓଡିଶା ଡଟ କମ) ସଂଶୋଧିତ ଜମି ଅଧିଗ୍ରହଣ ଅଧ୍ୟାଦେଶକୁ ଚାଷୀ ବିରୋଧୀ ଦର୍ଶାଇ ରାଜ୍ୟସଭାରେ ଏହାର ବିରୋଧ କରିବାକୁ ପୂର୍ବତନ ପରିବେଶ ମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ଓଡିଶାର ଶାସକ ବିଜୁ ଜନତା ଦଳକୁ ଆହ୍ଵାନ ଦେଇଛନ୍ତି ।

Jairam_rameshଯଦି ବିଜେଡି କୃଷକ ଓ ଆଦିବାସୀଙ୍କ ସ୍ଵାର୍ଥ ରକ୍ଷା ସପକ୍ଷରେ ତେବେ ସେ ଏହି ଅଧ୍ୟାଦେଶର ନିଶ୍ଚିତ ବିରୋଧ କରିବା ଉଚିତ, ଭୁବନେଶ୍ଵରରେ ଏକ ସାମ୍ବାଦିକ ସମ୍ମିଳନୀରେ ରମେଶ କହିଛନ୍ତି। ଲୋକସଭାରେ ବିଜେଡ଼ିର ଅଧ୍ୟାଦେଶ ପ୍ରତି ମନୋଭାବକୁ ଉଲ୍ଲେଖକରି ସେ ଉଭୟ ପାର୍ଟି ମଧ୍ୟରେ ଗୋପନ ବୁଝ।ମଣ। ହୋଇଥିବା ଅଭିଯୋଗ କରିଥିଲେ।

ବିଜେଡି ଓ ବିଜେପିକୁ ଗୋଟିଏ ମୁଦ୍ରାର ଏ ପାଖ ଓ ସେପାଖ ଦର୍ଶାଇ ପୂର୍ବତନ ମନ୍ତ୍ରୀ କହିଥିଲେ ଦୁଇ ପାର୍ଟି ମଧ୍ୟରେ ଥିବା ବୁଝାମଣା ଆଉ ଗୋପନ ହୋଇ ରହିନି । ପରସ୍ପରକୁ ସାହାଯ୍ୟ କରିବା ପାଇଁ ଦୁଇ ଦଳ ମଧ୍ୟରେ ବୁଝାମଣା ହୋଇ ଥାଇପାରେ ।

ଚିଟଫଣ୍ଡ ଦୁର୍ନୀତିରେ ନିଜକୁ ବଞ୍ଚାଇବା ପାଇଁ ବିଜେଡି ବିଜେପିର ଖଣି ବିଲ ଓ ଜମି ଅଧ୍ୟାଦେଶକୁ ସମର୍ଥନ କରୁଥାଇପାରେ, ସେ କହିଛନ୍ତି। ବର୍ତମାନ ନବୀନ ପଟନାୟକଙ୍କ ପାଖରେ କୃଷକ ବିରୋଧୀ ଓ ଗଣତନ୍ତ୍ର ବିରୋଧୀ ଅଧ୍ୟାଦେଶକୁ ବିରୋଧ କରିବାର ସୁଯୋଗ ରହିଛି।

ମୁଖମନ୍ତ୍ରୀ ପଟନାୟକ ନିଜକୁ ଚାଷୀଙ୍କ ସ୍ଵାର୍ଥପାଇଁ କାର୍ଯ୍ୟକରୁଥିବା ଦାବି କରୁଥିବାବେଳେ  ବାସ୍ତବରେ ଏ ସମ୍ପର୍କରେ ସେ କେତେ ଗମ୍ଭୀର ତାହା ପ୍ରଦର୍ଶିତ କରିବାର ସମୟ ଆସିଛି, ରମେଶ କହିଥିଲେ।

ଓଡିଶା ଡଟ କମ

ନିଉଜ ଡେସ୍କ
ନିଉଜ ଡେସ୍କ

Filed Under: ରାଜନୀତି Tagged With: ଆଦିବାସୀ, କୃଷକ, ଜମି ଅଧ୍ୟାଦେଶ, ବିଜେଡ଼ି, ବିରୋଧ

ଚିଟଫଣ୍ଡ ମାମଲା: ବିଜେଡି ବିଧାୟକ ପ୍ରଭାତ ତ୍ରିପାଠୀ ଗିରଫ

October 31, 2014 by ଓଡିଶା ଡଟ କମ Leave a Comment

ପ୍ରଫୁଲ୍ଲ ଦାସ

ଭୁବନେଶ୍ଵର, ଅକ୍ଟୋବର ୩୧ (ଓଡିଶା ଡଟ କମ) ବିଜେଡି ବିଧାୟକ ପ୍ରଭାତ ତ୍ରିପାଠୀଙ୍କୁ ସିବିଆଇ ଶୁକ୍ରବାର ଘଣ୍ଟାବ୍ୟାପୀ ଜେରା ପରେ ଚିଟ ଫଣ୍ଡ ମାମଲାରେ ଗିରଫ କରିଛି।

prabhat ସିବିଆଇ ସୂତ୍ରରୁ ମିଳିଥିବା ଖବର ଅନୁସାରେ ତ୍ରିପାଠୀଙ୍କ ଅର୍ଥ ତତ୍ଵ ଗ୍ରୁପ ସହ ସମ୍ପୃକ୍ତ ଥିବା ଅ।ପତତ ପ୍ରମାଣ ମିଳିଛି। ତ୍ରିପାଠୀ ବିଧାନସଭାରେ ବାଙ୍କି ନିର୍ବାଚନ ମଣ୍ଡଳୀକୁ ପ୍ରତିନିଧିତ୍ଵ  କରୁଛନ୍ତି । ଗିରଫର କିଛି ସମୟ ପରେ ବିଜେଡି ତାଙ୍କୁ ଦଳରୁ ସସପେଣ୍ଡ କରିଥିବା ଘୋଷଣା କରିଛି।

ଅଗଷ୍ଟରେ ସିବିଆଇ ତ୍ରିପାଠୀଙ୍କ ବାଙ୍କି ଏବଂ କଟକ ରେ ଥିବା ଘର ଉପରେ ଚଢଉ କରି ବହୁ ଗୁରୁତ୍ଵପୂର୍ଣ କାଗଜପତ୍ର ଜବତ କରିଥିଲା

ଓଡିଶା ଡଟ କମ

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର, ମୁଖ୍ୟ ଖବର Tagged With: ଚିଟଫଣ୍ଡ, ବିଜେଡ଼ି, ସିବିଆଇ

ରେଳ ବଜେଟ: ଓଡିଶାକୁ ଅବହେଳା ବିରୋଧରେ ବିଜେଡିର ପ୍ରତିବାଦ

July 9, 2014 by ଓଡିଶା ଡଟ କମ Leave a Comment

ଭୁବନେଶ୍ଵର, ଜୁଲାଇ 9 (ଓଡିଶା ଡଟ କମ ସଂବାଦଦାତା )

ମଙ୍ଗଳବାର ଲୋକ ସଭା ରେ ଆଗତ ୨୦୧୪-୧୫ ବର୍ଷ ପାଇଁ ଆଗତ ରେଳ ବଜେଟ ରେ ଓଡିଶା କୁ ଅବହେଳା କରା ଯାଇଥିବା ଅଭିଯୋଗ କରି ରାଜ୍ୟର ଶାସକ ବିଜୁ ଜନତା ଦଳ ଆଜି ବିଭିନ୍ନ ସ୍ଥାନରେ ପ୍ରତିବାଦ ସଭା ଓ ବିକ୍ଷୋଭର ଆୟୋଜନ କରିଥିଲା ।

ଦଳର ବିଧାୟକ ମାନେ ବିଧାନ ସଭାରେ ଶୂନ୍ୟ କାଳରେ କେନ୍ଦ୍ର ସରକାର ବିରୁଦ୍ଧରେ ସ୍ଲୋଗାନ ଦେଇ ବିରୋଧ ପ୍ରଦର୍ଶନ କରିଥିବା ବେଳେ, ଦଳର ନେତା ଏବଂ କର୍ମୀ ମାନେ ରାଜ୍ୟର ବିଭିନ୍ନ ରେଳ ଷ୍ଟେସନ ନିକଟରେ ଧାରଣ ଦେଇଥିଲେ।

ଓଡିଶା ଡଟ କମ

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର, ମୁଖ୍ୟ ଖବର Tagged With: ବିଜେଡ଼ି, ରେଳ ବଜେଟ

ପ୍ରଭାତ ବିଶ୍ୱାଳ,ବିଭୂତି ବଳବନ୍ତରାୟଙ୍କ ଉପରୁ ନିଲମ୍ବନ ଆଦେଶ ପ୍ରତ୍ୟାହାର

February 11, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ପାଦଦାତା

ଭୁବନେଶ୍ୱର,ଫେବୃଆରୀ ୧୧,(ଓଡ଼ିଶା ଡ଼ଟ୍ କମ୍)-ବିଜୁ ଜନତା ଦଳ ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋମବାର ପାର୍ଟିର ଦୁଇଜଣ ବିଧାୟକ ପ୍ରଭାତ ବିଶ୍ୱାଳ ଓ ବିଭୂତି ବଳବନ୍ତରାୟଙ୍କ ଉପରୁ ନିଲମ୍ବନ ଆଦେଶ ପ୍ରତ୍ୟାହାର କରିଛନ୍ତି ।

ଏକ ପ୍ରେସ୍ ବିଜ୍ଞପ୍ତି ଜରିଆରେ ପଟ୍ଟନାୟକ ଏହି ସୂଚନା ଦେଇଛନ୍ତି । ଏହ ବିଧାୟକ ଦ୍ୱୟଙ୍କ ସମେତ ଚାରିଜଣ ବରିଷ୍ଠ ଦଳୀୟ ନେତା ଗତବର୍ଷ ଜୁନ୍ ଏକ ତାରିଖରେ ଦଳବିରୋଧି କାର୍ଯ୍ୟ କରିଥିବା ଅଭିଯୋଗରେ ପାର୍ଟିରୁ ନିଲମ୍ବିତ ହୋଇଥିଲେ ।

ରାଜ୍ୟସଭା ସାଂସଦ ପ୍ୟାରୀମୋହନ ମହାପାତ୍ରଙ୍କ ଦ୍ୱାରା ଉକ୍ତବର୍ଷ ମଇ୨୯ରେ ହୋଇଥିବା ମୁଖ୍ୟମନ୍ତ୍ରୀଙ୍କୁ ପଦଚ୍ୟୁତ କରିବାର ଉଦ୍ୟମ ଯୋଗୁଁ ଉକ୍ତ ବିଧାୟକମାନଙ୍କୁ ଦଳରୁ ନିଲମ୍ବିତ କରାଯାଇଥିଲା । ଅନ୍ୟ ଯେଉଁମାନେ ନିଲମ୍ବିତ ହୋଇଥିଲେ ସେମାନେ ହେଲେ ପ୍ୟାରୀମୋହନ ମହାପାତ୍ର,ତତ୍କାଳୀନ ମହିଳା ଓ ଶିଶୁବିକାଶ ମନ୍ତ୍ରୀ ଅଞ୍ଜଳି ବେହେରା,ଓ ସଡ଼କ ଓ ପରିବହନ ମନ୍ତ୍ରୀ ସଂଜୀବ ସାହୁ ।

ପ୍ୟାରୀମୋହନ ଓଡ଼ିଶା ଜନମୋର୍ଚା ନାମକ ଏକ ରାଜନୈତିକ ସଂଗଠନ ଗଠନ କରି ନିଜକୁ ବିଜେଡ଼ି ଠାରୁ ଅଲଗା ରଖିଥିବା ବେଳେ ବେହେରା ଏବଂ ସାହୁଙ୍କୁ ଏବେ ମଧ୍ୟ ବିଜେଡ଼ି କାର୍ଯ୍ୟକ୍ରମ ମାନଙ୍କରେ ଦେଖିବାକୁ ମିଳୁଛି । ତେବେ ସେମାନଙ୍କ ଉପରେ ଥିବା ନିଲମ୍ବନ ଆଦେଶ ଏବେ ପର୍ଯ୍ୟନ୍ତ ପ୍ରତ୍ୟାହାର ହୋଇନାହିଁ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର, ରାଜନୀତି Tagged With: ଜନମୋର୍ଚା ରାଜନୈତିକ ସଂଗଠନ, ପ୍ୟାରୀମୋହନ, ପ୍ରଭାତ ବିଶ୍ୱାଳ, ବିଜେଡ଼ି, ବିଧାୟକ, ବିଭୂତି ବଳବନ୍ତରାୟ

ବାଚସ୍ପତିଙ୍କ ନାମରେ ଏନ୍ସିପିର ଅଦାଲତ ଅବମାନନା ମାମଲା

January 30, 2013 by ଓଡିଶା ଡଟ କମ Leave a Comment

ଓଡିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁଆରୀ ୩୦ (ଓଡିଶା ଡ଼ଟ୍ କମ୍)-ବେଜେଡିରେ ଏନ୍ସିପିର ୪ ଜଣ ବିଧାୟକ ମିଶ୍ରଣକୁ ନେଇ ସେମାନଙ୍କର ସଭ୍ୟ ପଦ ବୈଧତା ସଂର୍ପକିତ ମାମଲାରେ ବାଚସ୍ପତିଙ୍କ ବିରୋଧରେ ରୁଜୁ ହୋଇଛି ଅଦାଲତ ଅବମାନନା ମାମଲା । ହାଇକୋର୍ଟରେ ଏ ମାମଲା ଦାୟର କରିଛନ୍ତି ଏନ୍ସିପିର ରାଜ୍ୟ ସଭାପତି ଉତ୍କଳ କେଶରୀ ପରିଡା ।

amat

ଉତ୍କଳ କେଶରୀ ତାଙ୍କ ଆବେଦନରେ ଦର୍ଶାଇଛନ୍ତି ଏନ୍ସିପିର ୪ ଜଣ ବିଧାୟକ ବିଜେଡିରେ ମିଶିବାପରେ ସେମାନଙ୍କର ବିଧାୟକ ପଦ ରଦ୍ଧ ସଂପର୍କ ମାମଲାରେ ବାଚସ୍ପତି ଉଭୟ ହାଇକୋର୍ଟ ଓ ସୁପ୍ରୀମକୋର୍ଟଙ୍କ ଆଦେଶ ପାଳନ କରୁନାହାଁନ୍ତି ।

ଗତ ସେପ୍ଟେମ୍ବର ମାସରେ ହାଇକୋର୍ଟ ଦେଇଥିବା ଆଦେଶ ଓ ଗତ ଡିସେମ୍ବର ମାସରେ ସୁପ୍ରୀମକୋର୍ଟ ଦେଇଥିବା ଆଦେଶକୁ ବାଚସ୍ପତି ପାଳନ କରିନାହିାଁନ୍ତି ।

ତାଛଡା ଏମାସ ୧୭ ତାରିଖରେ ସୁପ୍ରୀମକୋର୍ଟ ଚୁଡାନ୍ତ ରାୟ ଦେଇଥିଲେ ମଧ୍ୟ ବାଚସ୍ପତି ଏ ମାମଲାର ବିଚାର କରୁନାହାଁନ୍ତି ବୋଲି ଏନ୍ସିପିର ରାଜ୍ୟ ସଭାପତି ଅଭିଯୋଗ କରିଛନ୍ତି । ତେଣୁ ତୁରନ୍ତ ବାଚସ୍ପତିଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉ ବୋଲି ଉତ୍କଳ କେଶରୀ ହାଇକୋର୍ଟରେ ପ୍ରାର୍ଥାନା କରିଛନ୍ତି ।

ଉତ୍କଳ କେଶରୀ କହିଛନ୍ତି ଯେ,ମାନ୍ୟବର ହାଇକୋର୍ଟ ଯାହା ରାୟ ଦେଇଛନ୍ତି ସେ ଅନୁଯାୟୀ ଏ କେସ୍ ରେ ଫଳାଫଳ ନିର୍ଣ୍ଣୟ ହେବ । ଜାନୁୟାରୀ ୧୮ ତାରିଖ ଠାରୁ ଆଜି ପର୍ଯ୍ୟନ୍ତ ମଧ୍ୟ ବାଚସ୍ପତି କୌଣସି ପଦକ୍ଷେପ ନେଉ ନାହିାଁନ୍ତି ।

ଓଡିଶା ହାଇକୋର୍ଟ ଓ ସୁପ୍ରୀମକୋର୍ଟର ନିର୍ଦ୍ଦେଶନାମାକୁ ପାଳନ ନକରିବାରୁ ଆମେ ବାଧ୍ୟହୋଇ ତାଙ୍କ ନାମରେ କୋର୍ଟ ଅବମାନନା ଦାଖଲ କଲୁ ,କେଶରୀ କହିଛନ୍ତି ।

ଓଡିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ବାଚସ୍ପତି, ବିଜେଡ଼ି, ବିଧାୟକ, ହାଇକୋର୍ଟ

ବଲାଙ୍ଗୀର ଗସ୍ତବେଳେ ମୁଖ୍ୟମନ୍ତ୍ରୀଙ୍କୁ ବିରୋଧ

January 30, 2013 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ବଲାଙ୍ଗୀର, ଜାନୁଆରୀ ୩୦(ଓଡିଶା ଡଟ୍ କମ୍)- ମଙ୍ଗଳବାର ଦିନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦିନିକିଆ ବଲାଙ୍ଗୀର ଗସ୍ତରେ ଆସିଥିବା ବେଳେ ତାଙ୍କୁ କଂଗ୍ରେସ ଦଳ ତରଫରୁ ଜୋରଦାର ବିରୋଧ କରାଯାଇଥିଲା । ମୁଖ୍ୟମନ୍ତ୍ରୀଙ୍କ ଗାଡି ଉପରକୁ ପଚା ଅଣ୍ଡା,ଟମାଟୋ ମାଡ ହୋଇଥିଲା ।

ଏପରି ହେବାର ଦେଖି ବିଜେଡି କର୍ମୀମାନେ ମଧ୍ୟ ସଂଘବଦ୍ଧ ଭାବେ ବିରୋଧିଙ୍କୁ ବିରୋଧ କରିଥିଲେ । ଏହି ଘଟଣାରେ କେତେଜଣ ଆହତ ହୋଇ ବଲାଙ୍ଗୀର ହସ୍ପିଟାଲରେ ଚିକିତ୍ସିତ ହେଉଥିବା ବେଳେ ଆଉ କେତେଜଣଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି ।

ଆର ଏନ୍ ସିଂହଦେଓ ସ୍ପୋର୍ଟସ କଂପ୍ଲେକ୍ସ ଠାରେ ଜନସାଧାରଣଙ୍କୁ ଉଦ୍ବୋଧନ ଦେଇ ୧୨୫ ବେଡ୍ ବିଶିଷ୍ଟ ଏମ୍ସିଏଚ୍ ସେଣ୍ଟରର ଶିଳାନ୍ୟାସ କରିବାକୁ ମୁଖ୍ୟମନ୍ତ୍ରୀ ହସ୍ପିଟାଲ ଅଭିମୁଖେ ଯାଉଥିବା ବେଳେ ଏଭଳି ଘଟଣା ଘଟିଛି ।

ମୁଖ୍ୟମନ୍ତ୍ରୀ ବଲାଙ୍ଗୀର ଗସ୍ତସାରି ବେଲପଡା ବ୍ଲକ ଯାଇଥିଲେ । ପଲିଆମାଲଠାରେ ଲାନ୍ଥ ନଦୀରେ ନିର୍ମିତ ସେତୁ ଉଦ୍ଘାଟନ କରିବାକୁ ସେ ପହଞ୍ଚିବାବେଳେ ୧୩ ଜଣ ବିଜେପି କର୍ମୀ ବିରୋଧ ପଦର୍ଶନକରି ଗିରଫ ହୋଇଥିଲେ ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର, ରାଜନୀତି Tagged With: ବଲାଙ୍ଗୀର, ବିଜେଡ଼ି, ମୁଖ୍ୟମନ୍ତ୍ରୀ

ନବୀନ ପଞ୍ଚମ ଥରପାଇଁ ସଭାପତି ହେବା ନିଶ୍ଚିତ

January 25, 2013 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁଆରୀ ୨୫,(ଓଡିଶା ଡଟ୍ କମ୍)-ସଭାପତି ପଦପାଇଁ ବିଜେଡି ନିର୍ବାଚନ କମିଶନର ନିକଟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏକମାତ୍ର ପାର୍ଥୀରୂପେ ନାମାଙ୍କନ ପତ୍ର ଦାଖଲ କରିଛନ୍ତି । ତେଣୁ ଶ୍ରୀ ପଟ୍ଟନାୟକ ପୁଣିଥରେ ସଭାପତି ରୂପେ ନିର୍ବାଚିତ ହୋଇଛନ୍ତି । କେବଳ ୨୮ ତାରିଖରେ ଔପଚାରିକ ଘୋଷଣା କରାଯିବ ।

19-1-2013=3naveen

ନବୀନଙ୍କ ପାର୍ଥୀପତ୍ର ଦାଖଲକଲେ ମନ୍ତ୍ରୀ କଳ୍ପତରୁ ଦାସ । ସେ ବିଜେଡି ରାଜ୍ୟ ନିର୍ବାଚନ ଅଧିକାରୀ ନିକଟରେ ପାର୍ଥୀପତ୍ର ଦାଖଲ କଲେ । ନବୀନଙ୍କ ପାର୍ଥୀପତ୍ରରେ ୧୦ ଜଣ ସମର୍ଥକ ରହିଛନ୍ତି ।

ଆସନ୍ତା ୨୮ ତାରିଖରେ ସଭାପତି ଓ ରାଜ୍ୟ କାର୍ଯ୍ୟକାରିଣୀ ନିର୍ବାଚନ ଅନୁଷ୍ଠିତ ହେବ । ଏହାପରେ ନିର୍ବାଚନ ପ୍ରକ୍ରିୟା ଶେଷ ହେବ ବୋଲି ବିଜେଡି ନିର୍ବାଚନ ଅଧିକାରୀ ପ୍ରଭାତ ତ୍ରିପାଠୀ ସୂଚନା ଦେଇଛନ୍ତି ।

ସୂଚନା ଯୋଗ୍ୟ ଯେ,ଜିଲା ସଭାପତି ନିର୍ବାଚନ ପରେ ବିଜେଡି ରାଜ୍ୟ ପରିଷଦ ନିର୍ବାଚନ ଶେଷ ହୋଇଛି । ପରିଷଦକୁ ୩୩୧ ସଦସ୍ୟଙ୍କ ନାମ ଘୋଷଣା କରାଯାଇଛି ।

ପରିଷଦକୁ ୧୪୭ଟି ବିଧାନସଭା ଆସନରୁ ୧୪୭ଜଣ ସଦସ୍ୟ ମନୋନୀତ ହୋଇଥିବାବେଳେ ୧୦୩ ବିଧାୟକ, ୩୨ ସାଙ୍ଗଠନିକ ଜିଲା ସଭାପତି, ୧୪ଜଣ ଲୋକସଭା ସଭ୍ୟ, ୬ଜଣ ରାଜ୍ୟସଭା ସଭ୍ୟ ଏବଂ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରି ପରାଜିତ ହୋଇଥିବା ୨୫ଜଣ ଓ ସାଂସଦ ନିର୍ବାଚନରେ ପରାଜିତ ୪ଜଣ ନେତାଙ୍କୁ ମନୋନୀତ କରାଯାଇଛି ।

ଗତ ୮ତାରିଖରେ ବିଜେଡିର ନୂଆ ଜିଲା ସଭାପତିଙ୍କ ନାମ ଘୋଷଣା କରାଯାଇଥିଲା । ତେବେ ଅର୍ଦ୍ଧାଧିକ ଜିଲାରେ ଏକାଧିକ ପ୍ରାର୍ଥୀ ରହିଥିବାରୁ ନିର୍ବାଚନ ମତୈକ ଭିତିରେ କରିବା ନେଇ ଦ୍ୱନ୍ଦ୍ୱ ଉପୁଜିଥିଲା । ତେବେ ଏଥିରେ ନବୀନନିବାସର ହସ୍ତକ୍ଷେପ ଯୋଗୁ ନିର୍ବାଚନ ସହଜ ହୋଇଥିଲା ।

ନୂଆ ପରିଷଦରେ ଗତ ଥର ବାଦ ପଡ଼ିଥିବା ବହୁ ପୁରୁଖା ଓ ଅଭିଜ୍ଞ ନେତାଙ୍କୁ ଏଥର ସାମିଲ କରାଯାଇଛି । ବିଶେଷ କରି ଖୋର୍ଦ୍ଧା ଜିଲା ସଭାପତି ପଦରୁ ଅବ୍ୟାହତି ଦିଆଯାଇଥିବା ପୂର୍ବତନ ଜିଲା ପରିଷଦ ଅଧ୍ୟକ୍ଷ ପ୍ରଶାନ୍ତ ଜଗଦ୍ଦେବଙ୍କ ସମେତ କଟକରୁ ଧର୍ମାନନ୍ଦ ବେହେରାଙ୍କୁ ପରିଷଦରେ ରଖାଯାଇଛି ।

ସେହିପରି ପଶ୍ଚିମ ଓଡିଶା ବିକାଶ ପରିଷଦ ଅଧ୍ୟକ୍ଷ ପଦ୍ମିନୀଶେଖର ଦେଓଙ୍କ ସମେତ ମାନସ ମାଡ଼କାନି, ରାମକୃଷ୍ଣ ଦାସମହାପାତ୍ର, ମୁନ୍ନା ଖାଁ, ନଗେନ୍ଦ୍ର ପ୍ରଧାନ ପ୍ରମୁଖଙ୍କୁ ପରିଷଦକୁ ମନୋନୀତ କରାଯାଇଛି ।

ଏହି ନିର୍ବାଚନ ମତୈକ ଭିତିରେ ହୋଇଥିବା ନିର୍ବାଚନ ଅଧିକାରୀ କହୁଥିଲେ ହେଁ ଏଥିନେଇ ଦଳୀୟ ମହଲରେ ଅସନ୍ତୋଷ ଭରି ରହିଛି । ନୂଆ ପରିଷଦରେ ଜିଲାସ୍ତରରୁ ଆରମ୍ଭ କରି ରାଜ୍ୟ ପର୍ଯ୍ୟନ୍ତ ଯୁବ ନେତା, ମହିଳା, ସଂଖ୍ୟାଲଘୁ, ଯାଦବ ସମ୍ପ୍ରଦାୟ ସମେତ ବିଭିନ୍ନ ବର୍ଗର ଅନୁଭବୀ ନେତାଙ୍କୁ ନିଆଯାଇଛି ବୋଲି ଦଳ ପକ୍ଷରୁ କୁହାଯାଇଛି ।

୨୮ରେ ମଧ୍ୟ ରାଜ୍ୟର କାର୍ଯ୍ୟନିର୍ବାହୀ କମିଟି, ଉପସଭାପତି ଏବଂ ଅନ୍ୟାନ୍ୟ ଛାମୁଆ ସଙ୍ଗଠନର ମୋଟ ୮୧ଜଣିଆ କାର୍ଯ୍ୟକର୍ତାଙ୍କ ନାମ ଘୋଷଣା କରାଯିବ ବୋଲି ଦଳୀୟ ସୂତ୍ରରୁ ଜଣାପଡ଼ିଛି ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ଖୋର୍ଦ୍ଧା, ନିର୍ବାଚନ, ପଶ୍ଚିମ ଓଡ଼ିଶା, ବିଜେଡ଼ି, ବିଧାନସଭା, ମୁଖ୍ୟମନ୍ତ୍ରୀ, ରାଜ୍ୟସଭା, ଲୋକସଭା

୨୮ରେ ବିଜେଡି ସଭାପତି ନିର୍ବାଚନ

January 22, 2013 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁଆରୀ ୨୨(ଓଡିଶା ଡଟ୍ କମ୍)-ଆସନ୍ତା ୨୮ତାରିଖରେ ବିଜେଡି ରାଜ୍ୟ ସଭାପତି ପଦ ପାଇଁ ନିର୍ବାଚନ ଅନୁଷ୍ଠିତ ହେବ । ଏଥିପାଇଁ ୨୫ତାରିଖରେ ନାମାଙ୍କନପତ୍ର ଦାଖଲ ହେବ ।

19-1-2013=3naveen

ବର୍ତମାନର ସଭାପତି ଆସନ୍ତା ୨୫ରେ ନାମାଙ୍କନପତ୍ର ଦାଖଲ କରିବେ । ୨୮ରେ ମଧ୍ୟ ରାଜ୍ୟର କାର୍ଯ୍ୟନିର୍ବାହୀ କମିଟି, ଉପସଭାପତି ଏବଂ ଅନ୍ୟାନ୍ୟ ଛାମୁଆ ସଙ୍ଗଠନର ମୋଟ ୮୧ଜଣିଆ କାର୍ଯ୍ୟକର୍ତାଙ୍କ ନାମ ଘୋଷଣା କରାଯିବ ବୋଲି ଦଳୀୟ ସୂତ୍ରରୁ ଜଣାପଡ଼ିଛି ।

ଜିଲା ସଭାପତି ନିର୍ବାଚନ ପରେ ବିଜେଡି ରାଜ୍ୟ ପରିଷଦ ନିର୍ବାଚନ ଶେଷ ହୋଇଛି । ପରିଷଦକୁ ୩୩୧ ସଦସ୍ୟଙ୍କ ନାମ ଘୋଷଣା କରାଯାଇଛି । ସର୍ବସମ୍ମତି କ୍ରମେ ଏହି ନିର୍ବାଚନ ହୋଇଥିବା ଦଳର ନିର୍ବାଚନ ଅଧିକାରୀ ବିଧାୟକ ପ୍ରଭାତ ତ୍ରିପାଠୀ ସୂଚନା ଦେଇଛନ୍ତି ।

ଏହି ନିର୍ବାଚନ ମତୈକ ଭିତିରେ ହୋଇଥିବା ନିର୍ବାଚନ ଅଧିକାରୀ କହୁଥିଲେ ହେଁ ଏଥିନେଇ ଦଳୀୟ ମହଲରେ ଅସନ୍ତୋଷ ଭରି ରହିଛି । ନୂଆ ପରିଷଦରେ ଜିଲାସ୍ତରରୁ ଆରମ୍ଭ କରି ରାଜ୍ୟ ପର୍ଯ୍ୟନ୍ତ ଯୁବ ନେତା, ମହିଳା, ସଂଖ୍ୟାଲଘୁ, ଯାଦବ ସମ୍ପ୍ରଦାୟ ସମେତ ବିଭିନ୍ନ ବର୍ଗର ଅନୁଭବୀ ନେତାଙ୍କୁ ନିଆଯାଇଛି ବୋଲି ଦଳ ପକ୍ଷରୁ କୁହାଯାଇଛି ।

ପରିଷଦକୁ ୧୪୭ଟି ବିଧାନସଭା ଆସନରୁ ୧୪୭ଜଣ ସଦସ୍ୟ ମନୋନୀତ ହୋଇଥିବାବେଳେ ୧୦୩ ବିଧାୟକ, ୩୨ ସାଙ୍ଗଠନିକ ଜିଲା ସଭାପତି, ୧୪ଜଣ ଲୋକସଭା ସଭ୍ୟ, ୬ଜଣ ରାଜ୍ୟସଭା ସଭ୍ୟ ଏବଂ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରି ପରାଜିତ ହୋଇଥିବା ୨୫ଜଣ ଓ ସାଂସଦ ନିର୍ବାଚନରେ ପରାଜିତ ୪ଜଣ ନେତାଙ୍କୁ ମନୋନୀତ କରାଯାଇଛି ।

ନୂଆ ପରିଷଦରେ ଗତ ଥର ବାଦ ପଡ଼ିଥିବା ବହୁ ପୁରୁଖା ଓ ଅଭିଜ୍ଞ ନେତାଙ୍କୁ ଏଥର ସାମିଲ କରାଯାଇଛି । ବିଶେଷ କରି ଖୋର୍ଦ୍ଧା ଜିଲା ସଭାପତି ପଦରୁ ଅବ୍ୟାହତି ଦିଆଯାଇଥିବା ପୂର୍ବତନ ଜିଲା ପରିଷଦ ଅଧ୍ୟକ୍ଷ ପ୍ରଶାନ୍ତ ଜଗଦ୍ଦେବଙ୍କ ସମେତ କଟକରୁ ଧର୍ମାନନ୍ଦ ବେହେରାଙ୍କୁ ପରିଷଦରେ ରଖାଯାଇଛି ।

ସେହିପରି ପଶ୍ଚିମ ଓଡିଶା ବିକାଶ ପରିଷଦ ଅଧ୍ୟକ୍ଷ ପଦ୍ମିନୀଶେଖର ଦେଓଙ୍କ ସମେତ ମାନସ ମାଡ଼କାନି, ରାମକୃଷ୍ଣ ଦାସମହାପାତ୍ର, ମୁନ୍ନା ଖାଁ, ନଗେନ୍ଦ୍ର ପ୍ରଧାନ ପ୍ରମୁଖଙ୍କୁ ପରିଷଦକୁ ମନୋନୀତ କରାଯାଇଛି ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ନିର୍ବାଚନ, ବିଜେଡ଼ି, ବିଧାନସଭା, ବିଧାୟକ, ରାଜ୍ୟସଭା ସଭ୍ୟ, ଲୋକସଭା ସଭ୍ୟ

  • « Go to Previous Page
  • Go to page 1
  • Go to page 2
  • Go to page 3
  • Go to page 4
  • Interim pages omitted …
  • Go to page 8
  • Go to Next Page »

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ