• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ପର୍ଯ୍ୟଟକ

ରାଜା ଘରେ କୁଣିଆ

May 14, 2018 by ଘାସିରାମ ପଣ୍ଡା Leave a Comment

କନାରୁ କର୍ପୁର ଉଡିଯାଇଥିଲେ ବି କନା ସହିତ ଯୋଡି ହୋଇଥିବା ଇତିହାସ ଓ କିମ୍ବଦନ୍ତି ସର୍ବଦା ରହସ୍ୟ ଓ ରୋମାଂଚ ଭରା । ଏଣୁ ଏହା ଲୋକଙ୍କୁ ରୋଚକ ଲାଗିବା ସହ ଅନୁତ୍ସନ୍ଧିସୁ କରେ । ସ୍ୱାଧିନୋତ୍ତର ଭାରତ ବର୍ଷରେ ରାଜୁଡି ଶାସନ କେବେଠୁ ଗଲେବି ସେହି ସମାନ କାରଣରୁ ଏଯାଏଁ ରାଜା ଓ ରାଜ ପରିବାରର ଭିତିରି କଥା ଜାଣିବାର ଏକ ଉତ୍ସୁକତା ଅନେକଙ୍କ ରହିଛି ।

ରାଜା, ରାଣୀ. ରାଜା ଘରକୁ ନେଇତ ଆମର ସବୁ ବୁଢିମା କାହାଣୀ ଓ ଲୋକକଥା । କିନ୍ତୁ ରାଜ ନଅରର ବିରାଟ ପାଚେରି ସେପଟର ଅନେକ କଥା ସମ୍ପର୍କରେ ସାଧାରଣ ଲୋକଙ୍କ ଜାଣିବାର କୌଣସି ଅବକାଶ ନଥାଏ । ହେଲେ ଏବେ ଯଦି ରାଜା ଅନ୍ୟକୁ କୁଣିଆ କରି ନିଜ ରାଜବାଟି, ରାଜ ପରିବାରର ଇତିହାସ ନିଜେ କହିବେ? ଆମ ଓଡିଶାର ଅଳ୍ପ କେଇ ରାଜ ପ୍ରାସାଦ ଏମିତି କିଛି ପ୍ରୟାସ ଆରମ୍ଭ କରିଛନ୍ତି ।

ଏଇମାତ୍ର କିଛି ବର୍ଷ ତଳେ ଢେଙ୍କାନାଳ ରାଜ ଉଆସରୁ ଆରମ୍ଭ ହୋଇଥିବା ଏହି ଯୋଜନା ଦେଶ ଓ ବିଦେଶର ପର୍ଯ୍ୟଟକ ମାନଙ୍କ ଦ୍ୱାରା ଅଦୃତ ହେଲା ପରେ ଆଳୀ, କନିକା, ପାରିକୁଦ ପ୍ରଭୃତି ଅଂଚଳକୁ ବ୍ୟାପ୍ତ ହୋଇଛି । ରାଜୁଡା ଶାସନ ଅମଳରେ ରାଜାନୁଗ୍ରହ ହେତୁ ଏତେ ବଡ ଅଟ୍ଟାଳିକାର ରକ୍ଷଣା ବେକ୍ଷଣ ହେଇଯାଉଥିଲା । ହେଲେ ଏବେ କୋରାପୁଟ, ସୁବର୍ଣ୍ଣପୁର ଭଳି ଅନେକ ରାଜ ଉଆସ ଭାଙ୍ଗିବା ଅବସ୍ଥାରେ ବା ଭାଙ୍ଗି ସାରିଲାଣି ।

ଏହି ପରିପ୍ରେକ୍ଷରେ ବ୍ୟବହାର ଯୋଗ୍ୟ ଅବ୍ୟବହୃତ ଅଂଚଳକୁ ସାଧାରଣ ଲୋକଙ୍କ ପାଇଁ ଖୋଲି ଦିଆଗଲେ ପର୍ଯ୍ୟଟକଙ୍କ ପାଇଁ ରହଣିର ଏକ ସୌଖିନ ସୁଯୋଗ ତିଆରି ହୋଇ ପାରିବ ଓ ରାଜ ଉଆସ ମଧ୍ୟ ସଂରକ୍ଷିତ ହୋଇ ରହିବ । ପର୍ଯଟକଙ୍କ ପାଇଁ ରାଜା ଘରର ବିଳାସ ବ୍ୟସନ ନିଶ୍ଚିତ ଭାବେ ଏକ ଆକର୍ଷଣ । ମିଛ କ୍ଷମତା ହେଉ ପଛେ ଦିନକ ପାଇଁ ବି ରାଜା ପରି ରହିବା ଅନେକଙ୍କ ମନ ଭିତରେ ଥିବା ଏକ ସୁପ୍ତ ଆଗ୍ରହ ।

ରାଜ ପ୍ରାସାଦର ଅସବାବ ପତ୍ର, ଖଟ, ପଲଙ୍କ, ବାସନ, ଛାତ ଉପରର ଝୁମର, ନିଖୁଣ ହାତ କାମର ଝଲକ ଥିବା ଝରକା, କବାଟ, ପୁରାତନ ଚିତ୍ରକଳାର ବ୍ୟବହାରରେ ଏହି ସୁପ୍ତ ଆଗ୍ରହ ଜୀବନ୍ୟାସ ପାଏ । ପ୍ରୟତଃ ପ୍ରତ୍ୟେକ ରାଜ ପ୍ରାସାଦ ଐତିହ ସମ୍ପନ୍ନ । ସେ ସମୟର ଅଂଚଳର ସର୍ବଶ୍ରେ କାରିଗର ମାନଙ୍କ ହାତରେ ତିଆରି ହୋଇଛି ଏ ରାଜ ପ୍ରାସାଦ ମାନେ ।

ଏଣୁ କେବଳ କାଳା ନୈପୁଣ୍ୟ ନୁହେଁ, ଚକିତ ହେଲା ଭଳି କୋଠା ବାଡି ନିର୍ମଣର କାରିଗରି କୌଷଳ ମଧ୍ୟ ଏସବୁରେ ଦେଖିବାକୁ ମିଳେ । ଏହା ସହିତ ପ୍ରାସାଦ ମାନଙ୍କୁ ଘେରି ତିଆରି ହୋଇଥିବା ସେ ଅଂଚଳର ଇତିହାସ, ଶାସନ ପ୍ରଣାଳୀ ପ୍ରଭୃତିକୁ ବୁଝିବା ମଧ୍ୟ ଏହାର ଆଉ ଏକ ଗୁରୁତ୍ୱ ପୂର୍ଣ୍ଣ ଅଂଶ । ରାଜା ଘରେ କୁଣିଆ ହେବାର ଅର୍ଥ ରାଜ ପ୍ରାସାଦର ମୁଖିଆ ବା ରାଜ ପରିବାରର ସଦସ୍ୟମାନେ ବ୍ୟକ୍ତିଗତ ଭାବେ ଅତିଥି ମାନଙ୍କୁ ଆପ୍ୟାୟିତ କରିବେ ।

ସେମାନଙ୍କ ନିଜ ମୁହଁରୁ ରଜ ନଅରର ପ୍ରତ୍ୟେକଟି ଗୁରୁତ୍ୱପୂର୍ଣ୍ଣ ଘଟଣାବଳୀ, ବ୍ୟବହୃତ ହାତ ହତିଆର, ପର୍ବ ପର୍ବଣୀ, ପରମ୍ପରା, ସଂସ୍କୃତି ବିଷୟରେ ଜାଣିବାର ଅବକାଶ ମିଳିବ । କୁଣିଆ ପର୍ଯଟକମାନେ ମନର ପଶ୍ଚାତଗତିରେ ଫେରିଯିବେ କାହିଁ କେତେ କାଳକୁ । ସେ ସମୟର ଦ୍ରବ୍ୟକୁ ହାତରେ ସ୍ପର୍ଶ କରୁକରୁ ସତେ ଯେମିତି ସେମାନେ ଅତୀତକୁ ଛୁଇଁବାର ସୁଯୋଗ ପାଇବେ ।

ଆଗ କାଳରେ ରାଜା, ଜମୀଦାର ମାନେହିଁ କଳା ଓ କଳାକାରମାନଙ୍କୁ ପୃଷ୍ଟପୋଷକତା ଓ ପ୍ରୋତ୍ସାହନ ଦେଉଥିଲେ । ଆଳିର ରାଜ ପ୍ରାସାଦରେ ଏବେକାର ଉତ୍ତରାଧିକାରି ବ୍ରଜ କେଶରୀ ଦେବ ଆଗନ୍ତୁକଙ୍କ ଆଗମନରେ ସ୍ଥାନୀୟ ଲୋକକଳା ପ୍ରଦର୍ଶନୀର ଆୟୋଜନ କରୁଛନ୍ତି । ଏହା ପୁଣିଥରେ ସେ ଅଂଚଳର ପରମ୍ପରାର ପୁର୍ନଃବିନ୍ୟାଶରେ ସହାୟକ ହେଉଛି । ସ୍ଥାନୀୟ ଲୋକଙ୍କ ଜୀବନଜୀବିକା ଉପରେ ଏହାର ଅନୁକୂଳ ପ୍ରଭାବ ପଡୁଛି ।

ଜାତୀୟ, ଆନ୍ତର୍ଜାତୀୟ ସ୍ତରର ସଭା ସମିତି, ଆଲୋଚନା ଚକ୍ର, କର୍ମଶାଳା, ସମ୍ପାନ ଆୟୋଜନ କରାଯାଇ ଆଗନ୍ତୁକ ସଂଖ୍ୟା ବଢାଇ ପର୍ଯଟନକୁ ବିକଶିତ କରିବା ବର୍ତ୍ତମାନ ସମୟର ଆଉ ଏକ ନୂତନ ସମ୍ଭାବନା । ଐତିହ ସମ୍ପର୍ଣ୍ଣ ରାଜ ଉଆସ ଭିତରେ ଥିବା ରାଜ ଦରବାରର ଗୁଡିକ କେବଳ ସ୍ଥାନ ଦୃଷ୍ଟିରୁ ନୁହେଁ ମହତ୍ୱ ଦୃଷ୍ଟିରୁ ମଧ୍ୟ ଏଥି ପାଇଁ ଅନେକ ମାତ୍ରାରେ ଉପଯୋଗି ।

ଢେଙ୍କାନାଳ ରାଜ ପ୍ରାସାଦରେ ରହିଛି ଓଡିଶାର ଦ୍ୱିତୀୟ ଥିଏଟର । ରାଣୀମାନେ ବସୁଥିବା ତାରଜାଲି ଦିଆ ବାଲକୋନି, ରାଜାଙ୍କର ଗ୍ରନ୍ଥାଗାର ଏହିଭଳି ପର୍ଯ୍ୟଟନ ପାଇଁ ଅନୁକୂଳ ଭିତ୍ତିଭୂମୀ ଯୋଗଇବ । ପର୍ଯ୍ୟଟନରେ ରାଜ ପ୍ରାସାଦ ମାନଙ୍କୁ ସାମିଲ କରିବା ଆମ ରାଜ୍ୟରେ ନୂତନ ହେଲେବି ରାଜସ୍ଥାନ, ହିମାଚଳ ପ୍ରଦେଶ ପ୍ରଭୃତି ସ୍ଥାନରେ ପୁରୁଣା ଓ ଅନେକ ଆଗେଇଛି । ଅମ ରାଜ ପରିବାର ଏମାନଙ୍କ ସହ ପାରିବାରିକ ସମ୍ପର୍କ ରହିଛି ।

ଏଣୁ ଏହି ସବୁ ରାଜ୍ୟର ସଫଳତାରୁ ଆମକୁ ଶିଖିବାର ଆବଶ୍ୟକତା ଥିବା ବେଳେ ଆଉ କିଛି ସତର୍କତା ଅବଲମ୍ବନ କରିବାକୁ ପାଡିବ । ଗଣତନ୍ତ୍ର ଯୁଗରେ ନିର୍ବଚନ ଲଢୁଥିବା ରାଜା ପ୍ରକୃତରେ ଜନ ସେବକ କହି ଭୋଟ ମାଗୁଥିଲେ ହେଁ ପ୍ରଚାର ପତ୍ରରେ ମହାରାଜା ଲେଖି ଗର୍ବ ଅନୁଭବ କରନ୍ତି । ସେମିତି ଏକ ମାନସିକତାରେ ରାଜ ପ୍ରାସାଦକୁ ଲୋକଙ୍କ ପାଇଁ ଉନ୍ନୁକ୍ତ ରଖିବା ଓ ସେବା ପ୍ରଦାନ କରିବା ଦ୍ୱାରା ରାଜାଙ୍କ ସମ୍ମାନହାନୀ ହେବ ବୋଲି କେହ କେହି ମନେ କରୁଥାଇ ପାରନ୍ତି ।

ଏଣୁ ଲୋକଙ୍କ ପାଇଁ କେବଳ ରାଜ ପ୍ରାସାଦ ଉନ୍ନୁକ୍ତ କଲେ ହେବ ନାହିଁ, ମନଟାକୁ ବି ଖୋଲା ରଖିବାକୁ ହେବ । ପର୍ଯ୍ୟଟନର ଆନନ୍ଦ ନେଲା ଭଳି ଓଡିଶାରେ ଅନେକ ମଠ, ମନ୍ଦିର, ନଇ, ଝରଣା, ପାହାଡ, ସମୁଦ୍ରକୂଲ ରହିଛି । ଏବେତ ଆଦିବାସୀ ଓ ଗ୍ରାମୀଣ ଜୀବନ ମଧ୍ୟ ପର୍ଯ୍ୟଟନ ପରିସର ଭୁକ୍ତ ହେଲାଣି । ହେଲେ ଭିତ୍ତିଭୂମିର ଅଭାବ ଯୋଗୁଁ ଇଚ୍ଚା ସତ୍ୱେ ଅନେକେ ଏସବୁ ଅଂଚଳକୁ ବୁଲିବା ପାଇଁ ଯାଇ ପାରୁ ନାହାନ୍ତି ।

ଅଥଚ ଏହିଭଳି ଅନେକ ଗୁରୁତ୍ୱପୂର୍ଣ୍ଣ ସ୍ଥାନରେ ରାଜା ଓ ଜମୀଦାରଙ୍କ କୋଠା ବାଡି ଅଛି । ସରକାର ଏହାକୁ ଏକ ସୁଯୋଗ ଭାବରେ ନେଇ ନିର୍ଦ୍ଦିଷ୍ଟ ନୀତି ପ୍ରଣୟନ ପୁର୍ବକ ପ୍ରୋତ୍ସାହନ ଦେଲେ ପର୍ଯ୍ୟଟନର ପ୍ରସାର ଘଟିବ । ରାଜା ଘର ଆଢୁଆଳରେ କିଛି ଅନୈତିକ କାର୍ଯ୍ୟକଳାପ ନହେଉ ଏଥିପାଇଁ ତଦାରଖ ବ୍ୟବସ୍ଥା ମଧ୍ୟ କରିବାକୁ ହେବ ।
ରାଜା ଘରେ କୁଣିଆ
କନାରୁ କର୍ପୁର ଉଡିଯାଇଥିଲେ ବି କନା ସହିତ ଯୋଡି ହୋଇଥିବା ଇତିହାସ ଓ କିମ୍ବଦନ୍ତି ସର୍ବଦା ରହସ୍ୟ ଓ ରୋମାଂଚ ଭରା । ଏଣୁ ଏହା ଲୋକଙ୍କୁ ରୋଚକ ଲାଗିବା ସହ ଅନୁତ୍ସନ୍ଧିସୁ କରେ । ସ୍ୱାଧିନୋତ୍ତର ଭାରତ ବର୍ଷରେ ରାଜୁଡି ଶାସନ କେବେଠୁ ଗଲେବି ସେହି ସମାନ କାରଣରୁ ଏଯାଏଁ ରାଜା ଓ ରାଜ ପରିବାରର ଭିତିରି କଥା ଜାଣିବାର ଏକ ଉତ୍ସୁକତା ଅନେକଙ୍କ ରହିଛି । ରାଜା, ରାଣୀ. ରାଜା ଘରକୁ ନେଇତ ଆମର ସବୁ ବୁଢିମା କାହାଣୀ ଓ ଲୋକକଥା ।

କିନ୍ତୁ ରାଜ ନଅରର ବିରାଟ ପାଚେରି ସେପଟର ଅନେକ କଥା ସମ୍ପର୍କରେ ସାଧାରଣ ଲୋକଙ୍କ ଜାଣିବାର କୌଣସି ଅବକାଶ ନଥାଏ । ହେଲେ ଏବେ ଯଦି ରାଜା ଅନ୍ୟକୁ କୁଣିଆ କରି ନିଜ ରାଜବାଟି, ରାଜ ପରିବାରର ଇତିହାସ ନିଜେ କହିବେ? ଆମ ଓଡିଶାର ଅଳ୍ପ କେଇ ରାଜ ପ୍ରାସାଦ ଏମିତି କିଛି ପ୍ରୟାସ ଆରମ୍ଭ କରିଛନ୍ତି ।

ଏଇମାତ୍ର କିଛି ବର୍ଷ ତଳେ ଢେଙ୍କାନାଳ ରାଜ ଉଆସରୁ ଆରମ୍ଭ ହୋଇଥିବା ଏହି ଯୋଜନା ଦେଶ ଓ ବିଦେଶର ପର୍ଯ୍ୟଟକ ମାନଙ୍କ ଦ୍ୱାରା ଅଦୃତ ହେଲା ପରେ ଆଳୀ, କନିକା, ପାରିକୁଦ ପ୍ରଭୃତି ଅଂଚଳକୁ ବ୍ୟାପ୍ତ ହୋଇଛି । ରାଜୁଡା ଶାସନ ଅମଳରେ ରାଜାନୁଗ୍ରହ ହେତୁ ଏତେ ବଡ ଅଟ୍ଟାଳିକାର ରକ୍ଷଣା ବେକ୍ଷଣ ହେଇଯାଉଥିଲା । ହେଲେ ଏବେ କୋରାପୁଟ, ସୁବର୍ଣ୍ଣପୁର ଭଳି ଅନେକ ରାଜ ଉଆସ ଭାଙ୍ଗିବା ଅବସ୍ଥାରେ ବା ଭାଙ୍ଗି ସାରିଲାଣି ।

ଏହି ପରିପ୍ରେକ୍ଷରେ ବ୍ୟବହାର ଯୋଗ୍ୟ ଅବ୍ୟବହୃତ ଅଂଚଳକୁ ସାଧାରଣ ଲୋକଙ୍କ ପାଇଁ ଖୋଲି ଦିଆଗଲେ ପର୍ଯ୍ୟଟକଙ୍କ ପାଇଁ ରହଣିର ଏକ ସୌଖିନ ସୁଯୋଗ ତିଆରି ହୋଇ ପାରିବ ଓ ରାଜ ଉଆସ ମଧ୍ୟ ସଂରକ୍ଷିତ ହୋଇ ରହିବ । ପର୍ଯଟକଙ୍କ ପାଇଁ ରାଜା ଘରର ବିଳାସ ବ୍ୟସନ ନିଶ୍ଚିତ ଭାବେ ଏକ ଆକର୍ଷଣ । ମିଛ କ୍ଷମତା ହେଉ ପଛେ ଦିନକ ପାଇଁ ବି ରାଜା ପରି ରହିବା ଅନେକଙ୍କ ମନ ଭିତରେ ଥିବା ଏକ ସୁପ୍ତ ଆଗ୍ରହ ।

ରାଜ ପ୍ରାସାଦର ଅସବାବ ପତ୍ର, ଖଟ, ପଲଙ୍କ, ବାସନ, ଛାତ ଉପରର ଝୁମର, ନିଖୁଣ ହାତ କାମର ଝଲକ ଥିବା ଝରକା, କବାଟ, ପୁରାତନ ଚିତ୍ରକଳାର ବ୍ୟବହାରରେ ଏହି ସୁପ୍ତ ଆଗ୍ରହ ଜୀବନ୍ୟାସ ପାଏ । ପ୍ରୟତଃ ପ୍ରତ୍ୟେକ ରାଜ ପ୍ରାସାଦ ଐତିହ ସମ୍ପନ୍ନ । ସେ ସମୟର ଅଂଚଳର ସର୍ବଶ୍ରେ କାରିଗର ମାନଙ୍କ ହାତରେ ତିଆରି ହୋଇଛି ଏ ରାଜ ପ୍ରାସାଦ ମାନେ ।

ଏଣୁ କେବଳ କାଳା ନୈପୁଣ୍ୟ ନୁହେଁ, ଚକିତ ହେଲା ଭଳି କୋଠା ବାଡି ନିର୍ମଣର କାରିଗରି କୌଷଳ ମଧ୍ୟ ଏସବୁରେ ଦେଖିବାକୁ ମିଳେ । ଏହା ସହିତ ପ୍ରାସାଦ ମାନଙ୍କୁ ଘେରି ତିଆରି ହୋଇଥିବା ସେ ଅଂଚଳର ଇତିହାସ, ଶାସନ ପ୍ରଣାଳୀ ପ୍ରଭୃତିକୁ ବୁଝିବା ମଧ୍ୟ ଏହାର ଆଉ ଏକ ଗୁରୁତ୍ୱ ପୂର୍ଣ୍ଣ ଅଂଶ । ରାଜା ଘରେ କୁଣିଆ ହେବାର ଅର୍ଥ ରାଜ ପ୍ରାସାଦର ମୁଖିଆ ବା ରାଜ ପରିବାରର ସଦସ୍ୟମାନେ ବ୍ୟକ୍ତିଗତ ଭାବେ ଅତିଥି ମାନଙ୍କୁ ଆପ୍ୟାୟିତ କରିବେ ।

ସେମାନଙ୍କ ନିଜ ମୁହଁରୁ ରଜ ନଅରର ପ୍ରତ୍ୟେକଟି ଗୁରୁତ୍ୱପୂର୍ଣ୍ଣ ଘଟଣାବଳୀ, ବ୍ୟବହୃତ ହାତ ହତିଆର, ପର୍ବ ପର୍ବଣୀ, ପରମ୍ପରା, ସଂସ୍କୃତି ବିଷୟରେ ଜାଣିବାର ଅବକାଶ ମିଳିବ । କୁଣିଆ ପର୍ଯଟକମାନେ ମନର ପଶ୍ଚାତଗତିରେ ଫେରିଯିବେ କାହିଁ କେତେ କାଳକୁ । ସେ ସମୟର ଦ୍ରବ୍ୟକୁ ହାତରେ ସ୍ପର୍ଶ କରୁକରୁ ସତେ ଯେମିତି ସେମାନେ ଅତୀତକୁ ଛୁଇଁବାର ସୁଯୋଗ ପାଇବେ ।

ଆଗ କାଳରେ ରାଜା, ଜମୀଦାର ମାନେହିଁ କଳା ଓ କଳାକାରମାନଙ୍କୁ ପୃଷ୍ଟପୋଷକତା ଓ ପ୍ରୋତ୍ସାହନ ଦେଉଥିଲେ । ଆଳିର ରାଜ ପ୍ରାସାଦରେ ଏବେକାର ଉତ୍ତରାଧିକାରି ବ୍ରଜ କେଶରୀ ଦେବ ଆଗନ୍ତୁକଙ୍କ ଆଗମନରେ ସ୍ଥାନୀୟ ଲୋକକଳା ପ୍ରଦର୍ଶନୀର ଆୟୋଜନ କରୁଛନ୍ତି । ଏହା ପୁଣିଥରେ ସେ ଅଂଚଳର ପରମ୍ପରାର ପୁର୍ନଃବିନ୍ୟାଶରେ ସହାୟକ ହେଉଛି । ସ୍ଥାନୀୟ ଲୋକଙ୍କ ଜୀବନଜୀବିକା ଉପରେ ଏହାର ଅନୁକୂଳ ପ୍ରଭାବ ପଡୁଛି ।

ଜାତୀୟ, ଆନ୍ତର୍ଜାତୀୟ ସ୍ତରର ସଭା ସମିତି, ଆଲୋଚନା ଚକ୍ର, କର୍ମଶାଳା, ସମ୍ପାନ ଆୟୋଜନ କରାଯାଇ ଆଗନ୍ତୁକ ସଂଖ୍ୟା ବଢାଇ ପର୍ଯଟନକୁ ବିକଶିତ କରିବା ବର୍ତ୍ତମାନ ସମୟର ଆଉ ଏକ ନୂତନ ସମ୍ଭାବନା । ଐତିହ ସମ୍ପର୍ଣ୍ଣ ରାଜ ଉଆସ ଭିତରେ ଥିବା ରାଜ ଦରବାରର ଗୁଡିକ କେବଳ ସ୍ଥାନ ଦୃଷ୍ଟିରୁ ନୁହେଁ ମହତ୍ୱ ଦୃଷ୍ଟିରୁ ମଧ୍ୟ ଏଥି ପାଇଁ ଅନେକ ମାତ୍ରାରେ ଉପଯୋଗି । ଢେଙ୍କାନାଳ ରାଜ ପ୍ରାସାଦରେ ରହିଛି ଓଡିଶାର ଦ୍ୱିତୀୟ ଥିଏଟର ।

ରାଣୀମାନେ ବସୁଥିବା ତାରଜାଲି ଦିଆ ବାଲକୋନି, ରାଜାଙ୍କର ଗ୍ରନ୍ଥାଗାର ଏହିଭଳି ପର୍ଯ୍ୟଟନ ପାଇଁ ଅନୁକୂଳ ଭିତ୍ତିଭୂମୀ ଯୋଗଇବ । ପର୍ଯ୍ୟଟନରେ ରାଜ ପ୍ରାସାଦ ମାନଙ୍କୁ ସାମିଲ କରିବା ଆମ ରାଜ୍ୟରେ ନୂତନ ହେଲେବି ରାଜସ୍ଥାନ, ହିମାଚଳ ପ୍ରଦେଶ ପ୍ରଭୃତି ସ୍ଥାନରେ ପୁରୁଣା ଓ ଅନେକ ଆଗେଇଛି । ଅମ ରାଜ ପରିବାର ଏମାନଙ୍କ ସହ ପାରିବାରିକ ସମ୍ପର୍କ ରହିଛି ।

ଏଣୁ ଏହି ସବୁ ରାଜ୍ୟର ସଫଳତାରୁ ଆମକୁ ଶିଖିବାର ଆବଶ୍ୟକତା ଥିବା ବେଳେ ଆଉ କିଛି ସତର୍କତା ଅବଲମ୍ବନ କରିବାକୁ ପାଡିବ । ଗଣତନ୍ତ୍ର ଯୁଗରେ ନିର୍ବଚନ ଲଢୁଥିବା ରାଜା ପ୍ରକୃତରେ ଜନ ସେବକ କହି ଭୋଟ ମାଗୁଥିଲେ ହେଁ ପ୍ରଚାର ପତ୍ରରେ ମହାରାଜା ଲେଖି ଗର୍ବ ଅନୁଭବ କରନ୍ତି । ସେମିତି ଏକ ମାନସିକତାରେ ରାଜ ପ୍ରାସାଦକୁ ଲୋକଙ୍କ ପାଇଁ ଉନ୍ନୁକ୍ତ ରଖିବା ଓ ସେବା ପ୍ରଦାନ କରିବା ଦ୍ୱାରା ରାଜାଙ୍କ ସମ୍ମାନହାନୀ ହେବ ବୋଲି କେହ କେହି ମନେ କରୁଥାଇ ପାରନ୍ତି ।

ଏଣୁ ଲୋକଙ୍କ ପାଇଁ କେବଳ ରାଜ ପ୍ରାସାଦ ଉନ୍ନୁକ୍ତ କଲେ ହେବ ନାହିଁ, ମନଟାକୁ ବି ଖୋଲା ରଖିବାକୁ ହେବ । ପର୍ଯ୍ୟଟନର ଆନନ୍ଦ ନେଲା ଭଳି ଓଡିଶାରେ ଅନେକ ମଠ, ମନ୍ଦିର, ନଇ, ଝରଣା, ପାହାଡ, ସମୁଦ୍ରକୂଲ ରହିଛି । ଏବେତ ଆଦିବାସୀ ଓ ଗ୍ରାମୀଣ ଜୀବନ ମଧ୍ୟ ପର୍ଯ୍ୟଟନ ପରିସର ଭୁକ୍ତ ହେଲାଣି । ହେଲେ ଭିତ୍ତିଭୂମିର ଅଭାବ ଯୋଗୁଁ ଇଚ୍ଚା ସତ୍ୱେ ଅନେକେ ଏସବୁ ଅଂଚଳକୁ ବୁଲିବା ପାଇଁ ଯାଇ ପାରୁ ନାହାନ୍ତି ।

ଅଥଚ ଏହିଭଳି ଅନେକ ଗୁରୁତ୍ୱପୂର୍ଣ୍ଣ ସ୍ଥାନରେ ରାଜା ଓ ଜମୀଦାରଙ୍କ କୋଠା ବାଡି ଅଛି । ସରକାର ଏହାକୁ ଏକ ସୁଯୋଗ ଭାବରେ ନେଇ ନିର୍ଦ୍ଦିଷ୍ଟ ନୀତି ପ୍ରଣୟନ ପୁର୍ବକ ପ୍ରୋତ୍ସାହନ ଦେଲେ ପର୍ଯ୍ୟଟନର ପ୍ରସାର ଘଟିବ । ରାଜା ଘର ଆଢୁଆଳରେ କିଛି ଅନୈତିକ କାର୍ଯ୍ୟକଳାପ ନହେଉ ଏଥିପାଇଁ ତଦାରଖ ବ୍ୟବସ୍ଥା ମଧ୍ୟ କରିବାକୁ ହେବ ।

ଘାସିରାମ ପଣ୍ଡା

Filed Under: ରୋକ ଠୋକ Tagged With: ଆନ୍ତର୍ଜାତୀୟ, ପର୍ଯ୍ୟଟକ, ରାଜା

ଓଡିଶା, ଇସ୍ଲାମ୍ ଓ ସମନ୍ବୟର ସଂସ୍କୃତି; ଦଶଟି ମୌଳିକ ତଥ୍ୟ

June 29, 2016 by ଓଡିଶା ଡଟ କମ Leave a Comment

image

କେଦାର ମିଶ୍ର
“କହେ ସାଲବେଗ ହୀନ ଜାତିରେ ମୁଁ ଯବନ, ଶ୍ରୀ ରଂଗା ଚରଣ ବିନୁ ନ ଜାଣଇ ଆନ”- ଓଡିଶାର ଘରେ ଘରେ ପରିଚିତ ଯବନ କବି ସାଲବେଗଂକ ଏହି ଭାବପ୍ରବଣ ସ୍ବୀକାରୋକ୍ତି ଓଡିଶାର ସାଂସ୍କୃତିକ ଜୀବନରେ ନୂଆ ଏକ ଜୀବନବୋଧ ଓ ଚେତନା ଉଦ୍ରେକ କରିଥିଲା ।

ଧର୍ମ ସହିତ ମାନବୀୟ ମୂଲ୍ୟ ର ସହବନ୍ଧନ ସବୁବେଳେ ନୂତନ ସାଂସ୍କୃତିକ ଚେତନା ଜାଗ୍ରତ କରିଥାଏ।ରାଜନୈତିକ ପୃଷ୍ଠଭୂମି ରେ ହୁଏତ ଯବନମାନେ ଆକ୍ରମଣକାରୀ ବା ହିନ୍ଦୁ ବିରୋଧୀ, ହେଲେ ସାଂସ୍କୃତିକ ଜୀବନରେ ସେମାନଂକ ଅବଦାନକୁ ଓଡିଶାର ଲୋକେ ଅନାୟାସରେ ଆପଣାର କରିଛନ୍ତି।

ଇସ୍ଲାମ ର ପ୍ରଭାବରେ ଓଡିଶାର ଚଳଣୀ ଓ ଜୀବନଧାରରେ ଅନେକ ନୂଆ ଉପାଦାନ ଯୋଡି ହୋଇଯାଇଛି । ସେସବୁକୁ ଆଜି ଆଉ ଆମ ଜୀବନରୁ ଅଲଗା କରିହେବନାହିଁ ।

ଯେମିତି ସାଲବେଗଂକୁ ବାଦ ଦେଇ ଓଡିଆ ସାହିତ୍ୟର ଭକ୍ତି ଧାରାକୁ ଆକଳନ କରିହେବ ନାହିଁ, ସେମିତି କଟକର କଦମ୍ ରସୁଲ୍ କିମ୍ବା ଏରସମା କି କାଇପଦର ରେ ରହିଥିବା ସୁଫୀ ଫକୀର ମାନଂକ ଦରଘା ରୁ ହିନ୍ଦୁ ଭକ୍ତ ମାନଂକୁ ଅଲଗା କରିହେବ ନାହିଁ ।

୪୦୦ ବର୍ଷ ଧରି ଓଡିଶା ସହ ଇସ୍ଲାମ୍ ର ଗଭୀର ସମ୍ପର୍କ ରହିଥିଲେ ମଧ୍ୟ, ଓଡିଶାରେ ମୁସ୍ଲିମଂକ ସଂଖ୍ୟା ମାତ୍ର ୨.୧୭%।

ତେବେ ଆମର ଧର୍ମ,ସଂସ୍କୃତି,ଖାଦ୍ୟ,ପୋଷାକ,ପ୍ରଦର୍ଶନକାରୀ କଳା ଓ ସଂଗୀତ ରେ ଇସ୍ଲାମ ର ପ୍ରଭାବ ରହିଛି । ଓଡିଶାରେ ହିନ୍ଦୁ ଓ ଇସ୍ଲାମ୍ ସଂସ୍କୃତିର ସମନ୍ବୟ ସମ୍ପର୍କରେ ଦଶଟି ମୌଳିକ ତଥ୍ୟ-
୧. ୧୫୬୮ ରେ ଆଫଗାନ୍ ଶାସକ ସୁଲେମାନ୍ କରାନୀ ସୂର୍ୟ ବଂଶର ରାଜା ମୁକୁନ୍ଦ ଦେବଂକୁ ପରାସ୍ତ କଲାପରେ ଓଡିଶାର ଉପକୂଳ ଅଂଚଳ ଆଫଗାନ ଶାସନାଧୀନ ରହିଲା।

ପ୍ରଶାସନିକ ଭାବରେ ଆଫଗାନ୍ ଶାସିତ ଅଂଚଳକୁ ମୋଗଲବନ୍ଦୀ ବୋଲି କୁହାଗଲା ।ଆଫଗାନଂକ ପରେ ୧୫୯୧ ରେ ମୋଗଲ୍ ମାନେ ଓଡିଶା ଅଧିକାର କଲେ ।

ମୋଗଲବନ୍ଦୀ ଅଂଚଳ ଇସ୍ଲାମ ଶାସନାଧୀନ ରହିଥିବାବେଳେ ଓଡିଶାର ଦକ୍ଷିଣ ଓ ପଶ୍ଚିମ ଭାଗରେ ଇସ୍ଲାମ ପ୍ରଶାସନର କୌଣସି ପ୍ରଭାବ ନଥିଲା ।

image
୨. ଇସ୍ଲାମ ସହିତ ଆମର ଖାଦ୍ୟ ଓ ପୋଷାକ କ୍ଷେତ୍ରରେ ଅନେକ ନୂଆ ପ୍ରୟୋଗ ଦେଖିବାକୁ ମିଳିଲା ।ଅଚକନ, ସଲବାର୍, ଶାଲ୍, ରୁମାଲ୍, ପାଇଜାମା ଇତ୍ୟାଦି ଆମ ଚଳଣୀ ଭିତରକୁ ଆସିଲା ।

ଧୋତି ଓ ଗାମୁଛାରେ ଗଂଜୀ ଓ ଜାମା ଯୋଡା ହେଲା । ପଗଡି ବଦଳରେ ଟୋପି ଆସିଲା।ଏପରିକି ଶ୍ରୀଜଗନ୍ନାଥ ସଂସ୍କୃତିରେ ତାମଯାନ ଭଳି ଶବ୍ଦର ବ୍ୟବହାର ଦେଖିବାକୁ ମିଳିଲା ।
୩. ଖାଦ୍ୟ ପାନୀୟ କ୍ଷେତ୍ରରେ ମଧ୍ୟ ଇସ୍ଲାମର ପ୍ରଛନ୍ନ ପ୍ରଭାବ ରହିଲା । ନୂଆ ଫଳ ଭାବରେ ବାଦାମ, ପିସ୍ତା, ଡାଳିମ୍ବ, ଅଂଗୁର, ସେଓ, ନାସପାତି ଇତ୍ୟାଦି ଆମ ଜୀବନକୁ ଆସିଲା ।

ରୋଷେଇ ଘରେ ପକବାନ୍ ଭଳି ଶବ୍ଦର ବ୍ୟବହାର ହେଲା। ପଲାଉ, ବିରିୟାନି,ରୋଟି, ଜିଲାବୀ, ହାଲୁଆ ଇତ୍ୟାଦି ରେ ଓଡିଆଂକ ରୁଚି ଆସିଲା ।

ଅନେକ ମସଲା ଜାତୀୟ ପଦାର୍ଥ ଯଥା- ଜାଫରାନ, ଜର୍ଦା ଇତ୍ୟାଦି ମଧ୍ୟ ଇସ୍ଲାମର ପ୍ରଭାବରୁ ଆମ ଜୀବନରେ ପ୍ରବେଶ କଲା ।

image
୪. ମନ୍ଦିର ସ୍ଥାପତ୍ୟର ଉତ୍କର୍ଷ ଭୂମି ଓଡିଶାରେ ୧୬୦୦ ରୁ ୧୮୦୦ ଭିତରେ ଅନେକ ମସଜିଦ୍, ଦରଘା ଓ ମଜାର ଇତ୍ୟାଦି ଗଢି ଉଠିଲା । ୧୬ଶ ଶତାବ୍ଦୀରେ କଟକର ଜାମା ମସଜିଦ୍,ଫତେ ଖାନ୍ ରେହେମାନ୍ ମସଜିଦ୍ ଓ କଦମ୍ ରସୁଲ୍ ଗଢି ଉଠିଲା ।

କଦମ୍ ରସୁଲ୍ ରେ ମହାପୁରୁଷ ମହମ୍ମଦଂକ ପବିତ୍ର ପାଦ ଚିହ୍ନ ଉଭୟ ହିନ୍ଦୁ ଓ ମୁସଲମାନଂକ ଦ୍ବାରା ପୂଜା ପାଇଥାନ୍ତି ।
୫. ସୁଫୀ ସଂସ୍କୃତି ଓଡିଶାରେ ନିଜର ପ୍ରଭାବ ବିସ୍ତାର କରିବା ସହିତ ଏହା ଉଭୟ ହିନ୍ଦୁ ଓ ମୁସଲମାନଂକୁ ଭକ୍ତି ମାର୍ଗରେ ଅନୁପ୍ରେରିତ କରିଥିଲା।

ସୁଫୀ ସନ୍ଥ ଓ ପୀର ମାନନ୍କର ଅନେକ ଦରଘା ଓ ମଜାରରେ ହିନ୍ଦୁ ମାନେ ମନସ୍କାମନା ପୂରଣ ଲାଗି ମଥା ଟେକିଥାଆନ୍ତି।
୬. ଓଡିଶାର କେତୋଟି ପ୍ରସିଦ୍ଧ ପୀର ପୀଠ ହେଉଛି ବାଲେଶ୍ବରର ଭୁଜାଖିଆ ପୀର,କଟକର କଦମ୍- ଇ- ରସୁଲ୍, ସମ୍ବଲପୁରର ନୁର୍ ବିବି ମଜାର, ସୋନପୁର୍ ଜିଲା ତରଭାରେ ରହିଥିବା ଅବଦୁଲ୍ ଶକୁର୍ ଦରଘା, ଅସ୍ତରଂଗର ଜହାନିଆ ପୀର, କାଇପଦର ର ବୋଖାରୀ ବାବା ଇତ୍ୟାଦି ବେଶ୍ ପ୍ରସିଦ୍ଧ ।
୭. ମହରମ୍ କୁ ହିନ୍ଦୁ ଓ ଇସ୍ଲାମ୍ ର ମିଳନ ପର୍ବ ଭାବରେ ଓଡିଶାର ବିଭିନ୍ନ ପ୍ରାନ୍ତରେ ପାଳନ କରାଯାଇଥାଏ। ବହୁ ହିନ୍ଦୁ ମହରମରେ ତାଜିଆ ଶୋଭାଯାତ୍ରାରେ ସାମିଲ୍ ହୁଅନ୍ତି । ଅନେକ ହିନ୍ଦୁ ନିଜେ ତାଜିଆ ବାହାର ମଧ୍ୟ କରନ୍ତି ।

image
୮. ଇସ୍ଲାମ୍ ଓ ହିନ୍ଦୁ ଆଧ୍ୟାତ୍ମିକ ଚେତନାର ସବୁଠୁ ବଡ ମିଳନ ମଂଚ ହେଉଛି ସତ୍ୟନାରାୟଣ ପାଲା ବା ସତ୍ୟପୀର ପାଲା। ସତ୍ୟପୀର ହେଉଛନ୍ତି ହିନ୍ଦୁଂକ ଲାଗି ସତ୍ୟନାରାୟଣ ଓ ମୁସଲମାନଂକ ଲାଗି ପୀର ।

ଓଡିଶାରେ ସତ୍ୟପୀର ପାଲା ବିନା କୌଣସି ଶୁଭ କାର୍ୟ ସମ୍ପନ୍ନ ହୁଏନାହିଁ । ପାଲାରେ ହିନ୍ଦୁ ଓ ଇସ୍ଲାମର ମାନବୀୟ ଆଅଧ୍ୟାତ୍ମିକତା ଏକୀଭୁତ ହୋଇଯାଏ ।
୯. ଭଦ୍ରଖରେ ଆଉ ଜଣେ ବୈଷ୍ଣବ ବଂଶୀ ବଲ୍ଲଭ ଗୋସ୍ବାମୀ “ମୋଗଲ୍ ତାମଶା” ର ସୂତ୍ରଧର । ହିନ୍ଦୁ ଓ ମୁସଲମାନ୍ ସାମ୍ପ୍ରଦାୟିକ ସହଯୋଗର ଏହା ଏକ ସୁନ୍ଦର ତାମଶା ।
୧୦. ଓଡିଶାର ବହୁ ଗାଁ ରେ ହିନ୍ଦୁ ମୁଖିଆ ବା ଗୌନ୍ତିଆ ମାନେ ରଥଯାତ୍ରାରେ ଛେରା ପହଁରା କରିବାର ନଜିର୍ ରହିଛି ।

ସମ୍ବଲପୁର୍ ଜିଲାର ରେମୁଣା ଗାଁ ର ଗୌନ୍ତିଆ ମହମ୍ମଦ୍ ଜମିଉଲ୍ଲା ଓ ତାଂକର ପୁର୍ବ ପୁରୁଷ ଅନେକ ପିଢି ଧରି ଛେରା ପହଁରା କରି ଆସୁଛନ୍ତି ।

ଓଡିଶା ଡଟ କମ
ଓଡିଶା ଡଟ କମ

Filed Under: ଜଣା ଅଜଣା, ଧର୍ମ Tagged With: ଚେତନା, ଧର୍ମ ରେ ହୁଏତ ଯବନମାନେ ଆକ୍ରମଣକାରୀ ବା ହିନ୍ଦୁ ବିରୋଧୀ, ପର୍ଯ୍ୟଟକ, ପୃଷ୍ଠଭୂମି, ରାଜନୈତିକ, ସମ୍ବଲପୁର, ସାଂସ୍କୃତିକ, ହେଲେ ସାଂସ୍କୃତିକ ଜୀବନରେ ସେମାନଂକ ଅବଦାନକୁ

ବିଦେଶୀ ପର୍ଯ୍ୟଟକଙ୍କ ଉପରେ ଥିବା କଟକଣା ହଟାଇବା ପାଇଁ ବିଚାର

September 24, 2015 by ନିଉଜ ଡେସ୍କ Leave a Comment

ଓଡିଶା ଡଟ କମ ସଂବାଦ ଦାତା

ଭୁବନେଶ୍ଵର, ସେପ୍ଟେମ୍ବର ୨୪ (ଓଡିଶା ଡଟ କମ) ଓଡିଶାରେ  ବିଦେଶୀ ପର୍ଯ୍ୟଟକଙ୍କ ସଂଖ୍ୟା ହ୍ରାସ ପାଉଥିବାରୁ ଆଦିବାସୀ ଦୁର୍ଗମ  ଅଞ୍ଚଳ ଗସ୍ତ ଉପରେ ତାଙ୍କ ଉପରେ ଥିବା କଟକଣାକୁ ସରକାର ପୁନର୍ବିଚାର କରିବା ପାଇଁ ନିଷ୍ପତ୍ତି ନେଇଛନ୍ତି ।

ସେମାନେ ଯେଉଁଠାକୁ ଇଚ୍ଛାକରିବେ ସେଠାକୁ ଯାଇପାରିବେ ,ଦୁର୍ଗମ ବଣପାହାଡ ଠାରୁ ଆରମ୍ଭକରି ଅପହଞ୍ଚ ଆଦିବାସୀ ଅଧ୍ୟୁସିତ ଅଞ୍ଚଳ , ଏପରିକି ନକ୍ସଲ ପ୍ରବଣ ଅଞ୍ଚଳ ମଧ୍ୟ ଯେପରି ବୁଲିପାରିବେ ସେଥିପାଇଁ ସରକାର ବିଚାର କରୁଥିବା ପର୍ଯ୍ୟଟନ ବିଭାଗର ଜଣେ ଅଧିକାରୀ କହିଛନ୍ତି  ।

ଏପରିକି ସମ୍ପୃକ୍ତ ଅଞ୍ଚଳରେ ସେମାନେ ଯେପରି ରାତ୍ରି ଯାପନ କରିପାରିବେ ସେଥିପାଇଁ ଆବଶ୍ୟକ ସୁବିଧା ସୁଯୋଗ ବ୍ୟବସ୍ଥା ମଧ୍ୟ ସରକାରଙ୍କ ଦ୍ଵାରା କରାଯିବା ପ୍ରସ୍ତାବ ରହିଛି  ବୋଲି ସେ କହିଛନ୍ତି ।

ସୂଚନାଯୋଗ୍ୟ ଯେ, ୨୦୧୨ ମସିହାରେ ଜଣେ ଇଟାଲିୟ ପର୍ଯ୍ୟଟକ ଓ ତାଙ୍କ ସାଥୀଙ୍କୁ ନକ୍ସଲମାନେ ଅପହରଣ କରିନେବାପରେ , ବିଦେଶୀ ପର୍ଯ୍ୟଟକଙ୍କ ଆଦିବାସୀ ଅଧ୍ୟୁସିତ ତଥା ନକ୍ସଲ ପ୍ରବଣ ଅଞ୍ଚଳରେ ମୁକ୍ତ ଗମନାଗମନ ଉପରେ ରାଜ୍ୟ ସରକାର କଟକଣା ଜାରି କରିଥିଲେ ।

ପର୍ଯ୍ୟଟନ ବିଭାଗ ସୂତ୍ରରୁ ପ୍ରକାଶ ଯେ ଓଡିଶାକୁ ଉକ୍ତ ବର୍ଷ ୧୮୩୪ ପର୍ଯ୍ୟଟକ ଆସିଥିବା ବେଳେ ୨୦୧୩ ମସିହାରେ ୧୭୦୬ ଜଣ, ୨୦୧୪ ରେ ୧୧୮୪ ଜଣ ପର୍ଯ୍ୟଟକ ଆସିଛନ୍ତି ।

ଆମେରିକା,ଫ୍ରାନ୍ସ,ଇଟାଲି, ଅଷ୍ଟ୍ରେଲିଆ, ସ୍ପେନ,ମାଲେସିଆ ,କାନଡା ଇତ୍ୟାଦି ସ୍ଥାନରୁ ଆସୁଥିବା ଏହି ବିଦେଶୀ ପର୍ଯ୍ୟଟକ ମାନଙ୍କର ମୂଖ୍ୟ ଆକର୍ଷଣ ହେଉଛି ଦୁର୍ଗମ ଅଞ୍ଚଳରେ ପର୍ବତାରୋହଣ, ଦୁଃସାହାସିକ ଯାତ୍ରା ଓ ଜନଜାତିଙ୍କ ମଧ୍ୟରେ ସମୟ ଅତିବାହିତ କରିବା ।

ତେବେ ଏହି ଅଞ୍ଚଳରେ ଗମନାଗମନକୁ ନେଇ ଲଗାଯାଇଥିବା ପ୍ରତିବନ୍ଧକ ଯୋଗୁଁ ରାଜ୍ୟରେ ବିଦେଶୀ ପର୍ଯ୍ୟଟକଙ୍କ ସଂଖ୍ୟା ଅନ୍ୟ ରାଜ୍ୟ ତୁଳନାରେ କମିବାରେ ଲାଗିଥିବା ଅନୁମାନ କରାଯାଉଛି ।

ତେଣୁ ବିଦେଶୀ ପର୍ଯ୍ୟଟକଙ୍କ ସଂଖ୍ୟା ବୃଦ୍ଧି କରିବାପାଇଁ ଏହିପରି ଏକ ନିଷ୍ପତି ନିଆଯିବାପାଇଁ ବିଚାର କରାଯାଉଛି  ବୋଲି ପର୍ଯ୍ୟଟନ ବିଭାଗ ପକ୍ଷରୁ କୁହାଯାଇଛି ।
ଏଥିପାଇଁ ଗୃହ ବିଭାଗ ପ୍ରମୁ୍ଖଙ୍କ ଅଧ୍ୟକ୍ଷତାରେ ଏକ କମିଟି ଗଠନ ହୋଇଥିବାବେଳେ ଉକ୍ତ କମିଟି ଅତି ଶିଘ୍ର ପ୍ରତିବନ୍ଧକ ଉଠାଇବାପାଇଁ ସୁପାରିସ କରିବ ।

ଓଡିଶା ଡଟ କମ

ନିଉଜ ଡେସ୍କ
ନିଉଜ ଡେସ୍କ

Filed Under: ପର୍ଯଟନ Tagged With: କଟକଣା, ପର୍ଯ୍ୟଟକ, ବିଦେଶୀ

ସ୍ଥାୟୀତ୍ଵ ଦାବିକରି ପର୍ଯ୍ୟଟନ ନିଗମ କର୍ମଚାରୀଙ୍କ ଆନ୍ଦୋଳନ ଧମକ

May 3, 2015 by News Bureau Leave a Comment

ଓଡିଶା ଡଟ କମ ସଂବାଦ ଦାତା

ଭୁବନେଶ୍ୱର,ମଇ ୩ (ଓଡିଶା ଡଟ କମ) ୨୫ ବର୍ଷ ଧରି ନିୟମିତ ଭାବେ କାର୍ଯ୍ୟ କରି ଆସୁଥିଲେବି ୨୭ ଜଣ ବିଭାଗୀୟ କର୍ମଚାରୀଙ୍କୁ ସରକାର ସ୍ଥାୟୀ କରୁନଥିବାରୁ ଏହା ବିରୁଦ୍ଧରେ ଆନ୍ଦୋଳନ କରିବା ପାଇଁ ଓଡିଶା ପର୍ଯ୍ୟଟନ ଉନ୍ନୟନ ନିଗମ ଶ୍ରମିକ ସଂଘ ଧମକ ଦେଇଛି ।

୧୯୮୦ ମସିହାରେ ରାଜ୍ୟସରକାର ଦର୍ଶନୀୟସ୍ଥାନ ମାନଙ୍କରେ ପର୍ଯ୍ୟଟକମାନଙ୍କ ଭ୍ରମଣ, ରହିବା ଓ ଆନୁଷଙ୍ଗିକ ବ୍ୟବସ୍ଥା ପାଇଁ ଓଡିଶା ପର୍ଯ୍ୟଟନ ଉନ୍ନୟନ ନିଗମ ସଂସ୍ଥା ଗଠନ କରିଥିଲେ । ଏଥିପାଇଁ ସାରା ରାଜ୍ୟର ବିଭିନ୍ନ ସ୍ଥାନରେ ପ୍ରାୟ ୨୬ ଟି ଶାଖା ଖୋଲଯାଇଥିଲା ଓ ସେଥିରେ ପ୍ରାୟ ୫୦୦ରୁ ଉର୍ଦ୍ଧ ଶ୍ରମିକ କର୍ମଚାରୀ କାମ କରୁଥିବା ସଂଘ କହିଛି ।

ତେବେ ୨୭ଜଣ କର୍ମଚାରୀ ଲଗାତର ଭାବରେ୨୫ ବର୍ଷଧରି କାର୍ଯ୍ୟକରୁ ଥିଲେ ମଧ୍ୟ ନା ସେମାନଙ୍କୁ ନା ସ୍ଥାୟୀ କରାଯାଇଛି ନା ସେମାନଙ୍କୁ ସ୍ଥାୟୀ କର୍ମଚାରୀଙ୍କର ସୁବିଧା ସୁଯୋଗ ଦିଆଯାଇଛି । ସେମାନଙ୍କର ମହଙ୍ଗାଭତ୍ତା୨୦୧୨ ମସିହାରୁ ବାକି ରହିଛି। କାର୍ଯ୍ୟ ସମୟରେ ୧୮ଜଣ ଶ୍ରମିକ ମୃତ୍ୟୁବରଣ କରିଥିଲେ ମଧ୍ୟ ତାଙ୍କ ପରିବାରର କାହାକୁ ହେଲେ ନିଯୁକ୍ତି ମିଳିନାହିଁ ।

ରାଜ୍ୟ ସରକାରଙ୍କ ଅନ୍ୟ ସଂସ୍ଥାମାନଙ୍କରେ କର୍ମଚାରୀମାନଙ୍କ ପାଇଁ ପେନସନ ବ୍ୟବସ୍ଥା ଥିଲାବେଳେ ପର୍ଯ୍ୟଟନ ନିଗମ କର୍ମଚାରୀମାନେ ସେଥିରୁ ବଞ୍ଚିତ । ଗୁପ୍ତ ଭୋଟ ଜରିଆରେ ସଂଗଠନ ସ୍ଵୀକୃତିପାଇଁ ଶ୍ରମ କମିଶନର ନୋଟିସ କରିଥିଲେ ମଧ୍ୟ ନିଗମ କର୍ତ୍ତୁପକ୍ଷ ବେଖାତିର କରି ଚାଲିଥିବା ସଂଘ ଅଭିଯୋଗ କରିଛି ।

ଦୁର୍ନୀତି ରୋକିବାପାଇଁ କର୍ତ୍ତୁପକ୍ଷ ଓ କର୍ମଚାରୀ ସଂଗଠନ ପ୍ରତିନିଧୀଙ୍କୁ ନେଇ ଏକ କମିଟି ଗଠନ ହୋଇଥିଲେ ମଧ୍ୟ ତାହା ଆଉ କାର୍ଯ୍ୟ କରୁନାହିଁ । ନିଗମରେ ଦୁର୍ନୀତି ଦିନକୁ ଦିନ ବଢୁଥିବା ବେଳେ ଷଡଯନ୍ତ୍ର କରି ଶ୍ରମିକମାନଙ୍କୁ ଶୋଷଣ କରାଯାଉଛି ।

ଏପରି ପରିସ୍ଥିତିରେ ଶ୍ରମିକ ଓ  କର୍ମଚାରୀଙ୍କ ସ୍ଵାର୍ଥରକ୍ଷା ପାଇଁ ସଂଗଠନ ତରଫରୁ ୧୨ ଦଫା ସମ୍ବଳିତ ଦାବିପତ୍ର କର୍ତ୍ତୁପକ୍ଷଙ୍କ ସମେତ ଶ୍ରମ ବିଭାଗକୁ ପ୍ରଦାନ କରାଯାଇ ତୁରନ୍ତ ଚୁକ୍ତିନାମା କରିବାକୁ ନିବେଦନ କରଯାଇଥିଲେ ସୁଦ୍ଧା କର୍ତ୍ତୁପକ୍ଷଙ୍କର ଏହାଉପରେ ନୀରବତା ଶ୍ରମିକମାନଙ୍କ ମନରୁ ବିଶ୍ଵାସ ହରାଇ ସାରିଛି ।

ନିକଟ ଭବିଷ୍ୟତରେ ଯଦି ଶ୍ରମିକ ଓ କର୍ମଚାରୀମାନଙ୍କର ସୁବିଧା ସୁଯୋଗପ୍ରତି ଦ୍ରୁଷ୍ଟି ଦିଅ ନ ଯାଏ ତେବେ ଆନ୍ଦୋଳନାତ୍ମକ କାର୍ଯ୍ୟକ୍ରମ ଗ୍ରହଣ କରାଯିବ ବୋଲି ସଂଗଠନ ସାଧାରଣ ସଂମ୍ପାଦକ ଲକ୍ଷ୍ମୀଧର ବାରିକ ଓ ସଭାପତି ନବକିଶୋର ମହାନ୍ତି ଏକ ପ୍ରେସ ବିବୃତ୍ତିରେ ଜଣାଇଛନ୍ତି।

ଓଡିଶା ଡଟ କମ

News Bureau
News Bureau

Filed Under: ପର୍ଯଟନ, ସଭା ସମିତି Tagged With: ପର୍ଯ୍ୟଟକ, ଭୁବନେଶ୍ୱର

ପର୍ଯ୍ୟଟକଙ୍କ ପାଇଁ ଖୋଲିଲା ଭିତରକନିକା

January 20, 2013 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ଜାନୁଆରୀ,୨୦(ଓଡିଶା ଡଟ୍ କମ୍ )-ପର୍ଯ୍ୟଟକଙ୍କ ପାଇଁ ଖୁସିର ଖବର । ୧୧ଦିନ ବନ୍ଦ ରହିବାପରେ ସୋମବାର ଖୋଲିବ ବିଶ୍ୱପ୍ରସିଦ୍ଧ ଭିତରକନିକା ଅଭୟାରଣ୍ୟ । ଯିଏକି ପର୍ଯ୍ୟଟନ କ୍ଷେତ୍ରରେ ବିଶ୍ୱରେ ଏକ ସ୍ୱତନ୍ତ୍ର ସ୍ଥାନ ଅଧିକାର କରିଛି ।

କିନ୍ତୁ ଏବେ ପର୍ଯ୍ୟଟକଙ୍କ ପାଇଁ କିଛି କଟକଣା ଲଗାଯାଇଛି । ଏହି ଜାତୀୟ ଉଦ୍ୟାନରେ ପ୍ରବେଶ କରିବା ପାଇଁ ଫଟୋ ପରିଚୟ ପତ୍ର ଏବେ ବାଧ୍ୟତାମୂଳକ । ସ୍କୁଲ ପିଲାମାନେ ଆଇଡିଂଟି କାର୍ଡ ଦେଖାଇଲେ ଚଳିବ । ପର୍ଯ୍ୟଟକମାନେ ଦିନରେ ବୁଲିବେ । କାରଣ ଏବେ ଡାଙ୍ଗମାଳରେ ରାତ୍ରୀ ରହଣିକୁ ବାରଣ କରାଯାଇଛି ବୋଲି ରାଜନଗର ଡିଏଫ୍ଓ ମନୋଜ କୁମାର ମହାପାତ୍ର କହିଛନ୍ତି ।

ସୂଚନା ଯୋଗ୍ୟ ଯେ,ଶହଶହ ପର୍ଯ୍ୟଟକ ଏଠାକୁ ଦୈନିକ ଆସୁଥିବାବେଳେ ୯ ତାରିଖ ରାତ୍ରିରେ କିଛି ମଦ୍ୟପ ଯୁବକ ଗଣ୍ଡଗୋଳ କରିବା ସହ ବନକର୍ମଚାରୀଙ୍କୁ ମାଡ଼ ମାରିଥିବା ହେତୁ ଡାଙ୍ଗମାଳ ଅଞ୍ଚଳରେ ଉତେଜନା ଦେଖାଦେଇଥିଲା । ଫଳରେ ବନ ବିଭାଗ ଭିତରକନିକାକ ବନ୍ଦ ରଖି ଥିଲେ ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ଜାତୀୟ ଉଦ୍ୟାନ, ପର୍ଯ୍ୟଟକ, ଫଟୋ ପରିଚୟ, ଭିତରକନିକା

ଭିତରକନିକା ଅନିର୍ଦିଷ୍ଟ କାଳ ପର୍ଯ୍ୟନ୍ତ ବନ୍ଦ

January 13, 2013 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

କେନ୍ଦ୍ରାପଡା, ଜାନୁଆରୀ ୧୩(ଓଡିଶା ଡଟ୍ କମ୍)-ମଦ୍ୟପ ଯୁବକ ଗଣ୍ଡଗୋଳ କରି ବନକର୍ମଚାରୀଙ୍କୁ ମାଡ଼ ମାରିଥିବା ହେତୁ ଡାଙ୍ଗମାଳ ଅଞ୍ଚଳରେ ଉତ୍ତେଜନା ଲାଗିରହିଛି । ଏଥିପାଇଁ ବାଧ୍ୟହୋଇ ଭିତରକନିକା ଅଭୟାରଣ୍ୟକୁ ପର୍ଯ୍ୟଟକଙ୍କ ପାଇଁ ବନ୍ଦ କରାଯାଇଛି ବୋଲି ବନଖଣ୍ଡ ଅଧିକାରୀ ମନୋଜ ମହାପାତ୍ର ସୂଚନା ଦେଇଛନ୍ତି ।

Bhitarkanika

ସେ କହିଛନ୍ତି ପରିସ୍ଥିତି ସୁଧୁରିଲେ ପର୍ଯ୍ୟଟକଙ୍କ ପାଇଁ ପୁଣି ଭିତରକନିକା ଖୋଲା ରହିବ । ସୂଚନା ଯୋଗ୍ୟ ଯେ,ବିଶ୍ୱପ୍ରସିଦ୍ଧ ଭିତରକନିକା ଅଭୟାରଣ୍ୟ ପର୍ଯ୍ୟଟନ କ୍ଷେତ୍ରରେ ବିଶ୍ୱରେ ଏକ ସ୍ୱତନ୍ତ୍ର ସ୍ଥାନ ଅଧିକାର କରିଛି ।

ମାତ୍ର ତିନିଦିନ ହେଲା ଶହ ଶହ ପର୍ଯ୍ୟଟକ ଭିତରକନିକା ବନ୍ଦ ହେବା ଜାଣିନପାରି ନିରାଶରେ ଫେରୁଛନ୍ତି । ଫେରୁଥିବାରୁ ସେମାନଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ଶହଶହ ପର୍ଯ୍ୟଟକ ଏଠାକୁ ଦୈନିକ ଆସୁଥିବାବେଳେ ୯ ତାରିଖ ରାତ୍ରିରେ କିଛି ମଦ୍ୟପ ଯୁବକ ଗଣ୍ଡଗୋଳ କରିବା ସହ ବନକର୍ମଚାରୀଙ୍କୁ ମାଡ଼ ମାରିଥିଲେ ।

ଫଳରେ ବନ ବିଭାଗ ଭିତରକନିକାକୁ ଅନିର୍ଦିଷ୍ଟ କାଳ ପର୍ଯ୍ୟନ୍ତ ବନ୍ଦ ରଖିଛନ୍ତି । ଗଣ୍ଡଗୋଳ କରିଥିବା ଯୁବକଙ୍କୁ କୋର୍ଟଚାଲାଣ କରାଯାଇଥିବାବେଳେ ଏହାକୁ ନେଇ ସ୍ଥାନୀୟ ଅଞ୍ଚଳରେ ପ୍ରବଳ ଉତ୍ତେଜନା ଲାଗି ରହିଛି ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ଅଭୟାରଣ୍ୟ, ଗଣ୍ଡଗୋଳ, ପର୍ଯ୍ୟଟକ, ଭିତରକନିକା

ପର୍ଯ୍ୟଟକଙ୍କ ଲାଗି ଖୋଲିଲା ଶିମିଳିପାଳ ଅଭୟାରଣ୍ୟ

November 9, 2012 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବାରିପଦା, ନଭେମ୍ବର ୯(ଓଡ଼ିଶା ଡ଼ଟ୍ କମ୍)-ପର୍ଯ୍ୟଟକଙ୍କ ଲାଗି ଶୁକ୍ରବାର ଦିନ ଠାରୁ ଖୋଲିଛି ଶିମିଳିପାଳ ଅଭୟାରଣ୍ୟ । ଆଗରୁ କେବଳ ଏଠାରେ ହାତୀ ମାନଙ୍କୁ ଦେଖିବାକୁ ମିଳୁଥିଲା । କିନ୍ତୁ ଏବେ ହାତୀ ପିଠିରେ ବସିବାର ସୁଯୋଗ ନେଇ ପାରିବେ ।

ଶିମିଳିପାଳର ପ୍ରାକୃତିକ ସୌନ୍ଦର୍ଯ୍ୟକୁ ଉପଭୋଗ କରିବା ପାଇଁ ଶୀତଋତୁରେ ଅଧିକ ପର୍ଯ୍ୟଟକ ଆସୁଥିବାରୁ ଅଭୟାରଣ୍ୟ ତଥା ବ୍ୟାଘ୍ର ସଂରକ୍ଷଣ ପ୍ରକଳ୍ପ କତୃପକ୍ଷକଙ୍କ ତରଫରୁ ବ୍ୟାପକ ବ୍ୟବସ୍ଥା କରାଯାଇଛି ।

ପର୍ଯ୍ୟଟକମାନେ ଅଭୟାରଣ୍ୟକୁ ବାରିପଦା ପଟୁ ପିଠାପଟା ଗେଟ, ଯଶୀପୁର ପଟୁ ଜାମୁଆଣି ଗେଟଦେଇ ଯିବାଆସିବା କରିପାରିବେ । ସକାଳ ୬ ଟାରୁ ୯ ଟା ପର୍ଯ୍ୟନ୍ତ ଅଭୟାରଣ୍ୟ ଭିତରକୁ ପ୍ରବେଶ କରିବା ପାଇଁ ଗେଟ୍ ଖୋଲା ରହିବ । ପର୍ଯ୍ୟଟକଙ୍କ ସୁରକ୍ଷା ପାଇଁ ପ୍ରତ୍ୟେକ ଗାଡିରେ ଜଣେ ଜଣେ ଗାଇଡ ରହିବେ ।

ନିକଟରେ ଯୋରନ୍ଦା,ବରେଇପାଣି ଭଳି ଜଳପ୍ରପାତ ଏବଂ ଗୁଡୁଗୁଡିଆ ଠାରେ ବିଭିନ୍ନ ପଶୁପକ୍ଷୀଙ୍କୁ ଦେଖିବାର ସୁଯୋଗ ପାଇ ପାରିବେ । ପର୍ଯ୍ୟଟକଙ୍କ ରହଣି ପାଇଁ ଗୁଡୁଗୁଡିଆ,ଯାମୁଣିଆ ଓ ରାମତୀର୍ଥ ଠାରେ ବ୍ୟବସ୍ଥା ରହିଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର, ପର୍ଯଟନ Tagged With: ପର୍ଯ୍ୟଟକ, ଶିମିଳିପାଳ ଅଭୟାରଣ୍ୟ

କନିକା ରାଜବଂଶର ସ୍ମୃତି ସନ୍ତକ ମାଟିରେ ମିଶିବ !

September 11, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାଜକନିକା,ସେପ୍ଟେମ୍ବର ୧୧(ଓଡ଼ିଶା ଡ଼ଟ୍ କମ୍)- ରକ୍ଷଣାବେକ୍ଷଣ ଅଭାବରୁ ନଷ୍ଟ ହେଉଛି କନିକା ରାଜବଂଶର ଐତିହ୍ୟ ରାଣୀ କୋଠି । ବନ୍ଦ କୋଠରିକୁ ଘେରି ରହିଛି ଗଛ ଲତା । ଘର ଗୁଡ଼ିକ ଅନେକଦିନ ବନ୍ଦ ରହିବାରୁ ଧୀରେ ଧୀରେ ଭାଙ୍ଗିବାରେ ଲାଗିଛି ।

ଦେଶ ବିଦେଶର ବହୁ ପର୍ଯ୍ୟଟକ ବର୍ଷସାରା ଏହି ରାଜପ୍ରାସାଦ ପରିଭ୍ରମଣରେ ଆସୁଛନ୍ତି ; ହେଲେ ଏଭଳି ବିପଦପୂର୍ଣ୍ଣ କୋଠି ପର୍ଯ୍ୟଟକଙ୍କୁ ନିରାଶ କରୁଛି । ଦୀର୍ଘଦିନ ହେବ ମରାମତି ହେଉନାହିଁ । ଏହାର ତୁରନ୍ତ ମରାମତି ହେବା ଆବଶ୍ୟକ ବୋଲି ଦାବି ହେଉଛି । ନଚେତ ଆଉ ଅଧିକ ସମୟ ଲାଗିବ ନାହିଁ କନିକା ରାଜବଂଶର ସ୍ମୃତି ସନ୍ତକ ମାଟିରେ ମିଶିଯିବାକୁ ।

କନିକା ରାଜା ରାଜେନ୍ଦ୍ରନାରାୟଣ ଭଞ୍ଜ ଦେଓ ୧୯୦୯ରେ କନିକା ରାଜପ୍ରସାଦ ନିର୍ମାଣ କରିଥିଲେ । ଏଥିରେ କନିକା ରାଣୀ ରାଜରାଜେଶ୍ୱରୀ ଏବଂ ମଞ୍ଜୁଳା ଦେବୀ ଅବସ୍ଥାନ କରୁଥିଲେ । ରାଜପ୍ରାସାଦର ମଧ୍ୟଭାଗରେ ଏହି ରାଣୀ କୋଠି ଅବସ୍ଥିତ । କନିକା ରାଜବଂଶର ରାଜା ଶୈଳେନ୍ଦ୍ର ନାରାୟଣ ଭଞ୍ଜଦେଓଙ୍କ ପୁଅ ଜ୍ୟୋତିନ୍ଦ୍ର ନାରାୟଣ ଭଞ୍ଜଦେବଙ୍କ ଅଂଶୀଦାରରେ ଏହି କୋଠି ରହିଛି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: କନିକା ରାଜବଂଶ, ପର୍ଯ୍ୟଟକ

ପର୍ଯ୍ୟଟକଙ୍କ ପାଇଁ ରେଳ,ବିମାନ ଯୋଗାଯୋଗର ଉନ୍ନତି ଦାବି

May 7, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନୂଆଦିଲ୍ଲୀ, ମଇ ୭(ଓଡ଼ିଶା ଡ଼ଟ୍ କମ୍) ରାଜ୍ୟରେ ବିଦେଶୀ ପର୍ଯଟକଙ୍କ ସୁବିଧା ନିମନ୍ତେ ରେଳ ଓ ବିମାନ ଯୋଗାଯୋଗର ଉନ୍ନତିକରଣ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ସରକାରଙ୍କ ନିକଟରେ ଦାବି କରିଛନ୍ତି ।

ସେ ସୋମବାର ନୂଆଦିଲ୍ଲୀ ଠାରେ କେନ୍ଦ୍ର ପର୍ଯ୍ୟଟନ ମନ୍ତ୍ରୀ ସୁବୋଧକାନ୍ତ ସହାୟଙ୍କୁ ସାକ୍ଷାତ କରି ଏ ସଂପର୍କରେ ଆଲୋଚନା କରିଛନ୍ତି ।

ଓଡ଼ିଶାକୁ ଦେଶ ବିଦେଶରୁ ବହୁ ବୈଦ୍ଧ ପର୍ଯ୍ୟଟକ ଆସିଥାନ୍ତି । କିନ୍ତୁ ରେଳ ଓ ବିମାନ ଯୋଗାଯୋଗର ଉନ୍ନତି ନହେବାରୁ ସେମାନଙ୍କ ସଂଖ୍ୟା ହ୍ରାସ ପାଉଛି ବୋଲି ନବୀନ କହିଛନ୍ତି ।

ତେଣୁ ରାଜ୍ୟରେ ଏହି ଯୋଗାଯୋଗ ବ୍ୟବସ୍ଥାରେ ଉନ୍ନତି ହେବା ଆବଶ୍ୟକ ବୋଲି ସେ କହିଛନ୍ତି । ଭୁବନେଶ୍ୱରରୁ ବାରଣାସୀ ମଧ୍ୟରେ ଚଳାଚଳ କରୁଥିବା ବିମାନ ୧୯୯୪ରୁ ବନ୍ଦ ହୋଇଯାଇଛି । ତେଣୁ ଏହାକୁ ପୁନଃ ପ୍ରଚଳନ ପାଇଁ ସେ ଦାବି କରିଥିଲେ ।

ଗୁରୁତ୍ୱପୂର୍ଣ୍ଣ ବୌଦ୍ଧ ପୀଠ ଗୁଡ଼ିକୁ ମହାରାଜା ଏକ୍ସପ୍ରେସ କ୍ଳାସିକାଲ ଇଣ୍ଡିଆ ଟ୍ରେନ୍ ଚଳାଚଳ, ବିହାର, ଉତ୍ତରପ୍ରଶେ ଓ ଦିଲ୍ଲୀ ମଧ୍ୟରେ ଚଳାଚଳ କରୁଥିବା ମହାପରୀ ନିର୍ବାଣ ସ୍ୱତନ୍ତ୍ର ଟ୍ରେନ୍ ମଧ୍ୟ ଓଡ଼ିଶାକୁ ଆସୁ ବୋଲି ସେ କହିଛନ୍ତି ।

ବଲାଙ୍ଗୀର ଠାରେ ଥିବା ଫୁଡ କ୍ରାପ୍ଟ ଇନଷ୍ଟିଚ୍ୟୁଟକୁ ରାଜ୍ୟ ହୋଟେଲ ପରିଚାଳନା ପ୍ରତିଷ୍ଠାନର ଉନ୍ନିତ ହେଉ । ଯାହାଦ୍ୱାରା ସେଠାରେ ଡିଗ୍ରୀ ପାଠ୍ୟକ୍ରମ ଆରମ୍ଭ ହୋଇପାରିବ ।

ଓଡ଼ିଶାର ବୌଦ୍ଧ ପୀଠ ଗୁଡ଼ିକ ନିମନ୍ତେ ଏକ ସ୍ୱତନ୍ତ୍ର ଟ୍ରେନ୍ ଚଳାଚଳ ନେଇ ରେଳ ମନ୍ତ୍ରଣାଳୟ ସହିତ ଆଲୋଚନା କରିବେ ବୋଲି ସହାୟ ପ୍ରତିଶ୍ରୁତି ଦେଇଛନ୍ତି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ପର୍ଯ୍ୟଟକ, ମୁଖ୍ୟମନ୍ତ୍ରୀ

ପର୍ଯ୍ୟଟକ ଅପହରଣ: ଆଭିମୁଖ୍ୟ ସ୍ପଷ୍ଟ କରିବାକୁ ଦାବି

April 8, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଅପ୍ରେଲ ୮(ଓଡ଼ିଶା ଡ଼ଟ୍ କମ୍) ଅପହୃତ ବିଦେଶୀ ପର୍ଯ୍ୟଟକଙ୍କ ମୁକ୍ତି ପାଇଁ ଦିଆଯାଇଥିବା ୧୩ ଦଫା ଦାବି ସଂପର୍କରେ

ସରକାର ତାଙ୍କର ଅଭିମୁଖ୍ୟ ସ୍ପଷ୍ଟ କରନ୍ତୁ ବୋଲି ମାଓନେତା ସବ୍ୟସାଚୀ ପଣ୍ଡା ରବିବାର ଏକ ଅଡ଼ିଓ ଟେପ୍ ମାଧ୍ୟମରେ ଜଣାଇଛନ୍ତି ।

ସରକାର ପ୍ରଥମେ ୬ଜଣଙ୍କୁ ଛାଡ଼ିବାକୁ ରାଜି ହୋଇଥିବା ଗଣମାଧ୍ୟମକୁ କହିଥିବା ବେଳେ ପୁଣି ଶନିବାର ଏହା ବଳରେ ୫ଜଣକୁ ଖଲାସ କରିବାକୁ କହିଛନ୍ତି ଯାହା ଗ୍ରହଣୀୟ ନୁହେଁ ।

ଦାବି ଗୁଡ଼ିକ ମଧ୍ୟରୁ କେତୋଟି ସରକାର ଗ୍ରହଣ କରୁଛନ୍ତି, ତାହା ଜଣାଇ ନାହାନ୍ତି ବୋଲି ସେ ଉକ୍ତ ଟେପ୍ରେ ଉଲ୍ଲେଖ କରିବା ସହ

ମାଓବାଦୀ ସଂଗଠନ ଉପରେ ଲଗାଯାଇଥିବା ନିଷେଧାଜ୍ଞା ନେଇ ସେ ପ୍ରଶ୍ନ ଉଠାଇଛନ୍ତି । ଏହି ଟେପ୍ ସଂପର୍କରେ ଜାଣିବା ପରେ ମୁଖ୍ୟମନ୍ତ୍ରୀ ଏକ ଉଚ୍ଚସ୍ତରୀୟ ବୈଠକରେ ସ୍ଥିତିର ସମୀକ୍ଷା କରିଛନ୍ତି ।

ସେହିପରି ଲକ୍ଷ୍ମୀପୁର ବିଧାୟକ ଝିନ ହିକକାଙ୍କ ମୁକ୍ତି ପାଇଁ ଆନ୍ଧ୍ର-ଓଡିଶା ବର୍ଡର ସ୍ପେଶାଲ କମିଟିର ମୁଖପାତ୍ର ଜଗବନ୍ଧୁ ରବିବାର ତେଲୁଗୁରେ ଲିଖିତ ଏକ ଚିଠି ପଠାଇଛନ୍ତି ।

ଘୋଷଣା ଅନୁଯାୟୀ ବନ୍ଦୀ ମାନଙ୍କୁ ନାରାୟଣପାଟଣା ନିକଟ ବାଲିପେଟାଠାରେ ପହଂଚାଇବା ପରେ ବିଧାୟକଙ୍କୁ ମାଓ ମଧ୍ୟସ୍ଥି

ଦଣ୍ଡପାଣି ମହାନ୍ତି, ବିଡି ଶର୍ମା, ଚାଷୀ-ମୂଲିଆ ଆଦିବାସୀ ସଂଘର ଓକିଲ ନିହାର ରଞ୍ଜନ ପଟ୍ଟନାୟକ, ବିଧାୟକଙ୍କ ପରିବାର ଲୋକଙ୍କ ଉପସ୍ଥିତିରେ ହସ୍ତାନ୍ତର କରାଯିବ ବୋଲି ଏଥିରେ ଉଲ୍ଲେଖ କରାଯାଇଛି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ଅପହୃତ ବିଦେଶୀ, ପର୍ଯ୍ୟଟକ

  • Go to page 1
  • Go to page 2
  • Go to page 3
  • Go to page 4
  • Go to Next Page »

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ